ნიკუშა შენგელაია: ძალიან ფაროსანა ოპოზიცია გვყავს - ქვეყნის მავნებლები არიან

ძალიან ფაროსანა ოპოზიცია გვყავს - ქვეყნის მავნებლები არიან. ეს ყველაფერი სასაცილოდ გამოიყურება, - განაცხადა გადაცემაში „იმედი LIVE“ მხატვარმა, ნიკუშა შენგელაიამ

მისივე თქმით, რადიკალური ოპოზიცია „დანოსების“ წერამდე მივიდა.

„არ აინტერესებთ, თავის ხალხს არაფერს ეკითხებიან, არაფერს სთავაზობენ - რას აპირებენ, რომც მოვიდნენ ხელისუფლებაში. „დანოსჩიკები“, ძალიან ფაროსანა ოპოზიცია გვყავს - ქვეყნის მავნებლები არიან. ეს ყველაფერი სასაცილოდ გამოიყურება. იმათ წერს, რომ ასე გაგვიკეთეთ, ისე დასაჯეთ ეს ქვეყანა, ეს ხალხი, რომ ეგებ, მაშინ გამოვიდნენ. ეს ხალხი გიჟი კი არ არის! მაშინ გამოვა თქვენს წინააღმდეგ - ოღონდ ხალხი გამოვა უკვე და მერე ითვალონ რაოდენობა.

მათ უფროსებს, ვინც ამ ყველაფერს გეგმავს, ფულს უგზავნის, უხდის და რაღაც, მინდა ვურჩიო, რომ ჭკვიანი მრჩევლები აიყვანონ. ესენი არაფერს წარმოადგენენ. ასე ხალხის გულს ვერასდროს მოიგებ. თითის ქნევითა და დასჯით. პირიქით, უკურეაქციებს იწვევს ხალხში. თქვენ ნახავთ თვითმმართველობის არჩევნების პროცენტს და ეს ამის შედეგი იქნება - როგორც საპარლამენტო არჩევნების შემდეგ მოიქცნენ, ზუსტად ამის რეზულტატი იქნება“, - აღნიშნა შენგელაიამ.

კითხვაზე, რა ამოძრავებს სალომე ზურაბიშვილს, შენგელაიამ განაცხადა: „კეთილდღეობა და ფული“.

მისივე თქმით, ოპოზიცია გარკვეულ თარიღებზე აქტიურდება, რათა თავიანთ დამფინანსებლებს საკუთარი აქტივობა აჩვენოს.

„ისეთ ხალხზე აქვთ იმათ ფსონი დადებული, რომ საქართველოში არაფერი გამოუვათ, რაც არ უნდა იფართხუნონ! ერთხელ მე ვთქვი, რომ მათი ინტერესების განხორციელების პრობლემა „ქართული ოცნება“ კი არ არის და ბიძინა ივანიშვილი, არამედ ქართველი ხალხია, სულ რომ არ იყოს „ქართული ოცნება“.

ახლა ამათ აქვთ დოქტრინა, რომ აქტიურმა უმცირესობამ გადაატრიალოს ეს მდუმარე უმრავლესობა. ეს უმრავლესობა არსებობს და ეს უმრავლესობა არასდროს მოუშვებს მათ შიკრიკებს ქვეყანაში, რომ მერე იმათი ინტერესების სარბიელად აქციონ“, - აღნიშნა შენგელაიამ.