imedi.ge /  08 ივლისი 2020, 17:04 / სანდო წყარო

ჯანმრთელობის დაცვისა და სოციალურ საკითხთა კომიტეტმა „წამლისა და ფარმაცევტული საქმიანობის შესახებ“ კანონში ცვლილებებს II მოსმენით დაუჭირა მხარი

დიმიტრი ხუნდაძე

დიმიტრი ხუნდაძე

ჯანმრთელობის დაცვისა და სოციალურ საკითხთა კომიტეტმა, რომელსაც ამავე კომიტეტის თავმჯდომარე დიმიტრი ხუნდაძე უძღვებოდა, მთავრობის მიერ საკანონმდებლო ინიციატივის წესით წარმოდგენილი კანონპროექტი „წამლისა და ფარმაცევტული საქმიანობის შესახებ“ საქართველოს კანონში ცვლილების შეტანის თაობაზე“ II მოსმენით განიხილა, - ამის შესახებ ინფორმაციას პარლამენტი ავრცელებს.

მათივე ინფორმაციით, საკითხი გამოიტანა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ, თამარ გაბუნიამ, რომლის განცხადებით, კანონპროექტის ინიციატორებმა კანონპროექტის პირველი მოსმენისას კომიტეტის მიერ წარმოდგენილი შენიშვნები და წინადადებები გაიზიარეს და კანონპროექტი სწორედ ამ ცვლილებებით წარადგინა.

კანონში ცვლილებები ეხება საქართველოს ბაზარზე ფარმაცევტული პროდუქტის დაშვების რეჟიმის, წესისა და პირობების შეცვლას მათი დახვეწის მიზნით.

კომიტეტის წევრმა, ლევან კობერიძემ კიდევ ერთხელ განაცხადა, რომ ეს ცვლილებები, რომლებიც სააგენტოს მიერ ფარმაცევტული პროდუქტის რეგისტრაციის ვადებს ზრდის, ამცირებს კონკურენციას ფარმაცევტულ ბაზარზე და მიმართულია ფასების ზრდისკენ. მისი თქმით, ეს გაზრდის მსხვილი იმპორტიორების გავლენას ფარმაცევტულ ბაზარზე და კომიტეტმა მას მხარი არ უნდა დაუჭიროს.

კომიტეტის წევრის, ლადო კახაძის განცხადებით, ფარმაციის ბაზარზე, ბუნებრივია, წესრიგია დასამყარებელი და მნიშვნელოვანია, რომ ეს კანონი ყველასთვის ერთი იქნება, როგორც ფარმაცევტული ბაზრის მსხვილი, ასევე მცირე მოთამაშეებისთვის. მისივე თქმით, მნიშვნელოვანია ისიც, რომ ცვლილებები უფრო მეტად შეუწყობს ხელს ხარისხიანი სამკურნალო საშუალებების შემოტანას.

მომხსენებლის განცხადებით, ამ კონკრეტულ ცვლილებას წამლის ფასის მატების პოტენციალი არ გააჩნია.

„არ არის ეს იმდენად ძლიერმოქმედი და დრამატული ცვლილება, რომ შეარყიოს ბაზარზე ფასების ტენდენციები, მაგრამ აქვს გარკვეული პოტენციალი იმისთვის, რომ გააუმჯობესოს საქმისწარმოების პროცესი მარეგულირებელში და შექმნას მეტი გარანტია, სრულ გარანტიას ვერ შექმნის, მეტი გარანტია იმისთვის, რომ დოკუმენტური განხილვა ჩატარდეს მეტად ხარისხიანად. სერიოზული ცვლილებებისთვის ხარისხობრივ ნაწილში საჭიროა კომპლექსური ცვლილებები წამლის კანონმდებლობაში და ამ საკითხს სამინისტრო აუცილებლად დაუბრუნდება მომავალში“, - განაცხადა მინისტრის პირველმა მოადგილემ.

როგორც დიმიტრი ხუნდაძემ აღნიშნა, უმთავრესად ფასზე კეთდება აქცენტი, მაგრამ მხოლოდ ფასი არ განაპირობებს შედეგს, აქ აუცილებელია ხარისხზე ვიზრუნოთ.

