imedi /  22 იანვარი 2019, 10:22 / სანდო წყარო

ევროსაბჭოს ასამბლეაში საქართველოში ჩატარებული საპრეზიდენტო არჩევნების შესახებ დებატები გაიმართა

თამარ ჩუგოშვილი

თამარ ჩუგოშვილი

ევროპის საბჭოს საპარლამენტო ასამბლეაში საქართველოში ჩატარებული საპრეზიდენტო არჩევნების შესახებ დებატები გაიმართა. 

„საარჩევნო კამპანია სავსე იყო სიძულვილით, პრეზიდენტობის ქალი კანდიდატის, სალომე ზურაბიშვილის წინააღმდეგ შეურაცხყოფითა და შევიწროებით“, - ამის შესახებ თამარ ჩუგოშვილმა, პარლამენტის თავმჯდომარის პირველმა მოადგილემ ევროსაბჭოს საპარლამენტო ასამბლეაზე, სიტყვით გამოსვლისას განაცხადა.

საპარლამენტო დელეგაცია, თამარ ჩუგოშვილის ხელმძღვანელობით, სტრასბურგში იმყოფება, სადაც ევროპის საბჭოს საპარლამენტო ასამბლეის ზამთრის სესიაში იღებს მონაწილეობას.

საქართველოს საპარლამენტო დელეგაციის ხელმძღვანელმა, სიტყვით გამოსვლისას, ასამბლეის წევრებს საარჩევნო პროცესზე დაკვირვებისა და გაცემული რეკომენდაციებისთვის მადლობა გადაუხადა. თამარ ჩუგოშვილმა ხაზგასმით აღნიშნა, რომ წარმოდგენილ რეკომენდაციებს ქართული მხარე ყურადღებით ეცნობა და ითვალისწინებს.

პარლამენტის თავმჯდომარის პირველმა მოადგილემ საქართველოში ჩატარებული საპრეზიდენტო არჩევნებისა და საარჩევნო კამპანიის შესახებ ისაუბრა.

„ეს იყო ბოლო საპრეზიდენტო არჩევნები, როდესაც ქვეყანამ პრეზიდენტი პირდაპირი წესით აირჩია, რადგან საქართველო ასრულებს გარდაქმნას სრულად საპარლამენტო დემოკრატიად ბოლო საკონსტიტუციო ცვლილებების მიხედვით, რომლებიც, როგორც ვენეციის კომისიამ განცხადა, ასრულებს საქართველოს პოლიტიკური სისტემის ევოლუციას საპარლამენტო მმართველობის სისტემად და წარმოადგენს ქვეყნის კონსტიტუციური წესრიგის კონსოლიდაციისა და გაუმჯობესებისკენ გადადგმულ პოზიტიურ ნაბიჯს დემოკრატიის პრინციპებზე, კანონის უზენაესობასა და ფუნდამენტური უფლებების დაცვაზე დაყრდნობით”, - განაცხადა თამარ ჩუგოშვილმა.

მან კიდევ ერთხელ აღნიშნა, რომ ჩატარებული არჩევნები იყო გამორჩეული, რადგან საქართველომ პირველი ქალი პრეზიდენტი აირჩია, რაც უპრეცედენტოა არა მხოლოდ ჩვენს ქვეყანაში, არამედ მთელ რეგიონში.

„პირველი ქალი პრეზიდენტი არჩეულ იქნა უკიდურესად კონკურენტუნარიან პოლიტიკურ რბოლაში, პირველად, ჩემი ქვეყნის ისტორიაში, საპრეზიდენტო არჩევნების მეორე ტურში, ამომრჩეველთა 60 %-იანი მხარდაჭერით”, - განაცხადა თამარ ჩუგოშვილმა.

საქართველოს პარლამენტის მუდმივმოქმედი დელეგაციის ხელმძღვანელმა ყურადღება დამკვირვებელთა მიერ წარმოდგენილ ანგარიშზე გაამახვილა. თამარ ჩუგოშვილის თქმით, ანგარიშის თანახმად, არჩევნები იყო კონკურენტუნარიანი და პროფესიონალურად ადმინისტრირებული.

