ედიშერ გვენეტაძე: პოლიტიკა ხელოვნებაა, ამის დასტურია ხელისუფლების წარმომადგენელთა ვიზიტი აშშ-ის სახდეპში, ეუთოს გენმდივნის ვიზიტი თბილისში და ბოლოს, ფულის ხამი უცხო ქვეყნების აგენტების, სალომეს და ნანუაშვილის „გაბანძება“

ექსპერტი ედიშერ გვენეტაძე, ბოლო დროს განვითარებულ მოვლენებს სოციალურ ქსელში აფასებს და აცხადებს, რომ პოლიტიკა ხელოვნებაა, რასაც მოწმობს საქართველოს ხელისუფლების წარმომადგენელთა აშშ-ის სახელმწიფო დეპარტამენტსა და საერთაშორისო სავალუტო ფონდში ვიზიტები, პარალელურად კი, ეუთოს გენერალური მდივნის თბილისში ვიზიტი.

ის ყურადღებას ამახვილებს რუს „პრანკერებთან“ სალომე ზურაბიშვილისა და უჩა ნანუაშვილის საუბარზე და წერს, რომ ორივე მათგანი ფულის ხამი, უცხო ქვეყნის აგენტია და ისინი „ბოლომდე გაბანძდნენ“, შესაბამისად, რადიკალური ოპოზიციის მცდელობა, არჩევნები გაყალბებულად გამოეცხადებინათ და სახელმწიფო გადატრიალება მოეხდინათ, ჩავარდა.

„პოლიტიკა ხელოვნებააო“ - ბრძანებდა უდიდესი მოაზროვნე. დიახ, დიახ ნამდვილად ხელოვნებაა. ამის დასტურია უმოკლეს ხანში განვითარებული მოვლენები. სახელდობრ, საქართველოს ხელისუფლების წარმომადგენელთა ვიზიტი აშშ სახელმწიფო დეპარტამენტში, საერთაშორისო სავალუტო ფონდში. პარალელურად ეუთოს გენერალური მდივნის ვიზიტი თბილისში და ბოლოს, ფულის ხამი უცხო ქვეყნების აგენტების, სალომეს და ნანუაშვილის მსოფლიო მასშტაბით ბოლომდე „გაბანძება“, რომლებიც კოლექტიური სახეები არიან საქართველოში არსებული კოლექტიური ოპოზიციის ანუ მეხუთე კოლონის.

მოკლედ და კონკრეტულად ასე გაბანძდა მათი ("მეხუთე კოლონის") მცდელობა, 26 ოქტომბრის არჩევნები გამოეცხადებინათ გაყალბებულად და მოეხდინათ გარედან დაკვეთილი სახელმწიფო გადატრიალება...

ფაქტები სახეზეა. რაც მთავარია ამ ფაქტებიდან გამომდინარე საზოგადოებაში არსებული აღქმები და შესაბამისად სწორი ქმედებები“, - წერს ედიშერ გვენეტაძე.