imedi /  30 სექტემბერი 2020, 17:44 / სანდო წყარო

Emerging Europe: მედიის ინტერესის მიუხედავად, მინისტრმა ზალკალიანმა უარი თქვა თავის აზერბაიჯანელ კოლეგასთან გაზიარებული დოკუმენტაციის შესახებ დამატებითი ინფორმაციის მოწოდებაზე

გასულ კვირას აზერბაიჯანის საგარეო საქმეთა მინისტრი ჯეიჰუნ ბაირამოვი საქართველოში პირველი ოფიციალური ვიზიტით იმყოფებოდა. ქართველ კოლეგასთან დავით ზალკალიანთან შეხვედრისას ორივე მხარემ ხაზი გაუსვა მათი ქვეყნების არსებული სტრატეგიული პარტნიორობისა და თანამშრომლობის მნიშვნელობას. ბაქოსა და თბილისს მყარი ურთიერთობა აქვთ, რომელიც ემყარება რეგიონული გეოპოლიტიკური გამოწვევებისა და ენერგეტიკისა და ვაჭრობის მიმართულებით ორმხრივი ინტერესების გააზრებას. თუმცა, არსებობს სადავო საკითხებიც, - გამოცემა Emerging Europe სტატიას სახელწოდებით „მნიშვნელოვანი პირველი ნაბიჯი აზერბაიჯანსა და საქართველოს შორის ურთიერთობის მოსაგვარებლად“ აქვეყნებს.

ავტორის თქმით, მინისტრ ბაირამოვის ვიზიტმა გასულ კვირას წინ წამოწია საქართველოს მტკიცე რწმენა, რომ 1996 წლიდან საქართველო-აზერბაიჯანის საზღვრის დემარკაციის საკითხებზე მომუშავე ერთობლივმა კომისიამ მიიღო წინასწარ შეთანხმებული გადაწყვეტილებები, რომლებიც ეწინააღმდეგება საქართველოს ინტერესებს.

როგორც სტატიაშია აღნიშნული, მინისტრმა ზალკალიანმა კოლეგას წარუდგინა კარტოგრაფიული მასალა და ექსპერტის დასკვნები, რაც საქართველოს მიაჩნია, რომ საზღვართან დაკავშირებულ უთანხმოებას ნათელს მოჰფენს.

აქვე, ნათქვამია, რომ მინისტრ ბაირამოვის ვიზიტი მნიშვნელოვანი ნაბიჯი იყო საქართველოსა და აზერბაიჯანს შორის დიპლომატიური კომუნიკაციის აღდგენისთვის, რაც დროებით შეაფერხა პანდემიამ. ორ ქვეყანას შორის ურთიერთობა ემყარება საერთო ინტერესებსა და ათწლეულების განმავლობაში პარტნიორობას

„ურთიერთობა შედარებით სტაბილური იყო მას შემდეგ, რაც ორივე ქვეყანამ დამოუკიდებლობა დაიბრუნა 90-იანი წლების დასაწყისში. საქართველო გახდა მთავარი სატრანზიტო გზა აზერბაიჯანის ნავთობისა და გაზის რესურსების დასავლეთისთვის მიწოდებისათვის, ხოლო აზერბაიჯანი აწვდის საქართველოს ნახშირწყალბადებს და ეხმარება თბილისს ნავთობისა და გაზის იმპორტის დივერსიფიკაციაში. კონსტრუქციული პარტნიორობის ფონზე, სამხრეთ კავკასიის ორმა ქვეყანამ წარსულში დატოვა უთანხმოებები. ამ ბოლო დროს კი ამ საკითხებმა კვლავ იჩინა თავი

