12 დეკემბერი 2020, 14:30 / სანდო წყარო

საგარეო უწყება: ჟენევის საერთაშორისო მოლაპარაკებებისას, საქართველოს დელეგაციამ მწვავედ დასვა რუსეთის მხრიდან ანექსიის პროცესის გააქტიურება და უკანონოდ დაკავებული მოქალაქეების დაუყოვნებლივ გათავისუფლების საკითხი

ჟენევის საერთაშორისო მოლაპარაკებებისას, საქართველოს დელეგაციამ მწვავედ დასვა რუსეთის ფედერაციასა და ოკუპირებულ აფხაზეთის რეგიონს შორის ერთიანი სოციალურ-ეკონომიკური სივრცის ფორმირების შესახებ ე.წ. პროგრამის დამტკიცება, რომელიც საქართველოს განუყოფელი რეგიონების რუსეთის სივრცეში ეტაპობრივად ინტეგრაციას ემსახურება, - აღნიშნულია საგარეო საქმეთა სამინისტროს განცხადებაში, რომელსაც უწყება ჟენევის საერთაშორისო მოლაპარაკებების 51-ე რაუნდთან დაკავშირებით ავრცელებს.

„ქართველი მონაწილეები გამოეხმაურნენ მედიაში გავრცელებულ ინფორმაციას 2020 წლის 12 ნოემბერს სოჭში რუსეთის პრეზიდენტსა და სოხუმის საოკუპაციო რეჟიმის ლიდერს შორის გამართულ შეხვედრაზე ე.წ. სამოკავშირეო სახელმწიფოს შექმნის საკითხის განხილვას, რაც ანექსიის ფორმალურად გაფორმებისაკენ მიმართულ დესტრუქციულ ნაბიჯად შეფასდა. საქართველოს დელეგაციამ ხაზი გაუსვა, რომ აღნიშნული წარმოადგენს რუსეთის მორიგ აგრესიულ მცდელობას, დააკანონოს ევროპაში სუვერენული საზღვრების ძალისმიერი გზით ცვლილების პრაქტიკა, რაც უხეშად არღვევს საერთაშორისო სამართლის ფუნდამენტურ ნორმებსა და პრინციპებს და ძირს უთხრის წესებზე დაფუძნებულ საერთაშორისო სისტემას“ - აღნიშნულია საგარეო უწყების განცხადებაში.

სამინისტროში განმარტავენ, რომ ქართველმა მონაწილეებმა ვრცლად ისაუბრეს, კორონავირუსის პანდემიის ფონზე, რუსეთის მიერ გახშირებულ პროვოკაციებზე, აფხაზეთისა და ცხინვალის რეგიონების უკანონო მილიტარიზაციასა და რეგულარულ სამხედრო წვრთნებზე, სოფელ ჩორჩანას მიმდებარედ მცოცავი ოკუპაციის გაგრძელებაზე, საოკუპაციო ხაზზე მავთულხლართებისა და ხელოვნური ბარიერების აღმართვაზე, რაც ადგილზე ვითარების დესტაბილიზაციის მცდელობად შეფასდა. აღინიშნა, რომ მსგავსი დესტრუქციული ნაბიჯებით რუსეთის ფედერაცია უხეშად არღვევს 2008 წლის 12 აგვისტოს ცეცხლის შეწყვეტის შეთანხმებას ისევე, როგორც გაეროს გენერალური მდივნის მოწოდებას პანდემიის პირობებში გლობალური მასშტაბით ცეცხლის დაუყოვნებლივ შეწყვეტის თაობაზე.

ამასთან, საქართველოს წარმომადგენლებმა აღნიშნეს, რომ პარალელურად რუსეთის ფედერაცია აგრძელებს ჰიბრიდული ომის ინსტრუმენტების გამოყენებას, მათ შორის, კიბერთავდასხმებსა და დეზინფორმაციის აქტიურ კამპანიას საქართველოს სახელმწიფო ინსტიტუტებისა და რიჩარდ ლუგარის სახელობის საზოგადოებრივი ჯანდაცვის ლაბორატორიის წინააღმდეგ. საქართველოს დელეგაციამ დასვა რუსეთის საოკუპაციო ძალების მიერ ადგილობრივი მაცხოვრებლების უკანონო დაკავებებისა და გატაცებების საკითხი და მოითხოვა ირაკლი ბებუას, ზაზა გახელაძის, გენადი ბესტავისა და უკანონო ტყვეობაში მყოფი, საქართველოს სხვა მოქალაქეების დაუყოვნებლივ გათავისუფლება.

