IMEDI /  28 თებერვალი 2021, 20:51 / სანდო წყარო

სალომე სამადაშვილი: იმედი მაქვს შარლ მიშელის ვიზიტი ქვეყანაში პოლიტიკური კრიზისის განმუხტისთვის მნიშვნელოვანი იქნება

სალომე სამადაშვილი

სალომე სამადაშვილი

ევროპული საბჭოს პრეზიდენტ შარლ მიშელის ვიზიტი როგორც მოლდოვაში, ისე საქართველოში მნიშვნელოვანია, ვინაიდან ეს არის გზავნილი რუსეთისთვის, რომ ევროკავშირი საკუთარ სტრატეგიულ ინტერესებს ამტკიცებს რუსეთის სამეზობლოში, - ამის შესახებ „ერთიანი ნაციონალური მოძრაობის“ წევრმა, სალომე სამადაშვილმა განაცხადა.

„პირველ რიგში, შარლ მიშელის ვიზიტი როგორც მოლდოვაში, ასევე საქართველოში არის გზავნილი რუსეთისთვის, რომ ევროკავშირი საკუთარ სტრატეგიულ ინტერესებს ამტკიცებს რუსეთის სამეზობლოში, ამიტომ ეს ვიზიტი არის ძალიან მნიშვნელოვანი. საქართველოში ბატონი მიშელის ვიზიტი მათ შორის განპირობებულია ქვეყანაში შექმნილი პოლიტიკური კრიზისით“, – განაცხადა სალომე სამადაშვილმა.

სამადაშვილის განცხადებით, ოპოზიციასთან შეხვედრა დაგეგმილია, რა დროსაც ევროპული საბჭოს პრეზიდენტთან ძალიან საფუძვლიანი საუბარი ექნებათ. „ჩვენ დღეს გვქონდა მოსამზადებელი შეხვედრა, სადაც შევაჯერეთ საერთო გზავნილები, რომლითაც ოპოზიცია მიდის ამ შეხვედრაზე. ყოველ შემთხვევაში, მე იმედი მაქვს, რომ ეს ვიზიტი იქნება მნიშვნელოვანი ქვეყანაში პოლიტიკური კრიზის განმუხტვის თვალსაზრისით, თუ „ქართული ოცნება“ გამოიჩენს საკმარის პოლიტიკურ სიბრძნეს, რათა მოუსმინოს ჩვენს დასავლელ პარტნიორებს, მათ გზავნილებს, რომ ქვეყანაში პოლიტპატიმრების არსებობა, პოლიტიკური კრიზისის გამწვავება ურტყამს ჩვენი ქვეყნის სტრატეგიულ ინტერესებს და უნდა გადაიდგას შესაბამისი ნაბიჯები ცხადია, ხელისუფლების მხრიდან იმისთვის, რომ ჩვენ განვმუხტოთ ვითარება“, – განაცხადა სალომე სამადაშვილმა.

სამადაშვილის განმარტებით, შეხვედრაზე წარმოდგენილი იქნებიან ის ოპოზიციური პარტიები, რომლებიც მოლაპარაკებებში მონაწილეობდნენ. „ანუ, ის პარტიები,რომლებმაც გადალახეს ბარიერი და შესაბამისად, მოპოვებული აქვთ საპარლამენტო მანდატები. რაც შეეხება გზავნილებს, ჩვენს პოზიციებში არაფერი ახალი არ არის. საზოგადოებისთვის ცნობილია ჩვენი მოთხოვნები. ესენია – პოლიტპატიმრების გათავისუფლება, შეთანხმება იმაზე, რომ ჩვენ მოვემზადოთ ქვეყანაში ვადამდელი არჩევნებისთვის. მიგვაჩნია, რომ ვადამდელი არჩევნების გარეშე პოლიტიკური კრიზისი ვერ განიმუხტება.

