imedi /  01 ოქტომბერი 2020, 11:16 / სანდო წყარო

Emerging Europe: ნატო-ს ხელმძღვანელი საქართველოს პრემიერ-მინისტრს მოუწოდებს „წევრობისთვის მოემზადოს“

გიორგი გახარია და იენს სტოლტენბერგი

გიორგი გახარია და იენს სტოლტენბერგი

გამოცემა Emerging Europe-ი გიორგი გახარიას ბრიუსელში ვიზიტს სტატიას უძღვნის. ავტორი აღნიშნავს, რომ ნატოს გენერალურმა მდივანმა, იენს სტოლტენბერგმა საქართველოს პრემიერ-მინისტრს განუცხადა, „სრულად გამოიყენოს“ ნატო-სთან დაახლოების ყველა შესაძლებლობა და „მოემზადოს წევრობისთვის“.

„ნატო-ს ხელმძღვანელმა ასევე ხაზი გაუსვა საქართველოს სასამართლო სისტემის რეფორმების გაგრძელების მნიშვნელობას და შეაფასა ქვეყნის პროგრესი რეფორმის განხორციელების მხრივ, რომელიც მიზნად ისახავს „დაზვერვის, უსაფრთხოების სამსახურებისა და შეიარაღებული ძალების დემოკრატიული ზედამხედველობის გაძლიერებას”. მისი თქმით, საქართველომ პროგრესი განიცადა როგორც შეიარაღებული ძალების მოდერნიზების, ისე დემოკრატიის განმტკიცების მხრივ.

სტოლტენბერგს სურდა კიდევ ერთხელ გამოეხატა ნატო-ს მხარდაჭერა საქართველოს ტერიტორიული მთლიანობის აღდგენის საკითხში. ქვეყნის მეხუთედი რჩება რუსეთის ოკუპაციის ქვეშ.

„ნატო მხარს უჭერს საქართველოს ტერიტორიულ სუვერენიტეტს მის საერთაშორისოდ აღიარებულ საზღვრებში. ჩვენ მოვუწოდებთ რუსეთს, შეწყვიტოს აფხაზეთისა და სამხრეთ ოსეთის რეგიონების აღიარება და გაიყვანოს სამხედრო ძალები,” - თქვა მან“,- წერია პუბლიკაციაში.

ამავდროულად, გახარიამ ნატო-ს ხელმძღვანელს განუცხადა, რომ საქართველო მზადაა „თავის თავს მოარგოს ახალი როლი" შავი ზღვის რეგიონში უსაფრთხოების უზრუნველყოფის მიმართებით..

„ბრიუსელში ყოფნისას, გახარია ასევე შეხვდა ევროკომისარს მეზობლობისა და გაფართოების საკითხებში, ოლივერ ვარელის, და ხელი მოაწერა 129 მილიონი ევროს ღირებულების ორ დაფინანსების ხელშეკრულებას, რაც დაეხმარება საქართველოს გაუმკლავდეს COVID-19–ის გავრცელებასა და მის გავლენას ქვეყნის ეკონომიკაზე. ორივე შეთანხმება არის ევროკავშირის რეაგირების ნაწილი COVID-19–ზე “Team Europe” ინიციატივით.

„ევროკავშირი საქართველოს გვერდით დგას COVID-19 პანდემიის ფონზე. ჩვენ კვლავაც გავაკეთებთ ყველაფერს, რაც შეგვიძლია, რათა შევამსუბუქოთ პანდემიის გავლენა ადამიანების ცხოვრებასა და ბიზნესზე”, - განაცხადა ვარელიმ.

კრიზისის დასაწყისიდან ევროკავშირის მხარდაჭერა, რომელიც მობილიზებულია საქართველოსთვის, მოიცავს სხვადასხვა ქმედებებს, რომლებიც მიზნად ისახავს საქართველოს მოქალაქეების დახმარებას პანდემიასთან და მის გავლენასთან გამკლავებაში. დახმარების ღონისძიებები მოიცავს სამედიცინო საშუალებებს, მოწყვლადი ჯგუფების სოციალურ დახმარებას, სესხებსა და გრანტებს ბიზნესისა და ფერმერებისთვის ქვეყნის მასშტაბით და სახელმწიფო ბიუჯეტის პირდაპირ ფინანსურ დახმარებას.

