www.imedi.ge /  15 მარტი 2023, 22:51 / სანდო წყარო

ცესკოს თავმჯდომარემ ევროპის საბჭოს წარმომადგენლებთან მიმდინარე საარჩევნო საკითხები განიხილა

ცენტრალური საარჩევნო კომისიის (ცესკო) თავმჯდომარე გიორგი კალანდარიშვილმა საქართველოში ოფიციალური ვიზიტით მყოფ, ევროპის საბჭოს პროგრამების გენერალური დირექტორატის ხელმძღვანელს, კლაუს ნეუკირხს საარჩევნო ადმინისტრაციის მიმდინარე საქმიანობების შესახებ დეტალური ინფორმაცია გააცნო. შეხვედრა დღეს ცესკოში გაიმართა და მას ასევე ესწრებოდნენ ევროპის საბჭოს ოფისის ხელმძღვანელი საქართველოში ნატალია ვუტოვა, ევროპის საბჭოს ოფიცერი საქართველოში ტობია ფიორილი, საქართველოს საგარეო საქმეთა სამინისტროს ევროპის საბჭოს სამმართველოს უფროსი ანა დობორჯგინიძე და ცესკოს საერთაშორისო ურთიერთობების და პროტოკოლის განყოფილების უფროსი თამარ კაპანაძე.

საარჩევნო რეფორმა, 29 აპრილს გასამართი შუალედური/რიგგარეშე არჩევნები, მზადება 2024 წლის არჩევნებისთვის, ევროპის საბჭოსა და საარჩევნო ადმინისტრაციის თანამშრომლობის გაღრმავება - ეს იმ საკითხების მცირე ჩამონათვალია, რომელზეც დღეს იმსჯელეს. როგორც შეხვედრის დასრულების შემდეგ გიორგი კალანდარიშვილმა აღნიშნა, მხარეებმა ასევე ისაუბრეს საარჩევნო ადმინისტრაციის მიერ ეუთო/ოდირისა და ვენეციის კომისიის რეკომენდაციების შესრულების თემაზეც.

„პირველ რიგში, მინდა აღვნიშნო რომ ევროპის საბჭო საარჩევნო ადმინისტრაციის მნიშვნელოვანი სართაშორისო პარტნიორია და მინდა მადლობა ვუთხრა მათ საარჩევნო პროცესებში გაწეული მხარდაჭერისთვის. დღევანდელ შეხვედრაზე ჩვენ ვისაუბრეთ ბოლო პერიოდში განხორციელებული საარჩევნო რეფორმის ეფექტიან აღსრულებაზე და ამ მიმართულებით საარჩევნო ადმინისტრაციის გეგმებზე. ასევე მივაწოდე ინფორმაცია 29 აპრილის არჩევნებისთვის მზადებისა და მნიშვნელობის თაობაზე. რა თქმა უნდა, აღვნიშნე, რომ ეს შუალედური/რიგგარეშე არჩევნები არის ერთგვარი გენერალური რეპეტიცია 2024 წლის არჩევნებისთვის. ეს არის საუკეთესო შესაძლებლობა, ჩართულ მხარეებთან ერთად, პრაქტიკაში ვნახოთ ტექნოლოგიების გამოყენების დადებითი მხარეები, გამოწვევები და მოვახდინოთ შესაბამისი რეაგირება 2024 წლის არჩევნებამდე დარჩენილ პერიოდში. შეხვედრის მონაწილეებს ასევე გავაცანი ცესკოს გადაწყვეტილება საარჩევნო უბნების საზღვრების დადგენასთან დაკავშირებით, რაც ხელს უწყობს ჩართულ მხარეებს წელიწადნახევრით ადრე დაიწყონ მზადება 2024 წლის არჩევნებისთვის“,- განაცხადა გიორგი კალანდარიშვილმა.

მისივე თქმით, მხარეებმა ისაუბრეს საარჩევნო ადმინისტრაციის იმ საჭიროებების შესახებ, რომელთან დაკავშირებითაც სამომავლო მჭიდრო თანამშრომლობა და მხარდაჭერა მნიშვნელოვანია, რაც ხელს შეუწყობს საარჩევნო პროცესების გამჭვირვალობის ზრდას, ადმინისტრაციის საქმიანობის განვითარებას.

