IMEDI /  27 მაისი 2024, 15:01 / სანდო წყარო

მერაბ გეგეჭკორი: სამების ამშენებელს მივეცი ხმა, დასამალი არაფერია, რამდენი რამ აქვს გაკეთებული, ამის დავიწყება შეიძლება? ახლა კეთილი ვინებოთ და ვადროოთ, მიიყვანოს საქმე ბოლომდე, თუ არ მოგვეწონება, ოქტომბერში არჩევნებია და შევცვალოთ

მერაბ გეგეჭკორი

მერაბ გეგეჭკორი

ურთულესი მდგომარეობაა, არც ვიცი, ღირს თუ არა ამაზე საუბარი. ადამიანი შენს პოზიციას არ იცნობს და გლანძღავს, მინდა ახლა ეს ლანძღვა და გინება? აზრი აქვს რამე საუბარს? ის, რაც ჩვენ გუშინ ვნახეთ (ინტერვიუ ჩაწერილია 12 მაისს), ხალხი ქუჩაში გამოვიდა, ევროკავშირში გაწევრიანებას მხარს უჭერდნენ და „ევროვიზიაზე“ რა მოხდა? - ამის შესახებ მსახიობმა მერაბ გეგეჭკორმა, ბოლო დროს ქვეყანაში განვითარებულ მოვლენებთან დაკავშირებით, „კვირის პალიტრასთან“ ინტერვიუში განაცხადა.

კითხვაზე, აქვს თუ არა იმედი, რომ ევროპა საქართველოს დაიცავს, მსახიობმა უკრაინის მაგალითი მოიყვანა და აღნიშნა: „უკრაინა დაიცვა? მაგას თუ დაცვა ჰქვია, მაშინ მე შტერი ვყოფილვარ. ჩვენ ბევრი რთული დღე გვაქვს გამოვლილი. მამარდაშვილი ამბობდა: კანონზომიერად რომ ვთქვათ, ქართველი კაცი უნდა იყოს გაბოროტებული, უნდა იყოს თავის თავში ჩაკეტილი. არადა, ქართველი ადამიანი ღიაა, ლაღიაო. ერთმანეთს რატომ ვუპირისპირებთ? არსებობს პოლიტიკური მოვლენები, რომლებსაც ჩვენ არ შეგვეკითხებიან, მაინც მოხდება. ჩვენ გვინდა თუ არა, ცივილიზაციური გადაჯგუფებები ხდება. 3.5 მილიონი დავრჩით, ეს დიდი ქალაქის ერთი უბანია ჩინეთში.“

მან ასევე აღნიშნა, რომ ხელისუფლებამ, უპირველესად სახელმწიფოს ინტერესი უნდა დაიცვას, უმცირესობამ კი დემოკრატიის პრინციპის თანახმად, უმრავლესობის პოზიცია უნდა მოითმინოს. რაც შეეხება საქართველოს წინააღმდეგ ევროპისა და აშშ-ის სანქციებს, მისი თქმით, მსგავსი ქმედებით პარტნიორები რუსეთის წისქვილზე დაასხამენ წყალს.