„კანდიდატებს ჰქონდათ საშუალება კამპანია თავისუფლად ჩაეტარებინათ და ამომრჩევლებს საკუთარი არჩევანი შეზღუდვების გარეშე გაეკეთებინათ, კამპანია იყო ცოცხალი და დინამიური. საარჩევნო კომისიის საქმიანობა იყო გამჭვირვალე, მედია გარემო იყო მრავალფეროვანი და მოქალაქეებს ჰქონდათ წვდომა სხვადასხვა თვალსაზრისზე”, - განაცხადა პარლამენტის თავმჯდომარის პირველმა მოადგილემ.

მისივე თქმით, არჩევნების დადებითი შედეგების მიუხედავად, იყო სამწუხარო დინამიკაც.

თამარ ჩუგოშვილის განცხადებით, საარჩევნო კამპანია სავსე იყო პრეზიდენტობის ქალი კანდიდატის მიმართ სიძულვილით და შეურაცხყოფის ყველაზე ცუდი ფორმები ქალი კანდიდატის მიმართ ევროპის სახალხო პარტიის პარტნიორმა პარტიამ გამოიყენა.

„არჩევნების დადებითი შედეგების მიუხედავად, პროცესში ვისწავლეთ გაკვეთილებიც და გარკვეულ სამწუხარო დინამიკასაც დავაკვირდით. სამწუხაროდ, ეს კამპანია იყო სიძულვილით იყო სავსე. ის სავსე იყო ქალი კანდიდატის, სალომე ზურაბიშვილის წინააღმდეგ შეურაცხყოფითა და შევიწროებით. ამ კვირას, ევროპის საბჭოს საპარლამენტო ასამბლეამ დაიწყო კამპანია შევიწროების წინააღმდეგ. ჩვენ ვუყურეთ ვიდეოს, თუ რა ტანჯვას გადიან ქალები პოლიტიკაში. შევიწროების ყველაზე ცუდი ფორმები იქნა გამოყენებული ოპოზიციის მხრიდან, რომელიც არის ევროპის სახალხო პარტიის (EPP) პარტნიორი პარტია მინდა, ვთხოვო ჩემს კოლეგებს EPP-დან - გთხოვთ, მიაქციოთ ყურადღება, როგორ მოექცა თქვენი პარტნიორი პარტია ქალ კანდიდატს, როგორ მოექცა თქვენი პარტნიორი პარტიის კუთვნილი მედია პრეზიდენტობის ქალ კანდიდატს საქართველოში. სიძულვილის ენის, შევიწროებისა და შეურაცხყოფის დონე იყო წარმოუდგენელი”, - აღნიშნა საქართველოს პარლამენტის მუდმივმოქმედი დელეგაციის ხელმძღვანელმა.

თამარ ჩუგოშვილმა კიდევ ერთხელ მოუწოდა ევროპის სახალხო პარტიის წევრებს, დაგმონ საქართველოს ახლადარჩეული პრეზიდენტის წინააღმდეგ წარმოებული სიძულვილით აღსავსე კამპანია.

„მჯერა, რომ ქალბატონი სალომე ზურაბიშვილი შეძლებს ამ ტკივილის სიძლიერედ გარდაქმნას და გზას გაუხსნის სხვა ქალებსაც პოლიტიკაში. მაგრამ ვთხოვ წევრებს, განსაკუთრებით, სახალხო პარტიის წევრებს, რომ დაგმონ ეს წარმოუდგენელი შევიწროება და შეურაცხყოფა ჩემი ქვეყნის ახლადარჩეული პრეზიდენტის მიმართ თქვენი პარტნიორი პარტიის წევრების მხრიდან”, - განაცხადა მან და აღნიშნა, რომ სიძულვილსა და შეურაცხყოფას სათანადო პასუხი გასცეს საქართველოს მოქალაქეებმა.