თანათავმჯდომარეებმა, თანამოდერატორებმა, აშშ-ისა და საქართველოს წარმომადგენლებმა ვრცლად ისაუბრეს საოკუპაციო ხაზზე თავისუფალი გადაადგილების შეზღუდვის მძიმე ჰუმანიტარულ შედეგებზე, რაც კიდევ უფრო ამწვავებს კონფლიქტის შედეგად დაზარალებული მოსახლეობას ისედაც რთულ სოციალურ ყოფას. ამ კონტექსტში, ყურადღება გამახვილდა ცხინვალის საოკუპაციო რეჟიმის მიერ სამედიცინო ევაკუაციის ეთნიკურ ნიადაგზე შეზღუდვის ფაქტებზე, რამაც ადგილობრივთა გარდაცვალების არაერთი ფატალური შემთხვევა გამოიწვია. მოლაპარაკებების მნიშვნელოვანი ნაწილი დაეთმო ოკუპირებულ ტერიტორიებზე დარჩენილი ქართველების ეთნიკურ დისკრიმინაციას, გალისა და ახალგორის რაიონების, ასევე კოდორის ხეობის მაცხოვრებლების მძიმე ჰუმანიტარულ მდგომარეობას და ხაზგასმით აღინიშნა მათი ფუნდამენტური უფლებებისა და თავისუფლებების დაცვის კრიტიკული საჭიროება. ამ თვალსაზრისით აღინიშნა ასევე ადგილობრივი სამოქალაქო აქტივისტების შევიწროებისა და დისკრიმინაციის შეწყვეტის აუცილებლობა“ - აღნიშნულია სამინისტროს განცხადებაში.

საქართველოს დელეგაციამ ყურადღება გაამახვილა აფხაზეთისა და ცხინვალის რეგიონების დანარჩენი საქართველოსგან იზოლირების გააქტიურებულ მცდელობებზე და საშიშ ტენდენციად შეაფასა ადგილობრივი მოსახლეობის მიზანმიმართული რუსიფიკაციის პროცესი.

„ამ კონტექსტში კვლავ აღინიშნა ოკუპირებულ ტერიტორიებზე მცხოვრები ქართველებისათვის მშობლიურ ენაზე განათლების მიღების უზრუნველყოფის აუცილებლობა. ამ ფონზე ხაზი გაესვა საქართველოს აფხაზეთისა და ცხინვალის რეგიონებში ევროკავშირის სადამკვირვებლო მისიის (EUMM) შესვლის, ასევე ადამიანის უფლებათა დაცვის საერთაშორისო ორგანიზაციების წვდომის საჭიროებას. კორონავირუსის (COVID-19) პანდემიის გათვალისწინებით, განსაკუთრებული ყურადღება დაეთმო კონფლიქტით დაზარალებული მოსახლეობისთვის ჰუმანიტარული დახმარების შეუზღუდავად განხორციელების აუცილებლობას, რაც 2008 წლის 12 აგვისტოს ცეცხლის შეწყვეტის შეთანხმების ერთ-ერთი მნიშვნელოვანი კომპონენტია. შექმნილ ვითარებაში ხაზი გაესვა სამშვიდობო მოლაპარაკებების ფორმატების გამართულად ფუნქციონირების მნიშვნელობას. აღინიშნა, რომ ჟენევის საერთაშორისო მოლაპარაკებების ისევე, როგორც ინციდენტების პრევენციისა და მათზე რეაგირების მექანიზმების (IPRMs) წინააღმდეგ მიმართული ნებისმიერი დესტრუქციული ნაბიჯი პირდაპირ აისახება ადგილზე მშვიდობასა და უსაფრთხოებაზე. ამ კონტექსტში აქცენტი გაკეთდა გალის IPRM-ის წინაპირობების გარეშე აღდგენისა და ერგნეთის მექანიზმის შეუფერხებლად მუშაობის აუცილებლობაზე. საქართველოს დელეგაციამ კვლავ დასვა დავით ბაშარულის, გიგა ოთხოზორიასა და არჩილ ტატუნაშვილის მკვლელობის საქმეებზე მართლმსაჯულების აღსრულებისა და აფხაზეთის რეგიონში უკანონოდ განთავსებულ რუსეთის სამხედრო ბაზაზე ირაკლი კვარაცხელიას გარდაცვალების საკითხი“ - აცხადებენ უწყებაში.