„ის, რომ ეს ინიციატივა ყველაფერს დაარეგულირებს ბაზარზე, ამის მოლოდინი არც არის, და ამას არც ავტორი აცხადებს. პარლამენტში მუშავდება „წამლისა და ფარმაცევტული საქმიანობის შესახებ“ ახალი კანონი, რომელიც იქნება რეფორმის დონის, იმიტომ, რომ 2009 წლის კანონმა თავისი დრო მოჭამა. მას ჰქონდა თავისი პოზიტიური გავლენა იმ დროისათვის, როცა ფინანსური ხელმისაწვდომობა გაიზარდა, მაგრამ ხარისხით დიდად ვერ დავიკვეხდით ვერც მაშინ და ვერც დღეს. ეს კანონი ვერ უზრუნველყოფს იმას, რომ იყოს როგორც ხელმისაწვდომობა ფინანსური, ასევე მისი ხარისხი. კონკურენციაზე ვსაუბრობთ და გამოჩნდა, რომ მოქმედი კანონი ვერც მაინცდამაინც ჯანსაღ კონკურენციას არეგულირებს, სულ რამდენიმე მსხვილი კომპანიაა, რომელიც ოპერირებს, სწორედ ამიტომ გადავწყვიტეთ, ჯერ ანალიზი გაგვეკეთებინა მოქმედი კანონის, შემდეგ კი ექსპერტებთან, მათ შორის საერთაშორისო ექსპერტებთან თანამშრომლობით ახალ კანონპროექტს წარვადგენთ, რომელიც ძალიან ბევრ კითხვაზე მოხსნის პასუხს. ის, რომ გვინდა წარმოდგენილი ინიციატივით დავარეგულიროთ ფასიც, ხარისხიც, კონკურენციაც, ყველაფერი, ეს შეუძლებელია, ასეთი მცირე მასშტაბიანი ჩარევით ამის არც მცდელობაა და არც, ის, რომ ამით დამთავრდება ყველაფერი“, - განაცხადა დიმიტრი ხუნდაძემ.

კომიტეტმა ასევე განიხილა პარლამენტის წევრთა საკმაოდ მრავალრიცხოვანი ჯგუფის ინიციატივით წარმოდგენილი - პარლამენტის დადგენილების პროექტი „2020-2030 წლებისთვის საქართველოს ახალგაზრდული პოლიტიკის კონცეფციის დამტკიცების შესახებ“. ორმოცდაათზე მეტი დეპუტატის ინიციატივა წარადგინა პარლამენტის წევრმა ირინე ფრუიძემ, რომლის განცხადებითაც, ახალგაზრდობა საზოგადოების მნიშვნელოვანი სეგმენტია, რომელსაც ქვეყნის სოციალურ-ეკონომიკურ განვითარებაში მნიშვნელოვანი წვლილის შეტანა შეუძლია და ამ პოტენციალის სრული რეალიზებისთვის აუცილებელია, სახელმწიფომ შექმნას სათანადო პირობები, მყისიერად უპასუხოს მათ გამოწვევებს, გაატაროს თანმიმდევრული საჯარო და ინტეგრირებული ახალგაზრდული პოლიტიკა - ახალგაზრდებისთვის და ახალგაზრდებთან ერთად.

„ახალგაზრდები დგანან მრავალი გამოწვევის წინაშე, როგორიც არის ფიზიკური და ფსიქიკური ჯანმრთელობა, განათლება, დასაქმება და მათი მონაწილეობა გადაწყვეტილების მიღებაში. ამ გამოწვევის საპასუხოდ არ არის საკმარისი მხოლოდ ერთი გარკვეული სფეროს რეფორმა, ამისათვის საჭიროა პრაქტიკულად ყველა სფეროს ჩართულობა, ყველა სფეროს რეფორმა და ამას ემსახურება მათ შორის ახალგაზრდული პოლიტიკა, რომლის კონცეფციასაც წარმოგიდგენთ. ეს არის პირველი შემთხვევა, როდესაც პარლამენტი ამტკიცებს მაღალი დონის ჩარჩო დოკუმენტს ახალგაზრდული პოლიტიკის შესახებ და ამ ჩარჩო დოკუმენტმა უნდა შექმნას ის ძირითადი გარემო და მიმართულებები რომელსაც შემდგომ უნდა დაეფუძნოს ახალგაზრდული პოლიტიკის სტრატეგიებისა და სამოქმედო გეგმების შექმნა და განხორციელება“, - განაცხადა ირინე ფრუიძემ.