დღეს გაფორმებული დაფინანსების ორი შეთანხმება ევროკავშირის COVID-19 მხარდაჭერის პაკეტის ნაწილია საქართველოსთვის და გააძლიერებს დახმარებას ორი ძირითად მიმართულებით: გადაუდებელი დახმარება და ეკონომიკური განვითარება დედაქალაქ თბილისის გარეთ.

75 მილიონი ევროს გრანტის საშუალებით, ევროკავშირი მხარს დაუჭერს ქვეყნის ანტიკრიზისულ ეკონომიკურ გეგმას, რომლის მიზანია საქართველოს მოქალაქეების დახმარება პანდემიის გავლენასთან გამკლავებაში. ღონისძიებები მოიცავს სოციალურ დახმარებას სოციალურად დაუცველი ოჯახებისთვის და ბიზნესის მხარდაჭერას, რომლებმაც შეინარჩუნეს სამუშაო ადგილები რთულ პერიოდში. იგი ასევე ითვალისწინებს ინტენსიური თერაპიის განყოფილებებში საწოლების რაოდენობის გაზრდას, ინფექციის გავრცელების პოტენციური ზრდისთვის მოსამზადებლად.

ევროკავშირი მხარს დაუჭერს ამ გეგმას 54 მილიონი ევროს ოდენობის გრანტებით, რომელიც მიზნად ისახავს რეგიონების ეკონომიკურ განვითარებას დედაქალაქის გარეთ. იმისათვის, რომ საქართველოს ყველა მოქალაქემ ისარგებლოს ეკონომიკური განვითარებით, პროგრამა ფოკუსირდება ადგილობრივი ხელისუფლების წარმომადგენლებსა და მოქალაქეებისთვის კონკრეტულ ქმედებებზე, როგორიცაა ურბანული ზონების ინფრასტრუქტურის რეაბილიტაცია ან მშენებლობა, ტურიზმის განვითარების წახალისება და მცირე და საშუალო კომპანიების მხარდაჭერა და ინოვაციები. პროგრამა ასევე მოიცავს ღონისძიებებს დეცენტრალიზაციის მხარდასაჭერად და ადგილობრივ დონეზე მოქალაქეთა ჩართულობას გადაწყვეტილების მიღების პროცესში.

კრიზისის პირველი ხუთი თვის განმავლობაში საქართველო ძალიან კარგად გაუმკლავდა პანდემიას და ჯანდაცვის წარმომადგენლების აღიარებაც დაიმსახურა, მთელი მსოფლიოს მასშტაბით, მკაცრი შეზღუდვებისა და ყოველდღიურად ინფიცირების მხოლოდ რამდენიმე შემთხვევის დაფიქსირების გამო. ბოლო რამდენიმე კვირის განმავლობაში ინფექციის გავრცელების მაჩვენებელი საგრძნობლად გაიზარდა: გუშინ დაფიქსირდა 298 ახალი შემთხვევა - დღემდე არსებული ყველაზე მაღალი მაჩვენებელია.

ქვეყანამ დააგვიანა სკოლებისა და უნივერსიტეტების გახსნა, ახლა კი ოქტომბრის ბოლოს დაგეგმილი საპარლამენტო არჩევნების ორგანიზების დამატებითი გამოწვევის წინაშე დგას. სავარაუდოდ, კენჭისყრა იქნება რეფერენდუმი მთავრობის მიერ პანდემიაზე რეაგირების შესახებ. მმართველი პარტია „ქართული ოცნება“ ინარჩუნებს ჯანსაღ ლიდერობას საზოგადოებრივი აზრის გამოკითხვებში და, სავარაუდოდ, ადვილად მოიპოვებს სრულ უმრავლესობას.

პროგნოზით, საქართველოს ეკონომიკური ზრდა 2020 წელს 5,5 პროცენტით შემცირდება, ძირითადად, ქვეყანაში ტურიზმის სექტორის შემცირების შედეგად, მოგზაურობაზე კორონავირუსის შეზღუდვების გამო“, - წერს ავტორი.

ყველა სიახლე

30 ოქტომბერი 2020, 17:20

COVID19

ინდონეზიაში კორონავირუსის 2,897 შემთხვევა გამოვლინდა

გასული 24 საათის განმავლობაში ინდონეზიაში კორონავირუსის 2,897 ახალი შემთხვევა გამოვლინდა, 81 ინფიცირებული კი გარდაიცვალა. ინდონეზიაში ინფიცირებულთა საერთო რიცხვმა 406,945 შეადგინა. ქვეყანაში კორონავირუსი 334,295-მა ადამიანმა დაამარცხა, დაავადებას კი 13,782 ადამიანი ემსხვერპლა.

