imedi /  10 მარტი 2017, 08:10 / სანდო წყარო

პრეზიდენტი საკონსტიტუციო ცვლილებებზე შეხვედრებს გამართავს

გიორგი მარგველაშვილი

გიორგი მარგველაშვილი

საქართველოს პრეზიდენტი საკონსტიტუციო ცვლილებებთან დაკავშირებით დღეს საკონსტიტუციო კომისიის წევრებსა და საზოგადოების წარმომადგენლებს შეხვდება. შეხვედრა რამდენიმე დღის წინ პრეზიდენტის ადმინისტრაციის ხელმძღვანელმა და პრესსპიკერმა დააანონსეს.

მმართველი გუნდის წარმომადგენლები პრეზიდენტის სასახლეში ამ შეხვედრაზე მისვლას არ აპირებენ. ამის მიზეზად საპარლამენტო უმრავლესობის წევრები პარლამენტის პლენარულ სხდომას ასახელებენ. ამ საკითხზე გუშინ პარლამენტის თავმჯდომარემ წერილი გამოაქვეყნა. უმრავლესობის განცხადებით, გიორგი მარგველაშვილი არაკორექტული განცხადებების გაკეთების ნაცვლად კომისიის მუშაობაში თავიდანვე უნდა ჩართულიყო.

რაც შეეხება ოპოზიციას, ისინი პრეზიდენტთან შეხვედრაზე მისვლას გეგმავენ, რადგან მიაჩნიათ, რომ ქვეყნის მთავარ დოკუმენტში ცვლილებები ძალიან მნიშვნელოვან საკითხებს ეხება და მათი განხილვა პრეზიდენტთან აუცილებელია.

ამასთან, საკონსტიტუციო ცვლილებებთან დაკავშირებით პრეზიდენტის მიერ ინიცირებულ შეხვედრას დადებითად აფასებენ არასამთავრობო ორგანიზაციების წარმომადგენლები. მესამე სექტორის წევრების შეფასებით, გიორგი მარგველაშვილმა და მმართველმა გუნდმა ქვეყნის მთავარი დოკუმენტის კორექტირებაზე კოორდინირებულად უნდა იმუშაონ, რომ საკონსტიტუციო კომისიის საქმიანობისადმი საზოგადოების ნდობა არ დაიკარგოს.

საკონსტიტუციო კომისია, ახალ პროექტზე მუშაობის პროცესში პრეზიდენტის უფლებამოსილებების კორექტირებაზეც მსჯელობს, რაც გიორგი მარგველაშვილმა მისი ფიგურისადმი უმრავლესობის კრიტიკული დამოკიდებულებით ახსნა. პრეზიდენტის შეფასებას პარლამენტის თავმჯდომარემ უპასუხა და აღნიშნა, რომ მარგველაშვილი საკონსტიტუციო კომისიის დისკრედიტაციას ცდილობს. 

2016 წლის 12 დეკემბერს, პარლამენტის წინადადებაზე, პრეზიდენტს მონაწილეობა მიეღო საკონსტიტუციო კომისიის მუშაობაში, პრეზიდენტის ადმინისტრაციამ უარი თქვა.

ყველა სიახლე

18 ივლისი 2024, 10:23

მსოფლიო

„ცაჰალი“: ისრაელის არმიამ „ჰამასის“ საზღვაო ძალების უფროსი და კიდევ ერთი პირი მოკლა

ისრაელის არმიამ ღაზის სექტორში მიმდინარე სამხედრო ოპერაციის დროს ქალაქ ღაზაში „ჰამასის“ საზღვაო ძალების მეთაური ანას მურადის ლიკვიდაცია მოახდინა. ინფორმაცია ამის შესახებ ისრაელის თავდაცვის არმიის („ცაჰალი“) ტელეგრამ არხზეა გამოქვეყნებული. „ისრაელის თავდაცვის არმიისა და ისრაელის კოსმოსური სააგენტოს დაზვერვის მეშვეობით ისრაელის საჰაერო ძალებმა ღაზაში ისლამური ჯიჰადის საზღვაო ძალების მეთაური ანას მურადი მოკლეს“, - ნათქვამია ინფორმაციაში.

