სოსო მანჯავიძე: „ნაციონალური მოძრაობისა“ და „ევროპული საქართველოს“ ქმედებაში ვხედავ დირექტივას, რომ დუღილის ტემპერატურა შეინარჩუნონ და საგაზაფხულოდ რევოლუცია მოახდინონ

„ნაციონალური მოძრაობისა“ და „ევროპული საქართველოს“ მოტივაცია გასაგებია. პირდაპირ ვიტყვი, მათ ქმედებაში ვხედავ დირექტივას და არა მარტო მათ ქმედებაში, რომ შეინაჩუნონ დუღილის ტემპერატურა იმ დონეზე, რომ საგაზაფხულოდ რევოლუცია მოახდინონ, - ამის შესახებ პოლიტოლოგმა, სოსო მანჯავიძემ „ნამდვილ რიცხვებში“ განაცხადა.

მისი თქმით, „ნაციონალური მოძრაობისა“ და „ევროპული საქართველოს“ თვისებაა, რომ ისინი არაფერს მალავენ.

„„ნაციონალური მოძრაობისა“ და ევროპული საქართველოს მოტივაცია გასაგებია. პირდაპირ ვიტყვი, მათ ქმედებაში ვხედავ დირექტივას და არა მარტო მათ ქმედებაში, რომ შეინაჩუნონ დუღილის ტემპერატურა იმ დონეზე, რომ საგაზაფხულოდ რევოლუცია მოახდინონ. ესაა მათი გაცხადებული მიზანი. ამათი დამახასიათებელი თვისება არის ის, რომ არაფერს მალავენ და ყველაფერი ნათქვამია აქვთ როგორც წარსულში, ისე ახლა და შემიძლია, ფსონი დავდო, ხვალაც იტყვიან რომ რევოლუცია უნდათ. ესენი მიჩვეული არიან, რომ ასეთი სახის ანტისახელმწიფოებრივი განცხადებებისა და მოქმედებების გამო, პასუხს არავინ მოსთხოვს და ეს დაუსჯელობის სინდრომი მათში ძლიერად მუშაობს.

პოლიციელებს ხომ ხან თავში ურტყამენ, ხან რას უშავებენ და ამბობენ, რომ პოლიცია არის სისხლიანი. ვერაფრით ვერ მონახეს რიტუალური მსხვერპლი. ცოტა რთული ოპერაციაა ეს, როდესაც ხელისუფლებაში არ ხარ, თორემ როდესაც ხელისუფლებაში იყვნენ, გვახსოვს მთელი საქართველო პოტენციური რიტუალური მსხვერპლი იყო.

ზოგს აქვს იმდენი საღია აზრი, რომ იტყუებიან და აცნობიერებენ, რომ იტყუებიან. მაგრამ ძირითადი ნაწილი ვერც აცნობიერებს რომ იტყუებიან. ამაშია პრობლემა. მათ მართლა სჯერათ იმის, რასაც ამბობენ. ეს უკვე ჩამოყალიბებული სექტაა. ვიდრე არჩევნების შედეგების დათვლა მოხდებოდა, მანამდე წინასწარ გამოაცხადეს გაყალბებულად“, - განაცხადა სოსო მაჯავიძემ.