„თუ ხელისუფალი ყოველ გამოსვლაზე და აქციაზე უკან დაიხევს, ის ხელისუფლება უკვე აღარ არის. ხელისუფლება ვალდებულია დაიცვას ჩვენი ეროვნული ინტერესები. რამდენი ათასი კაციც უნდა მოვიდეს ოპოზიციის აქციაზე, ფაქტი ბრმა არ არის, ხუთჯერ მეტი გამოჰყავს მთავრობას. რა მოხდა ვენესუელაში, თუ გახსოვთ, 1 მილიონი კაცი გამოვიდა და დაიცვა თავისი პრეზიდენტი ნიკოლას მადურო. ამერიკის მიწოდებული კანდიდატი კი არ დაიცვა, თავად ვინც უნდოდა ქვეყანას, მას დაუდგნენ გვერდით. ჩემი არჩევანი არჩევნების დღეს გავაკეთე. ოქტომბერშიც წავალ და გავაკეთებ არჩევანს, ყოველდღე პოლიტიკაზე ვილაპარაკო? დღეს საქართველოში რამე ისეთი ხდება, რაც არ ხდება ამერიკაში ან სხვა ქვეყანაში? იქ რაღაც არ მოეწონება ხალხს და ქუჩაში გამოდიან, ასეა აქაც... შენ როგორი აზრიც უნდა გაგაჩნდეს, თუ უმცირესობაში ხარ, კეთილი ინებე და მოითმინე უმრავლესობის პოზიცია, ესაა დემოკრატიის პრინციპი. თუ ძალმომრეობაზეა ლაპარაკი, ღმერთმა დაგიფაროს და ამაშიც ვერ მოერევი სახელმწიფოს. იმ ყველაფერზე, რაც დღეს საქართველოში ხდება, ამ მდგომარეობაზე ვინ იფშვნეტს ხელს? - რუსეთი. ვის უხარია ეს ამბავი? - რუსეთს. პრემიერ-მინისტრმა ძალიან კარგად უთხრა ევროპარლამენტარებს: თუ ვიზას არ მომცემ და კიდევ დამბლოკავ, ამით ვის საქმეს გააკეთებ, ჩემსას თუ რუსეთისას? 30 წელია დასავლეთი გვპირდება, აფხაზეთს და სამაჩაბლოს დაგიბრუნებთ და კარგად იქნებით, ჩაგეხუტებით, მხარში ამოგიდგებით, მთელ რესურსს დაგახარჯავთო და რა? ამდენივე წელია რუსეთი გვპირდება დედას გიტირებთო და „გვტირობს“, რომელს დავუჯეროთ?“ - განაცხადა მერაბ გეგეჭკორმა.

მან ასევე ისაუბრა ბიძინა ივანიშვილზე და აღნიშნა, რომ სახელმწიფოში ყველაფერი მისმა მოქალაქეებმა უნდა გადაწყვიტონ და არავის კარნახით არ უნდა იმოქმედოს.

„საკუთარი თავის რწმენა უნდა გაგვაჩნდეს. სამების ამშენებელს მივეცი ხმა, ამაში დასამალი არაფერია. რამდენი რამ აქვს ქვეყანაში გაკეთებული, ამის დავიწყება შეიძლება? ჩემი გივი ბერიკაშვილი, კახი კავსაძე და კიდევ ბევრი სხვა სახელოვანი ადამიანი, ყველა სიკეთით ლაპარაკობდა, სხვა წარმოდგენა ბიძინა ივანიშვილზე არც მქონია. ახლა კეთილი ვინებოთ და ვადროოთ, მიიყვანოს საქმე ბოლომდე. თუ არ მოგვეწონება, ოქტომბერში არჩევნებია და შევცვალოთ. ჩემს სახლში მე უნდა გადავწყვიტო ყველაფერი, აბა, ვინ უნდა მიკარნახოს? თუ ვინმეს უნდა, კომპლექსი ჩამოგვიყალიბოს, თქვენ ვერ წყვეტთ თქვენს საქმეს და მე ვწყვეტო, მაგის პასუხია - „დედიმისისამ“!

სომხეთი არეულია, უკრაინა რა დღეშია, ახლო აღმოსავლეთში საშინელება ხდება და გონიერება გვმართებს. „ვისისტიც“ გინდა, იმისტი იყავი, ეგ ჩემი საქმე არ არის. გულწრფელად გეუბნებით, არავინ მძულს, მიშა სააკაშვილიც კი არ მძულს, როგორ შეიძლება შეიძულო, შეხედე რა დღეშია. ამ მდგომარეობაში შეიძლება კაცმა თავი ჩაიგდოს? გუშინ კაცს ხალხი ხელისგულზე ატარებდა და დღეს რა დღეშია... ძალიან რთულია პოლიტიკაზე ილაპარაკო. კოცონი ანთია მთელ დედამიწაზე, გონიერებას ნუ დავკარგავთ!“ - განაცხადა მერაბ გეგეჭკორმა.

ყველა სიახლე

20 ივნისი 2024, 09:35

საზოგადოება

როგორი ამინდია მოსალოდნელი დღეს საქართველოში

20 ივნისს ქუთაისში +30 გრადუსი და ნალექიანი დღეა მოსალოდნელი, ღამით კი +21 გრადუსი იქნება. ოზურგეთშიც წვიმს. დღისით +29 გრადუსი დაფიქსირდება, ღამით კი +20. ბათუმში დღისით ჰაერი +27 გრადუსამდე გათბება, ხოლო ღამით +22 გრადუსი დაფიქსირდება. მოსალოდნელია ნალექი.

