imedi /  06 ივლისი 2020, 16:55 / სანდო წყარო

ოთარ დანელიას ხელმძღვანელობით გამართულ აგრარულ საკითხთა კომიტეტის სხდომაზე რამდენიმე საკითხი განიხილეს

აგრარულ საკითხთა კომიტეტის სხდომაზე, რომელსაც კომიტეტის თავმჯდომარე ოთარ დანელია უძღვებოდა, ერთი სარატიფიკაციო დოკუმენტი განიხილეს და გარემოს დაცვისა და სოფლის მეურნეობის სამინისტროს სისტემაში შემავალი ორი უწყების საქმიანობის შესახებ ინფორმაცია მოისმინეს.

ფინანსთა მინისტრის მოადგილემ, გიორგი კაკაურიძემ საქართველოს მთავრობის მიერ რატიფიცირებისათვის წარმოდგენილი „2014 წლის 21 ნოემბრის „საქართველოსა და საერთაშორისო განვითარების ასოციაციას (IDA) შორის დაფინანსების ხელშეკრულების (ირიგაციისა და მიწის ბაზრის განვითარების პროექტი)“ ცვლილება“ გამოიტანა და კანონმდებლებს მოკლე ინფორმაცია მიაწოდა ამ საკითხთან დაკავშირებით.

საქართველოსა და საერთაშორისო განვითარების ასოციაციას (IDA) შორის „ირიგაციისა და მიწის ბაზრის განვითარების პროექტის“ 2014 წლის დაფინანსების ხელშეკრულებით, დაახლოებით 50 მლნ აშშ დოლარი გამოიყო პროექტის დაფინანსებისათვის, რომელსაც ორი ძირითადი კომპონენტი აქვს: ირიგაციისა და დრენაჟის სისტემების გაუმჯობესება; მიწის ბაზრის განვითარება.

ირიგაციისა და დრენაჟის სისტემების გაუმჯობესების კომპონენტი მოიცავს ქვემო სამგორის, ტბისი-კუმისის და ზედა რუს საირიგაციო არხების რეაბილიტაციას. ეს საქმიანობა ფაქტობრივად დასრულებულია ახლა კი მიმდინარეობს ამ სამი არხის შიდა ქსელების რეაბილიტაცია.

რაც შეეხება მიწის ბაზრის განვითარების კომპონენტს, იგი ითვალისწინებს 12 საპილოტე არეალზე მიწის სისტემური რეგისტრაციის განხორციელებას და მიღებული გამოცდილების საფუძველზე, მიწის რეგისტრაციის ეროვნული პროგრამის წესებისა და პროცედურების შემუშავებას. არსებული ინფორმაციით, თორმეტივე საპილოტე არეალში დასრულდა აზომვითი სამუშაოები და მიმდინარეობს რეგისტრაციის პროცესი.

ფინანსთა მინისტრის მოადგილის ინფორმაციით, წარმოდგენილი ცვლილებებით ხდება 18,2 მილიონი ევროს გამოყოფა, საიდანაც 8,5 მლნ გათვლილია რეაბილიტირებული სარწყავი სისტემების შიდა ქსელების სარეაბილიტაციო სამუშაოებისათვის, ხოლო 9,6 მლნ სარწყავი არხების საირიგაციო არეალზე მიწის სისტემური რეგისტრაციის განხორციელებისთვის.

მელიორაციის ნაწილში პროექტის განმახორციელებელი იქნება გარემოს დაცვისა და სოფლის მეურნეობის სამინისტრო, ხოლო მიწის რეგისტრაციის ნაწილში - იუსტიციის სამინისტრო.

სესხის ოდენობა 18,2 მილიონი ევროა, სესხის ხანგრძლივობა 23 წელი, რომელთაგან 16 წელი შეღავათიანია.

კომიტეტმა ერთხმად დაუჭირა მხარი წარმოდგენილ სარატიფიკაციო დოკუმენტს.