თამარ ჩუგოშვილის შეფასებით, ამომრჩეველთა ხმების 60 % იყო ყველაზე მნიშვნელოვანი პასუხი სალომე ზურაბიშვილის წინააღმდეგ წარმოებული სიძულვილით სავსე კამპანიის წინააღმდეგ.

ყველა სიახლე

ზაზა გულიაშვილი

17 სექტემბერი 2021, 01:44

პოლიტიკა

ზაზა გულიაშვილი ოპერატორის დაშავებაზე: ის არავის არ გადაუგდია - კადრის შორიდან გადაღება უნდოდა და ძალიან დაბალ მოაჯირს მიეყუდა

ქარელის მერობის კანდიდატი ზაზა გულიაშვილი, რომელიც „ქართული ოცნების“ ქარელის ოფისში მომხდარ შემთხვევას შეესწრო, აცხადებს, რომ ოპერატორი ვინმეს ზეწოლის შედეგად არ გადავარდნილა მოაჯირიდან.

ირაკლი კობახიძე

17 სექტემბერი 2021, 00:56

პოლიტიკა

ირაკლი კობახიძე: სახელმწიფო, ეკლესია დგას თავის ადგილზე და ვერავინ ვერაფერს შეარყევს

საზოგადოება ხედავს, რომ სახელმწიფო უსაფრთხოების სამსახურზე პირდაპირი დარტყმები მიდის, რასაც ზუსტად იგივე მიზანი აქვს, რაც აქვს ეკლესიაზე დარტყმას, სახელმწიფოზე, პოლიციაზე, ჯარზე და ა.შ, - ამის შესახებ პარტია „ქართული ოცნების“ თავმჯდომარე ირაკლი კობახიძემ საზოგადოებრივი მაუწყებლის ეთერში განაცხადა.

17 სექტემბერი 2021, 00:50

ტაბლოიდი

The Sun: კანიე უესტი კიმ კარდაშიანს პოპულარულ მომღერალთან ღალატობდა

ამერიკელი რეპერი კანიე უესტი თავის მეუღლეს, კიმ კარდაშიანს ერთ-ერთ პოპულარულ მომღერალთან ღალატობდა. ამის შესახებ წყვილთან დაახლოებულ საკუთარ წყაროზე დაყრდნობით გამოცემა The Sun-ი წერს.

დავით ოქიტაშვილი

17 სექტემბერი 2021, 00:48

საზოგადოება

დავით ოქიტაშვილი: თქვენო უწმინდესობავ, თქვენი სამწყსო თქვენთან არის და ვერაფერს გიზამენ ეს ჯალათები

ახლო ურთიერთობა მაქვს უწმინდესთან და ვიცი, როგორ განიცდის ახლა რაც ხდება. მინდა ვუთხრა მას, თქვენო უწმინდესობავ, თქვენი სამწყსო თქვენთან არის და ვერაფერს გიზამენ ეს ჯალათები, - ამის შესახებ საქართველოს კულტურის პალატის პრეზიდენტმა, დავით ოქიტაშვილმა „იმედი LIVE“-ში განაცხადა.

17 სექტემბერი 2021, 00:43

მსოფლიო

მსოფლიო ბანკი Doing Business-ის ანგარიშის გამოქვეყნებას წყვეტს

მსოფლიო ბანკი Doing Business-ის ანგარიშის გამოქვეყნებას წყვეტს. როგორც საინფორმაციო სააგენტო Reuters-ი იუწყება, მსოფლიო ბანკმა აღნიშნული გადაწყვეტილება მას შემდეგ მიიღო, რაც მონაცემთა დარღვევები გამოვლინდა ბანკის მაღალჩინოსნების, მათ შორის მაშინდელი აღმასრულებელი დირექტორის, კრისტალინა გეორგიევას მიერ.

