ია მეტრეველი: სააკაშვილის ხელისუფლება შვილმკვდარ მშობლებს არ აპატიებდა იმას, როგორც სარალიძე იქცევა

„ნამდვილად არ სჭირდებოდა ზაზა სარალიძეს ასეთი ამბის ატეხა და მკვლელების გვერდით დგომა“,-ამის შესახებ 2004 წელს მოკლული ბუტა რობაქიძის დედამ, ია მეტრეველმა განაცხადა. 

მისი სიტყვებით, მიხეილ სააკაშვილის მმართველობის დროს იმჟამინდელი ხელისუფლება შვილმკვდარ მშობლებს ნამდვილად არ აპატიებდა იმას, როგორც ზაზა სარალიძე იქცევა.

„ ყველანაირ საზღვრებს გასცდა, განსაკუთრებით სარალიძე, ეს უკვე დემოკრატიაშიც აღარ ჯდება.ჩემთვის მიუღებელია. სახელმწიფო კანონის ფარგლებში არ მოქმედებს და სახელმწიფო თავის პოლიციელს ვერ იცავს. და აგერ ადამიანი, პოლიციელი ტვინის შერყევით საავადმყოფოში წევს. ეს როგორ შეიძლება?კიდევ ვიმეორებ, სარალიძისთვის სახელმწიფოს არ მოუკლავს შვილი, საუბედუროდ ბავშვი ქუჩურ გარჩევებში მოკვდა, ბავშვებმა მოუკლეს შვილი და ჩვენ პირდაპირ სახელმწიფომ დაგვიხვრია შვილები“, – განაცხადაია მეტრეველმა.

ია მეტრეველი გამოეხაურა თემირლან მაჩალიკაშვილის სასიკვდილოდ დაჭრისა და გარდაცვალების ფაქტსაც და განაცხდა, რომ ამ საქმესთან მიმართებით მასაც აქვს შეკითხვები, თუმცა შეკითხები აქვს მალხაზ მაჩალიკაშვილთანაც.

„მინდა მაჩალიკაშვილს მივმართო, მისი თანამემამულეების შვილები როდესაც დახოცეს, სააკაშვილმა, რომ დახვრიტა, ლაფანყურს ვიხსენებ, მათ მკვლელების გვერდით როგორ დადგა ეს ბატონი? მე მას დიდი პატივს ვცემ სარალიძისგან განსხვავებით,“- თქვა მეტრეველმა.

სარალიძის შვილი, დავით სარალიძე ერთ-ერთი იყო 2017 წლის პირველ დეკემბერს ხორავას ქუჩაზე მოკლული ორი არასრულწლოვნიდან. ამ საქმეზე პარლამენტში დროებითი საგამოძიებო კომისია შეიქმნა. საგამოძიებო კომისიის პარალელურად, გამოძიებას ხელახლა აწარმოებს შინაგან საქმეთა სამინისტრო. მკვლელობის საქმეზე ახალი გარემოებების დადგენის მიზნით, გამოძიებას უშუალოდ გიორგი გახარია ხელმძღვანელობს.

ბერი გაბრიელ სალოსი ქუჩაზე ანტიტერორისტული სპეცოპერაცია 2017 წლის 21-22 იანვარს ჩატარდა. შედეგად დააკავეს ერთი ადამიანი - საედ დუდაევი, ხოლო წინააღმდეგობის გაწევისას გარდაიცვალა სამი ადამიანი, მათ შორის ერთ-ერთი აჰმედ ჩატაევია. 

ამ სპეცოპერაციიდან თითქმის 1 თვეში, სახელმწიფო უსაფრთხოების სამსახურმა მეორე სპეცოპერაცია ამჯერად პანკისის ხეობაში ჩაატარა, რა დროსაც 19 წლის თემირლან მაჩალიკაშვილი დაიჭრა, რამდენიმე პირი კი დააკავეს. თემირლან მაჩალიკაშვილი საავადმყოფოში 10 იანვარს გარდაიცვალა.  

თემირლან მაჩალიკაშვილის მშობლებს და პანკისის უხუცესებს აჰმედ ჩატაევთან და ტერორისტებთან მაჩალიკაშვილის კავშირს არ სჯერათ. მათ არა ერთხელ გამართეს საპროტესტო აქციები.