20 ივნისი 2024, 09:24

მსოფლიო

კოლუმბიაში რეკორდული რაოდენობით კოკაინი ამოიღეს

კოლუმბიაში რეკორდული რაოდენობით კოკაინი ამოიღეს. ოპერაცია ქვეყნის სამხედრო-საზღვაო ძალებმა ჩაატარეს. დევნის ოპერაციისას ნავიდან, რომელიც ნარკოტიკებით იყო დატვირთული, ტონა-ნახევარი კოკაინი გადაყარეს. პოლიციამ ჯამში 2 ტონაზე მეტი კოკაინი ამოიღო. დაკავებულია ნავზე მყოფი ორი ადამიანი. ისინი ნიკარაგუისა და კოსტა-რიკის მოქალაქეები არიან.

20 ივნისი 2024, 09:21

მსოფლიო

ეკოაქტივისტები სტოუნჰენჯს დაესხნენ თავს

ეკოაქტივისტები ბრიტანეთის ისტორიულ ღირსშესანიშნაობას, სტოუნჰენჯს დაესხნენ თავს. მოძრაობა Just Stop Oil-ის ორი აქტივისტი მონუმენტთან ბალონებით მიიჭრა და ქვებს ნარინჯისფერი საღებავი შეასხა. ამ ჟესტით ეკოაქტივისტებმა ხელისუფლებას კიდევ ერთხელ მოუწოდეს, წიაღისეული საწვავის მოპოვებაზე 2030 წლამდე უარი თქვან.

20 ივნისი 2024, 09:17

მსოფლიო

ინდოეთში რეკორდული სიცხეებია

ინდოეთში რეკორდული სიცხეებია. ბოლო ერთი კვირის განმავლობაში გაუსაძლის სიცხეს მხოლოდ ნიუ-დელიში 4 ადამიანი ემსხვერპლა, ადგილობრივ საავადმყოფოებს კი ათასობით ადამიანმა მიმართა. ყველაზე რთული ვითარება რაჯასტანის შტატშია, სადაც ჰაერის ტემპერატურამ +50 გრადუსს მიაღწია.

20 ივნისი 2024, 09:14

მსოფლიო

საბერძნეთში ხანძარს ებრძვიან

საბერძნეთში ხანძარს ებრძვიან. ათენის მახლობლად ტყის ხანძრის რამდენიმე კერა გაჩნდა. მეხანძრეებმა მარკოპოულოსთან, კარისტოსთან და კუნძულ ნაქსოსზე ცეცხლის ჩაქრობა შეძლეს. ხანძრის ლოკალიზებას ცდილობენ ქოროფისა და კიტცის მუნიციპალიტეტების ტერიტორიაზე, სადაც ცეცხლმა დასახლებულ რაიონებში შეაღწია. მის გავრცელებას ხელს ძლიერი ქარი უწყობს. სტიქიის ზონიდან მოსახლეობა გაჰყავთ.

20 ივნისი 2024, 09:12

მსოფლიო

პარიზში ანტისემიტიზმის წინააღმდეგ მასშტაბური საპროტესტო მსვლელობა გაიმართა

პარიზში ანტისემიტიზმის წინააღმდეგ მასშტაბური საპროტესტო მსვლელობა გაიმართა. მიზეზი 12 წლის ებრაელი გოგონას გაუპატიურება გახდა. ინციდენტი ქალაქ კურბევუაში გასულ კვირას მოხდა. პოლიციამ ძალადობის ბრალდებით სამი არასრულწლოვანი დააკავა. ქალაქის მერმა მომხდარს ანტისემიტური აქტი უწოდა და განაცხადა, რომ ქალაქში რასიზმისა და ძალადობის ადგილი არ არის.

20 ივნისი 2024, 08:55

მსოფლიო

პრაღაში დანით შეიარაღებული მამაკაცი ბენზინგასამართ სადგურზე მყოფებს დაესხა თავს

თავდასხმა პრაღაში. დანით შეიარაღებული მამაკაცი ბენზინგასამართ სადგურზე მყოფებს დაესხა თავს. შედეგად 3 ადამიანი დაშავდა. ერთი მათგანს რამდენიმე ჭრილობა აქვს მიყენებული, თუმცა მის სიცოცხლეს საფრთხე არ ემუქრება. პოლიციამ თავდამსხმელი ადგილზე დააკავა. თავდასხმის მოტივი უცნობია.

