imedi /  18 ნოემბერი 2020, 19:26 / სანდო წყარო

Middle East Institute: პომპეოს ვიზიტი საქართველოში განსაკუთრებით საყურადღებოა, რადგან ის ასახავს აშშ-ის მხრიდან საქართველოს, როგორც სტრატეგიული პარტნიორის, მხარდაჭერის განმტკიცებას

მაიკ პომპეო
გიორგი გახარია

მაიკ პომპეო
გიორგი გახარია

ამერიკის შეერთებული შტატების სახელმწიფო მდივნის, მაიკ პომპეოს მიმდინარე ტურნე ევროპასა და შუა აღმოსავლეთში, რომელიც დაიწყო საფრანგეთში, მოიცავს თურქეთს, საქართველოს, ისრაელს, არაბთა გაერთიანებულ საემიროებს, ყატარს და დასრულდება საუდის არაბეთში. პომპეოს ვიზიტი პატარა პოსტსაბჭოთა დემოკრატიულ ქვეყანაში - საქართველოში განსაკუთრებით საყურადღებოა, რადგან ის ასახავს აშშ-ის მხრიდან საქართველოს, როგორც სტრატეგიული პარტნიორის, მხარდაჭერის განმტკიცებას მაშინ, როცა აღმოსავლეთ ევროპასა და სამხრეთ კავკასიაში დასავლეთის ჩართულობის შესაძლებლობები სულ უფრო იკლებს რუსეთის სამხედრო ძალების ზრდის ფონზე, - გამოცემა ,,Middle East Institute“ სტატიას სახელწოდებით ,, პომპეოს ვიზიტი თბილისში წარმოადგენს როგორც „საპატიო წრეს“, ისე შესაძლებლობას“ აქვეყნებს.

როგორც სტატიის ავტორები, იულია საბინა ჯოჯა და რაიან ოლსონი აცხადებენ, პომპეოს ვიზიტი წარმოადგენს მხარდაჭერის დადასტურებას, რომელიც ესოდენ სჭირდება ამერიკის სტრატეგიულ პარტნიორს - საქართველოს.

მათი თქმით, საქართველომ მნიშვნელოვან წინსვლას მიაღწია ნატოსთან თავსებადობის მხრივ, ასევე უფრო ინტენსიური ხდება თბილისის თანამშრომლობა ნატოსთან მზარდი სამხედრო წვრთნების გზით.

,,მთიან ყარაბაღში ახლახან მიღწეულმა შეთანხმებამ ცეცხლის შეწყვეტის შესახებ შეცვალა რეგიონის გეოპოლიტიკა - დასავლეთის მონაწილეობის გარეშე რეგიონში საზღვრების შეცვლამ გამოიწვია რუსეთისა და თურქეთის მომძლავრება. ამ შეთანხმების შედეგად, დღეს საქართველო გარშემორტყმულია რუსული ჯარებით როგორც ჩრდილოეთით, სადაც არსებობს რუსული ბორდერიზაციის საფრთხე, ისე სამხრეთით, სადაც მთიანი ყარაბაღისკენ სულ ახლახან გააგზავნეს 2 000 რუსი ჯარისკაცი.
პომპეოს ვიზიტი წარმოადგენს მხარდაჭერის დადასტურებას, რომელიც ესოდენ სჭირდება ამერიკის სტრატეგიულ პარტნიორს - საქართველოს. მართალია, აშშ-ის ჩართულობას სამხრეთ კავკასიაში სულ უფრო დიდ ზიანს აყენებს რუსეთის სამხედრო ძალების ზრდა, მაგრამ საქართველოს აქვს კონგრესის ორპარტიული მხარდაჭერა ვაშინგტონში, სადაც რესპუბლიკელი კონგრესმენი ადამ კინზინგერი და დემოკრატი კონგრესმენი ჯერი კონოლი არიან საქართველოს მეგობართა ჯგუფის თანათავმჯდომარეები. ეს კი პომპეოს აძლევს გარკვეულ სივრცეს მანევრირებისთვის, რათა გაიზარდოს აშშ-ის მხარდაჭერა უსაფრთხოების სფეროში და მისი აქტიურობა რეგიონში და საბოლოოდ გადაიდგას ნაბიჯები რუსეთის სამხედრო ძალების ზრდის შესაჩერებლად. პომპეო შეეცდება, დადებით ნოტაზე დაასრულოს ტრამპის ერა აღმოსავლეთ ევროპასა და სამხრეთ კავკასიაში ძალაუფლებისთვის დიდ ბრძოლაში. რეგიონში პომპეოს ვიზიტები, როგორც წესი, კონცენტრირებული იყო შეკავების დღის წესრიგზე. ბოლო თვეებში მიღწული იყო რამდენიმე სტრატეგიული წარმატება აშშ-ის აქტიურობის ზრდის მხრივ რუსეთისა და ჩინეთის ხარჯზე. სახელმწიფო მდივანი შუამავლობდა აღმოსავლეთ ევროპის ენერგეტიკულ ინფრასტრუქტურაში რიგ მნიშვნელოვან საინვესტიციო გარიგებებში. 9 ოქტომბერს რუმინეთმა და აშშ-მა ხელი მოაწერეს ორმხრივი ურთიერთების ისტორიაში უმსხვილეს ეკონომიკურ შეთანხმებას - 8 მილიარდი დოლარი ატომური ელექტროსადგურის ასაშენებლად (თავდაპირველად ამ ტენდერში ჩინეთმა გაიმარჯვა). 10 დღის შემდეგ კი აშშ-მა ხელი მოაწერა 18-მილიარდიან პაკეტს პოლონეთთან, ასევე ატომური ელექტროსადგურის ასაშენებლად. კიდევ 4 დღის შემდეგ გაფორმდა ატომური ელექტროსადგურის შესახებ მე-3 შეთანხმება, ამჯერად ბულგარეთთან და ასევე რუსეთსა და ჩინეთზე უკეთესი შეთავაზებების წყალობით. შესაძლებელია, რომ მიმდინარე კვირის დღის წესრიგში დადგეს კიდევ ერთი ენერგეტიკული შეთანხმების საკითხი. მართლაც, საქართველო ჩართულია რამდენიმე პროექტში, რომლებიც შეამცირებს ენერგეტიკული დამოკიდებულება რუსეთზე და წვლილს შეიტანს რეგიონის ენერგოუსაფრთხოებაში. ერთ-ერთი ასეთი პროექტის ფარგლებში საქართველო ცდილობს მაღალი ძაბვის არსებული ელექტროგამტარი სადენების გამაგრებას, რომლებიც საქართველოს გავლით სამხრეთ კავკასიასა და ცენტრალურ აზიას აკავშირებენ ევროპასთან, შავი ზღვისა და რუმინეთის მეშვეობით. გარდა ამისა, საქართველო და რუმინეთი გეგმავენ თხევადი გაზის პროექტის განხორციელებას, რომელიც შავი ზღვის მეშვეობით და რუსეთის გვერდის ავლით მოამარაგებს ევროპას აზერბაიჯანის გაზით. რუმინულმა კომპანიამ OMV Petrom ახლახან გაიმარჯვა ტენდერში და მონაწილეობას მიიღებს საქართველოს შავი ზღვის ღრმაწყლოვან ენერგეტიკულ საძიებო სამუშაოებში. დაბოლოს, შეთავაზებული თეთრი ნაკადის მილსადენით გაზი შავი ზღვის მეშვეობით საქართველოდან გადაიგზავნება რუმინეთსა და უკრაინაში და შემდეგ ცენტრალურ ევროპაში. რეგიონული ენერგოუსაფრთხოების ამ პროექტებიდან ზოგიერთის (ყველასი თუ არა) უფრო მეტი მხარდაჭერა აშშ-ის მხრიდან წვლილს შეიტანს საქართველოს და შავი ზღვის რეგიონის ენერგეტიკულ ავტონომიაში და, ამასთან ერთად, შეაკავებს ჩინეთისა და რუსეთის აქტიურობას. მას შემდეგ, რაც აშშ-მა და საქართველომ აღნიშნეს სტრატეგიული თანამშრომლობის მე-10 წლისთავი, რეგიონის უსაფრთხოება კიდევ უფრო ფეთქებადი გახდა. უსაფრთხოების სფეროში თანამშრომლობის გაფართოება ორივე მხარისთვის მომგებიანი იქნება (ახლახან გაცხადდა გეგმები მსგავსი კავშირების განმტკიცებასთან დაკავშირებით რუმინეთსა და აშშ-ს შორის). საქართველომ მნიშვნელოვან წინსვლას მიაღწია ნატოსთან თავსებადობის მხრივ, ასევე უფრო ინტენსიური ხდება თბილისის თანამშრომლობა ნატოსთან მზარდი სამხედრო წვრთნების გზით. თუმცა რეგიონში მომატებული არასტაბილურობის ფონზე აშშ-საქართველოს კავშირების შემდგომი განმტკიცება თავდაცვის სფეროში უბრალოდ აუცილებელია და ამას დასჭირდება კონგრესის ორპარტიული მხარდაჭერა, ტრამპის ადმინისტრაციის წასვლის შემდეგაც“,- წერს გამოცემა.

