წინასწარი მონაცემებით, ზაალ მიქელაძემ 52%-ზე მეტი აიღო

საქართველოს პარლამენტში ქობულეთის მაჟორიტარი დეპუტატობის კანდიდატმა, „ქართული ოცნებიდან“, ზაალ მიქელაძემ - წინასწარი მონაცემებით 52 პროცენტზე მეტი აიღო.

მისი თქმით, არჩევნების დღემ მშვიდად ჩაიარა და განსაკუთრებულ ხარვეზებს ადგილი არ ჰქონია.

„მოულოდლენი არ იყო, ჩვენ ამისთვის ვემზადებოდით არა მხოლოდ ეს თვეები და გარკვეული წლები, რომ რაღაც შედეგამდე მივსულიყავით. როცა გიწევს ადამიანებთან გულწრფელი ღია ურთიერთობა, დაახლოებით როგორც პარტიის ასევე კანდიდატების მიმართ იყო მხარდაჭერა. მადლობა მოსახლეობას, თუმცა ხმები ბოლომდე დათვლილი არ არის, მაგრამ ჩვენ, როგორც კანონმორჩილი მოქალაქეები, ველოდებით იურიდიულ დასტურს.

წინასწარი ინფირმაციით ვიცით, რომ 50 პროცენტზე მეტი გვაქვს. მთელი ცხოვრება ამ ადამიანებთან ერთად გავატარე ამ მუნიციპალიტეტში, - ყველა ოჯახი ძალიან ნაცნობი და ახლობელია პროფესიიდან გამომდინარე. ეს ადამიანები თავიანთ პრობლემებთან ერთად არ მიმიტოვებია და პასუხიც შესაბამისი, ადეკვატური იყო.

ქობულეთიში არჩევნების დღემ მშვიდად ჩაირა, განსაკუთრებულ ხარვეზებს ადგილი არ ჰქონია“, - აღნიშნა მიქელაძემ.