ჯასტინ ტრიუდო

20 ივნისი 2024, 08:48

მსოფლიო

IPSOS-ის მიერ ჩატარებული გამოკითხვის მიხედვით ჯასტინ ტრიუდოს რეიტინგი ეცემა

ჯასტინ ტრიუდოს რეიტინგი ეცემა. IPSOS-ის მიერ ჩატარებული გამოკითხვის შედეგებით, რესპონდენტთა 68 პროცენტს კანადის პრემიერ-მინისტრის გადადგომა სურს. გამოკითხვა 12-14 ივნისს ჩატარდა და მასში 1001 ადამიანი მონაწილეობდა. 25 პროცენტამდე არის დაცემული ტრიუდოს პარტიის რეიტინგიც.

არარატ მირზოიანი

20 ივნისი 2024, 08:44

მსოფლიო

სომხეთის საგარეო საქმეთა მინისტრი კოლექტიური უსაფრთხოების ხელშეკრულების ორგანიზაციის სხდომაში მონაწილეობას არ მიიღებს

სომხეთის საგარეო საქმეთა მინისტრი არარატ მირზოიანი კოლექტიური უსაფრთხოების ხელშეკრულების ორგანიზაციის სხდომაში მონაწილეობას არ მიიღებს, - ამის შესახებ უწყების პრესმდივანმა ანი ბადალიანმა განაცხადა. ორგანიზაციის მორიგი სხდომა ალმა-ათაში 21 ივნისს უნდა გაიმართოს. გასულ კვირას სომხეთის პრეზიდენტმა ნიკოლ ფაშინიანმა ღიად განაცხადა, რომ სომხეთი ორგანიზაციიდან გასვლას აპირებს.

ვლადიმერ პუტინი

20 ივნისი 2024, 08:29

მსოფლიო

ვლადიმერ პუტინმა ფხენიანში ვიზიტი დაასრულა

კრემლის ლიდერმა ფხენიანში ვიზიტი დაასრულა. აეროპორტში ის ჩრდილოეთ კორეის ლიდერმა პირადად გააცილა. მანამდე კიმ ჩენ ინმა და პუტინმა პარტნიორობის შეთანხმებას მოაწერეს ხელი. ცერემონიაზე პუტინმა განაცხადა, რომ რუსეთი და ჩრდილოეთი კორეა ერთად იბრძვიან ამერიკისა და მისი სატელიტების ჰეგემონიის წინააღმდეგ, კიმ ჩენ ინმა კი რუსეთის პრეზიდენტს ჩრდილოეთ კორეის საუკეთესო მეგობარი უწოდა. ფხენიანიდან პუტინი ოფიციალური ვიზიტით ვიეტნამში ჩავიდა.

20 ივნისი 2024, 08:18

პოლიტიკა

უზენაესი სასამართლოს მოსამართლეობის კანდიდატებს საქართველოს პარლამენტში დღეს მოუსმენენ

უზენაესი სასამართლოს მოსამართლეობის კანდიდატებს საქართველოს პარლამენტში დღეს მოუსმენენ. ვაკანტურ თანამდებობაზე იუსტიციის უმაღლესი საბჭოს მიერ ასარჩევად წარდგენილი სამი კანდიდატი. გიზო უბილავა, ბადრი შონია და გოჩა ჯეირანაშვილი საკუთარ თავს იურიდიულ საკითხთა კომიტეტის წევრებთან წარადგენენ, რის შემდეგაც კანდიდატები დეპუტატების კითხვებს უპასუხებენ.