სტატიაში აღნიშნულია, რომ ვაჭრობა და საინვესტიციო კავშირები საქართველოსა და აშშ-ს შორის დაჩრდილა უსაფრთხოების სფეროში ურთიერთობებმა და ამას ლოგიკური მიზეზები აქვს, საქართველო დღესაც დგას რუსეთის მხრიდან ეგზისტენციალური საფრთხის წინაშე და აქტიურად ეწინააღმდეგება რუსული და სეპარატისტული ძალების მიერ თავისი ტერიტორიების 20%-ის ოკუპაციას.

როგორც ავტორები აცხადებენ, აშშ-ს დიდი ხნის მანძილზე შეაქვს წვლილი საქართველოს პოსტსაბჭოთა ტრანსფორმაციაში - საქართველო ხშირად არის აშშ-ის საგარეო დახმარების ერთ-ერთი ყველაზე მსხვილი მიმღები სულ მოსახლეზე.

,,დაფინასება ხმარდება ინფრასტრუქტურულ პროექტებს და ადამიანური რესურსების განვითარებას, ეკონომიკური და მმართველობის რეფორმების წახალისებას პირობებზე დაფუძნებული პროგრამების მეშვეობით (მაგალითად, ათასწლეულის გამოწვევის 2 კომპაქტი საქართველოსთვის). ამ დონეზე ჩართულობის მხარდაჭერა, დიდი ალბათობით, გაგრძელდება. გასულ კვირას აშშ-ის სენატის საბიუჯეტო კომიტეტი გამოვიდა წინადადებით საქართველოსთვის დახმარების მნიშვნელოვნად გაზრდასთან დაკავშირებით. ეს ეკონომიკური ურთიერთობები განსაზღვრულია აშშ-საქართველოს სტრატეგიული პარტნიორობის ქარტიით, რომელშიც ოფიციალურადაა დასახული ორმხრივი თანამშრომლობა უსაფრთხოების სფეროში, ვაჭრობასა და ეკონომიკაში, დემოკრატიის მხარდაჭერაში და ადამიანთა შორის გაცვლების მიმართულებით. მართალია, ტრამპის ადმინისტრაცია ინარჩუნებდა ქარტიით გათვალისწინებული ჩართულობის დონეს, მაგრამ ეკონომიკური კავშირების გაღრმავების შესაძლებლობები, როგორც წესი, უგულებელყოფილი იყო, რაც შეიძლება ყოფილიყო გამოხატული ორმხირივი ინვესტიციების გაფართოების შეთანხმების მეშვეობით, ასევე სახელმწიფო შესყიდვების შესახებ ვაჭრობის მსოფლიო ორგანიზაციის შეთანხმებაზე საქართველოს მიერთებასთან დაკავშირებით პოლიტიკური ჩართულობის მეშვეობით. ტრამპის მიდგომა საქართველოს მიმართ ასახავს აშშ-ის სავაჭრო პოლიტიკის უფრო ფართო ტენდენციას, რომელიც პრიორიტეტს ანიჭებს ეროვნულ უსაფრთხოებას, ხარჯების შეკვეცას და ამერიკის სავაჭრო კანონების გატარებას, რამაც შეზღუდა აშშ-სა და საქართველოს შორის უფრო მასშტაბური ეკონომიკური და საინვესტიციო ჩართულობის შესაძლებლობები და შედეგად მოიტანა დისონანსი ქარტიით განსაზღვრული სავაჭრო მიზნებს და პოლიტიკურ რეალობას შორის. ამ გამოუყენებელ შესაძლებლობებს გარკვეულწილად აბალანსებს ადმინისტრაციის მხრიდან სასიცოცხლო მნიშვნელობის მხარდაჭერა „3 ზღვის ინიციატივის“ ფარგლებში. ამ ინფრასტრუქტურული ინვესტიციების პროგრამის მიზანია ენერგეტიკული, სატრანსპორტო და საინფორმაციო ტექნოლოგიური კავშირების გაფართოება ბალტიის, ადრიატიკის და შავ ზღვას შორის. მართალია, საქართველოს მონაწილეობა ჯერჯერობით არ განიხილება, მაგრამ 3 ზღვის ბიზნესფორუმი იძლევა უფრო ფართო ჩართულობის შესაძლებლობას. ახლახან ტრამპის ადმინისტრაციის მიერ პრეფერენციების განზოგადებული სისტემის ფარგლებში საქართველოს შრომითი პრაქტიკის განხილვის შეწყვეტა წარმოადგენს საქართველოს ეკონომიკური რეფორმების კიდევ ერთ აღიარებას. გარდა ამისა, აშშ-ის სავაჭრო წარმომადგენლის მიერ გამოქვეყნებულმა სამწლიანმა შეფასებამ, რომელიც ეხება პრეფერენციების განზოგადებული სისტემის ფარგლებში იმპორტიორი ქვეყნების (მათ შორის საქართველოს) საქმიანობას, კიდევ უფრო უნდა წაახალისოს ბიზნესები და უზრუნველყოს სასარგებლო სამუშაო ჩარჩო დამატებითი ორმხრივი ვაჭრობის ხელშესაწყობად“,- წერს გამოცემა.

სტატიაში ვკითხულობთ, რომ პომპეოს ვიზიტს თბილისში შეუძლია უზრუნველყოს ტრამპის ვაჭრობის და საინვესტიციო მემკვიდრეობა რეგიონში და საფუძველი ჩაუყაროს შემდგომ ეკონომიკურ ჩართულობას ახალარჩეული პრეზიდენტის, ჯო ბაიდენის მმართველობის პერიოდში.