18 ივლისი 2024, 10:20

პოლიტიკა

„ერთიანი ნეიტრალური საქართველო“: როდესაც სამშვიდობო ინიციატივების გამო ორბანს თავმჯდომარეობის ჩამორთმევით ემუქრებიან, რა მდგომარეობაში იქნება საქართველოს ხელისუფლება მეორე ფრონტის არგახსნის გამო, რთული წარმოსადგენი არ არის

როდესაც სამშვიდობო ინიციატივების გამო ორბანს თავმჯდომარეობის ჩამორთმევით ემუქრებიან, რა მდგომარეობაში იქნება საქართველოს ხელისუფლება მეორე ფრონტის არგახსნის გამო, რთული წარმოსადგენი არ არის, - ნათქვამია განცხადებაში, რომელსაც „ერთიანი ნეიტრალური საქართველო“ ავრცელებს.

18 ივლისი 2024, 10:11

რეგიონი

ლაკბეს წყალსაცავზე სარეაბილიტაციო სამუშაოები მიმდინარეობს

სამელიორაციო ინფრასტრუქტურული პროექტების ფარგლებში, ლაკბეს წყალსაცავზე მიმდინარე სარეაბილიტაციო სამუშაოები, გარემოს დაცვისა და სოფლის მეურნეობის მინისტრმა ოთარ შამუგიამ კახეთის მხარეში სახელმწიფო რწმუნებულ გიორგი ალადაშვილთან და საქართველოს პარლამენტის აგრარულ საკითხთა კომიტეტის თავმჯდომარე გელა სამხარაულთან ერთად დაათვალიერა.

ზურაბ ქადაგიძე

18 ივლისი 2024, 10:03

პოლიტიკა

ზურაბ ქადაგიძე ახალ პოლიტიკურ გაერთიანებაზე: თავისუფლების მოედანი კი არა, ღრმა ღელე ხართ და ერთადერთი მშველელი გახარია დაგრჩათ, იქნებ თავის თავზე აიღოს თქვენი განწირული ბედისწერა

„ხალხის ძალის“ წევრი ზურაბ ქადაგიძე გავრცელებულ ინფორმაციას ეხმიანება იმის შესახებ, რომ პარტია „ლელო“ ანა დოლიძის პარტიასთან „ხალხისთვის“ და მოძრაობასთან „თავისუფლების მოედანი“ საარჩევნოდ გაერთიანდა.

გიორგი გაბიტაშვილი

18 ივლისი 2024, 09:59

პოლიტიკა

გიორგი გაბიტაშვილი: 11 წელია ვარ გენერალური პროკურორის მოადგილე, სრულად ვაცნობიერებ გენერალური პროკურორის სტატუსის მნიშვნელობას, თანამდებობის სირთულეს და დიდ პასუხისმგებლობას

გენერალური პროკურორობის კანდიდატი გიორგი გაბიტაშვილი იურიდიულ საკითხთა კომიტეტის სხდომაზე სიტყვით წარსდგა. გიორგი გაბიტაშვილმა კომიტეტის სხდომის დამსწრეებს პროკურატურის შემდგომი განვითარების პერსპექტივებსა და არსებული გამოწვევების გადაჭრის გზებზე მისი ხედვა გაუზიარა.

გიორგი გაბიტაშვილი

18 ივლისი 2024, 09:57

პოლიტიკა

გიორგი გაბიტაშვილი: საერთაშორისო დონეზე პოზიტიური ვალდებულებების კარგი შესრულების პრაქტიკა იყო და იქნება პროკურატურის პრიორიტეტი

„მნიშვნელოვანია გავაძლიეროთ სამართლებრივი თანამშრომლობა ევროჯასტთან, პროკურორთა საერთაშორისო ასოციაციასთან და ევროკავშირის პროკურატურასთან. ასევე, მნიშვნელოვანია, გაგრძელდეს შედეგიანი თანამშრომლობა GRECO-სთან, გაეროს, ევროსაბჭოს და ევროკავშირის რელევანტურ სტრუქტურებთან, ამერიკის შეერთებული შტატების სახელმწიფო და იუსტიციის დეპარტამენტებთან. სისტემური რეფორმების, გამოცდილების გაზიარებისა და სწრაფი მართლმსაჯულების აღსრულებისთვის, უნდა გაიზარდოს ექსტრადიციისა და სისხლის სამართლის საქმეებზე ურთიერთდახმარების ორმხრივი ხელშეკრულების მქონე სახელმწიფოების რიცხვი“, - განაცხადა გიორგი გაბიტაშვილმა.