20 ივნისი 2024, 08:10

პოლიტიკა

პარლამენტი ლგბტ პროპაგანდის წინააღმდეგ „ქართული ოცნების“ ინიცირებული საკანონმდებლო პაკეტის საკომიტეტო განხილვებს დღეიდან იწყებს

პარლამენტი ლგბტ პროპაგანდის წინააღმდეგ „ქართული ოცნების“ ინიცირებული საკანონმდებლო პაკეტის საკომიტეტო განხილვებს დღეიდან იწყებს. კანონპროექტებს დეპუტატები ჯერ 4 კომიტეტის გაერთიანებულ სხდომაზე პირველი მოსმენით განიხილავენ, რის შემდეგაც საკითხზე დღესვე იურიდიულ საკითხთა კომიტეტზე იმსჯელებენ. დღესვე კომიტეტი განიხილავს მმართველი გუნდის ინიციატივას „ოჯახური ღირებულებათა და არასრულწლოვანთა დაცვის შესახებ“ საქართველოს კონსტიტუციაში შესატან ცვლილებებსაც.

20 ივნისი 2024, 08:02

სპორტი

საქართველოს ეროვნული ნაკრები დღეს ჰამბურგში ჩავა და დახურულ ვარჯიშს გამართავს

ჩეხეთთან გასამართი მატჩისთვის მზადება დაწყებულია. საქართველოს ეროვნული ნაკრები დღეს ჰამბურგში ჩავა და დახურულ ვარჯიშს გამართავს. გუშინ ჩვენმა გუნდმა ვარჯიში ფელბერტის საწვრთნელ ბაზაზე გაიარა. ნაკრებთან ერთად არ ყოფილა ოთარ კიტეიშვილი, იგი ინდივიდუალურად ვარჯიშობს. შეძლებს თუ არა ის მომდევნო მატჩზე თამაშს, ეს ჯერ გაურკვეველია.

რატი იონათამიშვილი

20 ივნისი 2024, 00:41

პოლიტიკა

რატი იონათამიშვილი გიორგი ვაშაძეზე: მარტო ეს განცხადება უნდა იყოს საკმარისი, რომ ვაშაძისნაირები ვერ ბედავდნენ ქვეყანაში პოლიტიკოსობას! სალანძღავ სიტყვად „აუტისტის“ გამოყენება არის უკიდურესი ფსკერი და უღირსობა!

მარტო ეს განცხადება უნდა იყოს საკმარისი, რომ ვაშაძისნაირები ვერ ბედავდნენ ქვეყანაში პოლიტიკოსობას! კობახიძეს უნდა შეურაცხყოფა მიაყენოს და ყველა აუტისტური სპექტრის აშლილობის მქონე პირს აყენებს შეურაცხყოფას! - ასე ეხმიანება სოციალურ ქსელში პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, საპარლამენტო უმრავლესობის წევრი რატი იონათამიშვილი გადაცემაში „პირველი ხაზი“ „სტრატეგია აღმაშენებლის“ ლიდერის, გიორგი ვაშაძის მიერ პრემიერ-მინისტრის, ირაკლი კობახიძის „აუტისტად“ მოხსენიებას.

გიორგი ვაშაძე

20 ივნისი 2024, 00:39

პოლიტიკა

გიორგი ვაშაძემ ირაკლი კობახიძის მისამართით დისკრიმინაციული განცხადება გააკეთა

„სტრატეგია აღმაშენებლის" ლიდერმა, გიორგი ვაშაძემ, პრემიერ-მინისტრ ირაკლი კობახიძის მისამართით დისკრიმინაციული განცხადება გააკეთა.

მიხეილ ყაველაშვილი

20 ივნისი 2024, 00:23

სპორტი

მიხეილ ყაველაშვილი: ბიჭებს დიდი მადლობა იმისთვის, რომ გუშინ მთელი მსოფლიო აალაპარაკეს

პარტია „ხალხის ძალის“ პოლიტიკური მდივანი მიხეილ ყაველაშვილი ევროპის ჩემპიონატზე საქართველო-თურქეთის თამაშს აფასებს. დეპუტატმა საქართველოს ეროვნული ნაკრების ფეხბურთელებს თავდადებისთვის მადლობა გადაუხადა. ყაველაშვილის თქმით, ნაკრების ფეხბურთელებმა უდიდესი შედეგი დადეს და ქვეყანა ევროპის ჩემპიონატზე გაიყვანეს.