მან ისაუბრა კონცეფციის მიზნებსა და სახელმწიფო პოლიტიკის სტრატეგიულ პრიორიტეტებზე, 2030 წლამდე მოსალოდნელ შედეგებზე. როგორც მომხსენებელმა აღნიშნა, სახელმწიფო ახალგაზრდული პოლიტიკის კონცეფციის პროექტი, რომელიც მომზადდა ახალგაზრდებისთვის და ახალგაზრდებთან ერთად, მოპოვებული მტკიცებულებების საფუძველზე განსაზღვრავს მომდევნო წლებში სახელმწიფო ახალგაზრდული პოლიტიკის ძირითად ამოცანებს.

„კონცეფცია ითვალისწინებს 2030 წლამდე ახალგაზრდების წინაშე არსებულ გამოწვევებთან გამკლავების მიზნით, სახელმწიფოს მხრიდან, მთელი რიგი ამოცანების გადაჭრასა და შესაბამისი ქმედებების განხორციელებას. დადგენილების მიხედვით, საქართველოს მთავრობამ კონცეფციის პრიორიტეტების შესაბამისად, 2021 წლის 1-ელ აპრილამდე უნდა უზრუნველყოს შესაბამისი სამოქმედო გეგმის მომზადება და დამტკიცება“, - განაცხადა ირინე ფრუიძემ. მან ასევე უპასუხა დეპუტატთა კითხვებს.

საბოლოოდ, კომიტეტმა განხილულ საკითხებს მხარი დაუჭირა.

ყველა სიახლე

სალომე ზურაბიშვილი

09 აგვისტო 2020, 18:17

საზოგადოება

პრეზიდენტი: საქართველოში კრიმინალური მდგომარეობა არ არის ისეთი მძიმე, როგორც ზოგ ტელევიზიას უნდა, რომ აჩვენოს

„მე სხვაგანაც მიცხოვრია და ზუსტად ვიცი, რა არის კრიმინალური მდგომარეობა, რაც ყველგან ხდება, სამწუხაროდ. ეს არის თანამედროვე მსოფლიოს სენია და აქ ისეთი არაფერი ხდება, რაც სხვაგან არ ხდება. საქართველოში კრიმინალური მდგომარეობა არ არის ისეთი მძიმე, როგორც ზოგ ტელევიზიას უნდა, რომ აჩვენოს. და მგონი, ის არის ძალიან მძიმე, როცა ქვეყანაში ტელევიზიებიდან მხოლოდ ეს გვესმის დილიდან საღამომდე. ეს ჩვენს ახალგაზრდობასა და მათ ფსიქიკაზე ძალიან ცუდად აისახება. ძალიან დიდი პასუხისმგებლობაა, როდესაც ადამიანებს ასეთ დაძაბულ მდგომარეობაში ვაცხოვრებთ. ვფიქრობ, ყველამ ჩვენი პასუხისმგებლობა უნდა ავიღოთ, ცოტა დავწყნარდეთ, ყველაფერს ცოტა დისტანციაზე შევხედოთ. არ უნდა დავუშვათ კრიმინალური მდგომარეობის გაუარესება, მაგრამ ეს მონსტრი არ უნდა გავხადოთ, როგორიც არ არის ამ ქვეყანაში“, - განაცხადა პრეზიდენტმა.