მეუფე იაკობი

17 სექტემბერი 2021, 00:37

საზოგადოება

მეუფე იაკობი: პატრიარქის შეცვლის საკითხზე გიორგი გახარიას ჩემთან საუბარი 2018 წლის 15 იანვარს ჰქონდა

„ჩვენი საუბარი შედგა 2018 წლის 15 იანვარს. მოსინჯეს, რომ რესურსი და საშუალება მაქვს სინოდშიო, რომ თუ ჩემი თანხმობა იქნებოდა, თითქოს მაგას გაატარებდნენ [პატრიარქს შეცვლიდნენ]. თითქოს პატრიარქს თვითონ უნდოდა [გადადგომა] და მერე ვინმეს თავის კანდიდატურას შემოიყვანდა“, - ასე უპასუხა მეუფე იაკობმა „იმედი LIVE“-ში დასმულ შეკითხვას იმის შესახებ, შედგა თუა არ მასსა და გიორგი გახარიას შორის პატრიარქზე საუბარი.

გიორგი ვოლსკი

17 სექტემბერი 2021, 00:32

პოლიტიკა

გიორგი ვოლსკი „მთავარი არხის” ოპერატორის დაშავების ფაქტზე: იმდენად ყალბია ეს ყველაფერი, რომ ძალიან ადვილად იშიფრება

იმდენად ყალბია ეს ყველაფერი, რომ ძალიან ადვილად იშიფრება, - ამის შესახებ პარლამენტის პირველმა ვიცე-სპიკერმა, გიორგი ვოლსკიმ „მთავარი არხის“ ოპერატორის დაშავების ფაქტზე „იმედი LIVE“-ში ისაუბრა. მისი თქმით, როდესაც აცხადებდნენ, რომ მრავალჯერადი მოტეხილობები აქვს, ეს უკვე დასტურია იმისა, რომ ეს თემა მათთვის იგივეა, რაც გარდაცვლილი ლექსოს თემა იყო.

გიორგი ვოლსკი

17 სექტემბერი 2021, 00:29

პოლიტიკა

გიორგი ვოლსკის თქმით, 2008 წლის ომამდე, პუტინის წარმომადგენელმა მიხეილ სააკაშვილს კონკრეტული განცხადების გაკეთება და იტალიაში „დასასვენებლად“ წასვლა შესთავაზა

„არსებობს ჩვენებები და მასალა, რომ პუტინის მაღალი დონის წარმომადგენელმა შესთავაზა მიხეილ სააკაშვილს, 2008 წლის ივლისში, როდესაც ჯარი კართან იყო მომდგარი, განეცხადებინა, რომ რუსებს ინტერესები არ აქვთ. იქიდან ჩამოვიდა და ეს თქვა“, - აღნიშნა გიორგი ვოლსკიმ ტელეკომპანია „იმედის“ ეთერში, გადაცემაში „იმედი LIVE“.

ჯენ ფსაკი

17 სექტემბერი 2021, 00:23

მსოფლიო

თეთრი სახლი: ინდოეთისა და წყნარი ოკეანის რეგიონში აშშ-ის ავსტრალიასა და ბრიტანეთთან ახალი პარტნიორობა ჩინეთის წინააღმდეგ მიმართული არ არის

ინდოეთისა და წყნარი ოკეანის რეგიონში აშშ-ის ავსტრალიასა და ბრიტანეთთან ახალი პარტნიორობა ჩინეთის წინააღმდეგ მიმართული არ არის, - განაცხადა თეთრი სახლის ოფიციალურმა წარმომადგენელმა, ჯენ ფსაკიმ.

მეუფე იაკობი

17 სექტემბერი 2021, 00:16

პოლიტიკა

მეუფე იაკობი: ჭყონდიდის ყოფილი მიტროპოლიტი, მეუფე პეტრე და გიორგი გახარია ერთი თამაშის ნაწილები იყვნენ

ჭყონდიდის ყოფილი მიტროპოლიტი, მეუფე პეტრე და გიორგი გახარია ერთი თამაშის ნაწილები იყვნენ, - ამის შესახებ ნინოწმინდის ბავშვთა პანსიონის ხელმძღვანელმა მეუფე იაკობმა „იმედი LIVE“-ში განაცხადა. კითხვაზე, რისთვის გადადგა გიორგი გახარია, მეუფე იაკობი პასუხობს: „იმისთვის, რომ დღევანდელი სიტუაცია მიგვეღო“.