გასაგებია, რომ საქართველოსა და აზერბაიჯანს შორის უთანხმოება არ არის გამოკვეთილი ამ რეგიონის უფრო აქტუალური პრობლემების ფონზე, როგორიცაა აფხაზეთი და სამხრეთ ოსეთი და მთიანი ყარაბაღის კონფლიქტი. მიუხედავად ამისა, თუ ეს პრობლემები დროულად არ მოგვარდა, საქართველოსა და აზერბაიჯანს შორის მიმდინარე საკითხებმა შესაძლოა კიდევ უფრო გაართულოს ვითარება სამხრეთ კავკასიაში და ნაყოფიერი ნიადაგი შექმნას რეგიონში არასტაბილურობით დაინტერესებული ქვეყნებისთვის. საქართველოსა და აზერბაიჯანისთვის დაძაბულობის სამი ძირითადი წყარო დროულად უნდა იქნას განხილული დიპლომატიური არხების მეშვეობით. ჯერ ერთი, ივლისში აზერბაიჯანსა და სომხეთს შორის მზარდი უთანხმოების ფონზე, საქართველო უსაფუძვლოდ დაადანაშაულეს სერბეთიდან სომხეთში იარაღის ტრანზიტის ხელშეწყობაში. მიუხედავად იმისა, რომ აზერბაიჯანის მთავრობას ოფიციალურად არასოდეს დაუდანაშაულებია საქართველო, მედიის რეპორტაჟმა ქვეყნებს შორის ურთიერთობა დაძაბა. მინისტრ ბაირამოვის საქართველოში ვიზიტამდე რამდენიმე დღით ადრე, პრეზიდენტმა ილჰამ ალიევმა უარყო ეს ბრალდებები და მადლობა გადაუხადა საქართველოს იმის გამო, რომ არ დაუშვა იარაღის გადაცემა მისი ტერიტორიის გავლით. მეორეა აზერბაიჯანული კომპანიის ,,NEQSOL Holding”- ის მიმდინარე და გადაუჭრელი საკითხი სატელეკომუნიკაციო ფირმა „კავკასუს ონლაინში“ - მაღალსიჩქარიანი ინტერნეტის ყველაზე დიდი პროვაიდერი - 49%-იანი წილის შესიყდვასთან დაკავშირებით. ივლისში, წინასწარი შეტყობინების არარსებობის გამო, კომუნიკაციების ეროვნულმა მარეგულირებელმა კომისიამ დაბლოკა ტრანზაქცია. ამან გამოიწვია საქართველოს პარლამენტის მიერ კანონში „ელექტრონული კომუნიკაციების შესახებ“ ცვლილების შეტანა. ,,NEQSOL”- მა, აზერბაიჯანის სატელეკომუნიკაციო სექტორის მნიშვნელოვანმა მოთამაშემ, უკრაინული ,,Vodafone” 2019 წელს შეიძინა და სურვილი ჰქონდა გაეფართოვებინა ბიზნესი საქართველოშიც. კავკასუს ონლაინში მცირე წილის შეძენა აზერბაიჯანულ კომპანიას საშუალებას მისცემდა წვდომა ჰქონოდა ქართული კომპანიის ყველაზე მნიშვნელოვან ფიზიკურ აქტივზე - კავკასიის საკაბელო სისტემაზე. ეს არის ბოჭკოვანი კაბელი, რომელიც ევროპიდან გადასცემს ინტერნეტ ტრაფიკს სამხრეთ კავკასიასა და კასპიის აუზს შავი ზღვის აუზის გავლით. ბოლოს - ყველაზე აქტუალური მინისტრ ბაირამოვის ვიზიტისას - მიმდინარე არეულობა დავით გარეჯის სამონასტრო კომპლექსში / კეშიკჩიდაგის მონასტერში, რომელიც საქართველოსა და აზერბაიჯანს შორის პირობით საზღვარზე მდებარეობს. 24 წლის განმავლობაში საქართველომ და აზერბაიჯანმა ვერ შეძლეს კონსენსუსის მიღწევა იმის შესახებ, თუ სად მდებარეობს საზღვარი მონასტრის გარშემო. ამან გამოიწვია არეულობის მომენტები, რომელთაგან უკანასკნელი დაფიქსირდა თებერვალში, როდესაც აზერბაიჯანის სამხედრო ძალებმა შეზღუდეს შესვლა ამ ტერიტორიაზე. მინისტრ ბაირამოვის ვიზიტმა გასულ კვირას წინ წამოწია საქართველოს მტკიცე რწმენა, რომ 1996 წლიდან საქართველო-აზერბაიჯანის საზღვრის დემარკაციის საკითხებზე მომუშავე ერთობლივმა კომისიამ მიიღო წინასწარ შეთანხმებული გადაწყვეტილებები, რომლებიც ეწინააღმდეგება საქართველოს ინტერესებს. სინამდვილეში, ამან განაპირობა ქართული მიწის მნიშვნელოვანი ნაწილის აზერბაიჯანისთვის გადაცემა, იმ ტერიტორიის ჩათვლით, რომელზეც სამონასტრო კომპლექსი მდებარეობს”,- წერს გამოცემა.