ცესკოსა და ევროპის საბჭოს ხანგრძლივი და წარმატებული თანამშრომლობის შესახებ გიორგი კალანდარიშვილმა 14 მარტს გამართულ შეხვედრაზეც ისაუბრა. საქართველოსთვის ევროპის საბჭოს 2020-2023 წწ. სამოქმედო გეგმის მმართველი კომიტეტის შეხვედრას ცესკოს თავმჯდომარე სწავლების ცენტრის დირექტორ ნათია ზაალიშვილთან ერთად დაესწრო. გიორგი კალანდარიშვილმა სიტყვით გამოსვლისას დეტალურად ისაუბრა საარჩევნო ადმინისტრაციის იმ მიღწევების, საქმიანობისა და პროექტების შესახებ, რომელიც ევროსაბჭოს მხარდაჭერით განხორციელდა. ასევე იმ მიმართულებებზე, რომლებიც 2024-2027 წლებისთვის არის განსაზღვრული.

ყველა სიახლე

ირაკლი ღარიბაშვილი

27 მარტი 2023, 11:22

საზოგადოება

ირაკლი ღარიბაშვილი: მინდა რამდენიმე სიტყვით მოგახსენოთ C ჰეპატიტის ელიმინაციის პროგრამაზე, რომელიც ასევე ბატონი ბიძინა ივანიშვილის ინიციატივით დაიწყო. ეს პროგრამაც, შეიძლება ითქვას, იყო რევოლუციური

„შედეგები არის თვალსაჩინო. მინდა კიდევ ერთხელ შეგახსენოთ, თითო პაციენტს ამ პროგრამით მკურნალობა 125 ათასი ლარი დაუჯდებოდა. პროგრამის ფარგლებში ჯამში 80 ათასზე მეტმა პაციენტმა იმკურნალა და პროგრამის ღირებულება 3,5 მილიარდ ლარზე მეტი დაჯდა. ჩვენ ეს პროგრამა განვახორციელეთ ამერიკულ კომპანია „გილიადთან“ ერთად, რისთვისაც მინდა მადლობა გადავუხადო „გილიადს“ და ამერიკის მთავრობას. ესეც ძალიან მნიშვნელოვანი და წარმატებული რეფორმა აღმოჩნდა“, - განაცხადა ირაკლი ღარიბაშვილმა.

ზაზა შათირიშვილი

27 მარტი 2023, 11:07

პოლიტიკა

ზაზა შათირიშვილი: მინდა დავუსვა შეკითხვა ლიბერალებს, ხომ არ დაფიქრდებოდით, რომ სინამდვილეში თავისუფლებისა და თანასწორობისათვის კი არ იბრძვით, არამედ ყველაზე დიდ გაუგებრობაში ხართ მოქცეული?

მინდა დავუსვა შეკითხვა ლიბერალებს, ხომ არ დაფიქრდებოდით, რომ სინამდვილეში თავისუფლებისა და თანასწორობისათვის კი არ იბრძვით, არამედ ყველაზე დიდ გაუგებრობაში ხართ მოქცეული?, - წერს ფილოსოფოსი ზაზა შათირიშვილი სოციალურ ქსელში გამოქვეყნებულ წერილში.

ზაზა შათირიშვილი

27 მარტი 2023, 10:52

პოლიტიკა

ზაზა შათირიშვილი: „ბლექროკი“, სამ უმსხვილეს ამერიკულ ჩრდილოვან ბანკთან ერთად, ოლიგარქიული ოჯახების ხელში არსებული უმნიშვნელოვანესი პოლიტიკურ-ეკონომიკური ინსტრუმენტია

მისივე თქმით, გრძელდება საერთაშორისო მედიაში „კრედიტ სუისის“ პიარული გაშავების კამპანია, რომლის ფონზეც შვეიცარიული ბანკის აქციების ფასი მკვეთრად ეცემა. შათირიშვილის განმარტებით, ერთ დროს შვეიცარიის საბანკო სისტემის ფლაგმანად აღიარებული „კრედიტ სუისი“ თანდათანობით ამერიკელების საკუთრებაში გადადის, რასაც კომპანია „ბლექროკი“ უწევს კოორდინაციას.