სამინისტროს ცნობით, ვრცელი დისკუსია შედგა დღის წესრიგის ისეთ მთავარ საკითებზე, როგორიცაა ძალის არგამოყენება და უსაფრთხოების საერთაშორისო მექანიზმები. საქართველოს დელეგაციამ აღნიშნა, რომ საქართველოს ტერიტორიაზე უკანონო სამხედრო ყოფნითა და რეგულარული სამხედრო წვრთნებით მოსკოვი აგრძელებს საქართველოს წინააღმდეგ ძალის გამოყენებასა და ძალის გამოყენებით მუქარას, რაც კრიტიკულად აუცილებელს ხდის რუსეთის მიერ ძალის არგამოყენების ვალდებულების დადასტურებასა და შესრულებას. საქართველოს წარმომადგენლების განცხადებით, ცეცხლის შეწყვეტისა და ძალის არგამოყენების გარანტირება ოკუპირებულ ტერიტორიებზე უსაფრთხოების საერთაშორისო მექანიზმების შექმნითა შესაძლებელი, რაც მდგრად საფუძველს შექმნის ადგილზე გრძელვადიანი მშვიდობისა და უსაფრთხოების უზრუნველსაყოფად. ამ კონტექსტში, ქართველმა მონაწილეებმა კიდევ ერთხელ მოითხოვეს საქართველოს ტერიტორიიდან რუსეთის საოკუპაციო ძალების გასვლა და ადგილზე უსაფრთხოების საერთაშორისო მექანიზმების შექმნა, ევროკავშირის შუამავლობით 2008 წლის 12 აგვისტოს დადებული ცეცხლის შეწყვეტის შეთანხმების პირობების დაცვით.

„ტრადიციულად, დღის წესრიგის ერთ-ერთ მთავარ საკითხს აფხაზეთისა და ცხინვალის რეგიონებიდან ეთნიკური წმენდის შედეგად გამოდევნილი იძულებით გადაადგილებულ პირებისა და ლტოლვილების უსაფრთხო და ღირსეული დაბრუნება წარმოადგენდა. ევროკავშირის, გაეროს, ეუთოს, აშშ-ისა და საქართველოს წარმომადგენლების მხრიდან აღინიშნა დევნილთა დაბრუნების თემის საგნობრივი განხილვის აუცილებლობა. თუმცა რუსეთისა ფედერაციისა და მისი საოკუპაციო რეჟიმების წარმომადგენლებმა კვლავ სცადეს აღნიშნული ჰუმანიტარული თემის პოლიტიზირება და მოლაპარაკებები დატოვეს. ქართველმა მონაწილეებმა მადლობა გადაუხადეს ჟენევის საერთაშორისო მოლაპარაკებების თანათავმჯდომარეს, სამხრეთ კავკასიაში ეუთოს სპეციალურ წარმომადგენელს, რუდოლფ მიხალკას სამშვიდობო მოლაპარაკებების პროცესში გაწეული ძალისხმევისთვის და წარმატება უსურვეს მას მომავალ საქმიანობაში“ - აღნიშნულია განცხადებბაში.

მოლაპარაკებების მორიგი რაუნდი 2021 წლის 23-24 მარტს გაიმართება.

ჟენევის საერთაშორისო მოლაპარაკებები შექმნილია 2008 წლის 12 აგვისტოს ცეცხლის შეწყვეტის შესახებ შეთანხმების საფუძველზე. დისკუსიები მიმდინარეობს ორი სამუშაო ჯგუფის ფარგლებში, სადაც მოლაპარაკებების მონაწილეები ინდივიდუალური სტატუსით არიან წარმოდგენილი. პირველი სამუშაო ჯგუფის ფარგლებში განიხილება საქართველოს ოკუპირებულ ტერიტორიებზე უსაფრთხოებისა და სტაბილურობის საკითხები, ხოლო მეორე სამუშაო ჯგუფში - აფხაზეთისა და ცხინვალის რეგიონებში ადამიანის უფლებებისა და ჰუმანიტარული კუთხით არსებული მდგომარება, ასევე იძულებით გადაადგილებულ პირთა და ლტოლვილთა საკუთარ საცხოვრებელ სახლებში უსაფრთხო და ღირსეულ დაბრუნებასთან დაკავშირებული საკითხები. მოლაპარაკებები იმართება ევროკავშირის, გაერო-სა და ეუთო-ს თანათავმჯდომარეობით და საქართველოს, რუსეთის ფედერაციისა და ამერიკის შეერთებული შტატების მონაწილეობით. სამუშაო ჯგუფის შეხვედრებს ესწრებიან აგრეთვე ყოფილი სამხრეთ ოსეთის ავტონომიური ოლქის დროებითი ადმინისტრაციის ხელმძღვანელი და აფხაზეთის ავტონომიური რესპუბლიკის მთავრობის თავმჯდომარე ისევე, როგორც ცხინვალისა და სოხუმის საოკუპაციო რეჟიმების წარმომადგენლები.