ავტორის თქმით, საქართველოსთვის, ძირითადად ქრისტიანული საზოგადოებისათვის, მონასტერი ეროვნული იდენტურობის მნიშვნელოვანი სიმბოლოა, ხოლო უპირატესად მუსულმანური აზერბაიჯანისთვის ამ საკითხს ისტორიული მნიშვნელობა აქვს. აზერბაიჯანი მონასტერს ალბანეთის ძველი მემკვიდრეობის ნაწილად მიიჩნევს და საკითხს მხოლოდ საზღვრის სადემარკაციო პრიზმიდან აფასებს.

სტატიაში აღნიშნულია, რომ აზერბაიჯანი და საქართველო ადრე შეთანხმდნენ საზღვრის დემარკაციის ორ მესამედზე, დარჩენილი 35 პროცენტი, მონასტრის ჩათვლით, სადავო რჩება.

„2019 წლის აპრილში მონასტრის გარშემო დაძაბულობის ესკალაციის შემდეგ, პრეზიდენტმა ალიევმა ამ საკითხზე სამუშაოდ სპეციალური დესპანი, საგარეო საქმეთა მინისტრის მოადგილე, ხალაფ ხალაფოვი დანიშნა. შედეგად, საზღვრის დემარკაციაზე მომუშავე ერთობლივმა კომისიამ მომდევნო თვეში განაახლა მოლაპარაკებები. გასულ კვირას, ვიზიტის დროს, მინისტრმა ზალკალიანმა კოლეგას წარუდგინა კარტოგრაფიული მასალა და ექსპერტის დასკვნები, რაც საქართველოს მიაჩნია, რომ საზღვართან დაკავშირებულ უთანხმოებას ნათელს მოფენს. მიუხედავად იმისა, რომ ეს დოკუმენტები საჯაროდ არ გამოქვეყნებულა, საგარეო საქმეთა მინისტრმა თქვა, რომ შერეულმა კომისიამ უნდა გადაწყვიტოს, შეიტანონ თუ არა 2006-7 წლების სასაზღვრო ხელშეკრულებაში ცვლილებები ”ახალი მასალების საფუძველზე და ორივე ქვეყნის ინტერესებიდან გამომდინარე”. მან ასევე იმედი გამოთქვა, რომ დოკუმენტები უზრუნველყოფს კონსენსუსის გზით საზღვრის საკითხის მოგვარებას. მედიის ინტერესის მიუხედავად, მან უარი თქვა თავის კოლეგასთან გაზიარებული დოკუმენტაციის შესახებ დამატებითი ინფორმაციის მოწოდებაზე. ამან დაინტერესებულ პოლიტიკურ მხარეებსა და მედიაში ბუნდოვანების განცდა შექმნა. ზოგი ითხოვდა დამატებით განმარტებას და ფიქრობდა, რომ შეთანხმებით სპეკულირება შეიძლება საზიანო ყოფილიყო საქართველოს ინტერესებისთვის. მრავალმხრივ, Covid-19- მა დიპლომატია ჩიხში შეიყვანა. როდესაც ლიდერები ერგებიან ძალზედ იშვიათ პანდემიას, მათი ყურადღება გამახვილებულია მოქალაქეთა კეთილდღეობის უზრუნველყოფაზე და არა დიპლომატიური ურთიერთობების დამყარებაზე. შეხვედრები და ოფიციალური ვიზიტები შეჩერებულია ვირუსის გადავლამდე, რაც ნიშნავს, რომ დაძაბულობა და ხანგრძლივი დავები მოუგვარებელი რჩება”,- წერს გამოცემა.

სტატიის დასასრულს ნათქვამია, რომ მინისტრ ბაირამოვის ვიზიტი მნიშვნელოვანი ნაბიჯი იყო საქართველოსა და აზერბაიჯანს შორის დიპლომატიური კომუნიკაციის აღდგენისთვის, რაც დროებით შეაფერხა პანდემიამ.