27 მარტი 2023, 10:52

საზოგადოება

ზაზა შათირიშვილი: ოლიგარქიულ ოჯახებსა და მათ კომპანიებს სრული რესურსი აქვთ, მოსახლეობის შემცირების მიზნის მისაღწევად სრულად აამოქმედონ საკუთარი სამხედრო და ფარმაცევტული ინდუსტრიები

„ოლიგარქიულ ოჯახებს და მათ კომპანიებს სრული რესურსი აქვთ, მოსახლეობის შემცირების მიზნის მისაღწევად, სრულად აამოქმედონ საკუთარი სამხედრო და ფარმაცევტული ინდუსტრიები. ამასთან, იქნება თუ არა საქართველოს და ქართველების ადგილი ოჯახების მიერ ჩაფიქრებულ ახალ სამყაროში, დანამდვილებით არავინ იცის“

ირაკლი ჩიქოვანი

27 მარტი 2023, 10:50

პოლიტიკა

ირაკლი ჩიქოვანი: „ნაცმოძრაობის“ აქცია დაფინანსებულია კეზერაშვილის მიერ, იდეოლოგია არის ვანო მერაბიშვილის და ხელმძღვანელობს კომიკოსი ხაბეიშვილი

მას წარმოდგენა არ აქვს, რა არის ევროპული ღირებულებები, იმიტომ რომ ევროპული ღირებულებები არის ადამიანის უფლებები, კანონის უზენაესობა და ზუსტად ამის გამოა, რომ მიხეილ სააკაშვილი სასჯელს იხდის, - ასე შეაფასა ირაკლი ჩიქოვანმა ლევან ხაბეიშვილის განცხადება, რომელმაც ხელისუფლებას სააკაშვილისა და გვარამიას გათავისუფლება მოსთხოვა. საპარლამენტო უმრავლესობის წევრმა „ნაციონალური მოძრაობის“ 9 აპრილს დაგეგმილ აქციაზეც ისაუბრა.

ეკა სეფაშვილი

27 მარტი 2023, 10:35

პოლიტიკა

ეკა სეფაშვილი: ხაბეიშვილის განცხადება, რომ თურმე საქართველოს ევროინტეგრაციის გზა ნიკა გვარამიასა და სააკაშვილის გათავისუფლებაზე გადის, არის აბსოლუტურად მცდარი და ამას ევროკავშირის მხრიდან არავინ ითხოვს

„ის, რომ [ხაბეიშვილი] 9 აპრილის გამოყენებას თავისი დღის წესრიგისთვის ცდილობს, არის კიდევ ერთი უსუსური მცდელობა, რომ ხალხის რაიმე შეკრება საკუთარი პოლიტიკური მიზნებისთვის გამოიყენოს“, - ამბობს სეფაშვილი.