ეკატერინე ტიკარაძე

30 ოქტომბერი 2020, 17:17

COVID19

ეკატერინე ტიკარაძე: ბოლო მონაცემებით გვყავს 500-მდე კრიტიკული პაციენტი

თითოეული პაციენტის მდგომარეობა აყვანილია კონტროლზე, როგორც სამინისტროს, ისე კლინიკური ჯგუფის მხრიდან. დღეს არსებული მონაცემებით, გვყავს 500-მდე კრიტიკული პაციენტი, - ამის შესახებ ჯანდაცვის მინისტრმა ეკატერინე ტიკარაძემ „რუსთავი2“-ის ეთერში განაცხადა.

ირაკლი ჩიქოვანი

30 ოქტომბერი 2020, 17:14

რეგიონი

ირაკლი ჩიქოვანი: დარწმუნებული ვარ, თქვენ მოხვალთ საარჩევნო უბნებში და გააკეთებთ არჩევანს, რომელიც მიმართულია ზუგდიდის წარმატებისთვის

„კამპანიის პირობებში ჩვენ გვქონდა ძალიან ბევრი შეხვედრა როგორც ქალაქში, ისე ადმინისტრაციულ ერთეულებში, გვქონდა საუბრები ჩვენს დიდ მიღწევებზე, რაც გვაქვს ქალაქის განვითარების თვალსაზრისით, იმ დიდ მიღწევებზე, რაც აქვს ჩვენს ქვეყანას ბევრი სხვადასხვა მიმართულებით, მაგრამ, ამავე დროს, ვისაუბრეთ იმ გამოწვევებზე, რომლებიც ჩვენ წინაშე დგას, იმ გეგმებზე, რომლებიც ჩვენ შემდეგი რამდენიმე წლის განმავლობაში უნდა განვახორციელოთ“.

ბელგია

30 ოქტომბერი 2020, 17:00

COVID19

ბელგია კორონავირუსის ახალი 23 921 შემთხვევის გამოვლენის შემდეგ, სრულ ლოკდაუნს განიხილავს

ბელგიაში დღეს კორონავირუსის 23 921 ახალი შემთხვევა დაფიქსირდა. ბოლო 24 საათში გარდაიცვალა 138 ადამიანი. დღეს საკონსულტაციო კომიტეტი პრემიერ-მინისტრის ხელძღვანელობით ბელგიის სამეფოში არსებულ ეპიდვითარებას შეაფასებს და გადაწყდება, გადავა თუ არა უახლოეს დღეებში ბელგია სრულ ლოკდაუნზე

სკარლეტ იოჰანონი
კოლინ იოსტი

30 ოქტომბერი 2020, 16:59

ტაბლოიდი

სკარლეტ იოჰანსონი მესამედ გათხოვდა

იოჰანსონი და იოსტი ერთმანეთს 2017 წლიდან ხვდებოდნენ. 2019 წელს ისინი დაინიშნენ. მანამდე იოჰანსონი ორჯერ იყო გათხოვილი. 2008-2011 წლებში ის რაიან რეინოლდსთან იყო ქორწინებაში, 2014-2017 წლებში კი- ფრანგ ჟურნალისტ, რომენ დაურიაკთან. ბოლო ქორწინებიდან სკარლეტს 6 წლის გოგონა როზა დოროთი ჰყავს.

30 ოქტომბერი 2020, 16:55

რეგიონი

სოფელ ჯვარაში ახალი საჯარო სკოლის მშენებლობა სრულდება

თეთრიწყაროს მუნიციპალიტეტის სოფელ ჯვარაში 60 ბავშვზე გათვლილი, ახალი საჯარო სკოლის მშენებლობა სრულდება. სკოლა საერთაშორისო სტანდარტების შესაბამისად სრულად იქნება ადაპტირებული განსაკუთრებული საჭიროების მქონე პირთათვის.პროექტის ფარგლებში შენობაში მოეწყო: საკლასო ოთახები, საპირფარეშოები, სპორტული მოედანი, ასევე, დამონტაჟდა გათბობის, წყალსადენისა და საკანალიზაციო სისტემები.