„ორ ქვეყანას შორის ურთიერთობა ემყარება საერთო ინტერესებსა და ათწლეულების განმავლობაში პარტნიორობას. მჭიდრო თანამშრომლობა თბილისსა და ბაქოს შორის არა მხოლოდ ხელს უწყობს რეგიონში მშვიდობასა და სტაბილურობას, არამედ აძლიერებს ევროპის ენერგეტიკულ უსაფრთხოებას. თუმცა, არსებობს დიდი ხნის განმავლობაში გადაუჭრელი საკითხები, რომელთა მოგვარება საჭიროა ორ ქვეყანას შორის სტრატეგიული პარტნიორობის გასაძლიერებლად”,- აცხადებს ავტორი.

ყველა სიახლე

კახა კალაძე

25 ოქტომბერი 2020, 20:37

საზოგადოება

დიდ დიღომში, ანბანის ინსტალაციის მიმდებარე ტერიტორიაზე დასასვენებელი სივრცე მოეწყო

დიდ დიღომში, „გუდვილის“ მიმდებარედ, ე.წ. ანბანის ინსტალაცია განახლდა, ხოლო მიმდებარე ტერიტორიაზე დასასვენებელი სივრცე მოეწყო. კეთილმოწყობილი სივრცე დედაქალაქის მერმა კახა კალაძემ საბურთალოს რაიონის გამგებელ გაიოზ ვასაძესთან და თბილისის საკრებულოს მაჟორიტარ დეპუტატთან ავთანდილ ცინცაძესთან ერთად დაათვალიერა.

პოლიცია ლენტა

25 ოქტომბერი 2020, 20:27

სამართალი

ბაღდათის მუნიციპალიტეტში ავტოსაგზაო შემთხვევას მსხვერპლი მოჰყვა

არსებული ინფორმაციით, მსუბუქი ავტომობილი გზის სავალი ნაწილიდან გადავიდა და ბეტონის ჯებირს შეეჯახა.

რეჯეფ თაიფ ერდოღანი და ემანუელ მაკრონი

25 ოქტომბერი 2020, 20:18

მსოფლიო

თურქეთის პრეზიდენტი: ადამიანი, რომელიც საფრანგეთს მართავს მთელი დღე ერდოღანზე ფიქრობს

„ადამიანს, რომელის საფრანგეთს მართავს გზა დაკარგა. მთელი დღე ერდოღანზე ფიქრობს. ჯერ საკუთარ თავს შეხედე და ნახე საით მიდიხარ. გუშინაც ვთქვი, რომ მას სამედიცინო შემოწმება სჭირდება“, - განაცხადა თურქეთის პრეზიდენტმა.

კახა კალაძე

25 ოქტომბერი 2020, 20:11

პოლიტიკა

კახა კალაძე: დარწმუნებული ვარ, ეს არჩევნები მაღალ შეფასებებს მიიღებს

ძალადობა, როგორც სიტყვიერი, ასევე ფიზიკური, კატეგორიულად მიუღებელია. დარწმუნებული ვარ, ეს არჩევნები მაღალ შეფასებებს მიიღებს, - ამის შესახებ „ქართული ოცნების“ გენერალურმა მდივანმა, კახა კალაძემ ჟურნალისტებს წინასაარჩევნო გარემოს შეფასებისას განუცხადა. მისი თქმით, წინასაარჩევნო პერიოდი მშვიდ ვითარებაში მიმდინარეობს და ყველა პოლიტიკურ პარტიას აქვს შესაძლებლობა, წინასაარჩევნო კამპანია თანაბარ პირობებში ჩაატაროს.

25 ოქტომბერი 2020, 20:02

რეგიონი

იოსებ ხახალეიშვილი ანსამბლ „ქართული ხმების" წევრებთან ერთად ნიკეას ქუჩის მოსახლეობას შეხვდა

„ქართული ოცნება-დემოკრატიული საქართველოს" ქუთაისის მერობის კანდიდატი იოსებ ხახალეიშვილი საარჩევნო კამპანიის ფარგლებში ამომრჩევლებთან შეხვედრებს განაგრძობს. მერობის კანდიდატი მხარდამჭერებს ამჯერად ნიკეას ქუჩაზე შეხვდა და მათ საარჩევნო ბუკლეტები დაურიგა.