მე დარწმუნებული ვარ, რომ ბატონ მიშელს ექნება მნიშვნელოვანი გზავნილები, როგორც ხელისუფლებისთვის, ასევე ოპოზიციისთვის. ის წარმოადგენს ევროკავშირის ყველა წევრი ქვეყნის შეჯერებულ პოზიციას, შესაბამისად, ფაქტობრივად ყველაზე მაღალი პოლიტიკური ლეგიტიმაციის მატარებელი ოფიციალური პირია, რომელიც შეიძლებოდა, რომ ქვეყანაში ამ რთულ ვითარებაში ჩამოსულიყო. ამიტომ ეს ვიზიტი თავისთავად არის ძალიან მნიშვნელოვანი გზავნილი, თუ რაოდენ მაღალია შეშფოთება ჩვენს ევროპელ პარტნიორებში ქვეყანაში შექმნილ ვითარებასთან დაკავშირებით“, – განაცხადა სალომე სამადაშვილმა.

ევროპული საბჭოს პრეზიდენტი, შარლ მიშელი საქართველოში ჩამოვიდა. თბილისის საერთაშორისო აეროპორტში მას საქართველოში ევროკავშირის ელჩი კარლ ჰარცელი და საგარეო საქმეთა საქმეთა მინისტრი დავით ზალკალიანი დახვდნენ.

ყველა სიახლე

მაკა ბოჭორიშვილი

20 აპრილი 2021, 12:51

პოლიტიკა

მაკა ბოჭორიშვილი: ევროკავშირში ამბობენ, რომ საქართველო განსაკუთრებული პარტნიორია და ეს არ არის ცარიელი სიტყვები

საქართველოში მიმდინარე პროცესების მიმართ ევროკავშირის მხრიდან უდიდესი ინტერესია ნაჩვენები. ამით კიდევ ერთხელ დადასტურდა ამ ორგანიზაციის დამოკიდებულება, - ამის შესახებ ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა განაცხადა. მისი თქმით, ევროკავშირში ამბობენ, რომ საქართველო განსაკუთრებული პარტნიორია და ეს არ არის ცარიელი სიტყვები.

მარინა კალიურანდი

20 აპრილი 2021, 12:49

პოლიტიკა

მარინა კალიურანდი: ვულოცავ ყველა პასუხისმგებლიან პოლიტიკოსს, რომელმაც ქართველ ხალხს მოუსმინა

ევროპარლამენტარი, მარინა კალიურანდი „ქართული ოცნებისა“ და ოპოზიციური პარტიების მიერ შარლ მიშელის ეგიდის ქვეშ შექმნილი დოკუმენტის ხელმოწერას ეხმაურება.

მაკა ბოჭორიშვილი

20 აპრილი 2021, 12:44

პოლიტიკა

მაკა ბოჭორიშვილი: ევროპული საბჭოს პრეზიდენტის ვიზიტი მიანიშნებს, რომ ეს მედიაცია თავად შარლ მიშელისთვის ძალიან მნიშვნელოვანი იყო

დემოკრატიული ინსტიტუტების განვითარება და დემოკრატიის განვითარება ევროკავშირში ინტეგრაციის ყველაზე მნიშვნელოვანი საფუძველია. ამ მიმართულებით ჩვენს ქვეყანას აქვს მრავალი გამოცდა წარმატებით ჩაბარებული. ეს გამოცდაც წარმატებით ჩავაბარეთ, - ამის შესახებ „ქრონიკას“ ევროპასთან ინტეგრაციის კომიტეტის თავმჯდომარემ მაკა ბოჭორიშვილმა განუცხადა.

ჯონ სალივანი

20 აპრილი 2021, 12:43

მსოფლიო

რუსეთში აშშ-ის ელჩი ვაშინგტონში კონსულტაციებისთვის ბრუნდება

რუსეთში აშშ-ის ელჩი, ჯონ სალივანი ვაშინგტონში კონსულტაციებისთვის ბრუნდება. ინფორმაციას ამის შესახებ რუსეთში ამერიკის საელჩო ავრცელებს.

20 აპრილი 2021, 12:37

სამართალი

45 500 კილოგრამი ხახვი ექსპორტიორ ქვეყანაში გაბრუნებას დაექვემდებარა

ფინანსთა სამინისტროს შემოსავლების სამსახურის საბაჟო გამშვებ პუნქტ ,,სარფის“ გავლით თურქეთის რესპუბლიკიდან საქართველოში, 45 500 კილოგრამი ხახვით დატვირთული 2 ავტოსატრანსპორტო საშუალება შემოვიდა, რაც ექსპორტიორ ქვეყანაში გაბრუნებას დაექვემდებარა, - ამის შესახებ ინფორმაციას ფინანსთა სამინისტროს შემოსავლების სამსახური ავრცელებს.