30 ოქტომბერი 2020, 16:54

მსოფლიო

ეგეოსის ზღვაში 7 მაგნიტუდის სიმძლავრის მიწისძვრა მოხდა

ეგეოსის ზღვაში, 16,5 კილომეტრის სიღრმეში 7 მაგნიტუდის სიმძლავრის მიწისძვრა მოხდა, რომელიც საბერძნეთსა და თურქეთში იგრძნობოდა. თურქეთის საგანგებო სიტუაციების სამსახურის ინფორმაციით, მიწისქვეშა ბიძგებმა იზმირის პროვიცნიაში სულ მცირე 20 შენობა გაანადგურა. მიწისძვრა იგრძნობოდა აგრეთვე ათენში.

30 ოქტომბერი 2020, 16:49

COVID19

აზერბაიჯანში კორონავირუსი კიდევ 1,022 ადამიანს გამოუვლინდა

გასული დღე-ღამის განმავლობაში აზერბაიჯანში კორონავირუსი კიდევ 1,022 ადამიანს გამოუვლინდა, 10 ადამიანი კი გარდაცვლილა. ამის შესახებ ინფორმაციას ადგილობრივი მედია, ჯანდაცვის სამინისტროზე დაყრდნობით ავრცელებს. ქვეყანაში კორონავირუსის დადასტურებულმა შემთხვევებმა 54,174 შეადგინა. ჯამში გარდაიცვალა 718 ადამიანი. ვირუსისგან 42,996 პაციენტი განიკურნა.

ივანე მაჭავარიანი

30 ოქტომბერი 2020, 16:47

COVID19

ივანე მაჭავარიანი: გაცილებით იოლია ყველგან გამოვიყენოთ პირბადე და დავიცვათ მინიმალური წესები, სხვა ყველაფერი, რაც შეზღუდვებისკენ წაგვიყვანს, დაგვაზიანებს და მეტ ეკონომიკურ ფასს გადავიხდით

გაცილებით იოლია, ყველგან გამოვიყენოთ პირბადე და დავიცვათ მინიმალური წესები, სხვა ყველაფერი, რაც შეზღუდვებისკენ წაგვიყვანს, დაგვაზიანებს და მეტ ეკონომიკურ ფასს გადავიხდით, - აღნიშნა ფინანსთა მინისტრმა ივანე მაჭავარიანმა დღეს, საკოორდინაციო საბჭოს სხდომის დასრულების შემდეგ გამართულ ბრიფინგზე.

ილია II

30 ოქტომბერი 2020, 16:21

პოლიტიკა

კათოლიკოს-პატრიარქი არჩევნებზე ხმას გადასატანი ყუთის მეშვეობით მისცემს

კათოლიკოს-პატრიარქი ილია მეორე 31 ოქტომბრის საპარლამენტო არჩევნებზე გადასატანი ყუთის მეშვეობით მისცემს ხმას. როგორც საპატრიარქოს პრესცენტრში აცხადებენ, ილია მეორისთვის გადასატან ყუთს საპატრიარქოში მიიტანენ. მათი განმარტებით, გადაწყვეტილება ქვეყანაში შექმნილი ეპიდემიოლოგიური ვითარებიდან გამომდინარე მიიღეს.

მამუკა მდინარაძე

30 ოქტომბერი 2020, 16:09

პოლიტიკა

მამუკა მდინარაძე: თუ რომელიმე ადგილობრივი სადამკვირვებლო ორგანიზაცია რაიმე სახის დარღვევას მიუთითებს, პირადად ვთხოვ ყველას, მიუთითოს კონკრეტული ფაქტი

„როდესაც ადგილობრივი ორგანიზაციები საუბრობენ, რომ ადგილი აქვს ამომრჩევლების მოსყიდვას, დაშინებას, ამას რომ ჰქონდეს ოდნავ სისტემური ხასიათი, ხომ შეიძლება, რომ ერთი ფაქტი სადმე ამოვარდეს. თუ ერთი ფაქტი მაინც არ არის წარმოდგენილი, ეს იმას ნიშნავს, რომ ეს არის ტყუილი და სამწუხაროდ, ადგილობრივი სადამკვირვებლო ორგანიზაციას ამბობს ტყუილს“, - განაცხადა მამუკა მდინარაძემ.