ავტორთა შეფასებითმ, აშშ-ის დაპირება 3 ზღვის ინიციატივაში შეტანილი ჯამური 30%-იანი წვლილის 1 მილიარდ დოლარამდე გაზრდასთან დაკავშირებით მიუთითებს ტრამპის ადმინისტრაციის მხრიდან განსაკუთრებულ ყურადღებაზე შავი ზღვის მიმართ, რომელიც, რეგიონში ბევრის იმედით, ბაიდენის მმართველობის პერიოდშიც გაგრძელდება.
,, რაც შეეხება ვაჭრობას, არსებობს საკმარისზე მეტი შესაძლებლობა საქართველოსთვის ადმინისტრაციის ორმხრივი მხარდაჭერის განსამტკიცებლად. 2019 წელს აშშ-ში საქართველოს ექსპორტის თითქმის 75% პასუხობდა საბაჟო გადასახადებისგან გათავისუფლების მოთხოვნებს პრეფერენციების განზოგადებული სისტემის ფარგლებში, რომელსაც ვადა გასდის 31 დეკემბერს. მართალია, პრეფერენციების განზოგადებული სისტემა შედის აშშ-ის სავაჭრო წარმომადგენლის იურისდიქციაში, მაგრამ მდივან პომპეოს მიერ საქართველოს ლიდერებისთვის პროგრამის მნიშვნელობის დადასტურება განამტკიცებს აშშ-ის ერთგულებას ორმხრივი ვაჭრობის მიმართ, ასევე იქნება სიგნალი კონგრესისთვის, რომ ადმინისტრაცია მზად არის და ემხრობა პროგრამის გაგრძელებას, თუკი ამაზე იქნება ორივე პალატის თანხმობა. გარდა ამისა, ზოგიერთ ქართულ პროდუქტზე საბაჟო გადასახადების მოხსნას, ასევე აშშ-ის სავაჭრო წარმომადგენლის მიერ შრომითი სტანდარტების შესახებ განხილვების შეწყვეტას, შეუძლია ხელი შეუწყოს მოლაპარაკებებს საქართველო-აშშ თავისუფალი ვაჭრობის შეთანხმების შესახებ, რითაც არსებითად გადახალისდება სავაჭრო კავშირები შემდეგი ადმინისტრაციის პირობებში სავარაუდო მოლაპარაკებების მოლოდინში. როგორც დამატებითი სტიმული, აშშ-ის წესებისა და სტანდარტების მიერ მხარდაჭერილი შეთანხმება წვლილს შეიტანს რეგიონში ჩინური გავლენის განეიტრალებაში.
ურთიერთობები აშშ-სა და საქართველოს შორის ინარჩუნებს სიმტკიცეს როგორც რესპუბლიკელთა, ისე დემოკრატთა ადმინისტრაციის პირობებში. თბილისში ვიზიტისთვის სამზადისში პომპეო კმაყოფილი უნდა იყოს თავისი ადმინისტრაციის ძალისხმევით, რომელიც მიმართულია ამერიკის კავშირების განმტკიცებისკენ საქართველოსთან და შავი ზღვის რეგიონის სხვა ქვეყნებთან. რუსეთის მიმდინარე აგრესიული მოქმედება და ჩინეთის მზარდი აქტიურობა რეგიონში მიუთითებს, რომ აშშ-მა გააკეთა სწორი არჩევანი, როცა ყურადღება გადაიტანა ძალაუფლებისთვის დიდი ბრძოლის გამძაფრებაზე. მიუხედავად ამისა, შავი ზღვის რეგიონული დინამიკის მუდმივი ცვალებადობის გათვალისწინებით, წინ კიდევ დიდი სამუშაოა გასაკეთებელი. პომპეომ უნდა ისარგებლოს ამ შესაძლებლობით, რათა განამტკიცოს პრეზიდენტ ტრამპის მემკვიდრეობა, რისთვისაც უნდა გაძლიერდეს და კიდევ ერთხელ დადასტურდეს ამერიკის ერთგულება საქართველოს უსაფრთხოების მიმართ და საფუძველი უნდა ჩაეყაროს შემდგომ ეკონომიკურ ინტეგრაციას“,- ნათქვამია ,,Middle East Institute”-ის მიერ გამოქვეყნებულ სტატიაში.

ყველა სიახლე

კახი კახიშვილი

25 ივნისი 2022, 20:41

პოლიტიკა

კახი კახიშვილი რადიკალურ ოპოზიციაზე: ახლა, რადგან სიტყვა რევოლუცია გაიცვითა და მოსახლეობას საკმაოდ აღიზიანებს ეს სიტყვა, შეფუთეს და ეროვნულ მთავრობაზე ლაპარაკობენ

ერთი წელი შემახსენეთ, სადაც ოპოზიცია არ ეძებს საბაბს ძალადობრივი გზით ხელისუფლებაში მოსვლის, - ამის შესახებ საპარლამენტო უმრავლესობის წევრმა, კახი კახიშვილმა „ქრონიკაში“ განაცხადა.

კახი კახიშვილი

25 ივნისი 2022, 20:26

პოლიტიკა

კახი კახიშვილი ოპოზიციის მოთხოვნებზე: ვერ მივხვდი რა უნდა ამ ჯგუფს, ხელისუფლებაში მოსვლა თუ ევროპაში შესვლა

ნებისმიერმა ადამიანმა და იურისტმა იცის როგორ იცვლება ხელისუფლება, ეს არის უტოპიური განცხადება, მიკვირს ისეთი ადამიანებისგან ასეთი განცხადების გაჟღერება, რომლებსაც პრეტენზია აქვთ, რადგან იურისტები არიან. მე ვერ მივხვდი რა უნდა ამ ჯგუფს, ხელისუფლებაში მოსვლა თუ ევროპაში შესვლა უნდა, - ამის შესახებ საპარლამენტო უმრავლესობის წევრმა, კახი კახიშვილმა „ქრონიკაში“ 24 ივნისის აქციაზე ხელისუფლების მიმართ წაყენებულ ოპოზიციის მოთხოვნებზე საუბრისას განაცხადა.

25 ივნისი 2022, 19:56

მსოფლიო

აშშ-მ, ავსტრალიამ, იაპონიამ, ახალმა ზელანდიამ და დიდმა ბრიტანეთმა წყნარი ოკეანის პარტნიორობის ორგანიზაცია შექმნეს

ამერიკის შეერთებულმა შტატებმა, ავსტრალიამ, იაპონიამ, ახალმა ზელანდიამ და დიდმა ბრიტანეთმა წყნარი ოკეანის პარტნიორობის ორგანიზაცია შექმნეს. ამის შესახებ თეთრის სახლის ოფიციალურ ვებ-გვერდზე გამოქვეყნებულ განცხადებაშია ნათქვამი.

გარდცვლილი ქართველი მეომრის გადმოსვენება

25 ივნისი 2022, 18:54

საზოგადოება

უკრაინაში დაღუპული ქართველი მებრძოლი ალუდა ზვიადაური სამშობლოში ჩამოასვენეს

ცხედრის ჩამოსვენებისას აეროპორტში დაღუპულის ოჯახის წევრები და ახლობლები იმყოფებოდნენ. გარდაცვლილი ქართველი მებრძოლის სულის მოსახსენიებელი პანაშვიდი ქაშვეთის ტაძარში გაიმართება. მას სამხედრო პატივით დაკრძალავენ.

დავით ზალკალიანი; ჯო ბაიდენი

25 ივნისი 2022, 18:04

პოლიტიკა

დავით ზალკალიანმა ჯო ბაიდენს რწმუნებათა სიგელები გადასცა

რწმუნებათა სიგელების გადაცემის ცერემონიის ფარგლებში შედგა ხანმოკლე შეხვედრა ელჩსა და პრეზიდენტს შორის. დავით ზალკალიანმა პრეზიდენტს მიაწოდა ინფორმაცია საქართველოს წინაშე არსებული გამოწვევების შესახებ და დაუდასტურა, რომ საქართველო აშშ-ის სანდო და ერთგული პარტნიორია რეგიონში.