20 აპრილი 2021, 12:37

საზოგადოება

საბავშვო ნაწარმოებების გამოსავლენად ლიტერატურული კონკურსი გრძელდება

საუკეთესო საბავშვო ნაწარმოებების გამოსავლენად ლიტერატურული კონკურსი 17 მაისის 18:00 საათამდე მიმდინარეობს. შეფასებისა და გამოცდების ეროვნულმა ცენტრმა „ბაკურ სულაკაურის გამომცემლობასთან“ ერთად კონკურსი 17 მარტს გამოაცხადა.

20 აპრილი 2021, 12:35

საზოგადოება

გლდანში, წინამძღვრიშვილის ქუჩაზე ასფალტის საფარის დაგება სრულდება

გლდანის რაიონის გამგეობა საგზაო სამუშაოებს აქტიურად განაგრძობს. პატარა ტბის დასახლებაში, წინამძღვრიშვილის ქუჩასა და მიმდებარე ჩიხებში გზის საფარის მოწესრიგება სრულდება. სამუშაოების ფარგლებში, სანიაღვრე ქსელი დაახლოებით, 425 გრძივ მეტრზე მოეწყო. ასევე, გაკეთდა ბორდიური და საფეხმავლო ბილიკები, ასფალტის საფარის დაგების სამუშაოები კი, დაახლოებით, 4 500 კვადრატულ მეტრზე მეტ ფართობზე მიმდინარეობს. პროექტისთვის 457 765 ლარია გათვალისწინებული.

ნიკოლოზ სამხარაძე

20 აპრილი 2021, 12:35

პოლიტიკა

ნიკოლოზ სამხარაძე: „ნაციონალურ მოძრაობასა“ და „ევროპულ საქართველოს“ ნებისმიერ ფასად უნდოდათ მიმდინარე მოლაპარაკებების ჩაშლა

„ეს არის კიდევ ერთხელ ლუსტრაცია იმ ფაქტისა, რომ აქ იყო ორი რეალური დესტრუქციული ძალა. ესენი არიან „ნაციონალური მოძრაობა“ და „ევროპული საქართველო“. მათ ნებისმიერ ფასად უნდოდათ მიმდინარე მოლაპარაკებების ჩაშლა. ახლა თითქმის მთელი პოლიტიკური კლასი საქართველოშიც და დასავლეთშიც შეთანხმდა იმაზე, რომ ეს კრიზისი უნდა დასრულდეს და ამ დროს ეს ორი ძალა გარეთ რჩება. ეს არის მათი მიზნების და ზრახვების ლუსტრაცია “, - განაცხადა ნიკოლოზ სამხარაძემ.

ჯეიმს აპატურაი

20 აპრილი 2021, 12:34

პოლიტიკა

ჯეიმს აპატურაი: საქართველოში პოლიტიკური შეთანხმება მართლაც კარგი ამბავია

სამხრეთ კავკასიასა და ცენტრალურ აზიაში ნატოს გენერალური მდივნის სპეციალური წარმომადგენელი, ჯეიმს აპატურაი „ქართული ოცნებისა“ და ოპოზიციური პარტიების მიერ შარლ მიშელის ეგიდის ქვეშ შექმნილი დოკუმენტის ხელმოწერას ეხმაურება.

20 აპრილი 2021, 12:31

საზოგადოება

კონფერენცია „ბათუმის თოქშოუ: მდგრადი განვითარების მიზნების მიღწევა მწვანე ეკონომიკისა და სუფთა ჰაერის უზრუნველყოფის ღონისძიებებით” გაიმართა

გაეროს ევროპის ეკონომიკური კომისიის (UNECE) 69-ე სესიის ფარგლებში, ონლაინ კონფერენცია „ბათუმის თოქშოუ: მდგრადი განვითარების მიზნების მიღწევა მწვანე ეკონომიკისა და სუფთა ჰაერის უზრუნველყოფის ღონისძიებებით” (Batumi Talk Show: Scoring SDGs through action on green economy and clean air) გაიმართა, - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. მათივე ინფორმაციით, კონფერენციაში მონაწილეობა გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა მიიღო.