ინფორმაცია გარემოს დაცვისა და სოფლის მეურნეობის სამინისტროს სსიპ სოფლის მეურნეობის სამეცნიერო-კვლევითი ცენტრის მიერ გაწეული საქმიანობის შესახებ ამავე ცენტრის დირექტორმა, ლევან უჯმაჯურიძემ წარმოადგინა. მოკლედ მიმოიხილა ბოლო წლებში აგრარული მეცნიერების ირგვლივ განვითარებული მოვლენები და ის წინაპირობები, რამაც ქვეყანა სოფლის მეურნეობის სამეცნიერო-კვლევითი ცენტრის დაარსების აუცილებლობის წინაშე დააყენა.

მისი თქმით, ამ ცენტრს ხელეწიფება აგრარული მეურნეობის განვითარება, სოფლის მეურნეობის მხარდაჭერა და ყველა იმ მნიშვნელოვან პროექტში მონაწილეობა, რომლებიც ქვეყანაში ხორციელდება აგრარული მიმართულებით. ამ ცენტრის ძირითადი პროგრამა არის ოთხი მიმართულებით: მცენარეთა და ცხოველთა ბიომრავალფეროვნება, გენეტიკური რესურსების შენარჩუნება დაცვა, სანაშენე საქმიანობა; ნიადაგის ნაყოფიერების კვლევა, ამაღლება, დეგრადირებული ნიადაგის განაყოფიერება; სოფლის მეურნეობის პროდუქტის შენახვა-გადამუშავება და ახალი, ინოვაციური ტექნოლოგიების შემუშავება და პრაქტიკაში დანერგვა. მან ისაუბრა ცენტრის სხვადასხვა სამსახურის წინაშე მდგარი ამოცანებისა და მათ მიერ განხორციელებულ საქმიანობაზე.

როგორც ცენტრის დირექტორმა აღნიშნა, მას შემდეგ რაც სახელმწიფოს გადაეცა „ქართუს“ მიერ შექმნილი ცნობილი ჯიღაურას სანაშენე მეურნეობა, სამეცნიერო კვლევითი ცენტრის ფარგლებში, ბოლო 5 წლის განმავლობაში მოეწყო ლაბორატორიები: თესლის ხარისხის, დნმ-ის, ფიზიოლოგიის ლაბორატორიები, მეცხოველეობის მიმართულებით დმანისის სასელექციო სადგური, კომპლექსი მეფუტკრეობისათვის სანაშენე საქმიანობისათვის, კრწანისის მეცხოველეობის სანაშენე ფერმა და ა. შ. მისი თქმით, ცენტრის ძირითადი მიმართულება გენეტიკური რესურსების მოძიება, დაცვა და კონსერვაცია წარმოადგენს, რასაც განსაკუთრებული ყურადღება ექცევა და მან ისაუბრა ამ მიმართულებით გაწეული საქმიანობის თაობაზე. აღსანიშნავია, რომ ცენტრის სისტემაში შეიქმნა ახალი სამსახური - აგრო სატყეო კულტურების სამსახური.

ცენტრის უმთავრესი ფუნქციაა შემუშავებული რეკომენდაციების, დასკვნების, გამოცემული მასალების ფერმერებამდე მიტანა, ასევე სადემონსტრაციო დღეების ჩატარება, ლექციები, ღია კარის დღეები. 4 ათასზე მეტი დასკვნა-რეკომენდაცია აქვს გაცემული ცენტრს შექმნის დღიდან იმ პროექტების ფარგლებში, რომლებსაც სახელმწიფო ახორციელებს, მათ შორის 920 გაცემულია წელს, კოვიდ-19-ის პერიოდში.

მომხსენებელმა ისაუბრა საერთაშორისო თანამშრომლობაზეც და მომავალში სოფლის მეურნეობის მეცნიერული უზრუნველყოფის მიზნით უცხოელებთან ერთად განხორციელებულ ერთობლივ კვლევებზე, ასევე სამომავლო გეგმებზე. შემდეგ გაიმართა დისკუსია.