გიორგი გაბიტაშვილი

18 ივლისი 2024, 09:55

პოლიტიკა

გიორგი გაბიტაშვილი: ორგანიზებული დანაშაულის წინააღმდეგ პროკურატურა მკაცრ სისხლის სამართლის პოლიტიკას ახორციელებს

ორგანიზებული დანაშაულის წინააღმდეგ პროკურატურა მკაცრ სისხლის სამართლის პოლიტიკას უკვე წლებია ახორციელებს. ბოლო წლებში სტაბილურად იზრდება ნარკოტიკული საშუალების გამსაღებელ პირთა, ქურდული სამყაროს წევრობის, კანონიერი ქურდობის, ქურდული სამყაროს საქმიანობის მხარდამჭერების მიმართ დევნის და მსჯავრდების მაჩვენებელი - ამის შესახებ გენერალური პროკურორობის კანდიდატმა გიორგი გაბიტაშვილმა პარლამენტის იურიდიულ საკითხთა კომიტეტის სხდომაზე განაცხადა.

18 ივლისი 2024, 09:43

პოლიტიკა

გიორგი გაბიტაშვილი: თაღლითობის წინააღმდეგ ბრძოლის მიმართულებით საჭიროა ახლებური მიდგომები ჩამოყალიბდეს

თაღლითობის წინააღმდეგ ბრძოლის მიმართულებით საჭიროა ახლებური მიდგომები ჩამოყალიბდეს, რაც ამ კატეგორიის საქმეებზე სპეციალიზაციის სტანდარტის შემოღებას, თაღლითობის სახეების სწორად სამართავად სახელმძღვანელო მითითებების შემუშავებას და საგამოძიებო ორგანოებთან კოორდინირებულ საქმიანობას მოიცავს, - ამის შესახებ გენერალური პროკურორობის კანდიდატმა გიორგი გაბიტაშვილმა პარლამენტის იურიდიულ საკითხთა კომიტეტზე განაცხადა.

გიორგი გაბიტაშვილი

18 ივლისი 2024, 09:40

სამართალი

გიორგი გაბიტაშვილი: ვიმედოვნებ, ერთად შევძლებთ მსხვერპლი ბავშვების დაცვას მეორეული ვიქტიმიზაციისგან

ჩვენთვის განსაკუთრებული პრიორიტეტია მსხვერპლი და მოწმე ბავშვების დაცვა, მათ შორის, სქესობრივი ძალადობისა და ექსპლუატაციისგან, პირადი ცხოვრების ამსახველი ინფორმაციის უკანონო მოპოვებისა და გავრცელებისგან. აუცილებელია, გაგრძელდეს მსგავსი დანაშაულების ანალიზი და შენარჩუნდეს მკაცრი სისხლის სამართლის პოლიტიკა - ამის შესახებ გენერალური პროკურორობის კანდიდატმა გიორგი გაბიტაშვილმა პარლამენტის იურიდიულ საკითხთა კომიტეტზე განაცხადა.

დონალდ ტრამპი

18 ივლისი 2024, 09:36

არჩევნები ამერიკაში

დონალდ ტრამპი რესპუბლიკური პარტიის ყრილობაზე დასკვნითი სიტყვით გამოსვლისთვის ემზადება

დონალდ ტრამპი რესპუბლიკური პარტიის ყრილობაზე დასკვნითი სიტყვით გამოსვლისთვის ემზადება. პრეზიდენტობის კანდიდატად ოფიციალურად დასახელებულმა ტრამპმა გენერალური რეპეტიცია გაიარა. მას ღონისძიების ორგანიზატორებმა სცენა და გამოსვლის სცენარი გააცნეს. ტრამპის მხარდაჭერისა და სოლიდარობის ნიშნად, რესპუბლიკელთა ნაციონალური ყრილობის დელეგატები ყურზე დოლბანდ აფარებულები მივიდნენ. ტრამპის გამოსვლამდე პარტიის დელეგატებს ვიცე-პრემიერის თანამდებობაზე წარდგენილმა ჯეიმს დევიდ ვენსმა. მიმართა.

გიორგი გაბიტაშვილი

18 ივლისი 2024, 09:31

სამართალი

გიორგი გაბიტაშვილი: მოქალაქეებთან და მედიასთან ურთიერთობის ღიაობა ერთ-ერთი პრიორიტეტი იქნება ჩემთვის

გენერალური პროკურორობის კანდიდატმა გიორგი გაბიტაშვილმა პარლამენტის იურიდიულ საკითხთა კომიტეტზე სიტყვით გამოსვლისას, საქართველოს პროკურატურის მხრიდან მოქალაქეებთან და მედიასთან ურთიერთობის ღიაობის მნიშვნელობაზე ისაუბრა.