სალომე სამადაშვილი

20 აპრილი 2021, 12:26

პოლიტიკა

სალომე სამადაშვილი: მე აღარ ვაგრძელებ პოლიტიკურ საქმიანობას ენმ-ის სახელით, დაველოდები ნიკა მელიას გათავისუფლებას და ამის შემდგომ მივიღებთ ოფიციალურ გადაწყვეტილებას

ამ ეტაპზე, მე აღარ ვაგრძელებ პოლიტიკურ საქმიანობას ენმ-ის სახელით. რაც შეეხება პარტიის ოფიციალურად დატოვების განაცხადს, ცხადია დაველოდები ჩემი მეგობრის, ნიკა მელიას გათავისუფლებას, მექნება მასთან, როგორც პარტიის თავმჯდომარესთან, საუბარი და ამის შემდგომ მივიღებთ ოფიციალურ, ცივილიზებულ გადაწყვეტილებას, - ამის სალომე სამადაშვილი სოციალურ ქსელში წერს.

ნიკოლოზ სამხარაძე

20 აპრილი 2021, 12:24

პოლიტიკა

ნიკოლოზ სამხარაძე: შარლ მიშელის საქართველოში ვიზიტი იმის დასტურია, რომ საქართველო ევროკავშირისთვის ძალიან მნიშვნელოვანი პარტნიორი და ქვეყანაა

„მათი ძალიან დიდი წვლილია ამ პროცესში და ოპოზიციის დარწმუნებაში, რომ პოლიტიკის კეთების ადგილი არის პარლამენტში. შარლ მიშელის ვიზიტი საქართველოს მიმართ მხარდაჭერის დადასტურებაა. გუშინ შეხვედრაზე ჩვენ შარლ მიშელმა გვითხრა, რომ ეს არის საქართველოსთვის ახალი გზის გახსნა, ევროპული გზის და ევროპული პერსპექტივის გახსნა.

არმაზ ახვლედიანი

20 აპრილი 2021, 12:19

პოლიტიკა

არმაზ ახვლედიანმა შარლ მიშელის შეთანხმების დოკუმენტს ხელი მოაწერა

საქართველოში ევროკავშირის წარმომადგენლობის ოფისში პარლამენტის არჩეულმა წევრმა არმაზ ახვლედიანმა შეთანხმების დოკუმენტს ხელი მოაწერა. მისი თქმით, იწყება ბრძოლის ახალი ეტაპი, რომლის გარანტი ევროკავშირი და ამერიკის შეერთებული შტატებია.

ედგარს რინკევიჩსი

20 აპრილი 2021, 12:17

პოლიტიკა

ედგარს რინკევიჩსი: ლატვია დემოკრატიულ და კანონის უზენაესობაზე დაფუძნებულ საქართველოს მხარს უჭერს

ლატვიის საგარეო საქმეთა მინისტრი, ედგარს რინკევიჩსი „ქართული ოცნებისა“ და ოპოზიციური პარტიების მიერ შარლ მიშელის ეგიდის ქვეშ შექმნილი დოკუმენტის ხელმოწერას ეხმაურება.

20 აპრილი 2021, 12:17

ეკონომიკა

აფბას მიმართვა ხელისუფლებას: ენერგოსექტორში არსებული პრობლემები გამჭვირვალობის სტანდარტების ამაღლებით და აქტიური დიალოგის გზით უნდა მოგვარდეს

ენერგეტიკის განვითარების გამოწვევებთან დაკავშირებული რეალობა ცხადყოფს, რომ გამჭვირვალობის პრობლემა დღეს სექტორში უმწვავესად დგას და ამ კუთხით არსებული არასწორი პოლიტიკის გამო, გამოუსწორებელი ზიანი ადგება როგორც საკუთრივ ენერგოსექტორის, ისე მთლიანად ქვეყნის ეკონომიკური თუ პოლიტიკური განვითარების პერსპექტივას, - ამის შესახებ „ახალგაზრდა ფინანსისტთა და ბიზნესმენთა ასოციაციის“ განცხადებაშია ნათქვამი.