ინფორმაცია გარემოს დაცვისა და სოფლის მეურნეობის სამინისტროს ა(ა)იპ სოფლისა და სოფლის მეურნეობის განვითარების სააგენტოს მიერ გაწეული საქმიანობის შესახებ კომიტეტის სხდომაზე გარემოს დაცვისა და სოფლის მეურნეობის მინისტრის პირველმა მოადგილემ გელა ხანიშვილმა წარადგინა.


მისი თქმით, რეფორმა გასულ წელს დაიწყო და ერთიანი სტრუქტურა - სოფლისა და სოფლის მეურნეობის განვითარების სააგენტო - პროექტების განვითარების სააგენტოს, კოოპერატივების განვითარების სააგენტოს და ექსტენციის სამსახურების ბაზაზე შეიქმნა. მისივე თქმით, ცოტა ხანში სააგენტოს სახელი კიდევ შეეცვლება და იგი სოფლის განვითარების სააგენტოდ ჩამოყალიბდება, რომ მოიცვას ყველა მიმართულება და ყველა სფერო.


გელა ხანიშვილის ინფორმაციით, „ამ ერთმა სააგენტომ შეკრა ყველა ის ძირითადი მიმართულებები, რომლებიც სახელმწიფოსთვის მნიშვნელოვანი იყო და ამავე დროს დაიწყო ის ეტაპი, რაც ეხება ამ სააგენტოს სერტიფიცირებას ევროპულ სტრუქტურებში, რათა საშუალება გვქონდეს, რომ საბოლოო ჯამში მივიღოთ ისეთი სააგენტო, რომელიც არა მარტო ბიუჯეტის ფულზე იმუშავებს, არამედ იმ პროექტებზეც, რომლებიც მსოფლიოს სხვადასხვა ქვეყანაში იქნება გამოცხადებული და საშუალება გვექნება გრანტების მოგების“.

მან ყურადღება დაუთმო ანტიკრიზისულ ფარგლებში განხორციელებულ საქმიანობას და აღნიშნა, რომ შეძლეს სოფლის მეურნეობისთვის ბევრი მიმართულებებით შეექმნათ დამატებითი საშეღავათო გარემო როგორც სააგენტოს პროექტებში, ამავე დროს შეძლეს ერთიანი აგრო პროექტის ფარგლებში მოქმედი პროექტების შენარჩუნება.

მომხსენებლის თქმით, ესაა შეღავათიანი აგრო კრედიტი, რაც ფერმერებს საბრუნავ საშუალებებში დამატებით რესურს უჩენს, მას დაემატა ასევე ახალი კომპონენტებიც, მათ შორის, ხორბლისა და ფქვილის წარმოების კუთხით და სხვა. ამ კუთხით სულ 48 ათასი ბენეფიციარია, მიმდინარე წელს გაცემული თანხა 87 მილიონ ლარს აღემატება, მთლიანობაში კი 2 მილიარდ ლარზე მეტია.

მან ისაუბრა აგრო დაზღვევაზე, სადაც მნიშვნელოვანია, რომ ეს სფერო 3 წლამდე აგრო დაზღვევაზე გადავიდა, ჯამში უკვე გაცემულია 112 ათასი პოლისი, ხოლო დაზღვეული ფართობი წელს 15 ათას ჰექტარს შეადგენს, მთლიანობაში კი - 100 ათას ჰექტრამდეა.

მომხსენებელმა სამინისტროს მიერ სოფლის მეურნეობის სხვადასხვა მიმართულებით განხორციელებულ პროექტებზე და მათი დაფინანსების საკითხებზე გაამახვილა ყურადღება. კოოპერატივების გაძლიერების თემაზე საუბრისას აღნიშნა, რომ კიდევ უფრო მნიშვნელოვნად იზრდება მეღვინეობის, რძის წარმოების, მეფუტკრეობის მიმართულებები, წარმატებით დაიწყო პროექტები მაღალმთიან და გამყოფ ხაზებთან მდებარე რეგიონებში. ყურადღება დაუთმო ასევე იმ პროექტებს, რომლებიც ამოქმედდა მერძევეობის მიმართულებით, ისაუბრა აგრო წარმოების პროგრამაზე, ტექნიკური დახმარების პროგრამაზე, ხორბლის სუბსიდირების საკითხზე, კენკროვნების პროექტზე, ჩაის სუბსიდირების საკითხზე და სხვა.