მარკ ცუკერბერგი

09 აგვისტო 2020, 18:15

ეკონომიკა

Facebook-ის გენერალური დირექტორის, მარკ ცუკერბერგის ქონებამ $100 მილიარდს გადააჭარბა

Facebook-ის გენერალური დირექტორის, მარკ ცუკერბერგის ქონებამ $100 მილიარდს გადააჭარბა. როგორც Independent-ი იუწყება, ცუკერბერგის ქონების მკვეთრი ზრდა მისმა განცხადებამ განაპირობა, რომლის თანახმადაც ის აპირებს, ვიდეო პლატფორმის შექმნას, რომელიც TikTok-ის პირდაპირი კონკურენტი იქნება. 36 წლის მარკი Facebook-ის 13 პროცენტს ფლობს.

09 აგვისტო 2020, 17:50

მსოფლიო

სამხრეთ კორეაში სტიქიის შედეგად დაღუპულთა რიცხვი 30-მდე გაიზარდა

სამხრეთ კორეაში, 46-დღიანი გადაუღებელი წვიმით გამოწვეულ წყალდიდობასა და მეწყერებს, სულ მცირე, 30 ადამიანი ემსხვერპლა. 11 პროვინციიდან და სხვადასხვა ქალაქიდან 5 900-ზე მეტი ადამიანია ევაკუირებულია. 4 600-მდე იძულებით გადაადგილებული ამ დრომდე თავშესაფრებშია.

09 აგვისტო 2020, 17:23

რეგიონი

აბაშაში ქართული ხალხური ცხენოსნობის დღისადმი მიძღვნილი ფესტივალი იმართება

აბაშის მუნიციპალიტეტის საცხენოსნო იპოდრომზე, ქართული ხალხური ცხენოსნობის დღისადმი ფესტივალი იმართება. ტურნირი ერთდღიანია და მასში სხვადასხვა კუთხის საცხენოსნო კლუბების წარმომადგენლები მონაწილეობენ.

კორონავირუსი საქართველო

09 აგვისტო 2020, 17:18

COVID19

გარდაბნის მუნიციპალიტეტში კორონავირუსზე ტესტირების მეორე ეტაპი დაიწყო

„დავიწყეთ მეორე ეტაპი ფართომასშტაბიანი ტესტირების. ჯამში ამ დროისთვის მთლიანად არის დაახლოებით 1 500-ზე მეტი ნიმუში აღებული. ნაწილი უკვე ჩატანილია და ანალიზი ლუგარის ლაბორატორიაში ჩატარებულია. ჯერჯერობით გვაქვს 1 ახალი დადასტურებული შემთხვევა. რა თმა უნდა, ეპიდემიოლოგები უკვე მუშაობენ, გამოვლენილია კონტაქტები, რომლებიც, შესაბამისად, გადასულები არიან საკარანტინო სივრცეებში, ხოლო პაციენტი გადაყვანილია შესაბამის სამედიცინო დაწესებულებაში“, - აღნიშნა ბეგაშვილმა.

09 აგვისტო 2020, 17:13

საზოგადოება

გეგუთის სატრანსპორტო კვანძიდან ნახშირღელეს კვანძამდე 10 აგვისტოს მოძრაობა შეიზღუდება

გეგუთის სატრანსპორტო კვანძიდან ნახშირღელეს კვანძამდე 10 აგვისტოს მოძრაობა შეიზღუდება, - ამის შესახებ ინფორმაციას საავტომობილო გზების დეპარტამენტი ავრცელებს. აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობითა და კოორდინაციით.

09 აგვისტო 2020, 17:05

პოლიტიკა

ამერიკის სახელმწიფო დეპარტამენტი საქართველოს მხარდამჭერ განცხადებას ავრცელებს

პრესისა და პოლიტიკის სამმართველოს მიერ გამოქვეყნებული ტექსტის თანახმად, მაიკ პომპეოს უწყება რუსეთის მიერ საქართველოს ტერიტორიების ოკუპაციას გმობს და მოსკოვს აღებული ვალდებულებების შესრულებისკენ მოუწოდებს.

