ჯეიმს კლევერლი: 1987 წელს, მარგარეტ ტეტჩერის ვიზიტისას, საქართველოს სურვილი და მისწრაფება თავისუფლებისა და თვითგამორკვევისთვის იყო ნათელი და ახლა ეს გრძნობა კიდევ უფრო ძლიერია

1987 წელს, საქართველოში მარგარეტ ტეტჩერის ვიზიტისას, საქართველოს სურვილი და მისწრაფება თავისუფლებისა და თვითგამორკვევისთვის იყო ნათელი და ახლა ეს გრძნობა კიდევ უფრო ძლიერი გახლავთ, - ამის შესახებ გაერთიანებული სამეფოს საგარეო, თანამეგობრობისა და განვითარების საქმეთა სახელმწიფო მდივანმა, ჯეიმს კლევერლიმ საქართველოს საგარეო საქმეთა მინისტრ ილია დარჩიაშვილთან ერთად გამართულ პრესკონფერენციაზე განაცხადა.

„ბატონო საგარეო საქმეთა მინისტრო, ძალიან დიდი მადლობა, რომ ასეთი თბილი მიღება გამიმართეთ საქართველოში. ეს არის ჩემთვის პირველი შესაძლებლობა, რომ საქართველოში ჩამოვსულიყავი და ძალიან თბილად მიმიღეს თქვენს მშვენიერ ქვეყანაში. საქართველო დიდი ხნის განმავლობაში იყო ძალიან მნიშვნელოვანი და ღირებული პარტნიორი გაერთიანებული სამეფოსთვის. ჩვენი ქვეყნები დგანან ძალიან მყარ ურთიერთობაზე ბოლო 30 წლის განმავლობაში, მას შემდეგ, რაც აღვადგინეთ დიპლომატიური ურთიერთობები, გავიარეთ ძალიან ხანგრძლივი პერიოდი თანამშრომლობისა და მივიღეთ მაქსიმალური სარგებელი ჩვენი ისტორიული კავშირებიდან. მახსოვს იმ დროს ბრიტანეთის პრემიერ-მინისტრი მარგარეტ ტეტჩერი და მისი ვიზიტი თქვენს ქვეყანაში 1887 წელს. 4 წლის შემდეგ საბჭოთა კავშირი დაინგრა. თქვენი სურვილი და მისწრაფება თავისუფლებისა და თვითგამორკვევისთვის იყო ნათელი და ახლა ეს გრძნობა კიდევ უფრო ძლიერი გახლავთ. რუსეთის სრულმასშტაბიანი შეჭრა უკრაინაში, სრული უარყოფა საერთაშორისო სამართლის, ტერიტორიული მთლიანობისა და ეროვნული სუვერენიტეტის არ არის თქვენთვის შოკისმომგვრელი. რუსეთის შეჭრამ 2008 წელს საქართველოში და გაგრძელებულმა ყოფნამ სამხრეთ ოსეთსა და აფხაზეთში ძალიან ღრმა ადამიანური ტანჯვა გამოიწვია, გაყო ქვეყანა, ოჯახები, შეზღუდვა წვდომა წინაპრების მიწაზე და წმინდა რელიგიური ადგილებისადმი. ჩვენ ვაგრძელებთ უწყვეტ მხარდაჭერას თქვენი სუვერენიტეტისა და ტერიტორიული მთლიანობისადმი“,- განაცხადა ჯეიმს კლევერლიმ.

ვიზიტის ფარგლებში, ჯეიმს კლევერლი შეხვდება საქართველოს მთავრობის მეთაურს, ირაკლი ღარიბაშვილს. ამასთან, ის ეწვევა საოკუპაციო ხაზს და ადგილზე გაეცნობა არსებულ ვითარებას.