18 ივლისი 2024, 09:28

მსოფლიო

სულ მცირე 8 ადამიანი დაიღუპა ჩინეთის ერთ-ერთ სავაჭრო ცენტრში გაჩენილი ხანძრის შედეგად

სულ მცირე, 8 ადამიანი დაიღუპა ჩინეთის ერთ-ერთ სავაჭრო ცენტრში გაჩენილი ხანძრის შედეგად. შემთხვევა სიჩუანის პროვინციაში მდებარე ქალაქ ციგონგის სავაჭრო კომპლექსში მოხდა. შემთხვევის ადგილზე დაახლოებით 300-მდე მეხანძრე-მაშველი და ათობით სასწრაფო დახმარების თანამშრომელი იყო მობილიზებული. მეხანძრე-მაშველებმა დაახლოებით 30 ადამიანის გამოყვანა მოახერხეს. ხანძრის გამომწვევი მიზეზი ამ დროისათვის უცნობია.

18 ივლისი 2024, 09:24

მსოფლიო

ისრაელის ქნესეთმა რეზოლუცია მიიღო, რომელიც პალესტინის სახელმწიფოს შექმნას ეწინააღმდეგება

ისრაელის ქნესეთმა რეზოლუცია მიიღო, რომელიც პალესტინის სახელმწიფოს შექმნას ეწინააღმდეგება. გამოცემა Times of Israel-ის ცნობით, რეზოლუციას პრემიერ-მინისტრ ბენიამინ ნეთანიაჰუს კოალიციაში მყოფმა პარტიებმა, ოპოზიციის მემარჯვენე პარტიებმა და ბენი განცის ცენტრისტულმა „ეროვნული ერთიანობის“ პარტიამ დაუჭირეს მხარი. საერთო ჯამში, 68 ხმით 9-ის წინააღმდეგ მიღებული გადაწყვეტილება სრულად უარყოფს პალესტინის სახელმწიფოს შექმნას, ისრაელთან მოლაპარაკების შედეგადაც კი.

18 ივლისი 2024, 09:13

პოლიტიკა

სახელმწიფო დეპარტამენტი: საქართველოში ბიზნესისა და ინვესტიციების მხრივ პირობები კარგია, სხვა რეგიონულ ქვეყნებთან შედარებით, საქართველო ხელსაყრელია, როგორც ბიზნესის კეთების კარგი ადგილი რეგიონში, ქვეყანა მაღალ საფეხურზეა

დასავლეთ აზიისა და აღმოსავლეთ ევროპის გზაგასაყარზე მდებარე საქართველოს პატარა, მაგრამ ღია ბაზარი აქვს, რომელიც სარგებელს ნახულობს საერთაშორისო ვაჭრობიდან, ტურიზმიდან და ტრანსპორტირებიდან, – ამის შესახებ აღნიშნულია აშშ-ის სახელმწიფო დეპარტამენტის 2024 წლის საინვესტიციო კლიმატის შესახებ ანაგრიშში, სადაც საუბარი საქართველოსაც შეეხო.

18 ივლისი 2024, 09:10

პოლიტიკა

დღეს პარლამენტის რიგგარეშე სესია გაიხსნება

დღეს, პარლამენტის იურიდიულ საკითხთა კომიტეტი გენერალური პროკურორობის კანდიდატს მოუსმენს. ახალი გენერალური პროკურორის არჩევის საკითხი ამავე დღეს კენჭისყრაზე დადგება. 19 ივლისს კი, პირველი მოსმენით, „ამნისტიის შესახებ“ პროექტს განიხილავენ და მიიღებენ.

18 ივლისი 2024, 08:54

საზოგადოება

როგორი ამინდია მოსალოდნელი დღეს საქართველოში🌧️☂️

18 ივლისს ქუთაისში +36 გრადუსი და ნალექიანი დღეა მოსალოდნელი, ღამით კი +24 გრადუსი იქნება. ოზურგეთშიც წვიმიანი ამინდია მოსალოდნელი. დღისით +35 გრადუსი დაფიქსირდება, ღამით კი +23. ბათუმში დღისით ჰაერი +33 გრადუსამდე გათბება, ხოლო ღამით +23 გრადუსი დაფიქსირდება. მოსალოდნელია წვიმა ელჭექით.

