ზურაბ აბაშიძე: ძალიან მძიმე ამ ყველაფრის ასე ყურება, განსაკუთრებით მცირეწლოვანი ბავშვის ჩართვა ამ პროცესში უღმერთობაა. ღმერთმა დაიფაროს, რომ ამ ბავშვს რაღაც მოუვიდეს. მსხვერპლშეწირვას ეწევიან თუ რას აკეთებენ?

ძალიან მძიმე ამ ყველაფრის ასე ყურება, განსაკუთრებით მცირეწლოვანი ბავშვის ჩართვა ამ პროცესში უღმერთობაა. ღმერთმა დაიფაროს, რომ ამ ბავშვს რაღაც მოუვიდეს. მსხვერპლშეწირვას ეწევიან თუ რას აკეთებენ?, - განაცხადა თბილისის საკრებულოს თავმჯდომარის მოადგილემ ზურაბ აბაშიძემ გადაცემაში „იმედი LIVE“.

„ჩვენ ვუსმენდით სალომე ზურაბიშვილს, რომელიც ამ ყველაფერს ახალისებს და და ამბობს, რომ ყველაფერი კარგად მიდის და სწორი პროცესია. ეს არის სწორი პროცესი? როდესაც მცირეწლოვანი ბავშვი არის ჩართული ამ ამბავში და იქ თავიანთი ნასროლი ქვები რომ ხვდება თავში. რა თქმა უნდა ეს გასცდა ყველანაირ ფარგლებს საზოგადოება ამას უყურებს და ხედავს და არის სავალალო მდგომარეობა.

როდესაც პროტესტს ჰყავს ლიდერი ის რაღაც მართვადია, ამ შემთხვევაში ეს უმართავი და ქაოსური სიტუაციაა. სიცრუეს ავრცელებენ, რომ ეს არის მშვიდობიანი პროტესტი, არ არის ეს მშვიდობიანი პროტესტი. ჩვენ ვგმობთ ყველანაირ ძალადობას.

მაიდანიზაციით რა მიიღო უკრაინამ დღესაც ვხედავთ და რა სავალალო მდგომარეობაში იმყოფება.ეს უნდათ, რომ მოხდეს საქართველოში, მაგრამ ამას ჩვენ ვერ დავუშვებთ, გამორიცხულია. დაიღუპება ეს ქვეყანა ვერ გაუძლებს.

სწორედ იმიტომ წააგო ოპოზიციამ არჩევნები, რომ მათ უნდათ ომი და აგერ არის ომი. ჩვენ გვინდა მშვიდობა, ეკონომიკური სტაბილურობა, განვითარება და წინსვლა, ეს ყველაფერი ამას აბრკოლებს. ჩვენ ძალიან ძლიერად უნდა დავდგეთ იმისთვის, რომ ქვეყანა არ ჩავარდეს იმ უფსკრულში, რაშიც ჩავარდნენ რეგიონში სხვა ქვეყნები. სანამ ოპოზიცია არ მიეჩვევა იმას, რომ აღიაროს დამარცხება, მანამდე ისინი ვერასოდეს ვერ გაიმარჯვებენ ქვეყანაში.

ჩვენი მოსახლეობის უმრავლესობას უნდა, რომ ქვეყანაში იყოს მშვიდობა და იყოს ევროპული პერსპექტივა და მომავალი, სწორედ აქედან გამომდინარე მოქმედებს „ქართული ოცნება“. ყველანაირი წარმატება „ქართულ ოცნებასთან“ არის დაკავშირებული, რაც არის ევროინტეგრაციის პროცესთან მიმართებაში და ასეც გაგრძელდება ეს შეუქცევადი პროცესია“, - აღნიშნა ზურაბ აბაშიძემ.