თორნიკე რიჟვაძე: „ნაცმოძრაობა“ აბსოლუტური მარგინალიზაციის ბოლო ეტაპზეა

„ნაცმოძრაობა“, როგორც ცალკე აღებული პოლიტიკური ძალა რეგიონში, შეიძლება ჩავთვალოთ, რომ არის აბსოლუტური მარგინალიზაციის ბოლო ეტაპზე და რა თქმა უნდა, ის მდგომარეობა, რომელშიც ისინი იმყოფებიან, საკმაოდ კომიკური, - ამის შესახებ აჭარის მთავრობის თავმჯდომარემ, თორნიკე რიჟვაძემ „იმედის“ გადაცემა „ღია ეთერში“ განაცხადა.

მისი თქმით, თქმით, ყველას და მათ შორის მთავრობას აქვს უდიდესი პასუხისმგებლობა თითოეული მოქალაქის წინაშე, მათი პოლიტიკური შეხედულებების მიუხედავად.

„რა თქმა უნდა, დრე-ღამის ნებისმიერ მონაკვეთში მზად ვართ მათთან კომუნიკაცისთვის და შესაბამისი საკითხების განსახილველად, მაგრამ ამ ყველაფერში ვერ გამოდებიან ეს ფარისეველი შუამავლები, რომლებბიც სხვადასხვა პერფორმანსით არიან დაკავებულები. რა თქმა უნდა ჩვენთვის მიუღებელია, ის კონკრეტული მოწოდებები და მცდელობები, რომ რაღაცნაირად სიტუაცია აირიოს და ასევე ის გამიზნული, კონტრეტული პოლიტიკური დღსი წესრიგი, რომელიც ჰქონდა მათ შორის, მათ მსჯავრდებულ ლიდერს და მათ ადგილობრივ ე.წ. ლიდერებს და ეს ყველაფერი ემსახურებოდა რეგიონში რევანშის, შურისძიებისა და იმ განუკითხაობის დაბრუნებას, რომელიც წლების განმავლობაში პრაქტიკა იყო“, - აღნიშნა თორნიკე რიჟვაძემ.