ბადრი ჯაფარიძე

25 ივნისი 2022, 17:40

პოლიტიკა

ბადრი ჯაფარიძე: „ლელო საქართველოსთვის“ მხარს უჭერს ეროვნული თანხმობის მთავრობის შექმნას, რომელიც იქნება არა პარტიული, არამედ პროფესიული ნიშნით დაკომპლექტებული

„ლელო საქართველოსთვის“ მხარს უჭერს ეროვნული თანხმობის მთავრობის შექმნას, რომელიც იქნება არა პარტიული, არამედ პროფესიული ნიშნით დაკომპლექტებული, – ამის შესახებ „ლელოს“ ერთ-ერთმა ლიდერმა ბადრი ჯაფარიძემ განაცხადა.

მიხეილ სარჯველაძე

25 ივნისი 2022, 17:30

პოლიტიკა

მიხეილ სარჯველაძე: ესაა მოთხოვნა, რომ მაქარაშვილი ან ვინმე სხვა, გახდნენ მინისტრები და პრემიერ მინისტრები. ეს გგონიათ საქართველოსთვის გამოსავალი?!

ესაა მოთხოვნა, რომ მაქარაშვილი ან ვინმე სხვა, ლომჯარიაზე იყო საუბარი, გახდნენ მინისტრები და პრემიერ მინისტრები. ეს გგონიათ საქართველოსთვის გამოსავალი?!, - ამის შესახებ საპარლამენტო უმრავლესობის წევრმა, მიხეილ სარჯველაძემ ჟურნალისტებს პარლამენტში განუცხადა.

დავით ქართველიშვილი

25 ივნისი 2022, 17:19

პოლიტიკა

გიორგი ვაშაძე ოპოზიციის მოთხოვნებზე: თუ 3 ივლისამდე პასუხს არ გასცემენ, ჩვენ ორივე სცენარისთვის მზად ვართ - 3-ში გაიგებთ რა იქნება უარყოფითი სცენარის შემთხვევაში

ძალიან სოლიდური და დეპოლარიზაციისკენ ორიენტირებული განაცხადი იყო გუშინ გაკეთებული აქციაზე, ეს არის ეროვნული თანხმობის მთავრობის ჩამოყალიბება - ამის შესახებ „რეფორმების ჯგუფის“ წევრმა გიორგი ვაშაძემ განაცხადა.

ირაკლი კობახიძე

25 ივნისი 2022, 15:19

საზოგადოება

ირაკლი კობახიძე მორაგბეებს გელა აფრასიძესა და მიხეილ ნარიაშვილს საფრანგეთის ჩემპიონობას ულოცავს

„ჩვენს საამაყო მორაგბეებს, გელა აფრასიძეს და მიხეილ ნარიაშვილს ვულოცავ საფრანგეთის ჩემპიონობას!“, - წერს კობახიძე სოციალურ ქსელში.

25 ივნისი 2022, 14:53

რეგიონი

აჭარის მთავრობის ხელშეწყობით საზღვაო აკადემიის 10 სტუდენტი ფლენსბურგის უნივერსიტეტში გააგრძელებს სწავლას

ბათუმის საზღვაო აკადემიის ნავიგაციის ინგლისურენოვანი პროგრამის სტუდენტები ერთი სემესტრის განმავლობაში ისწავლიან გერმანიაში, ფლენსბურგის უნივერსიტეტში. აჭარის მთავრობა, აჭარის განათლების, კულტურისა და სპორტის სამინისტრო სრულად დააფინანსებს სტუდენტების სწავლებას გერმანიის უნივერსიტეტში.

25 ივნისი 2022, 14:40

სამართალი

ბიზნესმენი ლევან კაჭარავას მკვლელობის გამო, წყნეთში საგამოძიებო მოქმედებები მთელი ღამის განმავლობაში მიმდინარეობდა

„ოჯახს ამ წუთებში არანაირი ვერსია არ გააჩნია. გუშინდელი ამბის შემდეგ ისეთი თავზარდაცემულები ვართ, რომ ვერც ვფიქრობთ, ვის შეიძლება ასეთი ორგანიზებული დანაშაული ჩაედინა. მას ასეთი კონკრეტული მტერი არ ყავდა. როგორც ვიცი შეხვედრაზე იყო და მისი მეუღლე ჰყავდა სადღაც წაყვანილი. არსებული ინფორმაციით, მანქანის მძღოლი ერთ-ერთი თანამშრომელი იყო, რომელთან ერთადაც იმ შეხვედრიდან წამოვიდა“, - განაცხადა კაჭარავას ოჯახის ახლობელმა, სალომე კობალაძემ.

ალექსანდრე რაქვიაშვილი

25 ივნისი 2022, 14:36

პოლიტიკა

ალექსანდრე რაქვიაშვილი: „სახალხო მთავრობის” მოთხოვნა სრულიად ალოგიკურია და ევროინტეგრაციაში ვერ დაგვეხმარება, ეს მხოლოდ საბაბია, რომ ძალაუფლება ხელში ჩაიგდო

„სახალხო მთავრობის" მოთხოვნა სრულიად ალოგიკურია და ევროინტეგრაციაში ვერ დაგვეხმარება. თუმცა, შეიძლება, რომ ეს მოთხოვნა მთლად გაუაზრებლადაც არ იყო მოგონილი, მაგრამ მაშინ გამოდის, რომ ევროინტეგრაცია არავის აინტერესებს და რომ ის მხოლოდ საბაბია, რათა ძალაუფლება ხელში ჩაიგდო. როგორც ყოველთვის, „ხალხის სახელით“, - ამის შესახებ Facebook-ზე „გირჩის“ წევრი, დეპუტატი ალექსანდრე რაქვიაშვილი წერს.

ირაკლი ქადაგიშვილი

25 ივნისი 2022, 14:18

პოლიტიკა

ირაკლი ქადაგიშვილი: მიტინგს რომ ჩაატარებ და გულმხურვალე სიტყვით გამოხვალ, არ ნიშნავს, რომ ამით ლეგიტიმაცია გაქვს მთავრობის ჩამოყალიბებისა ან გადაყენებისა

საპარლამენტო უმრავლესობის წევრის, ირაკლი ქადაგიშვილის განცხადებით, 24 ივნისის აქციაზე ჩამოყალიბებული მოთხოვნები შეუსაბამოა იმ გზავნილთან და პერსპექტივასთან, რაც ევროსაბჭოს გადაწყვეტილებით საქართველომ უნდა შეასრულოს.

პაატა მანჯგალაძე

25 ივნისი 2022, 14:17

პოლიტიკა

პაატა მანჯგალაძე: ევროპამ ჩვენ შემოგვთავაზა 12-პუნქტიანი გეგმა. სამწუხაროდ, საქართველოში არავის გვჯერა, რომ ხელისუფლება ამას თავისი ნებით გააკეთებს

„იმისთვის, რომ ჩვენ გავხდეთ ევროპის ნაწილი, ევროპამ ჩვენ შემოგვთავაზა 12-პუნქტიანი გეგმა. სამწუხაროდ, საქართველოში არავის გვჯერა, რომ ხელისუფლება ამას თავისი ნებით გააკეთებს. ამიტომ, მარტივი გამოსავალია, გადადგეს ირაკლი ღარიბაშვილი, შეიქმნას ეროვნული თანხმობის დროებითი, გარდამავალი მთავრობა, რომელიც იანვრამდე უზრუნველყოფს ყველა რეკომენდაციის შესრულებას.