ყველა სიახლე

21 ოქტომბერი 2021, 01:30

ტექნოლოგიები

Instagram-ს ახალი ფუნქცია დაემატა

სოციალურ ქსელ Instagram-ს ახალი ფუნქცია დაემატა. ამის შესახებ გამოცემა HypeBeast-ი წერს. ფუნქცია Collabs-ის საშუალებით პუბლიკაციის ავტორის სახით კიდევ ერთი მომხმარებლის მონიშვნა იქნება შესაძლებელი.

ალექსანდრე გალდავა

21 ოქტომბერი 2021, 01:29

საზოგადოება

დეკანოზი ალექსანდრე გალდავა: სამწუხაროა, რომ ეკლესიის შიგნით არის ძალა, რომელსაც ეყრდნობა „ნაციონალური მოძრაობა“, რომ იქაც შფოთი შეიტანონ

ვიცით, რომ მამა ანდრია ჯაღმაიძე ძალიან მოზომილი პიროვნებაა და სიტყვებს უბრალოდ არ ისვრის. რადგან ის აკეთებს ამ განცხადებას, აქვს უტყუარი ინფორმაცია, - ასე უპასუხა დეკანოზმა ალექსანდრე გალდავამ გადაცემაში „იმედი LIVE“ დასმულ შეკითხვას იმის შესახებ, რომ ანდრია ჯაღმაიძის ინფორმაციით, ბართლომეოს პირველის აღსაყდრებიდან 30 წლისთავისადმი მიძღვნილ ღონისძიებაზე გარდა საპატრიარქოს დელეგაციისა, ასევე იქნება თეოლოგი გოჩა ბარნოვი, რომელიც ბართლომეოსს სააკაშვილის მხარდამჭერი განცხადების გაკეთებას სთხოვს.

ჯო ბაიდენი

21 ოქტომბერი 2021, 01:27

მსოფლიო

ჯო ბაიდენი აცხადებს, რომ ჩინეთის ზებგერითი რაკეტით შეშფოთებულია

აშშ-ის პრეზიდენტმა, ჯო ბაიდენმა განაცხადა, რომ ჩინეთის ზებგერითი რაკეტით შეშფოთებულია. თეთრი სახლის ოფიციალურმა წარმომადგენელმა, ჯენ ფსაკიმ აღნიშნა, ვაშინგტონმა პეკინს აღნიშნულ საკითხზე შეშფოთება დიპლომატიური არხების საშუალებით დაუფიქსირა.

21 ოქტომბერი 2021, 01:25

პოლიტიკა

დეკანოზი ალექსანდრე გალდავა: თუ „ნაციონალური მოძრაობა“ არ გასამართლდა, ყოველ არჩევნებზე შფოთი იქნება, სახელმწიფო წინ ვერ წავა

ბევრჯერ გაგიგონიათ და თქვენც ძალიან კარგად იცით, რომ შერიგება ხდება სინანულით, - ამის შესახებ დეკანოზმა, ალექსანდრე გალდავამ გადაცემაში „იმედი LIVE“ განაცახდა.

21 ოქტომბერი 2021, 01:25

ტაბლოიდი

ბრიტანელი ჩოგბურთელი ემა რადუკანუ Dior-ის სახე გახდა

ბრიტანელი ჩოგბურთელი ემა რადუკანუ, რომელმაც მიმდინარე წლის სექტემბერში ამერიკის ღია პირველობა მოიგო, Dior-ის სახე გახდა.