საიმონ ქაუელი

09 აგვისტო 2020, 16:57

ტაბლოიდი

საიმონ ქაუელი ელექტრო ველოსიპედიდან გადმოვარდა და ხერხემალი დაიზიანა

საიმონ ქაუელი ელექტრო ველოსიპედიდან გადმოვარდა და ხერხემალი დაიზიანა, - ამის შესახებ ინფორმაციას BBC ავრცელებს. საიმონის სპიკერის განმარტებით, 60 წლის მუსიკოსი საავადმყოფოში გადაიყვანეს, სადაც მას ოპერაცია უტარდება. სპიკერის თქმით, საიმონი თავს კარგად გრძნობს და საიმედო ხელში იმყოფება. საიმონი ფართო აუდიტორიისთვის The X Factor-იდან და Britain's Got Talent-იდანაა ცნობილი.

09 აგვისტო 2020, 16:51

მსოფლიო

ინდოეთში მეწყერს, სულ მცირე, 29 ადამიანი ემსხვერპლა

სამხრეთ-დასავლეთ ინდოეთში, იდუკის დასახლებაში, მეწყერს, სულ მცირე, 29 ადამიანი ემსხვერპლა. გადაუღებელი წვიმების გამო, მიწის მასა 7 აგვისტოს ჩამოიშალა, თუმცა, სამძებრო და სამაშველო სამუშაოები ამ დრომდე შეფერხებულია.

09 აგვისტო 2020, 16:33

COVID19

დღე-ღამეში მსოფლიოში კორონავირუსს 5 500-ზე მეტი ადამიანი ემსხვერპლა

ჯანდაცვის მსოფლიო ორგანიზაციის მონაცემებით, მსოფლიოში კორონავირუსით გარდაცვლილთა რიცხვმა 721 ათასს გადააჭარბა. ვირუსის გავრცელებიდან დღემდე, მსოფლიოში კორონავირუსს 721 594 ადამიანი ემსხვერპლა, ხოლო ვირუსით კი 19 432 244 ადამიანი დაინფიცირდა.

09 აგვისტო 2020, 16:31

მსოფლიო

აშშ-ის პრეზიდენტობის კანდიდატს ღამურამ უკბინა

„მას შემდეგ, რაც წინასაარჩევნო ტურის დასაწყისში ღამურამ მიკბინა, სიფრთხილე გამოვიჩინე და ცოფზე აცრას გავიკეთებ“, - დაწერა ჯორგენსონმა.

09 აგვისტო 2020, 16:19

მსოფლიო

მინსკში „დოჟდის“ ჟურნალისტები დააკავეს

ბელარუსის დედაქალაქში „დოჟდის“ 2 ჟურნალისტი, ვლადიმერ რომენსკი და ვასილი პოლონსკი, ასევე ოპერატორი ნიკოლაი ანტიპოვი დააკავეს. პრეზიდენტობის ერთ-ერთი კანდიდატის სბეტლანა ტიხანოვკაიას შტაბის წარმომადგენლის განცხადებით, ჟურნალისტები მას შემდეგ დააკავეს, რაც კანდიდატს ქუჩაში გამოელაპარაკნენ.

ნაგასაკი

09 აგვისტო 2020, 16:13

მსოფლიო

იაპონიაში 75 წლის წინ ატომური დაბომბვის შედეგად დაღუპულები გაიხსენეს

75 წლის წინ, 9 აგვისტოს ამერიკის შეერთებულმა შტატებმა, ბ-29 ტიპის ბომდამშენმა Bockscar-მა, ნაგასაკიში ატომური ბომბი „მსუქანა“ (Fat Man) ჩააგდო. დაიღუპა 74 000 ადამიანი.

09 აგვისტო 2020, 15:53

რეგიონი

2020 წლის ივლისში ხე-ტყის უკანონო მოპოვებისა და ტრანსპორტირების 213 ფაქტი გამოვლინდა

ხე-ტყის უკანონო მოპოვებისა და ტრანსპორტირების ყველაზე მეტი, 77 ფაქტი გამოვლინდა კახეთის რეგიონული სამმართველოს სამოქმედო ტერიტორიაზე. იმერეთში დაფიქსირდა 49 ფაქტი, სამცხე-ჯავახეთში - 26, აჭარაში - 15, სამეგრელო-ზემო სვანეთში - 14, შიდა ქართლში -11.