იაგო ხვიჩია

25 ივნისი 2022, 14:12

პოლიტიკა

იაგო ხვიჩია ოპოზიციის მოთხოვნებზე: ორივე მოთხოვნა არასერიოზულია

„გირჩის“ თავმჯდომარე იაგო ხვიჩია 24 ივნისის აქციაზე ხელისუფლების მიმართ წაყენებულ ორივე მოთხოვნას არასერიოზულს უწოდებს.

ედიშერ გვენეტაძე

25 ივნისი 2022, 13:34

პოლიტიკა

ედიშერ გვენეტაძე აქციის ორგანიზატორებზე: ვითომდა, რუსეთის მიმართ გულიანადაც ბილწსიტყვაობენ და გაიძახიან: პუტინ-ს, პუტინ-ის მაგრამ ირკვევა, რომ სინამდვილეში არსებობენ პუტინ-ით

წარმოშობით ქართველ არახამიას რუსული ბიზნესებისა და შემოსავლების გამო, მშობლიურ რუსულ ენაზე საუბრის დათმობა არამც და არამც არ სურს. გრიგოლ ვაშაძეს ასევე რუსული კულტურის, ენისა და ფსბ-ს საბუთის დათმობა, ლიაკასა და მის ოჯახს რუსული რუბლებისა დათმობა თურმე, იმისთვის სურს, რომ ვოლოდიამ ტანკი არ იყიდოს (ამ დროს ტანკს კი არ ყიდულობს მოსკოვი იქით ყიდის)! გია მარქარაშვილს (მარქაროვს) კი რუსი ბიზნესმენი მინდიას ფულებით ბინების ყიდვა დაუწყია!, ხოლო „ნაცპარტიის“ თავმჯდომარე ნაყოფიას - მისი კრემლის გენერალთა წილებზე მოცდენა. ამ დროს სხვებს თავს დასჩხავიან ეს რუსის პოლიტიკურ-სოციალურ-ეკონომიკური შვილები!, - ასე ეხმიანება ექსპერტი ედიშერ გვენეტაძე „შინ ევროპისკენ“ აქციის მონაწილეებს.

25 ივნისი 2022, 13:03

რეგიონი

ყაზახეთში აჭარის შესახებ სიუჟეტებსა და ბლოგებს გაეცნობიან

ყაზახეთის წამყვანი მედიასაშუალებების ჟურნალისტები და ინფლუენსერები აჭარის ტურისტული პროდუქტების შესახებ მასალებს ამზადებენ. Forbes-ის, Selfie Travel-ის, Tv31-ის წარმომადგენლებმა ბლოგერებთან ერთად უკვე მოინახულეს ბათუმის ძირითადი ტურისტული ღირსშესანიშნაობები, ბოტანიკური ბაღი, პეტრას ციხე, არქეოლოგიური და ხარიტონ ახვლედიანის მუზეუმები. მათი ყურადღების ცენტრში მოექცა აჭარული ხაჭაპურის მომზადების მასტერკლასიც.

ზურაბ ქადაგიძე

25 ივნისი 2022, 12:45

პოლიტიკა

ზურაბ ქადაგიძე: გუშინდელი აქცია „წინ ევროპისკენ“ უცებ გადაიქცა მოწოდებად „უკან ხელისუფლებაში“

ალბათ, გულწრფელი ადამიანების ის მცირე რაოდენობა, რაც გუშინ მივიდა რუსთაველზე, მალევე მიხვდა, რა პოლიტრევანშისტებთან მოხვდა და მაქარაშვილების, გაგარინების, მშვილდაძეების ღნავილს აღარც კი დალოდებია... - ასე ეხმიანება ექსპერტი ზურაბ ქადაგიძე „შინ ევროპისკენ“ გამართულ აქციას.

თამთა მეგრელიშვილი

25 ივნისი 2022, 12:40

პოლიტიკა

თამთა მეგრელიშვილი არახამიაზე: ალბათ უკრაინა ოცის (ოლიგარქის) ხელში რომ არის, ეს იგულისხმა და მათი ქვეყნის უბედურება ამ მხრივაც კარგად ესმის

მისი ერთ-ერთი ბოლო მომართვის ტექსტის შინაარსი - „ძალიან საწყენია, იმის გააზრება, რომ ქართველები ერთი ოლიგარქის ტყვეობაში მოექცნენ“ ჩემში „ქურდს ქუდი ეწვის“ ასოციაციას იწვევს, - წერს საჯარო მმართველობის დოქტორი თამთა მეგრელიშვილი რადას დეპუტატის დავით არახამიას ვიდეო მიმართვაზე.