მეუფე იაკობი

16 სექტემბერი 2021, 23:55

პოლიტიკა

მეუფე იაკობი: მიხეილ სააკაშვილი საქართველოში ვერ ჩამოვა და თუ ჩამოვა, მას დაიჭერენ

როდესაც არჩევნების წინა პერიოდია და ხედავდით, აბსოლუტურად არავითარი ჩარევა არ გვქონდა. ახლა ასე რომ მიტევენ, რა გგონიათ ჩემგან ნაკლებს მიიღებენ? იქნება არჩევნები და ნახავთ შედეგებს- ამის შესახებ ნინოწმინდის ბავშვთა პანსიონის ხელმძღვანელმა მეუფე იაკობმა „იმედი LIVE“-ში განაცხადა.

ენტონი ბლინკენი

16 სექტემბერი 2021, 23:50

მსოფლიო

ენტონი ბლინკენი: საფრანგეთი აშშ-ის სასიცოცხლოდ მნიშვნელოვანი პარტნიორია

აშშ-ის სახელმწიფო მდივანმა, ენტონი ბლინკენმა განაცხადა, რომ აშშ მიესალმება ევროპის ქვეყნებს, რომლებიც მნიშვნელოვან როლს თამაშობენ ინდოეთისა და წყნარი ოკეანის რეგიონში, ხოლო საფრანგეთი აშშ-ის სასიცოცხლოდ მნიშვნელოვანი პარტნიორია.

მეუფე იაკობი

16 სექტემბერი 2021, 23:39

პოლიტიკა

მეუფე იაკობი: გახარია მოსკოვის კაცია და იმასაც გიდასტურებთ, რომ ეკლესიას ებრძოდა

მე ადრე გავაკეთე განცხადება, რომ მაშინდელი შინაგან საქმეთა მინისტრი, გიორგი გახარია შსს-ს მაღალი თანამდებობის პირებისგან ითხოვდა მღვდლებზე და ზოგადად სასულიერო პირებზე შეეგროვებინათ კომპრომატები, - ამის შესახებ ნინოწმინდის ბავშვთა პანსიონის ხელმძღვანელმა მეუფე იაკობმა „იმედი LIVE“-ში განაცხადა.

მეუფე იაკობი

16 სექტემბერი 2021, 23:36

პოლიტიკა

მეუფე იაკობი: სასულიერო პირების მოსმენების მიზანი ეკლესიის დისკრედიტაცია იყო

„ამ სავარაუდო მოსმენებით ეკლესიის დისკრედიტაცია რომ მოხდებოდა, თავისთავად ის [გიორგი გახარია] „ოცნებას“ რაღაც ხმებს წაართმევდა. ახლა იცით, რომ 43%-ზე მიდის საუბარი. რომ შეხედოთ, 2012-ში ვინც მაშინდელი ხელისუფლება შევცვალეთ, გახარია სად იყო და მის იდეებს ვინ უნდა გაჰყვეს?! უბრალოდ უნდა „ოცნებას“ დააკარგვინოს რაღაც ხმა. ის უცხო სხეული იყო აქ, როგორ მოხვდა მე არ ვიცი, ალბათ იმ კაცს უნდა მოჰკითხოთ, ვინც მოიყვანა, ვინც საქართველოში ჩამოიყვანა“, - აღნიშნა მეუფემ.

მეუფე იაკობი

16 სექტემბერი 2021, 23:24

პოლიტიკა

მეუფე იაკობი: გიორგი გახარია შსს-ს მაღალი თანამდებობის პირებისგან ითხოვდა, რომ მღვდლებზე და ზოგადად სასულიერო პირებზე შეეგროვებინათ კომპრომატები

არ მიკვირს, ეს რომ ხდება, რადგან არჩევნები მოახლოვდა და თუ შევხედავთ სიტუაციას, უნდა მივხვდეთ, რა ძალებს აწყობთ სიტუაციის ასე დაძაბვა, - ამის შესახებ ნინოწმინდის ბავშვთა პანსიონის ხელმძღვანელმა მეუფე იაკობმა „იმედი LIVE“-ში განაცხადა.