„განსაკუთრებით აღსანიშნავია კოვიდის პირობებში გამოჩენილი ძალისხმევა თანამშრომელთა მხრიდან, რომლებიც პრაქტიკულად გაჩერების გარეშე, თავდაუზოგავად მუშაობდნენ, რამაც საბოლოოდ განაპირობა ის, რომ დღეს ქართულ სოფლის მეურნეობაში შეფერხებები პროდუქციის მოყვანაში ჯერჯერობით არ გვაქვს. ჩვენი მხრიდან დასაფინანსებელი და განსახორციელებელი ყველაფერი დაფინანსებულია, განხორციელებულია და არანაირი ჩავარდნა საზოგადოებასთან და ფერმერებთან ურთიერთობაში არ გვაქვს“, - განაცხადა მინისტრის პირველმა მოადგილემ.

განხილვა კითხვა-პასუხის რეჟიმში გაგრძელდა, ყურადღება დაეთმო კოოპერატივების გამსხვილების საკითხს, სოფლის მეურნეობის პროდუქტის ექსპორტის კიდევ უფრო განვითარების თემას, სასათბურე მეურნეობების საკითხს, კომპლექსური პროექტების განხორციელების საკითხს, სხვადასხვა მიმართულებით ფერმერების მხარდაჭერის საკითხს, სოფლის მეურნეობაში მექანიზაციის გამოყენების საკითხს და სხვა. მომხსენებლის ინფორმაციით, ამჟამად, სამინისტროს რესურსი მთლიანად მიმართულია იქითკენ, რომ წარმატებით დასრულდეს რთვლის პროგრამა.

„რეალობა ისაა, რომ კიდევ უფრო მეტად გვინდა სოფლის მეურნეობის დაფინანსება. თუმცა თავისთავად ცხადია, რომ ნამდვილად ძალიან დიდი შრომაა გაწეული. ვეცდებით კიდევ უფრო ინტენსიურად გვქონდეს მოსმენები, ვინაიდან დიდია ინტერესი და ეს დღევანდელმა სხდომამაც ცხადყო“, - განაცხადა აგრარულ საკითხთა კომიტეტის თავმჯდომარემ ოთარ დანელიამ სხდომის დასასრულს. მან წარმატებები უსურვა სამინისტროს წარმომადგენლებს და აღნიშნა, რომ კომიტეტი, თავისი კომპეტენციის ფარგლებში, მაქსიმალურად დაუჭერს მხარს ყველა ახალი პროექტის განხორციელებაში. ​

ყველა სიახლე

31 ივლისი 2021, 12:47

COVID19

საქართველოში „ფაიზერის“ 160 ათასზე მეტი დამატებითი დოზა შემოვიდა

„ფაიზერისა“ და გერმანული პარტნიორი კომპანიის, „ბიონტექის“ მიერ შექმნილი კოვიდვაცინის - „ფაიზერის“ დამატებითი დოზები უკვე საქართველოშია. ქვეყანამ 160 ათასზე მეტი დოზა მიიღო.

31 ივლისი 2021, 12:18

COVID19

რატომ არაა კორონავირუსი „უბრალოდ გრიპი“ და რა საფრთხეს უქმნის „დელტა“ ვარიანტი ბავშვებს. ივანე ჩხაიძის განმარტება

„როდესაც თავიდან დავიწყეთ კორონავირუსის ჩინური ვარიანტის შეფასება, მისი რეპროდუქციული ინდექსი (რამდენი ადამიანის დაინფიცირება შეუძლია ერთ ინფიცირებულ ადამიანს) 2.5 იყო. მას ყოველთვის ვადარებდით გრიპს, რომლის შემთხვევაშიც, ეს ინდექსი 1.3-ია“.