მამუკა მდინარაძე

30 ოქტომბერი 2020, 16:07

პოლიტიკა

მამუკა მდინარაძე: დღეს თუ არ ვცდები, „ნაციონალური მოძრაობის“ წარმომადგენლის მხრიდან დაფიქსირდა ამომრჩევლის მოსყიდვის კონკრეტული ფაქტი

დღეს დაფიქსირდა ამომრჩევლის მოსყიდვის კონკრეტული ფაქტი, „ნაციონალური მოძრაობის“ წარმომადგენლის მხრიდან თუ არ ვცდები, ყოველშემთხვევაში მე მაქვს კადრები ნანახი, სადაც ამომრჩეველზე 20-20 ლარის დარიგება მიმდინარეობს, არსებობს ამის ვიდეო მტკიცებულება, - ამის შესახებ პარლამენტის თავმჯდომარის მოადგილემ, მამუკა მდინარაძემ ბრიფინგზე განაცხადა.

გიორგი ხელაშვილი

30 ოქტომბერი 2020, 15:57

პოლიტიკა

გიორგი ხელაშვილი: მიუხედავად სხვადასხვა ოპოზიციური ძალის ხშირად ბოროტი და პოლარიზებული თავდასხმისა, პარტია „ქართული ოცნება“ ხელმძღვანელობდა და ახორციელებდა ცვლილებებს

„ოთხშაბათს, 28 ოქტომბერს, საქართველოში აღინიშნა ჯერ კიდევ არდაშლილ საბჭოთა კავშირში ჩატარებული პირველი მრავალპარტიული არჩევნების 30 წლისთავი. ოპოზიციამ, რომელსაც ანტიკომუნისტი დისიდენტი ზვიად გამსახურდია ხელმძღვანელობდა, დამაჯერებელი უმრავლესობით მოიგო არჩევნები და პირველი გარდამავალი მთავრობის შექმნის უფლება მიიღო, მოგვიანებით კი, 1991 წლის 9 აპრილს, საქართველოს დამოუკიდებლობა გამოაცხადა“.

ივანე მაჭავარიანი

30 ოქტომბერი 2020, 15:44

ეკონომიკა

ივანე მაჭავარიანი: სექტემბერში, თითქმის ისეთივე ეკონომიკური აქტივობები გვაქვს, როგორიც გასულ წელს იყო

სექტემბერში ძალიან პოზიტიური ტენდენცია გამოჩნდა. ესაა -0.7 შემცირება წინა წელთან შედარებით, რაც, პრაქტიკულად, ნიშნავს, რომ თითქმის ისეთივე ეკონომიკური აქტივობები გვაქვს სექტემბერში, რაც შარშან იყო, თუმცა, უნდა გვაქხსოვდეს, რომ ტურიზმი, სხვადასხვა შეფასებით, 9-10%-ია საქართველოს ეკონომიკის და ის მოგვაკლდა. მიუხედავად ამისა, შარშანდელ დონეზე ვნარჩუნდებით, - ამის შესახებ ფინანსთა მინისტრმა, ივანე მაჭავარიანმა მთავრობის ადმინისტრაციაში გამართულ ბრიფინგზე განაცხადა.

მამუკა მდინარაძე

30 ოქტომბერი 2020, 15:42

პოლიტიკა

მამუკა მდინარაძე: ვერ დამისახელებთ ვერცერთ სფეროს, სადაც ხელშესახები პროგრესი არ არის

„თვითკმაყოფილებით არავინ არის შეპყრობილი და კარგად ვხედავთ იმ გამოწვევებს, რომლებზეც ადეკვატური პასუხი ჩვენ კიდევ წლების განმავლობაში გვჭირდება. მაგალითად, იმისთვის, რომ ქვეყანაში საბოლოოდ აღმოიფხვრას სიღარიბე. სიღარიბის მაჩვენებელი მსოფლიო ბანკის მონაცემებით „ქართული ოცნების“ ხელისუფლებაში მოსვლის დროს იყო 30 პროცენტი და დღეს იმავე, მსოფლიო ბანკის მონაცემებით არის 19-ნახევარი პროცენტი, ეს არის ხელშესახები პროგრესი“, - განაცხადა მამუკა მდინარაძემ.

ირაკლი კობახიძე

30 ოქტომბერი 2020, 15:36

პოლიტიკა

ირაკლი კობახიძე: გასაკვირი „ქართული ოცნების“ 60% კი არა, ის არის, რომ „ნაციონალურ მოძრაობას“, „ევროპულ საქართველოს“, „პატრიოტთა ალიანსსა“ და ასეთ პარტიებს ჯამში 40% აქვთ

დღეს „ქართულ ოცნებას“ აქვს მყარი მხარდაჭერა და ეს დადასტურებულია იმ კვლევებით, რომლებიც მაღალი სანდოობით სარგებლობს. გამოქვეყნდა სხვადასხვა კვლევა, მათ შორის - ტელევიზიების მიერ. ჩვენ გვაქვს ჩვენი კომპანიის მიერ შესრულებული კვლევები და თითოეული მათგანი ძალიან მაღალ მხარდაჭერას ადასტურებს, - ამის შესახებ „ქართული ოცნების“ აღმასრულებელმა მდივანმა ირაკლი კობახიძემ „ქართული ოცნების“ ოფისში გამართულ ბრიფინგზე განაცხადა.

გიორგი გახარია

30 ოქტომბერი 2020, 15:35

პოლიტიკა

გიორგი გახარია რუსულ რბილ ძალაზე: ამას ჩვენ, სტრატეგიულ პარტნიორებთან თანამშრომლობით ვუპირისპირებთ პირველ რიგში, დემოკრატიული ინსტიტუტების მაღალ ხარისხს, მედია პლურალიზმს, სრულ გახსნილობას

შესაბამისი სპეციალური სამსახურები მუშაობენ თავიანთი რეგლამენტების შესაბამისად და რუსი ჯაშუშების, ძველ პერიოდში, ასე გამოვლენა, პიარისთვის და რეკლამისთვის, ეს არაფერს არ ნიშნავს, - ამის შესახებ საქართველოს პრემიერ-მინისტრმა გიორგი გახარიამ, უწყებათაშორისი საკოორდინაციო საბჭოს დასრულების შემდეგ, მთავრობის ადმინისტრაციაში გამართულ ბრიფინგზე, ჟურნალისტების კითხვის საპასუხოდ განაცხადა.

ირაკლი კობახიძე

30 ოქტომბერი 2020, 15:30

პოლიტიკა

ირაკლი კობახიძე: დევი ჭანკოტაძეს, დიმიტრი შაშკინსა და ნიკანორ მელიას მობილიზებული ჰყავთ ეკიპაჟები, რომლებიც აღჭურვილი არიან ხელკეტებითა და ელექტროშოკებით

პროვოკაციები ყველაზე მეტად მოსალოდნელია ბოლნისში, დმანისში, მარნეულში, ბათუმში, ზუგდიდსა და გლდანში. პროვოკაციების ორგანიზების კუთხით, დამკვირვებლებმა განსაკუთრებული ყურადღება უნდა გაამახვილონ „ნაციონალური მოძრაობის“ წარმომადგენლებზე, დევი ჭანკოტაძეზე, დიმიტრი შაშკინსა და ნიკანორ მელიაზე. ახლახან ჩვენთვის ცნობილი გახდა, რომ მათ მობილიზებული ჰყავთ ეკიპაჟები, რომლებიც აღჭურვილი არიან ხელკეტებითა და ელექტროშოკებით, - ამის შესახებ ირაკი კობახიძემ „ქართული ოცნების“ ოფისში გამართულ ბრიფინგზე განაცხადა.​

30 ოქტომბერი 2020, 15:29

სამართალი

გურჯაანის მუნიციპალიტეტში კაცმა 2 ადამიანი მოკლა

გურჯაანის მუნიციპალიტეტში, სოფელ ვაზისუბანში კაცმა 2 ადამიანი მოკლა, ორი მეზობელი კი დაჭრა. imednws-ის ინფორმაციით, მკვლელს ფსიქოლოგიური პრობლემები აქვს. დაჭრილები სასწრაფო სამედიცინო ბრიგადამ გურჯაანის ჯეოჰოსპიტალსში მოათავსა. მათი ჯანმრთელობის მდგომარეობა კრიტიკულია. პაციენტს ამ წუთებში გადაუდებელი ქირურგიული ოპერაცია უტარდება.

ამირან გამყრელიძე

30 ოქტომბერი 2020, 15:27

COVID19

ამირან გამყრელიძე: საარჩევნო უბნებზე დაინფიცირების რისკი მინიმალურია, ამიტომ, ნუ შეგეშინდებათ

„ამიტომ, ნუ შეგეშინდებათ, აუცილებელია არჩევნებზე მივიდეთ პირბადით. იქ ორჯერ გვიწევს ათი წამის განმავლობაში პირბადის მოხსნა და ეს არ არის პრობლემა. დარწმუნებული იყავით, მაქსიმალური დაცვაა გათვალისწინებული, რომ ხმის მიცემის პერიოდში და არჩევნებზე ინფიცირების მაჩვენებელი არ გაიზარდოს“, - განაცხადა გამყრელიძემ.