ამერიკელი ჟურნალისტი სკოტ ჰორტონი: ვიცი რომ ჩემი, ამერიკის შეერთებული შტატების ხელისუფლება დიდი ხანია, 90 - იანი წლებიდან ერევა თქვენს საქმეებში, ანაწილებს გამარჯვებულებსა და დამარცხებულებს, იძლევა დაპირებებს და იწვევს დიდ პრობლემებს

„არ გეწყინოთ, მაგრამ საქართველოს ინტერესები ჩემი საქმე არ არის, ის ძალიან შორს მდებარეობს ჩვენგან, ვიცი რომ ჩემი [ამერიკის შეერთებული შტატების] მთავრობადიდი ხანია, 90 - იანი წლებიდან ერევა იქ, ირჩევს გამარჯვებულებსა და დამარცხებულებს, იძლევა დაპირებებს და იწვევს დიდ პრობლემებს“, - განაცხადა თბილისში გამართულ მდგრადი განვითარების რეგიონულ ფორუმზე სიტყვით გამოსვლისას ამერიკელმა ჟურნალისტმა სკოტ ჰორტონმა.

მისი თქმით, რუსეთის ჩამოშორება თავისი ყოფილი გავლენის სფეროდან ვაშინგტონში მთავარ მიზნად ითვლებოდა.

„ბილ კლინტონის ადმინისტრაციის პირობებში მიიღეს გადაწყვეტილება, რომ საქართველოს გავლით ბაქო-თბილისი-ჯეიჰანის ნავთობსადენის აშენება უმნიშვნელოვანესი პრიორიტეტი გახლდათ, რათა თავიდან აერიდებინათ აზერბაიჯანული გაზის გადინება ჩრდილოეთით რუსეთის მიმართულებით ან სამხრეთით ირანის მიმართულებით. ჯოჯრ ბუში უმცროსის ადმინისტრაციის პირობებში კი გადაწყდა, რომ ედუარდ შევარდნაძის ხელისუფლება რუსეთის ფედერაციასთან ზედმეტად დაახლოებული იყო, ვინაიდან ის მათთან აფხაზეთის საკითხზე კომპრომისებზე მიდიოდა, ამავე დროს გაზპრომთან ხელშეკრულებებს აფორმებდა და ის გაწევრიანდა დსთ - ში. შევარდნაძე უნდა წასულიყო.

USAID, NED და დანარჩენებმა რეჟიმის ცვლილების ინდუსტრიიდან, ათობით მილიონი დოლარი დახარჯეს, რომ მხარი დაეჭირათ იმ ჯგუფებისთვის, რომლებიც მხარს უჭერდნენ მიხეილ სააკაშვილის აღზევებას და 2003 წლის ვარდების რევოლუციას , რომლის შედეგადაც ის ხელისუფლებაში მოვიდა. ეს პროცესი მოიცავდა სოროსის ფრონტის თავისუფლების ინსტიტუტს, რომელიც ლიბერტარიანულ ინსტიტუტში არ უნდა აგერიოთ. მოგეხსენებათ ყოფილი პრეზიდენტი სალომე ზურაბიშვილი საფრანგეთშია დაბადებული, არა საქართველოში, ის იმ დროისთვის ახალმა რეჟიმმა ქვეყანაში საგარეო საქმეთა მინისტრად ჩამოიყვანა, 2003 წლის მთავრობის გადაყენების შემდეგ. მან მოგვიანებით თავად განაცხადა და მე მას ვციტირებ : „ეს ორგანიზაციები დემოკრატიზაციის აკვანს წარმოადგენდნენ, განსაკუთრებით სოროსის ფონდი. უდავოა, რომ ამ ფონდის გარშემო არსებულმა არასამთავრობო ორგანიზაციებმა, განახორციელეს 2003 წლის რევოლუცია. მიუხედავად ამისა, ამ მოვლენათა ანალიზი რევოლუციით არ შემოიფარგლება, ნათელია, რომ რევოლუციის შემდეგ, სოროსის ფონდი და არასამთავრობოები ინტეგრირებული იქნენ ხელისუფლებაში. სოროსის ბიზნეს პარტნიორი კახა ბენდუქიძე კი გახდა ეკონომიკის მინისტრი. ალექსანდრე ლომაია, „ღია საზოგადოების ფონდის“ დირექტორი კი - განათლების მინისტრი, გიგა ბოკერია, თავისუფლების ინსტიტუტის თანადამფუძნებელი კი პარლამენტში პარტია „ნაციონალური მოძრაობის“ ლიდერი გახდ.