31 ივლისი 2021, 12:15

საზოგადოება

დიდუბეში 48 მოსასვენებელ სივრცეში ინფრასტრუქტურა განახლდა

დიდუბის რაიონის გამგეობამ ინფრასტრუქტურული სამუშაოების ფარგლებში, 48 მოსასვენებელ სივრცეში საპარკო ინვენტარი განაახლა.

31 ივლისი 2021, 11:58

მსოფლიო

ინდოეთში ძლიერი წვიმის გამო ციხის კედელი ჩამოინგრა

ინდოეთში, მადჰია-პრადეშის შტატში ძლიერი წვიმის გამო ციხის კედელი ჩამოინგრა, დაშავდა სულ მცირე 22 პატიმარი. ამის შესახებ ჟურნალისტებს ადგილობრივ პოლიციაში განუცხადეს.

ნინო ჭელიძე და ირაკლი ღარიბაშვილი

31 ივლისი 2021, 11:45

საზოგადოება

ნინო ჭელიძე: ბატონი ირაკლი განათლების საერთაშორისო ცენტრის სულისჩამდგმელია - ძალიან დიდი მადლობა მას ამისთვის

განათლების საერთაშორისო ცენტრის დირექტორმა, ნინო ჭელიძემ 2021-2022 წლის სტიპენდიანტებსა და კურსდამთავრებულებთან მიმართა და აღნიშნა, რომ პროგრამის სულისჩამდგმელი ირაკლი ღარიბაშვილია.

ირაკლი ღარიბაშვილი

31 ივლისი 2021, 11:26

საზოგადოება

ირაკლი ღარიბაშვილი სტუდენტებს: ყველანი უნდა დავბრუნდეთ სამშობლოში, ვინაიდან ეს ქვეყანა გეკუთვნით თქვენ, ჩვენს მომავალ თაობას

ჩვენ ყველანი ვმოგზაურობთ, ზოგი მიდის უცხოეთში, რჩება, იღებს გამოცდილებას, მაგრამ ჩვენ ყველანი უნდა დავბრუნდეთ სამშობლოში, ვინაიდან, ეს ქვეყანა გეკუთვნით თქვენ, ჩვენს მომავალ თაობას, - ამის შესახებ საქართველოს პრემიერ-მინისტრმა ირაკლი ღარიბაშვილმა, განათლების საერთაშორისო ცენტრის 2021-2022 წლის სტიპენდიატებსა და კურსდამთავრებულებთან შეხვედრისას განაცხადა.

მიხეილ ჩხენკელი

31 ივლისი 2021, 11:21

საზოგადოება

მიხეილ ჩხენკელი: ბიძინა ივანიშვილისა და მისი ოჯახის უაღრესად მნიშვნელოვანი ქველმოქმედების შედეგად, საქართველოში, ჭეშმარიტად ევროპული დონის უნივერსიტეტი გვაქვს

„საუკეთესო, რაც შეიძლება, ქვეყანამ გააკეთოს, არის მომავალი თაობის განათლებაში ინვესტირება. ესაა ჩვენი ქვეყნის უკეთეს მომავალზე ზრუნვა“, - ამის შესახებ განათლებისა და მეცნიერების მინისტრმა, მიხეილ ჩხენკელმა განათლების საერთაშორისო ცენტრის 2021-2022 წლის სტიპენდიანტებსა და კურსდამთავრებულებთან შეხვედრისას განაცხადა.

ირაკლი ღარიბაშვილი

31 ივლისი 2021, 11:14

საზოგადოება

ირაკლი ღარიბაშვილი სტუდენტებს: ჩვენთვის ყველაზე დიდი ფასეულობა არის განათლება, ვინაიდან მომავალი გეკუთვნით თქვენ

ბოლო 30 წლის განმავლობაში ძალიან ბევრი კატაკლიზმი გავიარეთ, ბევრი შეცდომა დავუშვით, როდესაც საბჭოთა კავშირი დაინგრა. ბევრი ნიჭიერი სპეციალისტი წავიდა ქვეყნიდან, ისინი ახლა წარმატებით საქმიანობენ უცხოეთში. ეს ჩვენთვის დიდი დანაკლისი და ტრაგედიაა, რომ მათ პოტენციალს ჩვენი ქვეყნის გასაძლიერებლად ვერ ვიყენებთ. ამიტომ ის ფაქტი, რომ თქვენ ბრუნდებით საქართველოში, ჩემთვის ძალიან სასიხარულოა, - ამის შესახებ განათლების საერთაშორისო ცენტრის სტიპენდიატებთან და კურსდამთავრებულებთან შეხვედრისას პრემიერ-მინისტრმა, ირაკლი ღარიბაშვილმა განაცხადა.

