ლევან ნიკოლეიშვილი: საელჩოები წარმოადგენენ ქვეყნის სახეს და იმ ქვეყნის წარმომადგენლობაზე აღმართული უნდა იყოს სწორედ იმ ქვეყნის დროშა და არა რაღაც ისეთი სიმბოლოები, რაც დროშასთან მიმართებაში შეიძლება გაუგებრობას იწვევს

საელჩოები წარმოადგენენ ქვეყნის სახეს და იმ ქვეყნის წარმომადგენლობაზე აღმართული უნდა იყოს სწორედ იმ ქვეყნის დროშა და არა რაღაც ისეთი სიმბოლოები, რაც დროშასთან მიმართებაში შეიძლება ითქვას, რომ გაუგებრობას იწვევს, - განაცხადა „ერთიანი ნეიტრალური საქართველოს“ წევრმა ლევან ნიკოლეიშვილმა გადაცემაში „დღის ქრონიკა“.

მისივე თქმით, ამერიკის დამოკიდებულება საკუთარი დროშისადმი მისაბაძი უნდა იყოს სხვა ქვეყნებისთვის, მათ შორის საქართველოსთვისაც.

„საქმე იმაშია, რომ აშშ ძალიან სერიოზულად უყურებს ისეთ სახელმწიფო ატრიბუტიკებს და ნიშნებს, როგორიც არის დროშა. არაერთი სახლის ზღურბლზე არის გადმოკიდებული შეერთებული შტატების დროშა. ბევრი ადამიანი ამ დროშას სხვანაირად მიაგებს პატივს და მათთვის პატრიოტობის გრძნობის გაგება ძალიან მნიშვნელოვანია. მეორე მხრივ დიდი მნიშვნელობა ენიჭება ამ გრძნობის დაბრუნებას, განვითარებას და იმ დონეზე აყვანას, რომელიც შეეფერება ნებისმიერ სახელმწიფოს დროშის მიმართ პატივისცემის გამო. როდესაც საელჩო არის ამა თუ იმ ქვეყანაში, თავისთავად ცხადია, ის წარმოადგენს იმ ქვეყნის სახეს და იმ ქვეყნის წარმომადგენელობაზე აღმართული უნდა იყოს სწორედ იმ ქვეყნის დროშა და არა რაღაც ისეთი სიმბოლოები, რაც დროშასთან მიმართებაში შეიძლება ითქვას, რომ გაუგებრობას იწვევს. სხვათა შორის, მინდა ვთქვა, რომ დროშასთან ეს დამოკიდებულება ალბათ სამაგალითო უნდა იყოს სხვებისთვისაც და სამწუხაროდ ჩვენთვისაც, ვინაიდან ჩვენთან მოხდა დროშის გაბაიბურება, იმ გაგებით, რომ ნებისმიერ მომენტში ადამიანებს ხან თავზე ახურავთ, ხან კაბად აქვთ შემოხვეული ეს დროშის ატრიბუტები. ვერ იგებენ იმას, თუ რა დანიშნულება გააჩნია დროშას და უფრო მეტიც, გარკვეულმა პოლიტიკურმა წრეებმა სცადეს, რომ დროშა მიეტაცებინათ თავიანთი პირადი სარგებლობისათვის და დროშას ექცევიან უპატივცემულოდ“, - აღნიშნა ნიკოლეიშვილმა.

აშშ-ის პრეზიდენტის დონალდ ტრამპის ადმინისტრაციამ ერთი დროშის განკარგულება გასცა, რაც კრძალავს სამხედრო ობიექტებზე ან საელჩოების შენობების თავზე ამერიკის გარდა სხვა დროშის აღმართვას.