27 მარტი 2023, 10:35

პოლიტიკა

ზაზა შათირიშვილი წერილს აქვეყნებს

ფილოსოფოსი ზაზა შათირიშვილი სოციალურ ქსელში წერს, Imedinews განცხადებას უცვლელად გთავაზობთ. „გრძელდება საერთაშორისო მედიაში „კრედიტ სუისის“ პიარული გაშავების კამპანია, რომლის ფონზეც შვეიცარიული ბანკის აქციების ფასი მკვეთრად ეცემა. თუ 2007 წელს ბანკის ერთი აქციის ფასი 84 შვეიცარიულ ფრანკს აღემატებოდა, დღეს მისი ფასი მხოლოდ 0,88 ფრანკს შეადგენს. აქციების ფასის 100-ჯერ გაუფასურების ფონზე, ერთ დროს შვეიცარიის საბანკო სისტემის ფლაგმანად აღიარებული „კრედიტ სუისი“ თანდათანობით ამერიკელების საკუთრებაში გადადის, რასაც კომპანია „ბლექროკი“ უწევს კოორდინაციას. როგორც წინა წერილებშიც ვახსენე, „ბლექროკი“, სამ უმსხვილეს ამერიკულ ჩრდილოვან ბანკთან ერთად, ოლიგარქიული ოჯახების ხელში არსებული უმნიშვნელოვანესი პოლიტიკურ-ეკონომიკური ინსტრუმენტია. ამ ინსტრუმენტისა და უშუალო პოლიტიკური გავლენების წყალობით, ოჯახები მსოფლიო მასშტაბით წარმატებით ახერხებენ პოლიტიკურ ექსპანსიას, ხელისუფლებებისა და სასამართლო სისტემების მითვისებას, აგენტოკრატიების ჩამოყალიბებას, ომების გაჩაღებას, სახელმწიფოების იდენტობისა და თვითმყოფადობის მოშლას, ისევე, როგორც საზოგადოების ზომბირებისკენ მიმართული ე.წ. ლიბერალური იდეოლოგიის გავრცელებას. ოლიგარქიული ოჯახების საბოლოო მიზნების შესახებ სხვადასხვა ვერსია არსებობს. მათ შორის საუბარია მსოფლიოს 8-მილიარდიანი მოსახლეობის ათჯერ შემცირებაზე. ამ მიზანს ემსახურება ლგბტ პროპაგანდა, ე.წ. ოჯახის დაგეგმვის ინსტიტუტი, აბორტების ლიბერალიზაცია, გენდერული თანასწორობის კონცეფციები, სქესის შეცვლის კამპანიები, ლიბერალური ნარკოპოლიტიკა და ა.შ. თითოეული ეს იდეოლოგიური ხაზი ადამიანის უფლებების დაცვის, მათი თანასწორობისა და თავისუფლების უზრუნველყოფის ბრჭყვიალა შირმით არის შენიღბული. გარდა ამისა, ოლიგარქიულ ოჯახებს და მათ კომპანიებს სრული რესურსი აქვთ, მოსახლეობის შემცირების მიზნის მისაღწევად, სრულად აამოქმედონ საკუთარი სამხედრო და ფარმაცევტული ინდუსტრიები. ამასთან, იქნება თუ არა საქართველოს და ქართველების ადგილი ოჯახების მიერ ჩაფიქრებულ ახალ სამყაროში, დანამდვილებით არავინ იცის. თუ ჯერ კიდევ არ გაქვთ წაკითხული ჩემს მიერ არაერთხელ ნახსენები ჰაქსლისა და ორუელის ნაწარმოებები - „საოცარი ახალი სამყარო“ და „1984“, ასევე ენტონი ბერჯესის “სასურველი მარცვალი”, გირჩევთ, აუცილებლად წაიკითხოთ, რომ ზუსტად გაიაზროთ, როგორ სამყაროს უმზადებენ ოლიგარქიული ოჯახები თქვენს შვილებს. სწორედ ოლიგარქიული ოჯახების მანკიერ გეგმებს შეეწირა დემოკრატია საერთაშორისო მასშტაბით. ისინი უკვე დიდი ხანია ფლობენ პრინციპულ გავლენას ამერიკულ სახელმწიფო სტრუქტურებზე, 2008 წლიდან კი მათ ასეთივე გავლენა ევროპულ სტრუქტურებზეც მოიპოვეს. ამ გავლენის წყალობით, მათ შეძლეს ევროპის ეკონომიკის ზრდის შეჩერება. თუ 2003-08 წლებში ევროკავშირის ეკონომიკა გაორმაგდა და 8-დან 16,3 ტრილიონამდე გაიზარდა, 2009-22 წლებში მან 14-წლიანი სტაგნაცია განიცადა და შარშან მხოლოდ 16,6 ტრილიონი შეადგინა. სწორედ ეს არის სუვერენიტეტის დაკარგვის ფასი - აგენტოკრატია, ეკონომიკური სტაგნაცია და საზოგადოების მორალური სტერილიზაცია. სადამდე მიიყვანს ეს პროცესები ევროპას, პირადად ჩემთვის თანდათანობით სულ უფრო ცხადი ხდება. ამ ყველაფრის ფონზე, მინდა დავუსვა შეკითხვა ლიბერალებს, რომლებსაც 100 წლის წინ მოღვაწე ბოლშევიკების მსგავსად, თავი ყველაზე პროგრესულ კასტად მოაქვთ და სინამდვილეში, კონკრეტული მანკიერი იდეოლოგიის გავრცელების შიშველ იარაღად არიან ქცეული: ხომ არ დაფიქრდებოდით, რომ სინამდვილეში თავისუფლებისა და თანასწორობისათვის კი არ იბრძვით, არამედ ყველაზე დიდ გაუგებრობაში ხართ მოქცეული? ხომ არ დაფიქრდებოდით, რომ თქვენს პოზიციას არა ჭეშმარიტი თავისუფლებისკენ სწრაფვა, არამედ სწორედ მონური აზროვნება და თავს მოხვეული იდეოლოგიის თვალდახუჭული მორჩილება განაპირობებს? ნუთუ თქვენი შვილებისთვის გემეტებათ ის მახინჯი სამყარო, რომელიც ჰაქსლისა და ორუელის ნაწარმოებებშია აღწერილი? ნუთუ არ ფიქრობთ, რომ თქვენი შვილები დასაცავი არიან ლგბტ პროპაგანდისგან, ეროვნული, რელიგიური, სქესობრივი და სექსუალური იდენტობის მოშლისგან? ნუთუ არ ფიქრობთ, რომ საქართველოს ჭირდება დაცვა რამდენიმე ოჯახის პათოლოგიური ზრახვებისგან? და ბოლოს, ნუთუ არ დაფიქრებულხართ, რომ გლობალური პოლიტიკური თამაშებისგან საქართველოს დაცვა მხოლოდ მისი დამოუკიდებლობისა და სუვერენიტეტის შენარჩუნების პირობებში არის შესაძლებელი? მოვუწოდებ ყველას, ლიბერალს თუ არალიბერალს, კარგად დაფიქრდნენ ამ ყველაფერზე და გაუფრთხილდნენ საქართველოს დამოუკიდებლობასა და თვითმყოფადობას, რომელიც ჩვენმა წინაპრებმა 30 საუკუნის მანძილზე თავგანწირული ბრძოლის ფასად შემოგვინახეს. დღევანდელ ურთულეს გეოპოლიტიკურ ვითარებაში საქართველოს გადარჩენა მხოლოდ მისი სუვერენიტეტის დაცვითა და გაფრთხილებით არის შესაძლებელი“,- ნათქვამია განცხადებაში.

