ნინო წილოსანი მარიამ ნაკანს: ფაშისტებთან და ნაცებთან ყავაზე და ინტერვიუებზე არ დავდივართ, მით უმეტეს მათი სახის შენარჩუნების მიზნით. ხომ აპირებდი მოვარდნას, სადაც მნახავდი, ჰოდა მოდი, გააგრძელე შენი დაწყებული ფაშიზმი, გელოდები

მარიამ ნაკანი, ახლა სად მეპატიჟები და შენი ფაშისტური ზრახვების გამოსწორება როგორ მოგინდა, ეგ არ არის მთავარი... სად მოდიოდი და რა მიზნებით - ეს არის მთავარი და ფაქტი!!! - ამის შესახებ პარლამენტის თავმჯდომარის მოადგილე ნინო წილოსანი Facebook-ზე წერს და ეხმაურება იმ ფაქტს, რომ მანამდე ნაკანმა მისი საცხოვრებელი მისამართის გაგება სცადა.

„სახლში მოვარდნა რომ დააანონსე საჯაროდ და შემდეგ ამ ყველაფერს, რაც მოჰყვა, „გაგიტყდა”, გგონია ამას არ აკეთებთ ყოველდღე ?? შენ და შენნაირები ყოველდღე ჩვენი შვილების დაბულინგებას ცდილობთ სახლებთან შეძახილებით, სკოლებში, სოციალურ ქსელებში, ცდილობთ პოლიციელების დაბულინგებასაც!

ფაშისტებთან და ნაცებთან ყავაზე და ინტერვიუებზე არ დავდივართ, მით უმეტეს მათი სახის შენარჩუნების მიზნით. ხომ აპირებდი მოვარდნას, სადაც მნახავდი, ჰოდა მოდი, გააგრძელე შენი დაწყებული ფაშიზმი, გელოდები!!!!!! არსად დამალვას არ ვაპირებ, სისტემატურად დავდივარ საჯარო ადგილებში, მოგწერ ხოლმე თუ გინდა სადაც წავალ და როგორც ფაშისტები დასდევდნენ თავის დროზე ხალხს, მოდი და იფაშისტე, რატომ იხევ უკან?!!!! გვაჩვენეთ ბოლომდე თქვენი რეალური სახე!“, - წერს წილოსანი.

მარიამ ნაკანი პოლიტიკოსს პოსტის კომენტარებში გამოეხმაურა და აღნიშნა, რომ დეპუტატი პირდაპირ ეთერში რამდენჯერმე მიიწვია პირადად და არსად უწერია, რომ „ნინო წილოსანთან მოვარდნა მინდა და ფაშიზმის განხორციელება“. ამის შემდეგ დეპუტატმა დაწერა: „მოიცადე და გგონია ჰიტლერი აღიარებდა ფაშისტურად ვიქცევიო? ჩემს 12 წლის შვილს როგორ დავაჯერო რომ ყვავილები უნდა მოგეტანა!!!“.