09 აგვისტო 2020, 15:52

რეგიონი

ბიზნესომბუდსმენი ზუგდიდში კერძო სექტორის წარმომადგენლებს შეხვდა

ბიზნესომბუდსმენი ზუგდიდში კერძო სექტორის წარმომადგენლებს შეხვდა შეხვედრის მთავარი თემა კორონავირუსის პანდემიის ფონზე, ეკონომიკური საქმიანობის მდგრადი აღდგენა და ვირუსის გავრცელების პრევენციის მიზნით შემუშავებულ რეგულაციებს შეეხებოდა.

09 აგვისტო 2020, 15:38

საზოგადოება

თბილისში, ალექსანდრეს ბაღსა და ორბელიანის მოედანზე ადგილობრივი ნაწარმისა და მეორეული ნივთების გამოფენა-გაყიდვა გაიმართა

ალექსანდრეს ბაღსა და ორბელიანის მოედანზე ადგილობრივი ნაწარმისა და მეორეული ნივთების გამოფენა-გაყიდვა გაიმართა. ორდღიანი ღონისძიების მხარდამჭერი თბილისის მერია იყო. გამოფენა გაყიდვაში ხელოვანებთან ერთად მეწარმეებიც მონაწილეობდნენ.

09 აგვისტო 2020, 15:36

რეგიონი

ე.წ. „ოცნების ქალაქის“ მშენებლობა აქტიურად მიმდინარეობს

ოცნების ქალაქის მოსახლეობისთვის ბინების გადასაცემად საჭირო კრიტერიუმების დოკუმენტზე კომისიამ მუშაობა დაიწყო. ამ ეტაპზე აჭარის სამთავრობო კომისიის მუშაობაში მონაწილეობს იუნისეფი, წითელი ჯვარი და საქართველოს სახალხო დამცველის აპარატი. სამუშაო პროცესში დაახლოებით 120 ადამიანია დასაქმებული.

09 აგვისტო 2020, 15:35

რეგიონი

დაცული ტერიტორიების თანამშრომლები პირველადი სამედიცინო დახმარების კურსს გადიან

დაცული ტერიტორიების თანამშრომლები გადაუდებელ სიტუაციაში პირველადი სამედიცინო დახმარების გაწევის სასწავლო კურსს გადიან. ამჯერად ტრენინგი მარტვილისა და ოკაცეს კანიონების ადმინისტრაციის გიდების, რეინჯერებისა და ვიზიტორთა მომსახურების სპეციალისტებისთვის ჩატარდა.

09 აგვისტო 2020, 15:21

მსოფლიო

ვაშინგტონში სროლას მსხვერპლი მოჰყვა

აშშ-ის დედაქალაქში სროლის შედეგად 1 ადამიანი დაიღუპა, სულ მცირე 9 კი დაიჭრა. შემთხვევა გვიან ღამით მოხდა. დაშავებულები საავადამყოფოში გადაიყვანეს. სხვა დეტალები ამ დროისთვის უცნობია.

ჯასინდა არდერნი

09 აგვისტო 2020, 15:17

COVID19

ახალ ზელანდიაში მე-100 დღეა კორონავირუსის არც ერთი ახალი შემთხვევა არ დაფიქსირებულა

ახალ ზელანდიაში მე-100 დღეა კორონავირუსის არც ერთი ახალი შემთხვევა არ დაფიქსირებულა, - ამის შესახებ ინფორმაციას UniLad-ი ავრცელებს. ახალი ზელანდიის პრემიერ-მინისტრმა ჯასინდა არდერნმა მთელი მსოფლიოსგან ქება დაიმსახურა, რადგან მის მიერ მიღებულმა სწრაფმა და მკაცრმა ზომებმა კორონავირუსის პანდემიის შეჩერება გამოიწვია, ქვეყანაში კორონავირუსის ბოლო შემთხვევა 1-ელ მაისს დაფიქსირდა. აღსანიშნავია, რომ ვირუსის პირველი შემთხვევა ქვეყანაში 28 თებერვალს დადასტურდ, ხოლო სულ რაღაც 63 დღის შემდეგ პრემიერის მიერ მიღებული სწრაფი ზომების ხარჯზე ქვეყანამ ეპიდემია დაამარცხა.