ევროპარლამენტარი: გამოვხატავ პატივისცემას ქართველი ხალხის მიმართ, რომ მათ უკან არ დაიხიეს და ეროვნული სუვერენიტეტისთვის იბრძვიან - წარმატებას გისურვებთ

გამოვხატავ პატივისცემას ქართველი ხალხის მიმართ, რომ მათ უკან არ დაიხიეს, ეროვნული სუვერენიტეტისთვის იბრძვიან და ამაში წარმატებას გისურვებთ, - განაცხადა ევროპარლამენტარმა ლუბოშ ბლაჰამ გადაცემაში „იმედი LIVE“.

ევროპარლამენტარმა აღნიშნა, რომ ბაიდენის ადმინისტრაციის დროს საქართველოში, სლოვაკეთსა და სერბეთში ყველა ოპოზიციური აქტივობა ფინანსდებოდა ამერიკელების მხრიდან.

„ტრამპის, მასკისა და ამერიკის მთავრობიდან სხვა მაღალი რანგის წარმომადგენლების გადაწყვეტილებები ამტკიცებს, რომ ოპოზიციები, არასამთავრობო ორგანიზაციები ფინანსდებოდა ამერიკული ფულით, ეს იქნებოდა USAID-ის ან სოროსის ფული ბაიდენის ადმინისტრაციის დროს.

ჩვენ გვაქვს მტკიცებულება, რომ საქართველოში, სლოვაკეთსა და სერბეთში ყველა ოპოზიციური აქტივობა ფინანსდებოდა ამერიკელების მხრიდან, რაც გახლავთ კორუფცია. ხდებოდა არასამთავრობოების, მასმედიის, ოპოზიციის მოსყიდვა, რათა ომის პოლიტიკა წამოეწიათ, რუსეთის სიძულვილი, სოროსის ინტერესები. ეს არის ნამდვილად ქვეყნების ეროვნული ინტერესების საწინააღმდეგო. ეს გახლავთ საუკეთესო მტკიცებულება, რომ სპონტანური არაფერი ხდებოდა პროტესტებში, მაიდანიზაციის პროცესში, ეს გახლავთ ინტერესები.

USAID-თან დაკავშირებით ტრამპის გადაწყვეტილების შემდეგ ლიბერალური წრეებიდან არავინ იტყვის, რომ მხოლოდ ჩვენს აზრს გამოვხატავდით. ისინი ბაიდენის ადმინისტრაციის ტროას ცხენი იყვნენ. მათ ნდობა არ გააჩნიათ. ამიტომ ჩვენ მორალური ძალა გვაქვს, ვიბრძოლოთ ჩვენი სუვერენიტეტის დასაცავად“, - აღნიშნა ევროპარლამენტარმა.

შეგახსენებთ, საქართველოში USAID-ის პროექტები დაიხურა. ძირითადად, ეს ეხება საარჩევნო პროექტებს. ამერიკის კონგრესმა შესაძლოა ​USAID-ი საერთოდ გააუქმოს. შესაბამისი კანონპროექტი უკვე შემუშავდა. ორგანიზაციის დახურვას უკვე დონალდ ტრამპიც ითხოვს. ამ დროისათვის შეერთებული შტატების საერთაშორისო განვითარების სააგენტოს პროგრამების დაფინანსება მთელი მსოფლიოს მასშტაბით შეჩერებულია, 10 000 კაციანი პერსონალი კი 300 თანამშრომლამდე შეამცირეს.