დავით მათიკაშვილი დავით ბაქრაძის განცხადებაზე: ტყუილი და ფარსია, ბატონო დავით, თქვენი ვითომ „ურაპატრიოტული“ რიტორიკა. თქვენ ქართველ ხალხს ვეღარასდროს ვეღარ მოატყუებთ

„დავით ბაქრაძე და ნაცსექტის ანასხლეტები სრულიად აბსურდულ და არარელევანტურ განცხადებებს აკეთებენ: რატომ დაუჭირეს თურმე მხარი 2008 წლის კონფლიქტის დასრულებიდან ძალიან მალევე, ევროსაბჭოს საპარლამენტო ასამბლეაში რეზოლუციას, რომლის შესაბამისად ქართული მხარე დადანაშაულებულია ომის დაწყებაში და ცხინვალის კასეტური ჭურვებით დაბომბვაში?! თურმე იმიტომ, რომ იქ, იმ რეზოლუციაში რუსეთს ოკუპანტის სტატუსი მინიჭებია“, - ამის შესახებ საპარლამენტო უმრავლესობის წევრმა, დავით მათიკაშვილმა Facebook-ის საკუთარ გვერდზე დაწერა.

„დავით ბაქრაძის ცინიზმსა და უპასუხისმგებლობას დანაშაულემდე ერთი ნაბიჯი აშორებს: დიახ, ჩვეულებრივი დანაშაული და ღალატია საკუთარი ხალხისა და ქვეყნის, როდესაც სამშობლოს დამცველ ჯარისკაცებს საკუთარი ქვეყნის დაბომბვაში ადანაშაულებ და რატომ? რუსეთის ოკუპანტობის დასამტკიცებლად გაერო-ს უშიშროების საბჭო რამდენჯერ გამოიყენეს ნაცებმა, აბა იკითხეთ?! არც ერთხელ! ვინ განაცხადა გენერალურ ასამბლეაში 2008 წლის ომისა და კონფლიქტის დაწყება? გგონიათ, იმდროინდელმა ხელისუფალმა სააკაშვილ - ბაქრაძემ? არაა, რუსეთმა! ვინ მიჰყიდა ოკუპანტს ომის დასრულებიდან ძალიან მალევე სტრატეგიული დანიშნულების ენერგო ობიექტები?! მიხეილ სააკაშვილმა, დავით ბაქრაძისა და სხვა ნაცკლასტერის ხელდასმითა და ტაშის დაკვრით! ამიტომ, ტყუილი და ფარსია, ბატონო დავით, თქვენი ვითომ ურაპატრიოტული რიტორიკა! ვეღარ მოატყუებთ თქვენ ქართველ ხალხს ვეღარასდროს! 2020 წლის 31 ოქტომბერს კიდევ ერთხელ მიიღებს ნაციონალურ-კრიმინალური ბანდა და მისი ანასხლეტები ქართველი ხალხისგან საკადრის პასუხს“ - წერს დავით მათიკაშვილი.

იქამდე, „ევროპული საქართველოს“ ერთ-ერთმა ლიდერმა, დავით ბაქრაძემ, წინა ხელისუფლების მიერ ხელმოწერილ რეზოლუციაზე 1633 საუბრისას, განაცხადა: „კომპრომისი იქ იყო, თუ ვწერთ, რომ რუსეთი ოკუპანტია, რაღაცაში უნდა ვახსენოთ ქართული მხარის პასუხისმგებლობაც. ამ დოკუმენტში ყველაფერი არის ძალიან კარგი, ერთადერთი პუნქტია, სადაც საუბარი არის ომის დაწყებაზე, სადაც არის შერეული ბრალი, რომ ქართული მხარეც მონაწილეობდა სამხედრო მოქმედებებში შემოსული რუსის წინააღმდეგ, ამიტომ კომპრომისი იქ იყო, რომ კი, ბატონო, თუ ვწერთ, რომ რუსეთი ოკუპანტია და რუსეთი დამნაშავეა, რაღაცაში უნდა ვახსენოთ ქართული მხარის პასუხისმგებლობაც“.

2008 წლის 2 ოქტომბრის ევროპის საბჭოს საპარლამენტო ასამბლეის სხდომაზე მიღებულ იქნა „საქართველოსა და რუსეთს შორის ომის შედეგების” შესახებ 1633 რეზოლუცია, რომლის თანახმადაც, როგორც საქართველოს, ასევე - რუსეთს დაეკისრა გარკვეული ვალდებულებები.