მეუფე იაკობი

16 სექტემბერი 2021, 23:15

საზოგადოება

მეუფე იაკობი: ფარული მოსმენები უდიდესი ბოროტებაა, მაგრამ უფრო დიდი ბოროტება მისი მოპარვა და ტელევიზიით გაშვებაა

„ამდენი მოსმენა, მანიაკები თუ არ არინ და ძალაუფლება თუ არ გაქვს, ამას ვერ იზამ. გახარიას რომ ძალაუფლება ჰქონდა პრემიერობამდე, ისეთი ძალაუფლება თუ არ გაქვს, ვერ იზამ ამას. რასაც მომიყვნენ ჩემ შესახებ, იყო ასეთი შემთხვევები და ყველაფერი გახარიას პერიოდში იყო. პირადად მე რომ მისმენდნენ ვიცოდი, რამდენჯერმე გავაფრთხილე ამაზე შესაბამისი უწყებები. მაგრამ ვიცოდი რა მელაპარაკა და რა - არა“, - განაცხადა მეუფე იაკობმა.

16 სექტემბერი 2021, 23:07

COVID19

იტალიის მთავრობამ საჯარო და კერძო სექტორის თანამშრომლებისთვის სამუშაო ადგილებზე ე.წ. „მწვანე საშვის“ წარდგენა სავალდებულო გახადა

იტალიის მთავრობამ საჯარო და კერძო სექტორის თანამშრომლებისთვის სამუშაო ადგილებზე ე.წ. „მწვანე საშვის“ წარდგენა სავალდებულო გახადა. ინფორმაციას ამის შესახებ სააგენტო Reuters-ი ავრცელებს.

ირაკლი კობახიძე

16 სექტემბერი 2021, 23:04

პოლიტიკა

ირაკლი კობახიძე: ჩანაწერებში თუ რამე არის ავთენტური, ყველაფერზე პასუხისმგებელი იყო ორი პირი და ორივე მათგანი განეკუთვნებოდა გახარიას გუნდს

ამ ჩანაწერებში თუ რამე არის ავთენტური, ყველაფერზე პასუხისმგებელი იყო ორი კონკრეტული პირი და ორივე მათგანი განეკუთვნებოდა სწორედ გახარიას გუნდს, - ამის შესახებ პარტია „ქართული ოცნების“ თავმჯდომარე ირაკლი კობახიძემ საზოგადოებრივი მაუწყებლის ეთერში განაცხადა.

ირაკლი კობახიძე

16 სექტემბერი 2021, 23:02

პოლიტიკა

ირაკლი კობახიძე: ყველაზე კრიტიკულ მომენტში გიორგი გახარიამ საკუთარ გუნდს, ქვეყანას უღალატა

„ყველაზე კრიტიკულ მომენტში კაცმა გაყიდა ქვეყანა. რა თქმა უნდა, ჩვენი პასუხისმგებლობაც არის, რომ ასეთი პრემიერი გვყავდა. თუ ამაზე არის საუბარი, რა თქმა უნდა, ამ პასუხისმგებლობას ჩვენ თავზეც ვიღებთ. ეს კაცი არის მატყუარა, მოღალატე და არ აქვს კაცობის ნიშანწყალი, რაც კიდევ ერთხელ დაადასტურა იმით, რომ კახი კალაძეს პირდაპირ დაუპირისპირდა ისეთ კონკურენციაში, სადაც მეორე ადგილის აღების შანსიც არ აქვს. დიდხანს ამ კაცზე ლაპარაკი არ ღირს, მან დაკარგა აქტუალობა“.

16 სექტემბერი 2021, 22:50

მსოფლიო

ავსტრალიაში, პირი, რომელიც ციხიდან 29 წლის წინ გაიქცა, პოლიციას ჩაბარდა

ავსტრალიაში, პირი, რომელიც ციხიდან 29 წლის წინ გაიქცა, პოლიციას ჩაბარდა. ინფორმაციას ამის შესახებ სააგენტო The Associated Press-ი ავრცელებს.