გიორგი შარაბიძე: მსოფლიოს მასშტაბით საარჩევნო პროცესების მიმართ დეზინფორმაცია ძალიან მზარდი ტენდენციაა ბოლო წლების მანძილზე. გვაქვს ერთადერთი საშუალება, რომ ამომრჩევლებს მივაწოდოთ ობიექტური, ზუსტი და ვერიფიცირებული ინფორმაცია

ყველა კვლევა ადასტურებს, რომ მსოფლიოს მასშტაბით საარჩევნო პროცესების მიმართ დეზინფორმაცია, ეს არის ძალიან მზარდი ტენდენცია ბოლო წლების მანძილზე, - განუცხადა „ქრონიკას“ ცენტრალური საარჩევნო კომისიის თავმჯდომარის მოადგილე გიორგი შარაბიძემ.

მისივე თქმით, შესაბამისად, ცესკოს აქვს ერთადერთი საშუალება, რომ ამომრჩევლებს მიაწოდონ ობიექტური, ზუსტი და ვერიფიცირებული ინფორმაცია.

„წლის მანძილზე დაახლოებით ოთხჯერ თუ ხუთჯერ საჯარო განცხადება გავაკეთეთ ყველა იმ პროცედურული დეტალის შესახებ, თუ როგორ ხდება საარჩევნოდ პოლიტიკური სუბიექტების რეგისტრაცია. აქ კანონმდებლობა განასხვავებს ორი ტიპის რეგისტრაციას. ერთი გახლავთ იმ ტიპის პოლიტიკური პარტიებისთვის, რომლებსაც წინასაპარლამენტო არჩევნებზე ჰქონდათ რეგისტრაცია, ან ჰყავთ წარმომადგენლობა პარლამენტში არჩევნების დანიშვნის დღისთვის. მათ, არჩევნების დანიშვნის დღიდან 57-ე დღემდე აქვთ საშუალება მიმართონ საარჩევნო კომისიის თავმჯდომარეს. ამ შემთხვევაში ცესკოს თავმჯდომარეს რეგისტრაციისთვის.

ხოლო, სხვა პარტიებს, რომლებსაც უნდა არჩევნებში მონაწილეობა რეგისტრაციის მიზნით, მათ აქვთ 14 ივლისის ჩათვლით ვადა იმისთვის, რომ წარადგინონ შესაბამისი განაცხადი, მიიღონ ხელმოწერების ბლანკის შესაბამისი ნიმუში და წარადგინონ აუცილებელი რაოდენობის ხელმოწერები. ეს გახლავთ მინიმუმ 25 ათასი ხელმოწერა. ყველა კვლევა ადასტურებს, რომ მსოფლიოს მასშტაბით საარჩევნო პროცესების მიმართ დეზინფორმაცია, ეს არის ძალიან მზარდი ტენდენცია ბოლო წლების მანძილზე. შესაბამისად, ჩვენ გვაქვს ერთადერთი საშუალება, რომ ამომრჩევლებს მივაწოდოთ ობიექტური, ზუსტი და ვერიფიცირებული ინფორმაცია, რასაც, ცხადია საარჩევნო ადმინისტრაცია აკეთებდა და გააკეთებს კიდევ მომავალში“, - აღნიშნა გიორგი შარაბიძემ.