რიში სუნაკი

20 ივნისი 2024, 00:18

მსოფლიო

Reuters: გამოკითხვების თანახმად, რიში სუნაკის „კონსერვატიული პარტია“ 4 ივლისის არჩევნებში დამარცხდება, ხოლო „ლეიბორისტული პარტია“ უმრავლესობას მოიპოვებს

ოთხშაბათს ჩატარებულმა სამმა გამოკითხვამ აჩვენა, რომ ბრიტანეთის პრემიერ-მინისტრის, რიში სუნაკის „კონსერვატიული პარტია“ 4 ივლისის არჩევნებში დამარცხდება, ხოლო „ლეიბორისტული პარტია“ უმრავლესობას მოიპოვებს. ინფორმაციას ამის შესახებ სააგენტო Reuters-ი ავრცელებს.

გია მურღულია

20 ივნისი 2024, 00:14

სპორტი

გია მურღულია: ასეთი კონცენტრაციით მოთამაშე საქართველოს ნაკრები იშვიათად მახსოვს

რასაკვირველია, ჩვენ კარგად გვახსოვს ისტორია და ყველაფერი მახსოვს, რაც იყო აქამდე, რაც იქნება იმის დიდი იმედიც მაქვს, მაგრამ ამ ერთმა თამაშმა ჩვენ მოგვცა არა მარტო განცდა, არამედ, რეალური ცოდნაც იმისი, რას შეიძლება ჩვენმა ნაკრებმა მიაღწიოს, - ამის შესახებ ფილოლოგიის დოქტორმა გია მურღულიამ გადაცემაში „იმედი LIVE“ განაცხადა.

20 ივნისი 2024, 00:04

სპორტი

ლეგენდარული მოფარიკავე გურამ კოსტავა 87 წლის ასაკში გარდაიცვალა

1960 წელს, რომის ოლიმპიურ თამაშებზე გახდა მესამე ადგილის პრიზიორი გუნდურ ასპარეზობაში, 1964 წლის ტოკიოს ოლიმპიადის მესამე ადგილის პრიზიორი პირად ჩათვლაში, საბჭოთა კავშირის ჩემპიონი პირად ჩათვლაში (1961), საბჭოთა კავშირის თასის მფლობელი (1960). მიღებული აქვს სპორტის რაინდის წოდება (2016).

გია მურღულია

20 ივნისი 2024, 00:02

სპორტი

გია მურღულია: მარცხის შეგრძნება დაგვავიწყეს გუშინ ჩვენმა ბიჭებმა იმდენად ღირსეულად გამოიყურებოდნენ

„როდესაც ჩვენ ვხედავთ ერთიანობის ძლიერ იმპულსს, გაცნობიერებული მოქმედების, თავდადების, საკუთარი თავის წარმოჩენის, სამშობლოსთვის თავდადების, მისი ერთგულების, ეს ყველას სიამაყის გრძნობით გვავსებს. მარცხის შეგრძნება დაგვავიწყეს გუშინ ჩვენმა ბიჭებმა, იმდენად ღირსეულად გამოიყურებოდნენ. ეს იყო გუნდი. ჯერ ერთი, უნდა იყო გუნდი, რომ საერთოდ მოხვდე ევროპის ჩემპიონატზე. მეორე, უნდა იყო თანამედროვე გუნდი იმიტომ, რომ ფეხბურთი ვითარდება. ბოლო ათწლეულში ისე განვითარდა, რომ არც კი ვიცი სპორტის რომელი სახეობა განვითარდა ასე. ფეხბურთი დაემსგავსა ჭადრაკს იმიტომ, რომ ის მარტო მოქმედების კი არა, აზროვნების პრინციპებსაც ითვალისწინებს. იყო დრო და ეს დრო ძალიან დიდი ხნის წინ არ იყო, როდესაც ჩვენი ფეხბურთელები 2-3 პასს ზედიზედ ვერ აკეთებდნენ. გუნდი არ გვყავდა მაშინ ჩვენ. კი ვგულშემატკივრობდით და ყველაფერს ვუგულშემატკივრებთ, რასაც საქართველო ჰქვია. ამისთვის ვართ დაბადებულები იმიტომ, რომ გვიყვარს ჩვენი სამშობლო, მაგრამ ახლა ეს გულშემატკივრობა იმედიანია. მგონი საქართველოში ნელ-ნელა დაბრუნდება ის დრო, როდესაც ჩვენ არავისი არ გვეშინოდა. მე მახსოვს, როდესაც თბილისის დინამო თამაშობდა, ჩვენ არავისი არ გვეშინოდა“, - აღნიშნა მურღულიამ.