ირანი სამხედრო ტექნიკა

25 ოქტომბერი 2020, 19:49

მსოფლიო

IRNA: ირანმა სომხეთსა და აზერბაიჯანთან საზღვარზე სამხედრო ტექნიკა განათავსა

გუშაგთა კორპუსში აცხადებენ, რომ ამის მიზანი რეგიონში ეროვნული ინტერესების დაცვა და მშვიდობისა და უსაფრთხოების შენარჩუნებაა. ამასთან, კორპუსში ხაზს უსვამენ იმას, რომ მეზობლების ტერიტორიულ მთლიანობას პატივს სცემენ, თუმცა გეოპოლიტიკური საზღვრების ნებისმიერი ცვლილება ირანისთვის წითელ ხაზს წარმოადგენს.

არჩილ თალაკვაძე

25 ოქტომბერი 2020, 19:28

საზოგადოება

პარლამენტის თავმჯდომარემ არჩილ თალაკვაძემ აშშ-ში მცხოვრებ თანამემამულეებთან შეხვედრა გამართა

პარლამენტის თავმჯდომარე არჩილ თალაკვაძე და დიასპორისა და კავკასიის საკითხთა კომიტეტის თავმჯდომარე ბექა ოდიშარია ამერიკის შეერთებულ შტატებში მცხოვრებ თანამემამულეებს შეხვდნენ. ონლაინ ფორმატში შეხვედრისას, საუბარი ხელისუფლებისა და პარტია „ქართული ოცნება - დემოკრატიული საქართველოს” პოლიტიკური გუნდის მიერ შესრულებულ სამუშაოს„ და სამომავლო გეგმებს შეეხო. განსაკუთრებული აქცენტი გაკეთდა ეკონომიკურ პროგრამაზე, პანდემიის პერიოდში ხელისუფლების მიერ გადადგმულ ნაბიჯებსა და დიასპორის მხარდამჭერ პროექტებზე.

ლუის ჰამილტონი

25 ოქტომბერი 2020, 19:26

სპორტი

ლუის ჰამილტონმა მიხაელ შუმახერის რეკორდი გააუმჯობესა

ეს პილოტის 92-ე გამარჯვება გახდა გრან პრის ეტაპებზე და ამ მაჩვენებლით მან ლეგენდარული პილოტის, მიხეილ შუმახერის შედეგი გააუმჯობესა, რომელმაც კარიერის განმავლობაში 91 გამარჯვებას მიაღწია.

ბექა მჭედლიშვილი

25 ოქტომბერი 2020, 19:08

თავდაცვა

ბექა მჭედლიშვილი: ჯარის მიმართ ცილისმწამებლური, ბინძური კამპანია მიმდინარეობს

ცხადია, ეს ჯარისა და თითოეული სამხედროს წინააღმდეგ მიმართული აშკარა, ბინძური კამპანიის ნაწილი და მავნებლობაა, რომელიც რას და ვის ინტერესებს ემსახურება, მარტივი გამოსაცნობია, - ამის შესახებ თავდაცვის სამინისტროს სტრატეგიული კომუნიკაციების დეპარტამენტის უფროსის მოადგილე, ბექა მჭედლიშვილი სოციალურ ქსელში წერს. აღნიშნულით ბექა მჭედლიშვილი ზუგდიდში, ბანში მომხდარი თავდასხმის ფაქტს ეხმაურება, სადაც მძევალთა შორის ერთი სამხედროც იყო.

25 ოქტომბერი 2020, 19:00

COVID19

ესპანეთში კორონავირუსის გავრცელების პრევენციის მიზნით კომენდანტის საათი დაწესდა

ქვეყნის პრემიერ-მინისტრმა პედრო სანჩესმა განაცხადა, რომ შეზღუდვა დღეიდან ამოქმედდება. მოსახლეობას სახლიდან გასვლა 23:00 საათიდან 06:00 საათამდე ეკრძალება. ამასთან, ადგილობრივ ხელისუფლებას რეგიონებს შორის მიმოსვლის შეზღუდვის უფლებაც აქვს.