18 ივლისი 2024, 08:38

საზოგადოება

საავტობუსო ზოლებში მოტოციკლებისა და მოპედების მოძრაობის შესახებ საკანონმდებლო პაკეტი პარლამენტში დღეს საკომიტეტო სხდომაზე განიხილება

საავტობუსო ზოლებში მოტოციკლებისა და მოპედების მოძრაობის საკანონმდებლო პაკეტი პარლამენტში დღეს საკომიტეტო სხდომაზე განიხილება. გადაწყვეტილების დამტკიცების შემთხვევაში მოტოციკლებსა და მოპედების მძღოლებს საავტობუსო ზოლით სარგებლობის უფლება მიეცემათ. მმართველ პარტიაში აცხადებენ რომ გადაწყვეტილება სხვა ქვეყნების მაგალითზე იქნა მიღებული. პარლამენტის მიერ საკანონმდებლო ინიციატივის დამტკიცების შემდეგ, დედაქალაქის საკრებულოს წარედგინება შესაბამისი წესი და პირობები, თუ როგორ, რა დაშვებითა და შეზღუდვებით შეეძლებათ მოტოციკლებსა და მოპედებს საავტობუსო ზოლში მოძრაობა.

18 ივლისი 2024, 08:27

პოლიტიკა

„ლელო“, „ანა დოლიძე-ხალხისთვის“ და მოძრაობა „თავისუფლების მოედანი“ საარჩევნოდ გაერთიანდნენ

„ლელო“, „ანა დოლიძე-ხალხისთვის“ და მოძრაობა „თავისუფლების მოედანი“ საარჩევნოდ გაერთიანდნენ. ოპოზიციური ერთობის პრეზენტაცია ევროპის მოედანზე გაიმართა. პრეზენტაციის მსვლელობისას „ლელოს“ ლიდერმა მამუკა ხაზარაძემ პარტნიორი პარტია და საზოგადოებრივი მოძრაობა წარადგინა. გაერთიანებას შეუერთდა მომღერალი გიორგი უშიკიშვილიც. ახალი პოლიტიკური ცენტრის ლიდერები აცხადებენ, რომ აღნიშნული ძალების გაერთიანება პოლიტიკურ ველზე ახალ მიზიდულობის ცენტრს შექმნის. ამასთან, პარტია „ლელოს“ ლიდერებმა ახალი გაერთიანების პრეზენტაციისას აღნიშნეს, რომ გაერთიანების კარი სხვადასხვა პოლიტიკური ძალებისთვის და აქტიური ადამიანებისთვის ღიაა. მმართველ გუნდში მიაჩნიათ, რომ არასამთავრობო ორგანიზაციის პოლიტიკურ პარტიად გადაქცევამ რეალური სახე აჩვენა, რომ მათ პოლიტიკური ამბიციები აქვთ, თუმცა ნულოვანი რეიტინგის გამო 26 ოქტომბერს არათუ გამარჯვების, ბარიერის გადალახვაც გაუჭირდებათ.

18 ივლისი 2024, 08:19

პოლიტიკა

ხვალ ამნისტიის შესახებ კანონპროექტი პარლამენტში იურიდიულ საკითხთა კომიტეტზე განიხილება

საკანონმდებლო ორგანოში ხვალ ამნისტიის შესახებ კანონპროექტი იურიდიულ საკითხთა კომიტეტზე განიხილება შემდეგ კი რიგგარეშე სესიაზე პირველი მოსმენით გავა. მმართველ პარტიაში კანონპროექტის მნიშვნელობაზე საუბრობენ და აცხადებენ, რომ მიზანი ევროპულ სტანდარტებთან დაახლოება და პატიმართა რაოდენობის შემცირებაა. ცნობისთვის, პროექტი საერთო ჯამში, 300-მდე მუხლს მოიცავს. დეპუტატები მესამე მოსმენით მას საშემოდგომო სესიის დროს მიიღებენ.

გიორგი გაბიტაშვილი

18 ივლისი 2024, 08:15

პოლიტიკა

იურიდიულ საკითხთა კომიტეტზე დღეს პარლამენტისადმი ასარჩევად წარდგენილ გენერალური პროკურორობის კანდიდატ გიორგი გაბიტაშვილს მოუსმენენ

იურიდიულ საკითხთა კომიტეტზე დღეს საპროკურორო საბჭოს მიერ ასარჩევად პარლამენტისადმი წარდგენილ გენერალური პროკურორობის კანდიდატ გიორგი გაბიტაშვილს მოუსმენენ და მისი არჩევის საკითხს განიხილავენ. გიორგი გაბიტაშვილს კომიტეტის წევრები კითხვებსაც დაუსვამენ.