დეკანოზი ალექსანდრე გალდავა 

21 ოქტომბერი 2021, 01:14

პოლიტიკა

დეკანოზი ალექსანდრე გალდავა: კონტექსტიდან ამოგლეჯილი ფრაზები დაიხვიეს და დაიწყეს აპელირება

კონტექსტიდან ამოგლეჯილი ფრაზები დაიხვიეს და დაიწყეს აპელირება, თანაც ისეთმა ოდიოზურმა პიროვნებებმა, რომელთაც არავითარი კავშირი არ აქვთ სახარებასთან გარდა იმისა, რომ ალბათ ფორმალურად არიან მონათლულები, - ამის შესახებ გადაცემა „იმედი live“-ში დეკანოზმა ალექსანდრე გალდავამ ისაუბრა.

ნათელა სახოკია

21 ოქტომბერი 2021, 01:04

პოლიტიკა

ნათელა სახოკია: ბოლო 9 წლის განმავლობაში იყო გაუთავებელი რყევები, გაუთავებელი სირბილი საზღვარგარეთ და უცხოელებთან ქართველების დაბეზღება

ბოლო 9 წლის განმავლობაში იყო გაუთავებელი რყევები, გაუთავებელი სირბილი საზღვარგარეთ და უცხოელებთან ქართველების დაბეზღება, - ამის შესახებ საჯარო პოლიტიკის ექსპერტმა, ნათელა სახოკიამ გადაცემაში „იმედი LIVE“ განაცხადა.

მიტროპოლიტი სტეფანე

21 ოქტომბერი 2021, 00:57

საზოგადოება

მეუფე სტეფანე: მეუფე შიომ იქადაგა ის, რაც საეკლესიო სწავლებაა, მიტევება მნიშვნელოვანია მაშინ, როდესაც ადამიანი ნანობს თავის საქციელს

მეუფე შიომ იქადაგა ის, რაც საეკლესიო სწავლებაა. უჩვეულო და გაუგებარი რაღაცები დაიწყო ამის შემდეგ, იმიტომ, რომ ვერ გაიგეს, რა შინაარსი ჰქონდა მის ქადაგებას. მიტევება ძალიან მნიშვნელოვანია მაშინ, როდესაც ადამიანი ნანობს თავის საქციელს, - ამის შესახებ ჭყონდიდის მიტროპოლიტმა სტეფანემ (კალაიჯიშვილი) გადაცემაში „იმედი LIVE“ განაცხადა.

მეუფე სტეფანე

21 ოქტომბერი 2021, 00:55

პოლიტიკა

მეუფე სტეფანე: უნდათ, რომ სააკაშვილს ვაპატიოთ და დიქტატურა წავახალისოთ

სააკაშვილის გათავისუფლების მოთხოვნას მე ვერ მოვაწერდი ხელს, რადგან რას გვეუბნებიან ანუ, რომ თითქოს არ შეიძლება პირველი პირები დაისაჯონ იმ მოქმედებისათვის, რაც მათ ჩაიდინეს?, - ამის შესახებ ჭყონდიდის, ცაგერისა და ლენტეხის ეპარქიის მიტროპოლიტმა, მეუფე სტეფანემ გადაცემა „იმედი LIVE“-ში განაცხადა.

ნათელა სახოკია

21 ოქტომბერი 2021, 00:43

პოლიტიკა

ნათელა სახოკია „ნაციონალურ მოძრაობაზე“: საქართველო უნდათ მხოლოდ მაშინ, თუ თვითონ არიან ხელისუფლებაში

ის 9 წელი, როცა „ნაციონალური მოძრაობა“ იყო ხელისუფლებაში, ათასჯერ არის შეფასებული და ვიცით, რა საშინელებაც ხდებოდა და ვიცით ყველაფერი, თუმცა, სიმართლე გითხრათ, ციხესთან რომ აქცია გამართეს, ხალხმა ისეთი რაღაცები ილაპარაკა და გავიგე, რაც არ ვიცოდი, - ამის შესახებ საჯარო პოლიტიკის ექსპერტმა, ნათელა სახოკიამ გადაცემაში „იმედი LIVE“ განაცხადა.