31 ივლისი 2021, 11:09

საზოგადოება

მაშველებმა დაშავებულ ტურისტს დახმარება აღმოუჩინეს

უცხო ქვეყნის ტურისტთა დაახლოებით 15-კაციანი ჯგუფი დაბა სტეფანწმინდაში, სოფელ ჯუთადან აბუდელაურის ტბის მიმართულებით მიდიოდა, რად დროსაც, ერთ-ერთი ტურისტი ფერდობიდან დაგორდა და მდინარეში ჩავარდა, რის გამოც სამაშველო ჯგუფის დახმარება ითხოვეს.

31 ივლისი 2021, 10:52

COVID19

საქართველოში კოვიდინფიცირების დადებითობის დღიური მაჩვენებელი 7,62%-ია

29 ივლისის მდგომარეობით, დადებითობის დღიური მაჩვენებელი არის 7,62%, ბოლო 14 დღის განმავლობაში - 6,78%, ხოლო 7 დღის განმავლობაში - 7,35%.

31 ივლისი 2021, 10:50

მსოფლიო

აგვისტოდან, საუდის არაბეთი მხოლოდ სრულად ვაქცინირებულ ტურისტებს მიიღებს

ტურიზმის სამინისტროს ცნობით, სრულად ვაქცინირებულ ტურისტებს შეუძლიათ, შევიდნენ სამეფოში საკარანტინო პერიოდის გავლის გარეშე, იმ პირობით, რომ ჩასვლისთანავე წარადგენენ ვაქცინაციის ოფიციალურ სერტიფიკატსა და PCR-ტესტის უარყოფითი შედეგს, რომელიც მგზავრობამდე არაუმეტეს 72 საათის განმავლობაში იქნება გაკეთებული.

31 ივლისი 2021, 10:49

COVID19

დღე-ღამეში საქართველოში 27 კოვიდინფიცირებული გარდაიცვალა

StopCov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კიდევ 27 კოვიდინფიცირებული გარდაიცვალა.

31 ივლისი 2021, 10:48

COVID19

საქართველოში კოვიდინფიცირების 3196 ახალი შემთხვევა გამოვლინდა

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კორონავირუსი კიდევ 3196 ადამიანს დაუდასტურდა, გამოჯანმრთელდა 1147 პაციენტი.

31 ივლისი 2021, 10:47

პოლიტიკა

აშშ-ის 2022 ფისკალური წლისთვის სახელმწიფო ბიუჯეტი საქართველოსთვის ფინანსური დახმარების გამოყიფას ითვალისწინებს და მნიშვნელოვან ჩანაწერს შეიცავს ქვეყნის დეოკუპაციის თვალსაზრისით

აშშ-ის 2022 ფისკალური წლისთვის სახელმწიფო ბიუჯეტში შენარჩუნებულია მნიშვნელოვანი ჩანაწერი საქართველოს რეგიონების დეოკუპაციისა და არაღიარების თვალსაზრისით. 28 ივლისს აშშ-ის წარმომადგენელთა პალატამ 2022 ფისკალური წლისთვის დაამტკიცა სახელმწიფო, საგარეო ოპერაციებისა და მასთან დაკავშირებული პროგრამების (SFOPs) შესახებ კანონპროექტის თავისი ვერსია.