კონკურენციის ეროვნული სააგენტო

27 მარტი 2023, 10:28

საზოგადოება

კონკურენციის ეროვნულმა სააგენტომ ფარმაცევტულ ბაზარზე ოთხი კომპანიის მიმართ მოკვლევა დაიწყო

„მოკვლევას საფუძვლად დაედო საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ გასაჯაროებული ინფორმაცია და განცხადებები ფარმაცევტული კომპანიების ქმედებების კონკურენციის კანონმდებლობასთან თავსებადობასთან დაკავშირებით.

27 მარტი 2023, 10:13

პოლიტიკა

პარლამენტი დეოლიგარქიზაციის კანონპროექტის განხილვას სავარაუდოდ მიმდინარე კვირაში განაახლებს

დეოლიგარქიზაციის კანონპროექტის საკომიტეტო განხილვა პარლამენტში სავარაუდოდ, მიმდინარე კვირაში განახლდება. დეპუტატები ვენეციის კომისიის იმ რეკომენდაციებზე იმსჯელებენ, რომელიც საქართველოს პარლამენტს გამოუგზავნეს. დაკონკრეტდება თუ რა იგულისხმება პირის ოლიგარქად აღიარებისას პოლიტიკურ გავლენაში და როგორ მოხდება ადამიანის უფლებების დაცვის მიზნით არსებული რისკების გადაზღვევა.

27 მარტი 2023, 10:08

რეგიონი

იმერეთის სატყეო სამსახურის თანამშრომლებმა, ხარაგაულის მუნიციპალიტეტის სოფელ ბორითში, დაურეგისტრირებელი სახერხი საამქრო გამოავლინეს

საამქროს ტერიტორიაზე აღმოჩენილია უკანონოდ მოპოვებული 4 კუბურ მეტრამდე ცაცხვის სახეობის სამასალე მერქანი.

27 მარტი 2023, 09:57

საზოგადოება

როგორი ამინდია მოსალოდნელი დღეს საქართველოში

27 მარტს ქუთაისში +16 გრადუსი და ნალექიანი დღეა მოსალოდნელი, ღამით კი +7 გრადუსი იქნება. ნალექიანი დღე იქნება ოზურგეთშიც, სადაც დღისით +14 გრადუსი დაფიქსირდება, ღამით კი +6 გრადუსია ნავარაუდევი. ბათუმშიც იწვიმებს. დღისით ჰაერი +13 გრადუსამდე გათბება, ღამით კი +8 გრადუსი დაფიქსირდება.