ილჰამ ალიევი

25 ოქტომბერი 2020, 18:42

მსოფლიო

ილჰამ ალიევი: მსურს საქართველოსთან ჩვენი სტრატეგიული ურთიერთობები აზერბაიჯანსა და სომხეთს შორის ურთიერთობებისთვის მაგალითი გახდეს

„ახლა რთულია იმის პროგნოზირება, როდის რა მოხდება. ეს მხოლოდ ჩვენზე არ არის დამოკიდებული, რადგან ომს ერთი ქვეყანა არ აწარმოებს. ეს ცალმხრივი პროცესი არ არის, თუმცა შემიძლია, გითხრათ, როგორი რეგიონი მინდა ვიხილო. მინდა სამხრეთ კავკასიის რეგიონის ღრმა ინტეგრაცია. მინდა ვიხილო, რომ ოდესმე, მომავალში სამხრეთ კავკასიის სხვა ქვეყანასთან, საქართველოსთან ჩვენი სტრატეგიული ურთიერთობები გარკვეულწილად გახდება მაგალითი აზერბაიჯანსა და სომხეთს შორის ურთიერთობებისთვის, რადგან ყველა ომი მთავრდება და მშვიდობა დგება“, - განაცხადა ალიევმა.

ირანი

25 ოქტომბერი 2020, 18:12

თავდაცვა

თავდაცვის სამინისტრო: ვრცელდება დეზინფორმაცია თითქოს, სენაკის ბაზაზე მიმდინარეობს დავით ხვიბლიანის წამება

დეზინფორმაციაა თითქოს, სენაკის ბაზაზე მიმდინარეობს ბანკზე თავდასხმისას აყვანილი ერთ-ერთი მძევლის, დავით ხვიბლიანის წამება და თავისუფლების უკანონო აღკვეთა. ამის შესახებ თავდაცვის სამინისტრო განცხადებას ავრცელებს.

25 ოქტომბერი 2020, 18:10

COVID19

აზერბაიჯანში კორონავირუსი კიდევ 946 ადამიანს გამოუვლინდა

გასული დღე-ღამის განმავლობაში აზერბაიჯანში კორონავირუსი კიდევ 946 ადამიანს გამოუვლინდა, 7 ადამიანი კი გარდაცვლილა. ამის შესახებ ინფორმაციას ადგილობრივი მედია, ჯანდაცვის სამინისტროზე დაყრდნობით ავრცელებს. ქვეყანაში კორონავირუსის დადასტურებულმა შემთხვევებმა 49,959 შეადგინა. ჯამში გარდაიცვალა 671 ადამიანი. ვირუსისგან 41,279 პაციენტი განიკურნა.

თბილისის მერიის შენობა

25 ოქტომბერი 2020, 18:02

საზოგადოება

თბილისის მერია ნაძალადევის რაიონში საგზაო ინფრასტრუქტურულ პროექტთან დაკავშირებით განცხადებას ავრცელებს

ნაძალადევის რაიონის გამგეობის საგზაო ინფრასტრუქტურული პროექტი სრულყოფილად შესრულდა, - ამის შესახებ ნათქვამია მერიის მიერ გავრცელებულ განცხადებაში. აღნიშნული განცხადებით თბილისის მერია ტელეკომპანია „მთავარ არხის“ მიერ გავრცელებულ ინფორმაციას ეხმიანება და მას სიცრუეს უწოდებს. კერძოდ, არხზე გასულ სიუჟეტს საზოგადოების შეცდომაში შეყვანის მცდელობად მიიჩნევს.

ჩილე

25 ოქტომბერი 2020, 17:44

მსოფლიო

ჩილეში კონსტიტუციასთან დაკავშირებით ისტორიული რეფერენდუმი იმართება

ჩილეში რეფერენდუმი მიმდინარეობს იმასთან დაკავშირებით, უნდა ჩაანაცვლოს თუ არა პინოჩეტის დროინდელი კონსტიტუცია მოქალაქეების მიერ შედგენილმა წესდებამ. ეს არის მთავარი საკითხი, რომლის გარშემოც გასულ წელს საპროტესტო აქციები იმართებოდა. ხმის მიცემის უფლება, 2,715 საარჩევნო უბანზე 14,8 მილიონზე მეტ ადამიანს აქვს.