25 ივნისი 2022, 12:40

თემა

მცირე სახელმწიფო „ახალი წესრიგის“ კონტექსტში: ქართული ქეისი

მოკლედ - შექმნილი გარემოს შესახებ... ...რომელიც მეტად წინააღმდეგობრივი და არასტანდარტულია. ბოლო ხნის რამდენიმე მასშტაბური გამოწვევა - პანდემია, ომი, კლიმატი - სერიოზულად ცდის გლობალურ საერთაშორისო-სამართლებრივ და ეკონომიკურ ურთიერთობათა უკვე დაუძლურებულ სისტემას, მოითხოვს მის ჩანაცვლებას ახლითა და უფრო ქმედითით. ასეთი ჩანაცვლების აუცილებლობა ჯერ კიდევ პანდემიამდე გამოიკვეთა, თუმცაღა დაავადების გავრცელების სისწრაფე და არეალი მსოფლიო ეკონომიკისთვის აბსოლუტურად განსხვავებული სტრეს-ტესტი იყო. წარმოების დიდწილად შეფერხებამ, ბიზნესის პარალიზებამ, საზღვრების ჩაკეტვამ და მიწოდება-მომარაგების არტერიების რღვევამ, შემდგომ ეტაპზე კი მწვავე ინფლაციური პროცესის განვითარებამ ეკონომიკურ-სოციალური უთანაბრობა კიდევ უფრო გააღრმავა. თავი იჩინა როგორც გლობალურად არსებული ქცევის წესების უხეშად გადახედვის, ისე შიდა სტაბილურობის რყევის სახიფათო წინაპირობებმა. პოსტ-ცივი ომის დროინდელმა ავად თუ კარგად მოქმედმა სისტემამ უკრაინაში ომის შედეგად კიდევ უფრო მძაფრი დარტყმა მიიღო: საბოლოოდ მოიშალა ევროპაში არათუ უსაფრთხოების სისტემა, არამედ თვით უსაფრთხოების განცდაც კი. საომარი მოქმედებების სწრაფად დასრულების მოლოდინი, რომელიც თავდაპირველად გაჩნდა, თანდათანობით ტრანსფორმირდა და უკრაინაში რუსეთის ხელახალმა აგრესიამ ახლა „გამოფიტვაზე ომის“ ხასიათი შეიძინა. ჯერ პანდემიამ, ხოლო შემდეგ უკვე ევროპის შუაგულში მიმდინარე პროცესებმა პირდაპირ იმოქმედა მსოფლიო ეკონომიკის საფასო სტრუქტურაზე: პიკს მიღწეული ინფლაციის, შეზღუდული დაკრედიტებისა და მკაცრი მონეტარული პოლიტიკის პირობებში ახალ წნეხად იქცა ენერგომატარებლებსა და სურსათზე მკვეთრად მომატებული ფასები. შედეგად, თვით უსაფრთხოების ტრადიციულმა, ერთობ ვიწრო - მეტწილად სამხედრო პრიზმაში აღქმამ გადახალისება და გადააზრება მოითხოვა. თანამედროვე თვითკმარი და კონკურენტუნარიანი სახელმწიფოს შინაარსი, ენერგეტიკულ და სასურსათო თვითკმარობასთან ერთად, დღეს უკვე სრულად მოიცავს ტექნოლოგიურ მდგენელსა და მინერალებზე წვდომას. არსებული ფონი კიდევ უფრო გაამძაფრა ჩინეთის ეკონომიკის სისტემურმა გამოწვევებმა. პანდემიამდე პერიოდში ეს, ძირითადად, ეკონომიკურ სტრუქტურაში ჭარბი წილის მქონე სახელმწიფო საწარმოთა ფინანსური გაუმჭვირვალობითა და მათი ფაქტობრივი ვალაუვალობით ხასიათდებოდა. პანდემიის პერიოდში კი „ნულოვანი კოვიდის“ პოლიტიკამ გლობალური მომარაგება-მიწოდება მძიმედ გამოცადა, შემცირდა ჩინეთის პორტებში ტვირთბრუნვის ნაკადი, შეიქმნა ლოგისტიკური სირთულეები, რასაც მოგვიანებით პეკინის მიერ კრიტიკულ პროდუქციაზე საექსპორტო შეზღუდვები დაემატა. ყოველივე ამან კი, ერთობლიობაში, მსოფლიო ეკონომიკაზე მავნე ეფექტი იქონია. შედეგად, დიდი კითხვის ნიშნის ქვეშ დადგა მასშტაბურ კლიმატურ რისკებთან ეფექტიანად დაპირისპირების შესაძლებლობაც. ომსა და პანდემიასთან დაკავშირებულმა პროცესებმა შეაფერხა მწვანე ეკონომიკაზე გადასვლის წინათ დასახული ტემპი. მართალია, მწვანე ეკონომიკის სარგებელი უდავოა, მაგრამ მსოფლიოს ვრცელ გეოგრაფიულ არეალში ცხოვრების ხარისხის გაუარესებამ - რაც ისევ და ისევ ტრადიციული, ნახშირწყალბადზე დამყარებული ეკონომიკური ღონისძიებებით თუ მოითოკება - მწვანე ეკონომიკაზე გადაწყობას გეოპოლიტიკური საფასურიც გაუზარდა. „მოკლე“ შესავლის მიზნით ამით შემოვიფარგლებით, რათა არსებული ფონის მონიშვნით - ქართული სახელმწიფოს პერსპექტივის ჭრილში - მცირე სახელმწიფოს წინაშე რამდენიმე კონკრეტულ და აქტუალურ საკითხზე შევაჩეროთ მკითხველის ყურადღება. ახალი წესრიგი... საერთაშორისო ურთიერთობაში წესრიგს არცთუ იშვიათად აღნიშნავდნენ ლათინური ტერმინით -Pax. თუმცა ეს სიტყვა სემანტიკურად მხოლოდ ერთი შინაარსის მქონე არაა: კონტექსტიდან გამომდინარე, იგი აღნიშნავს როგორც „მშვიდობას“, ისე გარკვეული დომინანტი ქვეყნის/ქვეყნების გაერთიანების ან ცივილიზაციის გავლენით, - რბილი თუ ხისტი ძალის ზემოქმედებით დამკვიდრებული - ქცევის გლობალური ან რეგიონული წესების ერთობას, -„წესრიგს“. ამ ორი შინაარსიდან მეორე - „წესრიგი“, პრაქტიკულად იმგვარ ვითარებას გულისხმობს, როდესაც დომინანტი სხვებს ქცევის წესების დაცვისათვის აუცილებელ სტაბილურობას სთავაზობს. მეტიც, მოიშველიებს რა გარკვეულ რესურსს, დაწერილი თუ დაუწერელი ლეგიტიმაციით აღჭურვილი დომინანტი ამავე წესების აღსრულებასაც უზრუნველყოფს. შესავალში აღნიშნული პროცესების გათვალისწინებით, ვფიქრობთ, რომ დღეს ფორმირებულ წესრიგს წინამორბედისაგან ორი მთავარი განმასხვავებელი ექნება. ერთია, განჭვრეტად მომავალში, საშუალოვადიან მონაკვეთში მაინც, მსხვილი გეოპოლიტიკური კოალიციების - ნორმატივისტული ბანაკების - იმგვარი კონფრონტაცია, რომელიც მცირე სახელმწიფოებს თავისუფალი არჩევანისათვის უმნიშვნელო სივრცეს დაუტოვებს. „მიუმხრობლობის“ ან საკუთარი თვითმყოფადი ხაზის გასატარებლად მათ დიდი ძალისხმევა, ცოდნა, გაბედულება და ... იღბალი დასჭირდებათ. მეორე ნიშან–თვისება, რომელზეც წინა პუბლიკაციებში ხშირად გვისაუბრია, არის ახალი ფორმაციის საერთაშორისო წესრიგის რეგიონული ნიშნით უფრო მეტად დაქსელვა. ეს ის შემთხვევაა, როდესაც ძლიერი რეგიონული მოთამაშეების გავლენით ავტონომიური რეგიონული „წესრიგები“ ჩამოყალიბდება. რა თქმა უნდა, შეცდომა იქნება იმაზე საუბარი, რომ ამგვარი რეგიონული ცენტრები საერთო გლობალური ფორმატიდან ამოგლეჯილი იქნება. არა. არც იმის მტკიცება იქნება სწორი, რომ ზერეგიონალიზაციით მსოფლიო წესრიგის ფრაგმენტაციას უნდა მოველოდეთ. არც ეს მოხდება. რეგიონული დაქსელვის ტერმინით იმის აღნიშვნა გვინდა, რომ ძლიერი რეგიონული მოთამაშეები კონკრეტული რეგიონის ფარგლებში იმგვარ გეოპოლიტიკურ და გეოეკონომიკურ გრავიტაციას განაპირობებენ, რომლის უგულებელყოფა რეგიონის დანარჩენი ქვეყნებისათვის პრაქტიკულად შეუძლებელი იქნება. ...