მამუკა მდინარაძე: საქართველოს სისხლის სამართლის კოდექსს დაემატება, უფრო სწორი იქნება, თუ ვიტყვით, აღდგება სამშობლოს ღალატის მუხლი, რომელიც თავის დროზე „ნაციონალურმა მოძრაობამ“ ამოიღო სისხლის სამართლის კოდექსიდან, ეს მოხდა აგვისტოს ომამდე

საქართველოს სისხლის სამართლის კოდექსს დაემატება, უფრო სწორი იქნება, თუ ვიტყვით, აღდგება სამშობლოს ღალატის მუხლი, რომელიც თავის დროზე „ნაციონალურმა მოძრაობამ“ ამოიღო სისხლის სამართლის კოდექსიდან და ეს მოხდა აგვისტოს ომამდე - 2007 წლის აპრილის თვეში, - განაცხადა საპარლამენტო უმრავლესობის ლიდერმა, „ქართული ოცნების“ აღმასრულებელმა მდივანმა მამუკა მდინარაძემ საპარლამენტო უმრავლესობის სხდომის დასრულების შემდეგ.

მან საზოგადოებას ასევე მიაწოდა ინფორმაცია იმ საკანონმდებლო სიახლეებთან დაკავშირებით, რომლებიც პარლამენტში მიმდინარე კვირაში დაინიცირდება.

„ასევე მიმდინარე კვირაში ასევე დაინიცირდება „ფარას“ ამერიკული კანონი, რომელთან დაკავშირებითაც ჩვენ მივიღეთ გადაწყვეტილება და წინა პერიოდში საზოგადოებას ვაცნობეთ; „მედიის კანონი“, რომელიც ძირითადად ფეიკ-ნიუსებს შეეხება და იქნება ბრიტანული მოდელის პრინციპების გათვალისწინებით მიღებული. ასევე დარეგისტრირდება იმ კანონპროექტების პირველად ვერსიები, რომლებიც შეეხება საჯარო სამსახურში უცხოური წყაროებიდან სარგებლის შეზღუდვას, „ენჯეოების“ ამოღებას ყველა კანონიდან, სადაც გადაწყვეტილების მიღების პროცესში მათ სავალდებულო მონაწილეობაზეა საუბარი, სსიპ-ების ხელმძღვანელების დანიშვნის გამარტივებას, ანტინარკოტიკული კანონმდებლობის გამკაცრებას, არასწრულწოოვანთა მართლმსაჯულებას, მიგრაციის შესახებ კანონმდებლობის გამკაცრებას. ამ პროექტების საბოლოო მიღებამდე რჩება მინიმუმ თვენახევარი და შესაბამისად ამ ვადისა მოხდება საქართველოს პარლამენტში კანონპროექტების დეტალური დამუშავება ამ პერიოდის განმავლობაში", - აღნიშნა მამუკა მდინარაძემ.