უცხოური მედია

25 ოქტომბერი 2020, 17:39

პოლიტიკა

რას წერს უცხოური მედია საქართველოზე - ტელეკომპანია „იმედის“ მიმოხილვა

ყოველ კვირას, 17:00-საათიან „ქრონიკაში“ ტელეკომპანია „იმედი“ გთავაზობთ მიმოხილვას, თუ რას წერს უცხოური მედია საქართველოზე. გიორგი გახარიას ღია წერილი Daily Telegraph-ში, საპარლამენტო არჩევნები, ვითარება ოკუპირებულ ტერიტორიებზე - ეს ის თემებია, რომლებზეც უცხოურმა მედიამ ამ კვირაში გაამახვილა ყურადღება.

25 ოქტომბერი 2020, 17:03

თავდაცვა

თავდაცვის მინისტრმა სამხედრო ლიცეუმში დასრულებული ინფრასტრუქტურული სამუშაოები დაათვალიერა

მასშტაბური ინფრასტრუქტურული სამუშაოები თავდაცვის ძალებში არსებულ ყველა სამხედრო ბაზაზე დასკვნით ფაზაშია, - ამის შესახებ ინფორმაციას თავდაცვის სამინისტრო ავრცელებს. სამინისტროს ინფორმაციით, სარემონტო სამუშაოები დასრულდა გენერალ კვინიტაძის სახელობის სამხედრო ლიცეუმშიც. დასრულებული ინფრასტრუქტურული პროექტები საქართველოს თავდაცვის მინისტრმა ირაკლი ღარიბაშვილმა ადგილზე მოინახულა.

თეა წულუკიანი

25 ოქტომბერი 2020, 16:32

პოლიტიკა

თეა წულუკიანი არჩევნების შემდეგ იუსტიციის მინისტრის თანამდებობაზე დაბრუნებას არ გეგმავს

„ამაზე გვქონდა გუნდის შიგნით მსჯელობა და ეს, რა თქმა უნდა, ასე არ იგეგმება, იმიტომ რომ მე ბევრჯერ მითქვამს, რომ 8 წელი საკმარისია და ვფიქრობ, რომ ის, რაც შეიძლება ერთმა ადამიანმა, ერთმა გუნდმა და ერთმა სამინისტრომ 8 წლის განმავლობაში ერთგულად აკეთოს, ეს ვაკეთეთ. ახლა დროა, რომ დაინიშნოს ახალი მინისტრი, რომელიც ამ ფუნდამენტზე უკვე კიდევ უკეთეს შენობას ააგებს, რომელსაც იუსტიციის სისტემა ჰქვია“, - აღნიშნა წულუკიანმა.

თეა წულუკიანი

25 ოქტომბერი 2020, 16:21

პოლიტიკა

თეა წულუკიანი: ნელ-ნელა ვსწავლობთ და კიდევ უკეთესად უნდა ვისწავლოთ ის, რომ არჩევნები არ არის მუშტი-კრივი

როდესაც ვემშვიდობებოდი თანამშრომლებს, ვემშვიდობებოდი იმ წრეებს, ვინც 8 წელი ხელს მიწყობდა მუშაობაში, სწორედ ამას ვამბობდი, რომ არასდროს გვქონია სხვა მიზანი გარდა იმისა, რომ გვეჩვენებინა, რომ წინ მიდის პროცესი, წინ მიდის ქვეყანა და შემდეგ იქმნება ისეთი საფუძველი, ფუნდამენტი, რომ სხვა, ახალ თაობს, ახალ მინისტრს, ახალ თანამდებობის პირს ეძლევა საშუალება, რომ ზედ დააშენოს, უკეთესი გააკეთოს. ეს არის რეალურად მიზანი, რომ მუდმივად სახეზე იყოს გაუმჯობესება და ეს მე მგონი სახეზეა დღეს“, - აღნიშნა წულუკიანმა.

25 ოქტომბერი 2020, 16:17

COVID19

ქუთაისის 59-ე საოლქო კომისიის თავმჯდომარეს კორონავირუსი დაუდასტურდა

ქუთაისის 59-ე საოლქო კომისიის თავმჯდომარეს კორონავირუსი დაუდასტურდა. საარჩევნო ადმინისტრაციის პრესსამსახურის განცხადებით, ავთანდილ ოსეფაიშვილს ვირუსი ორი დღის წინ აღმოაჩნდა და კლინიკაშია გადაყვანილი. რაც შეეხება საარჩევნო პროცესს - განმარტავენ, რომ ამ დროისთვის არანაირი შეფერხება არაა და ყველა პროცედურა ჩვეულ რეჟიმში მიმდინარეობს.