„კოალიცია ცვლილებებისთვის“ წარმომადგენელი აქციებში ბავშვების ჩართვაზე: ეს ხომ პოლიტიკური არ არის. ბავშვების ჩართვა, ეს თავიანთი სურვილი იყო

მოქალაქემ „იმედს“ მიაწოდა ვიდეო, რომელშიც მისი განცხადებით, ტელეფონით ურეკავს „კოალიცია ცვლილებებისთვის“ მუხიანის შტაბის წევრს თაველა ასათიანს და აქციაში მისი შვილის ჩართვისთვის მადლობას უხდის.

მოსაუბრე ადასტურებს, რომ აქციაზე „ძალიან მაგარი მუხტი იყო“.

მოქალაქე: მშობელი გაწუხებთ, დღეს ჩემი ბავშვი გამოყვანილი გყავდათ, გამიხარდა. მინდოდა, რომ ჩემი შვილის გვერდში ვყოფილიყავი. გამოხარდა, მოვიძიე თქვენი ნომერი და დაგირეკეთ მადლობის ნიშნად.

- დიდი მადლობა ყურადღებისთვის და აი, მე ინტერნეტში ვნახე, რომ 175-ე, წინა დღეს ჰქონდა დადებული და მანდვე დავდე კომენტარი, რომ 174-ე და 181-ე სკოლების დირექტორიებიც გამოფხიზლებულიყვნენ.

მოქალაქე: მუხტი ხომ კარგი იყო, ბავშვები რომ არიან „ხოდზე“?

-ძალიან მაგარი იყო, მართლა მაგარი იყო

მოქალაქე: რამე რომ მოგვეფიქრებინა, რამე იდეები, მერე შევხვედრილიყავით და გაგვესაუბრა.

-დიდი მადლობა, პირიქით, ჩვენ გაგვიხარდება”.

აღნიშნულ პირს, თაველა ასათიანს „იმედიც“ დაუკავშირდა და ჰკითხა კიდევ იგეგმება თუ არა მსგავსი აქტივობა.

თაველა ასათიანი: სკოლებში არა, არ ვიცი, გავარკვევ მაგას და დაგიკავშირდებით.

„იმედი“: ორგანიზება ხდება ხომ, დროშები, სასტვენები, ბავშვებს ჰქონდათ?

თაველა ასათიანი: კი, კი. შტაბი რა შუაშია, ეს ხომ პოლიტიკური არ არის. მანდ ჩემი ახლობელიცაა, ნათესავიცაა,.

„იმედი“: თუმცა, ბავშვების ჩართვა რამდენად ნორმალურია?

თაველა ასათიანი: ბავშვების ჩართვა, ეს თავიანთი სურვილი იყო"