ანდრია გვიდიანი

27 მარტი 2023, 09:43

პოლიტიკა

ანდრია გვიდიანი მამუკა ხაზარაძეზე: სინამდვილეში, ქველმოქმედებად შემოსაღებული აქტი, სახელმწიფო ქონების ყიდვის სანაცვლოდ, სამი ოჯახისთვის საცხოვრებელი ფართების გადაცემის ვალდებულებაა

სასაცილოა - საერთოდ რა ქველმოქმედებაზეა საუბარი?! სინამდვილეში, ქველმოქმედებად შემოსაღებული აქტი, სახელმწიფო ქონების ყიდვის სანაცვლოდ, სამი ოჯახისთვის საცხოვრებელი ფართების გადაცემის ვალდებულებაა!!! - ვალდებულება და არა კეთილი ნება, - ასე ეხმაურება ექსპერტი ანდრია გვიდიანი მამუკა ხაზარაძის მიერ წალენჯიხაში სამი დევნილი ოჯახისთვის საცხოვრებელი სახლების გადაცემის შესახებ ინფორმაციას.

ვოლოდიმირ ზელენსკი

27 მარტი 2023, 09:39

მსოფლიო

ვოლოდიმირ ზელენსკი: ცივილიზებულმა მსოფლიომ წელს ომი უნდა დაასრულოს

ცივილიზებულმა მსოფლიომ წელს ომი უნდა დაასრულოს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. მისი თქმით, ახლა ძალიან მნიშვნელოვანია, რომ საინფორმაციო მუშაობაში მონაწილეობა მიიღოს ყველამ, ვისაც აქვს ინფორმაციული გავლენა. ზელენსკიმ ხაზი გაუსვა, რომ მსოფლიომ ისევე ინტენსიურად უნდა გაიგოს, როგორც გასულ წელს, რომ უკრაინის წინააღმდეგ აგრესია გრძელდება.

27 მარტი 2023, 09:05

მსოფლიო

იერუსალიმში, ბენიამინ ნეთანიაჰუს რეზიდენციასთან შეკრებილი დემონსტრანტების დასაშლელად პოლიციამ ცრემლსადენი გაზი გამოიყენა

ისრაელის პრემიერ-მინისტრის, ბენიამინ ნეთანიაჰუს რეზიდენციასთან შეკრებილი დემონსტრანტების დასაშლელად პოლიციამ ცრემლსადენი გაზი გამოიყენა. მასობრივი არეულობები თავდაცვის მინისტრის თანამდებობიდან გათავისუფლებას მოჰყვა. იოავ გალანტი მართლმსაჯულების სისტემის საკამათო რეფორმას ღიად აკრიტიკებდა, რაც მისი გადაყენების მიზეზი გახდა. თანამდებობიდან გათავისუფლების შემდეგ გალანტმა აღნიშნა, რომ ისრაელის სახელმწიფოს უსაფრთხოების დაცვა მისი ცხოვრების მისიად დარჩება.

27 მარტი 2023, 08:47

საზოგადოება

ვაკის პარკის საქმეზე სასამართლო პროცესი დღეს, 11:00 საათზე განახლდება

ვაკის პარკის საქმეზე სასამართლოს პროცესი, დღეს, 11 საათზე განახლდება. დღეს დაცვის მხარე შესავალ სიტყვას წარადგენს. ადვოკატების განცხადებით, მტკიცებულებების გამოკვლევა, სავარუდოდ, 31 მარტს დაიწყება. ლაშა ფურცხვანიძის ადვოკატის თქმით, სასამართლოს ყურადღება გამახვილდება იმ გარემოებებზე, რომლის მიხედვითაც დგინდება ბრალდების მხარის არასაკმარისი მტკიცებულებების არსებობა.

ნანა კაკაბაძე

27 მარტი 2023, 08:40

პოლიტიკა

ნანა კაკაბაძე სალომე ზურაბიშვილზე: ალბათ მეხსიერების პრობლემებმა გადაავიწყეს წინასაარჩევნო ბანერებზე, მისი სახელისა და გვარის თავზე გამოსახული ბიძინა ივანიშვილის სახე, რომელმაც ის საქართველოს პრეზიდენტად აქცია

ამერიკული ტურნედან ახლახან დაბრუნებული მადამ პრეზიდენტი,ერთ-ერთი ოპიზიციური ტელევიზიის ეთერში ვრცელი ინტერვიუთი გამოჩნდა და ბიძინა ივანიშვილი ოლიგარქად, ხოლო ირაკლი ღარიბაშვილი და უმრავლესობის ახალგაზრდა გუნდი( "პატარა ბიჭები") შეურაცხმყოფელი სიტყვებით მოიხსენია, - ამის შესახებ არასამთავრობო ორგანიზაცია „ყოფილი პოლიტპატიმრები ადამიანის უფლებებისთვის“ თავმჯდომარე, ნანა კაკაბაძე სოციალურ ქსელში წერს.