ირაკლი კობახიძე

20 აპრილი 2021, 12:14

პოლიტიკა

ირაკლი კობახიძე: შარლ მიშელის ვიზიტი საქართველოში კიდევ ერთხელ აჩვენებს მის განსაკუთრებულ დამოკიდებულებას ჩვენი ქვეყნის მიმართ

„საქართველო პრიორიტეტია ევროკავშირისთვის და ამის გამოხატულებაა შარლ მიშელის საქართველოში ჩამოსვლა. განსაკუთრებული პრიორიტეტულობის დემონსტრაცია ქმნის ძალიან კარგ საფუძველს, რომ ჩვენ ძალიან თამამად წარვადგინოთ ოფიციალური განაცხადი ევროკავშირში საქართველოს გაწევრიანებაზე“, - აცხადებს ირაკლი კობახიძე.

20 აპრილი 2021, 12:12

სამართალი

ნასიძის ქუჩაზე თავდამსხმელი ერთ-ერთი საკურიერო სერვისის მოპედით გადაადგილდებოდა

თბილისში, ნასიძის ქუჩაზე თავდამსხმელი ერთ-ერთი საკურიერო სერვისის მოპედით გადაადგილდებოდა. საგამოძიებო მოქმედებები ადგილზე ამ დრომდე მიმდინარეობს.

ირაკლი კობახიძე

20 აპრილი 2021, 12:08

პოლიტიკა

ირაკლი კობახიძე: შეთანხმება გულისხმობს პირველივე პლენარულ სხდომაზე ოპოზიციის იმ ნაწილის დასწრებას, ვინც დოკუმენტს ხელი მოაწერა

შეთანხმება თავისთავად არის ძალიან მნიშვნელოვანი, მაგრამ ეს არის პრინციპში მხოლოდ ინსტრუმენტი საბოლოო მიზნის მისაღწევად. შედეგი კი უნდა იყოს პოლარიზაციისგან და რადიკალიზმისგან ქართული პოლიტიკის გათავისუფლება, - ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.

ბოგდან აურესკუ

20 აპრილი 2021, 12:07

პოლიტიკა

რუმინეთის საგარეო საქმეთა მინისტრი: რუმინეთი საქართველოს ევროპულ მისწრაფებებს სრულად უჭერს მხარს

რუმინეთის საგარეო საქმეთა მინისტრი, ბოგდან აურესკუ „ქართული ოცნებისა“ და ოპოზიციური პარტიების მიერ შარლ მიშელის ეგიდის ქვეშ შექმნილი დოკუმენტის ხელმოწერას ეხმაურება.

ირაკლი კობახიძე

20 აპრილი 2021, 11:57

პოლიტიკა

ირაკლი კობახიძე: „ნაციონალურმა მოძრაობამ“, „ევროპულმა საქართველომ“ და „ლეიბორისტულმა პარტიამ“ კიდევ ერთხელ აჩვენეს საკუთარი საგარეო პოლიტიკური ორიენტირი

„რამდენიმე პოლიტიკურმა პარტიამ კიდევ ერთხელ გამოაჩინა თავისი სახე. ეს არის „ნაციონალური მოძრაობა“, „ევროპული საქართველო“ და „ლეიბორისტული პარტია“. ისინი ევროკავშირის მიერ წარმოდგენილ დოკუმენტს არ შეუერთდნენ. ამ ნაბიჯით მათ კიდევ ერთხელ აჩვენეს საკუთარი ორიენტირი და მათ შორის პარტიების საგარეო ორიენტირი. რაც შეეხება „ქართულ ოცნებას“, მმართველმა გუნდმა საზოგადოებისა და საერთაშორისო პარტნიორების წინაშე იმოქმედა თავისი პასუხისმგებლობით. ამის შედეგია ჩვენი ქვეყნისთვის და ქართული დემოკრატიისთვის უმნიშვნელოვანესი დოკუმენტის გაფორმება“, - განაცხადა ირაკლი კობახიძემ.