კახა კალაძე

21 ოქტომბერი 2021, 00:40

საზოგადოება

კახა კალაძე: მე არასოდეს დამიყვია საზოგადოება პოლიტიკური ნიშნით, ვინც ჩემი მხარდამჭერი არ არის, ვპირდები, რომ მათი მერიც ვიქნები

„მე არასოდეს დამიყვია საზოგადოება პოლიტიკური ნიშნით. ვინც ჩემი მხარდამჭერი არ არის, ვპირდები, რომ მათი მერიც ვიქნები. ეს ჩემი მოვალეობაა და მე ამ პრინციპებით ვცხოვრობ. ყველაფერს გავაკეთებ იმისთვის, რომ ჩემი ქალაქი იყოს ყველაზე განვითარებული, ყველაზე მოწესრიგებული, ყველაზე მწვანე, ყველაზე სუფთა, საცხოვრებლად კომფორტული და რაც მთავარია, კეთილდღეობა უნდა იგრძნოს ამ ქალაქში და ამ ქვეყანაში მცხოვრებმა თითოეულმა ადამიანმა“, - განაცხადა კახა კალაძემ.

21 ოქტომბერი 2021, 00:36

მსოფლიო

ისტორიაში პირველად, ამერიკელმა ქირურგებმა ადამიანს ღორის თირკმელი წარმატებით გადაუნერგეს

ისტორიაში პირველად, ამერიკელმა ქირურგებმა ადამიანს ღორის თირკმელი წარმატებით გადაუნერგეს. როგორც ამერიკული მედია იუწყება, ადამიანის ორგანიზმმა უცხო სხეული მიიღო.

კახა კალაძე

21 ოქტომბერი 2021, 00:24

პოლიტიკა

კახა კალაძე: იპოდრომის ტერიტორია ქალაქისთვის უმნიშვნელოვანესი სივრცეა, რომელიც ბიძინა ივანიშვილმა მუნიციპალიტეტს უკვე გადასცა და ფონდი „ქართუ“ უზრუნველყოფს პარკის პროექტის განხორციელებას

იპოდრომის ტერიტორია ქალაქისთვის უმნიშვნელოვანესი სივრცეა, დაახლოებით 30 ჰექტარზე მეტია. იცით, რომ ეს ტერიტორია ბიძინა ივანიშვილმა მუნიციპალიტეტს უკვე გადასცა და საქველმოქმედო ფონდი „ქართუ“ უზრუნველყოფს პარკის პროექტის განხორციელებას. ეს იქნება ერთ-ერთი ძალიან მაგარი პროექტი დედაქალაქში, - ამის შესახებ პარტია „ქართული ოცნების“ თბილისის მერობის კანდიდატმა, კახა კალაძემ გადაცემაში „იმედი LIVE“ განაცხადა.

კახა კალაძე

21 ოქტომბერი 2021, 00:21

პოლიტიკა

კახა კალაძე: დარწმუნებული ვარ, ძალიან დიდი მხარდაჭერა გვექნება 30 ოქტომბერს იმისთვის, რომ არ დავუშვათ ქვეყანაში ძალადობა, ქაოსი, არეულობა და ბოროტება

„უბრალოდ ნახეთ, რა ლექსიკით საუბრობენ, როგორი დამოკიდებულება აქვთ თუნდაც ჩემს მიმართ, მაგრამ მოდი, ამ ყველაფერს თავი დავანებოთ: დარწმუნებული ვარ, 30 ოქტომბერს აუცილებლად გავიმარჯვებთ და გავიმარჯვებთ დიდი ანგარიშით“, - განაცხადა კახა კალაძემ.

კახა კალაძე

21 ოქტომბერი 2021, 00:16

პოლიტიკა

კახა კალაძე: დღეს რომ ბრტყელ-ბრტყელი სიტყვებით გველაპარაკებიან, პარკები, სკვერები დაყიდეს და კორპუსები ააშენეს - რა ნამუსით გველაპარაკებიან?

დღეს რომ გამოდიან აქ და ბრტყელ-ბრტყელი სიტყვებით გველაპარაკებიან, პარკები, სკვერები ვინ გაყიდა? „ნაციონალური მოძრაობა“ არ იყო? 9 სართულიანი კორპუსები უნდა ეშენებინათ ვაკის პარკში. სპორტული მოედნები დაყიდეს და კორპუსები ააშენეს, - ამის შესახებ პარტია „ქართული ოცნების“ თბილისის მერობის კანდიდატმა, კახა კალაძემ გადაცემაში „იმედი LIVE“ განაცხადა.