31 ივლისი 2021, 10:23

კულტურა

კულტურის კომიტეტთან სამეცნიერო-საკონსულტაციო საბჭო შეიქმნება, რომელიც კულტურის სფეროში არსებული პრობლემების გადაჭრის გზებზე იმუშავებს

კულტურის კომიტეტის თავმჯდომარე ელისო ბოლქვაძე სამეცნიერო-საკონსულტაციო საბჭოს წევრობის კანდიდატებს შეხვდა. სამეცნიერო-საკონსულტაციო საბჭო სექტემბერში შეიქმნება. კულტურის სფეროს სხვადასხვა მიმართულების მაღალი რანგის სპეციალისტები და ექსპერტები კომიტეტს თავიანთ ხედვებსა და გამოცდილებებს გაუზიარებენ და არსებული პრობლემების გადაჭრაში დაეხმარებიან.

31 ივლისი 2021, 10:22

კულტურა

როგორ გამოიყურება დედოფალი ელისაბედი Netflix-ის ახალ სერიალში. პირველი ფოტო გადასაღები მოედნიდან

სტონტონი სერიალ „დედოფლის“ მეხუთე ეპიზოდში მონაწილეობს. ამ ეპიზოდს მაყურებელი, სავარაუდოდ, 2022 წელს იხილავს. ჯერჯერობით, ცნობილი მხოლოდ ისაა, რომ სერიალში, სნოუდონის გრაფინია პრინცესა მარგარეტის როლს ლესლი მენვილი ითამაშებს, პრინც პილიპისას - ჯონათან პრაისი, პრინცესა დიანას კი - ელიზაბეტ დებიკი.

31 ივლისი 2021, 10:12

თავდაცვა

სენაკში Agile Spirit 2021-ის ფარგლებში მარათონი გაიმართა

მრავალეროვნული სწავლება Agile Spirit 2021-ის ფარგლებში სენაკში მარათონი გაიმართა. გარბენი მეგობრობის საერთაშორისო დღეს, საერთაშორისო მისიებში და საქართველოს ტერიტორიული მთლიანობისთვის წარმოებულ ბრძოლებში დაღუპული სამხედრო მოსამსახურეების ხსოვნას მიეძღვნა.

31 ივლისი 2021, 10:09

რეგიონი

თეა წულუკიანი ბაგრატის ტაძარში არსებულ პრობლემებს გაეცნო

საქართველოს კულტურის, სპორტისა და ახალგაზრდობის მინისტრმა, თეა წულუკიანმა ბაგრატის ტაძარი მოინახულა და ადგილზე გაეცნო ტაძარში არსებულ მდგომარეობას. თეა წულუკიანმა კულტურული მემკვიდრეობისა დაცვის ეროვნული სააგენტოს წარმომადგენლებთან, სასულიერო პირებთან და არქიტექტორ-რესტავრატორ ტარიელ კიპაროიძესთან ერთად იმსჯელა ტაძრის წინაშე მდგარი გამოწვევების გადაჭრის გზებზე.

31 ივლისი 2021, 09:48

სპორტი

სიმონე ბაილსი ბჯენით ხტომასა და ნაირსიმაღლის ორძელზე შეჯიბრიდანაც მოიხსნა

ამერიკელი ტანმოვარჯიშე, ოთხგზის ოლიმპიური ჩემპიონი სიმონ ბაილზი ბჯენით ხტომასა და ნაირსიმაღლის ორძელზე შეჯიბრს გამოტოვებს. ამის შესახებ ინფორმაციას აშშ-ის სპორტული ტანვარჯიშის ფედერაცია ავრცელებს.

31 ივლისი 2021, 09:42

ეკონომიკა

ნათია თურნავა პროგრამის „აწარმოე საქართველოში“ ბენეფიციარ სასტუმროს „მაგნოლიას“ ეწვია

ეკონომიკისა და მდგრადი განვითარების მინისტრი ნათია თურნავა სახელმწიფო პროგრამის „აწარმოე საქართველოში“ ბენეფიციარ სასტუმროს „მაგნოლიას“ ეწვია. მასთან ერთად სასტუმროს საქმიანობას სახელმწიფო რწმუნებული იმერეთის მხარეში ზვიად შალამბერიძე გაეცნო.