დავით მათიკაშვილი მიიჩნევს, რომ პიტერ სიიარტოს განცხადებები ერთგვარი გზავნილია ყველა აქტორისთვის ვინც „დიფ სთეითის“ გავლენით მოქმედებს და საქართველოში რევოლუციის მოწყობას ცდილობს

ის განცხადება, რაც უნგრეთის საგარეო საქმეთა მინისტრმა გააკეთა რა თქმა უნდა არის ძალიან მნიშვნელოვანი და სასარგებლო საქართველოსთვის, - განაცხადა „დღის ქრონიკასთან“ საუბრისას საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა, რითაც საქართველოს საგარეო საქმეთა მინისტრთან მაკა ბოჭორიშვილთან შეხვედრის შემდეგ, უნგრეთის საგარეო საქმეთა მინისტრის პიტერ სიიარტოს გზავნილებს გამოეხმაურა.

დავით მათიკაშვილმა უნგრეთის ხელისუფლებას მადლობა გადაუხადა მხარდაჭერისთვის და აღნიშნა, რომ ამ მხრივ ეს ქვეყანა „მართლაც გამორჩეულია“.

მისი თქმით, პიტერ სიიარტოს განცხადებები ერთგვარი გზავნილია ყველა აქტორისთვის ვინც „დიფ სთეითის“ გავლენით მოქმედებს.

„ის რაც მან ბრძანა არის კარგად გასაგები ყველა აქტორისთვის ვისაც უნდა, რომ გაიგოს. არა იმათთვის ვინც რიყეზე, რომ გადიან და ქვას, რომ ვერ აღმოაჩენენ ხოლმე. ნათელია, რომ შეერთებული შტატების ახალმა პრეზიდენტმა თამაშის ახალი წესები შესთავაზა მსოფლიოს და მის მიერ გამოცხადებული ბრძოლა „დიფ სთეითთან“ აუცილებლად, დღეს თუ არა ხვალ მიაღწევს ბრიუსელის ბიუროკრატიულ კაბინეტებამდე და მათ მოუწევთ, რომ ანგარიში გაუწიონ ამ ჯანსაღ მიმართულებას, ჯანსაღ ბრძოლას, რომელიც ვიყოთ გულწრფელები და ვთქვათ, რომ თუ კი რამე არის დემოკრატიის, ქვეყანათა სუვერენიტეტის, დამოუკიდებლობის წინააღმდეგი ეს არის სწორედ „დიფ სთეითი“ და ღრმა ფესვები, რომლის ამ მსოფლიო ნეგატიურ მოვლენას გააჩნია არა მხოლოდ აშშ-ში, არამედ ბრიუსელში და ევროპაში.

ის, რომ უნგრეთის საგარეო საქმეთა მინისტრმა ხაზი გაუსვა ბრძოლის და გამოძიების აუცილებლობას ყველა იმ პირის, აქტორის მიმართ ვინც ასე ხელაღებით, უცხოური ფინანსებით ცდილობენ ქვეყანაში სიტუაციის არევას, რევოლუციების მოხდენას, ანტიკონსტიტუციური ქმედებების განხორციელებას ეს არის კიდევ ერთხელ კარგი მესიჯი ყველა იმ პირის გასაგონად, მიუხედავად იმისა, რომ ჩამოიქცა USAID-ის სკანდალის შემდგომ ფსევდო თორიაზე აგებული წიაღსვლა, რომ თითქოს უცხოური თანხებით არასამთავრობო ორგანიზაციები და მედიასაშუალებები ამა თუ იმ ქვეყანაში, რაიმე კეთილის გაკეთებას პოლიტიკური თვალსაზრისით ცდილობენ და აკეთებენ. მიუხედავად სრული კოლაფსისა მაინც ჩვენ დღესაც ვხედავთ სრულიად არაფრის მომცემ მცდელობებს არასამთავრობო ორგანიზაციებისა და ცალკეული პოლიტიკოსების მხრიდან, რადიკალების და ექსტრემისტების, რომ კიდევ ერთხელ თეთრზე დაწერონ შავი, კიდევ ერთხელ თქვან, რომ „ფარა“, ამერიკული კანონი ყოფილა თურმე რუსული კანონი“, - განაცხადა დავით მათიკაშვილმა.

ცნობისთვის, უნგრეთის საგარეო საქმეთა მინისტრმა დღეს გამოძიების აუცილებლობაზე ისაუბრა და აღნიშნა, რომ უნდა გამოვლინდეს ყველა ის პირი, ვინც უცხოური დაფინანსებით და გავლენით ცდილობს საქართველოში არეულობის მოწყობას. პიტერ სიიარტოს თქმით, საქართველოს შიდა საქმეებში ბრიუსელის ჩარევა მიუღებელია და თან ეს ჩარევა იმის გამო ხდება, რომ საქართველოს მთავრობა არის მშვიდობის მომხრე.