27 მარტი 2023, 08:20

მსოფლიო

რა ვითარებაა უკრაინაში. ომის 397-ე დღე

უკრაინა ოკუპანტთა იერიშებს იგერიებს. გენერალური შტაბის მონაცემებით, რუსულმა ძალებმა ბოლო 24 საათში ერთი სარაკეტო და 16 საავიაციო დარტყმა განახორციელა. 10-ჯერ დაიბომბა უკრაინის ტერიტორია ზალპური ცეცხლის რეაქტიული სისტემებით. მძიმე ბრძოლები გრძელდება დონბასში. 26 მარტს უკრაინულმა ძალებმა ლიმანის, ბახმუტის, ავდეევკისა და მარინკის მიმართულებით 50-მდე შეტევა მოიგერია.

27 მარტი 2023, 07:58

მსოფლიო

ტუნისის სანაპიროსთან მიგრანტების ორი ნავი ჩაიძირა, დაიღუპა სულ მცირე 29 აფრიკელი მიგრანტი

ტუნისის სანაპიროსთან, სულ მცირე, 29 აფრიკელი მიგრანტი დაიღუპა, - ამის შესახებ ინფორმაციას „როიტერის“ ავრცელებს. გავრცელებული ინფორმაციით, სანაპიროს მახლობლად მიგრანტების ორი ნავი ხმელთაშუა ზღვის გადაკვეთის დროს ჩაიძირა. ტუნისის სანაპირო დაცვის სამსახურმა 11 ადამიანი გადაარჩინა.

გოგა ხაინდრავა

27 მარტი 2023, 01:00

პოლიტიკა

გოგა ხაინდრავა: თავი დაანებონ ქართული ეკლესიის შეურაცხყოფას, რადგან საქართველოში ძალიან დიდ ვნებათაღელვას გამოიწვევს

ყველაფერს ითმენდა ქართველი კაცი, მაგრამ საკუთარი რწმენისა და ეკლესიის შეურაცხყოფას არ ითმენდა და ცეცხლს ნუ ეთამაშებიან. ძალიან ცუდად დაამთავრებენ, - ამის შესახებ რეჟისორმა გოგა ხაინდრავამ გადაცემაში „იმედი LIVE“ განაცხადა. იგი ბოლო დღეებში კათოლიკოს-პატრიარქის მიერ მსოფლიო პატრიარქისთვის გაგზავნილ წერილს გამოეხმაურა. მისივე თქმით, შეურაცხმყოფელია ის, რასაც პატრიარქის აღნიშნულ წერილთან დაკავშირებით ისმენს.

გოგა ხაინდრავა

27 მარტი 2023, 00:37

პოლიტიკა

გოგა ხაინდრავა კელი დეგნანზე: ამ ქალბატონმა იმდენი დააშავა ქართულ-ამერიკულ ურთიერთობებში, რომ ამის გამოსწორებას წლები დასჭირდება

„ვფიქრობ, რომ ამ ქალბატონმა იმდენი დააშავა ქართულ -ამერიკულ ურთიერთობებში, რომ ამის გამოსწორებას წლები დასჭირდება. ერთ-ერთი კრახი ამერიკის პოლიტიკის არის საქართველოში შეერთებული შტატების საელჩოს მუშაობა. ერთადერთი პროამერიკული ქვეყანა რეგიონში არის საქართველო - იყო, დღესაც არის და იქნება კიდეც, იმიტომ რომ ქართველი ხალხი და პირადად მე არასოდეს დავივიწყებთ 90-იან წლებში გემებს რომ ველოდებოდით ფოთში ამერიკიდან გამოგზავნილი ხორბლით. 30 წლის თავზე ვხედავთ წმინდა ბოლშევიკურ მოქმედებას, როდესაც სიმართლე სიმართლე არ არის, ცილისწამება ცილისწამებაზე მოდის“, - ამბობს ხაინდრავა.