და „მცირე სახელმწიფო“ მცირე სახელმწიფოზე საუბარი საკუთრივ „მცირე სახელმწიფოს“ განსაზღვრითაა დასაწყები. სტერეოტიპული და სიმართლეს აცდენილია იმგვარი გაგება, რომლის მიხედვითაც „სიმცირე“ პირდაპირ უკავშირდება რიცხობრივ პარამეტრებს, ვთქვათ, ტერიტორიის სიდიდეს თუ მოსახლეობის რაოდენობას. ზოგადად, რიცხვები მხედველობაშია მისაღები, თუმცა ეს მხოლოდ ზედაპირული და, მაშასადამე, მეტად სტერეოტიპული ინდიკატორებია, ის, რაც მცდარი წარმოდგენის შექმნას უწყობს ხელს. მეტიც, დღეს არაერთი ტერიტორიით თუ მოსახლეობით მცირე ქვეყანა ისეთ ფუნქციონალურ როლს ასრულებს, რომ კვადრატულ კილომეტრებს თუ მოსახლეობის სიდიდეს ვერანაირად ვერ დავუკავშირებთ. ამდენად, გაცილებით მნიშვნელოვანია ე.წ. „ხარისხობრივი მაჩვენებლები“, როგორებიცაა ამა თუ იმ „მცირე ქვეყნის“ ხელთ არსებული ეკონომიკური, დიპლომატიური და უსაფრთხოების რესურსი. საგულისხმოა არაერთი ისეთი მაგალითი - ეს უკვე აღვნიშნეთ კიდეც - როდესაც რესურსი არა მარტო საკუთარი თვითკმარობის უზრუნველყოფის, არამედ ეროვნულ საზღვრებს შორის რბილი ძალის პროეცირების შესაძლებლობასაც კი იძლევა. ვერცერთი თანამედროვე კვლევის საკითხი ხისტად დაყოფას ვერ იტანს და, ამ მხრივ, არც ამ სტატიაში განხილული თემა იქნება საგამონაკლისო. ასე მაგალითად, დასაშვებია ისეთი ვარიაციაც, როცა ესა თუ ის მცირე სახელმწიფო შიდაპოლიტიკური სიმტკიცით ხასიათდება, მაგრამ გარე ფაქტორების მიმართ მეტად მოწყვლადია. ასეთ შიდა სიმტკიცეს, უწინარესად, საზოგადოებრივი სოლიდარობა, კანონის უზენაესობა და გადაწყვეტილებათა კრეატიულობა („მოძრავი აზრი“, როგორც მას იურიდიულ მეცნიერებათა დოქტორი, აკადემიკოსი მინდია უგრეხელიძე მოიხსენიებს ხოლმე) განაპირობებს. იოლად დასაშვებია, თუმცა, რომ მიუხედავად შიდა სიმტკიცის დასახელებული კომპონენტების ერთობლიობისა, მცირე სახელმწიფო მაინც ვერ აბალანსებდეს გარე მოწყვლადობას. ამგვარ დისბალანსს კი მრავალი მიზეზი შეიძლება ჰქონდეს – სტრატეგიულ იმპორტზე მაღალი დამოკიდებულებით დაწყებული და რთული რეგიონული უსაფრთხოების გარემოთი დასრულებული. ამდენად, „სიმცირის“ ძირითად განმსაზღვრელად მაინც გარე სამყაროსთან ქვეყნის სრულფასოვანი ურთიერთობის - შემხვედრი ინტერესების, ვალდებულებებისა და მოლოდინების სწორი ბალანსისათვის საჭირო რესურსი უნდა მივიჩნიოთ. რესურსზე საუბრისას არ კმარა მხოლოდ ეკონომიკური, პოლიტიკურ-სამხედრო თუ დიპლომატიური პარამეტრებით ოპერირება: საკითხავია ასევე, თუ რამდენად აქვს ქვეყნის საზოგადოებას მატერიალურ-ფიზიკური რესურსის ათვისებისათვის საჭირო ნებელობითი, ცოდნისა და თავმოყვარეობის პოტენციალი. ასევე რაციონალური განსჯის საგნად უნდა იქცეს ის, მოეპოვება თუ არა ეს რესურსი ქვეყანას მხოლოდ საკუთარი შესაძლებლობების ამოქმედებით, თუ სრული შედეგის მისაღწევად მას სხვა ქვეყნებთან სწორი თანამშრომლობა, პარტნიორობა და მოკავშირეობა ესაჭიროება. ასევე გასათვალისწინებელია, თუ რა სახის ობიექტური შეზღუდვები არსებობს ხსენებული რესურსის სრულად გამოსაყენებლად. „სიმცირის“ შესახებ საბოლოო დასკვნის გამოტანა სწორედ ასეთი ანალიზის საფუძველზე უნდა გაკეთდეს. ამდენად.. ქართული ქეისის ჭრილში მცირე სახელმწიფოს სიცოცხლისუნარიანობასა და ფუნქციონალურ სარგებელზე საუბრისას, აუცილებელია გვახსოვდეს, რომ პოლიტიკური გადაწყვეტილებების სწორი პროცესი შემდეგი საკვანძო საკითხების გააზრებას მოითხოვს: არჩევანის თავისუფლების დიაპაზონი: რომელიც უშუალოდ უკავშირდება როგორც ჩვენ მიერ უკვე განხილული ეროვნული (შიდა) რესურსის თვითკმარობას, ისე საერთაშორისო ფორმატში წამყვან აქტორებთან უსაფრთხოების, ეკონომიკისა და სავაჭრო კონტაქტებში თვითმყოფადობის ბუნებრივ თუ ხელოვნურ ლიმიტებს. ამ მხრივ საჭირო წონასწორობა ისეთი გადაწყვეტილებების მიღებაში გვეხმარება, რომლებიც რისკების, შესაბამისად კი - ქვეყნის შიგნით სტაბილურობისა და გარე საფრთხეების ადეკვატურად მართვაში შეგვიწყობს ხელს. მედეგობა: მიგვაჩნია, რომ ეროვნული მედეგობა არ არის ისტორიულად სამუდამოდ განპირობებული კონსტანტა. დრო გადის, მასთან ერთად იცვლება ურთიერთობათა საზოგადოებრივი და სოციალური სტრუქტურაც. ამიტომ, ეროვნულ მედეგობას, რომელიც ესოდენ კრიტიკული მცირე სახელმწიფოსათვის, განუწყვეტელი მოფრთხილება, ზრუნვა და შეშველება სჭირდება. თანამედროვე პირობებში თავისით არც არაფერი მოხდება და მით უმეტეს – მხოლოდ ისტორიულ-ეროვნული კოდის ხარჯზე. აღსანიშნავია, რომ მხოლოდ მიზანმიმართული, ზეპარტიული, არაკონიუნქტურული და სისტემური სახელმწიფო პოლიტიკა - ე.წ. „საყოველთაო-საერო“ (all-out nation) მიდგომა შეიძლება იქცეს სასურველი შედეგის მიღწევის საფუძვლად. ზოგადეროვნული მიდგომის ფარგლებში კი, მედეგობის საკვანძო ელემენტებად ღია და ინსტიტუციურ მმართველობას, საზოგადოების მიერ საკუთარი სახელმწიფოსადმი თანამესაკუთრისა და თანამონაწილის დამოკიდებულებას, მაკროეკონომიკურ სტაბილურობას, „ჭკვიანი“ რეგულირების ხარჯზე საბაზრო ეკონომიკას და სოციალური კეთილდღეობის სახელმწიფო პოლიტიკას (welfare state) დავასახელებდი. ეკონომიკური ქმედუნარიანობა: ეს განსაკუთრებულად აქტუალურია მცირე სახელმწიფოსათვის, ხოლო ერთ-ერთ ეფექტიან ფორმად მისი ეკონომიკის რეგიონულ ეკონომიკურ სისტემასთან ინტეგრირებაა. სწორედ რომ რეგიონული ინტეგრაცია გვესახება როგორც მაკროეკონომიკური რისკების შთანთქმის, ისე გლობალურ ბაზრებზე რეგიონის ქვეყნების კოლექტიური ეკონომიკური ინტერესების ადვოკატირების ერთ-ერთ მექანიზმად. ამავდროულად, როგორც ნებისმიერი ინტეგრაციის შემთხვევაში, აქაც რეკომენდებულია, რომ ურთიერთდამოკიდებულება და ურთიერთდაკავშირება ზომიერი იყოს და ითვალისწინებდეს მცირე სახელმწიფოს ეროვნული ეკონომიკის სპეციფიკურ მოთხოვნილებებს. მეტი უსაფრთხოება მეტი დიპლომატიით: უსაფრთხოების განსამტკიცებლად კოლექტიური, მრავალმხრივი და ორმხრივი ფორმატების მნიშვნელობაზე წარსულში ვრცლად ვისაუბრეთ. ამჯერად მცირე სახელმწიფოს ეროვნული უსაფრთხოების იმპერატიული ამოცანის გადმოსახედიდან პროაქტიულ–პრევენციული და არა ფორმალისტურ-პროტოკოლური დიპლომატიის როლის საგანგებოდ აღნიშვნა გვსურს. ზოგადად, დიპლომატიის როლი საყოველთაოდ ცნობილია და თანაბრად მნიშვნელოვანია როგორც მცირე, ისე საშუალო და დიდი ქვეყნისათვის. თუმცა შეზღუდული თავდაცვითი რესურსის პირობებში, კრეატიულ და კონკრეტულ შედეგზე მიმართულ დიპლომატიურ საქმიანობას განსაკუთრებული დატვირთვა აქვს - თუნდაც იმ ერთი შეცდომის თავიდან ასარიდებლად, რომელიც შესაძლოა ქვეყნისათვის საბედისწეროდ იქცეს და შედეგი დიდი ხნის განმავლობაში მისი ცხოვრების განმსაზღვრელი გახდეს. ქართული ქეისი: ამოცანები, შესაძლებლობები თანამედროვე კონტექსტში ქართული ქეისის ანალიზი ბოლო ათწლეულების საქართველოს საერთაშორისო პოლიტიკური ხაზის როგორც თეორიული საწყისების, ისე დაგროვებული პრაქტიკისა და გაკვეთილების გააზრებას მოითხოვს. ამ აუცილებელი სამუშაოს მთავარი მიზანი მიმდინარე პროცესების ფონზე ეროვნული ინტერესების, არსებული გამოცდილების ახლებურად შეფასება, შესაბამისი დასკვნების სახელმწიფოებრივი და საზოგადოებრივი განვითარების საჭიროებებთან მისადაგებაა. ეს დაგვეხმარება არა მხოლოდ მოწინააღმდეგესთან საუბარში, არამედ პარტნიორთან გაწონასწორებული, ორმხრივად გასაგები და მისაღები ურთიერთობის აწყობაში. მტერთან თუ მოყვარესთან მიმართებით, ჩვენი გეოგანზომილების თუ საშინაო პოლიტიკის განმსაზღვრელი იმპერატივი ორ უმთავრეს მიზანს უნდა ემყარებოდეს: მეტი უსაფრთხოება და მეტი ეკონომიკური კეთილდღეობა. ამ იმპერატივის უზრუნველსაყოფად, შესატყვისმა ქართულმა სტრატეგიამ ერთმანეთს ორგანულად უნდა დაუკავშიროს ზემოაღნიშნული მიზნები, მათი რეალიზების პრაქტიკული გზები და მათ მისაღწევად არსებული გონივრული რესურსები. უსაფრთხოების ნაწილში ქართული იმპერატივი უნდა მიემართოს: (1) ქვეყნის თავდაცვას; (2) რეგიონული უსაფრთხოების გარემოს გაუმჯობესებას; (3) ჩვენი ქვეყნის მონაწილეობით უსაფრთხოების მრავალმხრივ ფორმატებთან თავსებადობას, ისე როგორც (4) სავაჭრო და ეკონომიკური არხების შეუზღუდავ ფუნქციონირებას. გვახსოვდეს ისიც, რომ ეროვნული უსაფრთხოების დაცვის საქმეში ჩვენს ხელთ არსებული რესურსი შეზღუდულია. ამიტომ ჩვენსავე ეროვნულ ინტერესშია ვიყოთ საერთაშორისო წესრიგის აქტიური მხარდამჭერი, მის განვითარებასა და სრულყოფაში აქტიური კონტრიბუტორი. საერთაშორისო ნორმების ურყეობა და საერთაშორისო ფორმატების მრავალმხრივობა ხომ მცირე სახელმწიფოს ინტერესების ერთ-ერთი დაცვითი ზღუდეა, ხოლო ამ ზღუდის მოშლა ან ძალისმიერი მეთოდების კარნახით გადაწერა – ფატალური. მიგვაჩნია, რომ პრაქტიკულად, სხვა კომპონენტებთან ერთად, ქართული უსაფრთხოების სისტემის საერთაშორისოსთან კავშირი აუცილებლად უნდა მოიცავდეს: (1) საერთაშორისო მისიებში მონაწილეობას; (2) საკუთარი შეზღუდული თავდაცვითი რესურსის გათვალისწინებით, სამხედრო მოქმედებაში მარტო - პარტნიორების კოალიციისგან დამოუკიდებლად - ჩაბმის მაქსიმალურად თავის არიდებას; (3) საკუთარი უსაფრთხოების განმტკიცების თაობაზე ქართული და საერთაშორისო აზრის კონსოლიდირებასა და უწყვეტ მხარდაჭერას. მხოლოდ დინამიკაში... თანაც უწყვეტ დინამიკაში საქართველომ, როგორც მცირე სახელმწიფომ, ახალ გლობალურ წესრიგში (თუ უწესრიგობაში) შესაძლებელია თავისი ხმა და დანიშნულება პოვოს. ქართული ეგო–სტანდარტიც - მეტი უსაფრთხოება, მეტი ეკონომიკური კეთილდღეობა – ხომ აქეთ მიმავალი არასტანდარტული გზების თუ ორიგინალური გადაწყვეტების სამსახურშია. ჩვენს ქვეყანას უფლება არა აქვს გაჩერდეს, გაშეშდეს, გაირინდოს: ნებისმიერი მოდუნება მისი ხმის ჩაკარგვას ნიშნავს. პოლიტიკურ-სამხედრო, ეკონომიკური და დიპლომატიური კავშირების სრულყოფა და განმტკიცება, საბოლოოდ, საქართველოს მოქალაქეთა ეკონომიკურ და სოციალურ სრულფასოვნებაში უნდა აისახოს. ქვეყნის პოლიტიკური კურსიც - დღეს, ხვალ თუ ზეგ - სწორედ ასეთ განცდას უნდა ქმნიდეს: მართვის სისტემა ადამიანის სამსახურში და არა პირიქით. სახელმწიფო ინსტიტუტები ბოლომდე უნდა გათავისუფლდეს წარსულის სტერეოტიპებისაგან და მოქალაქეების თვალში მომსახურების გამწევად - სერვისის პროვაიდერად უნდა იქცეს: სასამართლო – მართლმსაჯულების განმახორციელებლად, უსაფრთხოების სისტემა – სტაბილურობის უზრუნველმყოფად, საკანონმდებლო ორგანო – პოლიტიკურ პროცესში მოქალაქისადმი კუთვნილების შეგრძნების გამაღვივებლად და ა.შ. და კიდევ ერთი: ახალი მსოფლიო, გარდა სხვა ნიშან–თვისებებისა, უფრო მეტად „სამომხმარებლო“ იქნება. ეს კი იმას ნიშნავს, რომ დიდ გლობალურ სამომხმარებლო ფორმატში შენ, როგორც ქვეყანა, შენთვის გამორჩეული ფუნქციონალური სარგებლის მატარებელი უნდა იყო. საქართველოს არცთუ შორეულ წარსულს ახსოვს ამ ხაზის ჩამოყალიბება - მას შევარდნაძის დოქტრინას ვუწოდებდით - როდესაც ტრანსსასაზღვრო პროექტებში ჩაბმით ჩვენი ქვეყანა რეგიონული ურთიერთობათა სქემაში ჩაეწერა. თუმცა დრო და გარემოებები სწრაფად იცვლება და მასთან ერთად „ჩვენი“ და „მათი“ მოლოდინებიც: წარსულით დაკმაყოფილება ვერ ივარგებს, ხოლო ახალი ფუნქციონალის ძებნა და დამკვიდრება ქვეყნის სიცოცხლისუნარიანობის მუდმივი განახლების პირობაა. ამ და მასთან დაკავშირებულ საკითხებზე მსჯელობა, საჭირო და შეუქცევადი ეროვნული დინამიკისათვის აუცილებელი ფონის გამოყენება ჩვენი დროის იმპერატივია. ვიქტორ ყიფიანი თავმჯდომარე, „ჯეოქეისი“