„კორუფციის წინააღმდეგ“ ბრძოლისას ისინი ხელფასს სოროსის ფონდისგან იღებდნენ, მათ შორის სააკაშვილიც. ვციტირებ: “მე ძალიან მომწონს საქართველოში რაც მოხდა და მეტად ვამაყობ ჩემი წვლილით“. სწორედ ეს განაცხადა სოროსმა ეუთოს სხდომაზე. როგორ მიეცით მას ნება, რომ გამხდარიყო თქვენი პრეზიდენტი, ჩემთვის წარმოუდგენელია, თუმცა, ეს ხომ დიდი რაოდენობით უცხოური ფინანსების დამსახურებაა. ნამდვილად ვიმედოვნებ, რომ ბატონი სააკაშვილის სასამართლო პროცესი უფრო სამართლიანი იყო, ვიდრე მისი ოპონენტების მაშინ, როდესაც იგი ძალაუფლებაში იყო. ვიმედოვნებ, მას ციხეში არ აწამებენ ისე, როგორც ამას მისი რეჟიმი აკეთებდა. ასეთ მხეცურ მოპყრობას არავინ იმსახურებს. ვფიქრობ, თუ არა რომ თქვენი სახელმწიფოსთვის რუსეთის დომინირების ქვეშ ყოფნა, უმჯობესი იქნებოდა ან რომელიმე სხვა მსხვილი ძალაუფლების? რა თქმა უნდა - არა. თუმცა მიმაჩნია, რომ აშშ-ის ჩარევა თქვენს ქვეყანაში არცერთ ჩვენს ინტერესებში არ შედის.

მოვისმინე, რომ საქართველოს ამჟამინდელი ხელისუფლების წარმომადგენლები უკმაყოფილებას გამოთქვამენ, რომ მათ ვერ მოახერხეს ტრამპის ადმინისტრაციასთან დაკავშირება, რათა შეიტყონ შესაძლებელია თუ არა ურთიერთობების გადატვირთვ,ა როდესაც საქმე ეხება საქართველოსადმი ამერიკულ პოლიტიკას. მე კი ვიტყოდი, რომ ფრთხილად იყავით თქვენი სურვილების ჩაფიქრებისას. ალბათ უკეთესია, რომ ამერიკის შეერთებულ შტატებს საერთოდ არ ჰქონდეს საქართველოს შესახებ პოლიტიკა, მათ შორის სასარგებლო ურთიერთობაც, რომელსაც კუდი ექნება გამობმული.