21 ოქტომბერი 2021, 00:08

საზოგადოება

კახა კალაძე: დღევანდელი სტატისტიკით, 400 000-ზე მეტი ადამიანი გადაჰყავს საზოგადოებრივ ტრანსპორტს ყოველდღიურად და დარწმუნებული ვარ, ეს ციფრები კიდევ უფრო გაიზრდება

მისივე თქმით, წლის ბოლომდე დედაქალაქში არცერთი ე.წ „ყვითელი მარშუტკა“ აღარ ივლის და იქნება მხოლოდ ახალი, ლურჯი მიკროავტობუსები.

კახა კალაძე

21 ოქტომბერი 2021, 00:02

საზოგადოება

კახა კალაძე: ადამიანურად, კაცურად ვამბობ, უდიდესი სიხარულია, რომ ჩემს თანაგუნდელებთან ერთად, ვართ ის ადამიანები, რომლებმაც 20-წლიანი პრობლემები მოვაგვარეთ

ადამიანურად, კაცურად ვამბობ, უბედნიერესი ადამიანი ვარ, რომ ჩემს თანაგუნდელებთან ერთად 20 წლიანი პრობლემები მოვაგვარეთ. ვერ წარმოიდგინეთ რა მდგომარეობაში იყვნენ ეს ოჯახები. 20 წლის განმავლობაში არანაირი იმედი, არანაირი მხარდაჭერა. 20 წელი ერთა და იმავ ე წრეზე ტრიალებდნენ. პირველად რომ შევხვდი, არავის არ სჯეროდა. ვერც კი წარმოედგინათ, რომ ამას შევძლებდით და გავაკეთებდით, - ამის შესახებ პარტია „ქართული ოცნების“ თბილისის მერობის კანდიდატმა, კახა კალაძემ გადაცემაში „იმედი LIVE“ განაცხადა.

კახა კალაძე

20 ოქტომბერი 2021, 23:55

პოლიტიკა

კახა კალაძე: ჩემი დაპირებაა, რომ არც ერთი უსახლკარო არ გვეყოლება ქალაქში

ძალიან მაგარი პროგრამა გვაქვს უსახლ-კარო თბილისელებისთვის, 400 ოჯახი გვყავს ამ სტატუსის მქონე თბილისელი. ვპირდები ამ ოჯახებს, რომ მომდევნო წლიდან დავიწყებთ ბინების გადაცემას და ამ ოჯახებს ექნებათ თავიანთი საცხოვრებელი, - ამის შესახებ პარტია „ქართული ოცნების“ თბილისის მერობის კანდიდატმა, კახა კალაძემ გადაცემაში „იმედი LIVE“ განაცხადა.

კახა კალაძე

20 ოქტომბერი 2021, 23:47

პოლიტიკა

კახა კალაძე: მთელი 2 თვე ვსაუბრობდი ავარიულ შენობა-ნაგებობზე, თუმცა ოპოზიუციური მედიასაშუალებები ბათუმის ტრაგედიამდე ამით არ დაინტერესებულან

ურბანული მიმართულებით ერთ-ერთი ყველაზე დიდი პრობლემა არის ავარიული შენობა-ნაგებობები, დაახლოებით 10 000 შენობა გვაქვს ქალაქში. საერთოდ არავინ დაინტერესებულა ამით აქამდე, მხედველობაში მაქვს ოპოზიციური მედიასაშუალებები. როდესაც ბათუმში მოხდა ეს სამწუხარო ტრაგედია, მას შემდეგ უცებ ყველა ალაპარაკდა, თურმე რა პრობლემები გვქონია, - ამის შესახებ თბილისის მერმა, კახა კალაძემ გადაცემაში „იმედი LIVE“ განაცხადა.

კახა კალაძე

20 ოქტომბერი 2021, 23:46

პოლიტიკა

კახა კალაძე: პენსიონერებს 500-ლარიანი ვაუჩერის გამოყენება წლის განმავლობაში ნებისმიერ დროს შეეძლებათ

დრეს სიახლე გავაცანით საზოგადოებას, ეს არის ყველაზე მოწყვლადი ფენის, პენსიონერთათვის 500 ლარიანი ვაუჩერი. ეს არის ის ოჯახები და ის ადამიანები, რომელთაც ყველაზე მეტად უჭირთ, - ამის შესახებ პარტია „ქართული ოცნების“ თბილისის მერობის კანდიდატმა, კახა კალაძემ გადაცემაში „იმედი LIVE“ განაცხადა.