რატი იონათამიშვილი კეზერაშვილზე: სირცხვილია, როდესაც ადამიანი ამწარებს ევროპელ პენსიონერებს და შემდეგ მას ევროპაში ტურისტის სტატუსი აქვს

სირცხვილია, როდესაც ადამიანი ამწარებს ევროპელ პენსიონერებს და შემდეგ მას ევროპაში ტურისტის სტატუსი აქვს, - განაცხადა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარემ, რატი იონათამიშვილმა დავით კეზერაშვილზე საუბრისას.

მისი თქმით, აქ ქვეყნებმა თავიანთ მოქალაქეებს უნდა გასცენ პასუხი, რატომ აძლევენ პენსიონერების მძარცველ ადამიანს თავისუფლად გადაადგილების საშუალებას.

„ცხადია კეზერაშვილის კრიმინალურ თანხებს ამოფარებული ოპოზიცია, მათ კრებით ღირებულებებს წარმოადგენს და ისინიც თანამზრახველები არიან იმ დანაშაულში, რომელიც კეზერაშვილს აქვს ჩადენილი, ვინაიდან აქედან ნაშოვნი ფულით ფინანსდებიან. სირცხვილია, როდესაც ადამიანი ამწარებს ევროპელ პენსიონერებს და შემდეგ მას ევროპაში ტურისტის სტატუსი აქვს. ამ ქვეყნებმა, რომელიც დღეს საერთაშორისო დამნაშავეს ასე თავისუფლად ამოგზაურებენ, პირველ რიგში საკუთარ მოქალაქეებს უნდა გასცენ პასუხები, იმ პენსიონერებს, რომელთა გაძარცვასაც როგორც ჩანს ისინი ამ ადამიანს პატიობენ. რატომ და რისთვის პატიობენ, ამაზე ჩვენს საზოგადოებას აქვს კონკრეტული პასუხი - იმიტომ, რომ ის არის რადიკალიზაციისა და რადიკალური ოპოზიციის სპონსორი ჩვენს ქვეყანაში“, - განაცხადა იონათამიშვილმა.