რაც შეეხება დამოუკიდებლობის შენარჩუნებასთან დაკავშირებულ გამოწვევებს, რომლის წინაშეც შესაძლოა დგახართ, როგორც მცირე ზომის სახელმწიფო, მსხვილი სახელმწიფოების პაექრობის ფონზე, არსებულ რესურსებთან მიმართებით თქვენი ხელსაყრელი თუ არახელსაყრელი გეოგრაფიული მდებარეობის გათვალისწინებით, კომენტარს ვერ გავაკეთებ. თუმცა, დარწმუნებით შემიძლია გითხრათ, რომ ამერიკის შეერთებული შტატები არ იქნება თქვენი დამოუკიდებლობის გარანტორი, სწორედ ამიტომაც არ იმყოფებიან ამერიკელი ჯარისკაცები საქართველოში, სწორედ ამიტომ არ მიდის წინ ნატოში გაწევრიანების პროცესი ჯორჯ ბუშის მიერ 2008 წელს ბუქარესტის სამიტზე შემუშავებული სულელური დეკლარაციის შემდეგ. შესაძლოა, რომ ნეიტრალიტეტის შენარჩუნება აღმოჩნდეს დამოუკიდებლობის შენარჩუნების გზაც, გარედან პირდაპირი კონტროლის დამყარების თავიდან აცილების გზა. მას შემდეგაც კი, როდესაც რუსეთი ჩაერია, რომ 2008 წელს შეეცვალა სააკაშვილის მიერ სამხრეთ ოსეთის ძალადობრივად რეინტეგრაციის მცდელობა, მოსკოვს არც ბაქო - თბილისი - ჯეიჰანის სადენი გაუნადგურებია და არც ტანკები შეუყვანია თბილისში, მადლობა ღმერთს. ამავე დროს, პუტინსა და მედვედევს ბევრი მიზეზი ჰქონდათ, ნამდვილად ჰქონდათ შესაბამისი წინაპირობაც, რომ ეს ნაბიჯი გადაედგათ; პრეზიდენტ ბუშს უკვე გადაწყვეტილი ჰქონდა, რომ არ ჩაერეოდა, მიუხედავად მაშინდელი ვიცე-პრეზიდენტის დიკ ჩეინის პროტესტისა, რომელიც როკის გვირაბიდან გამომავალ რუსულ კოლონებზე დარტყმას მოითხოვდა, მესამე მსოფლიო ომს რისკავდა, მადლობა ღმერთს, რომ ჯორჯ ბუშის ცივი, გამჭრიახი გონების დამსახურებით, ყოველ შემთხვევაში დიკ ჩეინისთან შედარებით, უბედურება თავიდან ავიცილეთ. დარწმუნებული ვარ, რომ რუსეთის ფედერაცია შესაბამისად უპასუხებდა ამ დარტყმას, თქვენ აუცილებლად დაკარგავდით დამოუკიდებლობას, როდესაც ჯორჯ ბუში საბოლოო ჯამში უკან დაიხევდა, მადლობა ღმერთს, რომ ეს არ მოხდა. თქვენთვის საუკეთესო გზაა, რომ რუსეთის ფედერაციაში კვლავ მიაჩნდეთ, რომ თქვენზე თავდასხმა არ არის საჭირო და მას ეს გაუმართლებლად ძვირი დაუჯდება. თავისთავად, USAID, NED, IRI და სოროსის მიერ მხარდაჭერილი სხვა ჯგუფები საკმაოდ ბევრ რესურსს ხარჯავენ ამჟამინდელი მმართველი პარტიის წინააღმდეგ, რომ ჩამოაშორონ ხელისუფლებას.

დარწმუნებული ვარ, რომ მუდმივი პროტესტის პროფესიონალები, აქციებზე დასაქმებულები, როგორც მათ ჩემი კოლეგა უწოდებს, გნებავთ ვუწოდოთ მათ უცხო გავლენის ინდუსტრიის წარმომადგენლები, ნამდვილად აქვთ სადარდებელი, ეს ლოგიკურია ნებისმიერისთვის, ვინც უცხოური რეჟიმისგან ელის მხარდაჭერას, მათ ხომ სერიოზულად სხვა აღარავინ უყურებს საბოლოო ჯამში. ჩემს სათქმელს თავს ასე მოვუკრავ, ამერიკის შეერთებული შტატები თქვენგან მეტისმეტად შორსაა, ბევრი არაფერი აქვს აქ დასაკარგი, თუკი თქვენი სტატუსი შეიცვლება. მას არ აქვს საკმარისი მოტივაცია, რომ რამე მოიმოქმედოს. როდესაც რუსეთის ფედერაციამ 2008 წელს მთები გადალახა, ბევრი ამერიკელი შოკში იყო, მათ ეგონათ, რომ ჩვენი ჯორჯია იყო თავდასხმის ქვეშ, ჯორჯიის შტატი, რომელიც სამხრეთ კაროლინასა და ფლორიდას შორის მდებარეობს, მათ ან თქვენს შესახებ არაფერი იცოდნენ ან ეს უბრალოდ ვერ გაიგეს, რატომ უნდა ყოფილიყო თქვენს სახელმწიფოზე თავდასხმა, დღის მთავარი სიახლე კოლორადოში ან ილინოისში. რუსეთის მიერ უეცრად ამერიკაზე თავდასხმა უფრო ლოგიკურ ახსნად მიაჩნდათ. ამის გათვალისწინებით, თქვენ გაცილებით უკეთესად იქნებით, თუ ამ ყოველივეს მხედველობაში მიღებით, სათანადო კურსს აირჩევთ თქვენი ქვეყნისთვის. რადგან თუკი ყველაზე უარესი რამ მოხდება, ძალიან დიდი შანსია, რომ აქედან არავინ მოვიდეს თქვენთან და ჩაერიოს. დაე დიდხანს იცოცხლოს საქართველომ და თქვენმა დამოუკიდებლობამ, დაე თავისუფლება თქვენთვის ყოველთვის უზენაესი მიზანი იყოს“, - განაცხადა მან.