imedi /  22 იანვარი 2019, 10:22 / სანდო წყარო

ევროსაბჭოს ასამბლეაში საქართველოში ჩატარებული საპრეზიდენტო არჩევნების შესახებ დებატები გაიმართა

თამარ ჩუგოშვილი

თამარ ჩუგოშვილი

ევროპის საბჭოს საპარლამენტო ასამბლეაში საქართველოში ჩატარებული საპრეზიდენტო არჩევნების შესახებ დებატები გაიმართა. 

„საარჩევნო კამპანია სავსე იყო სიძულვილით, პრეზიდენტობის ქალი კანდიდატის, სალომე ზურაბიშვილის წინააღმდეგ შეურაცხყოფითა და შევიწროებით“, - ამის შესახებ თამარ ჩუგოშვილმა, პარლამენტის თავმჯდომარის პირველმა მოადგილემ ევროსაბჭოს საპარლამენტო ასამბლეაზე, სიტყვით გამოსვლისას განაცხადა.

საპარლამენტო დელეგაცია, თამარ ჩუგოშვილის ხელმძღვანელობით, სტრასბურგში იმყოფება, სადაც ევროპის საბჭოს საპარლამენტო ასამბლეის ზამთრის სესიაში იღებს მონაწილეობას.

საქართველოს საპარლამენტო დელეგაციის ხელმძღვანელმა, სიტყვით გამოსვლისას, ასამბლეის წევრებს საარჩევნო პროცესზე დაკვირვებისა და გაცემული რეკომენდაციებისთვის მადლობა გადაუხადა. თამარ ჩუგოშვილმა ხაზგასმით აღნიშნა, რომ წარმოდგენილ რეკომენდაციებს ქართული მხარე ყურადღებით ეცნობა და ითვალისწინებს.

პარლამენტის თავმჯდომარის პირველმა მოადგილემ საქართველოში ჩატარებული საპრეზიდენტო არჩევნებისა და საარჩევნო კამპანიის შესახებ ისაუბრა.

„ეს იყო ბოლო საპრეზიდენტო არჩევნები, როდესაც ქვეყანამ პრეზიდენტი პირდაპირი წესით აირჩია, რადგან საქართველო ასრულებს გარდაქმნას სრულად საპარლამენტო დემოკრატიად ბოლო საკონსტიტუციო ცვლილებების მიხედვით, რომლებიც, როგორც ვენეციის კომისიამ განცხადა, ასრულებს საქართველოს პოლიტიკური სისტემის ევოლუციას საპარლამენტო მმართველობის სისტემად და წარმოადგენს ქვეყნის კონსტიტუციური წესრიგის კონსოლიდაციისა და გაუმჯობესებისკენ გადადგმულ პოზიტიურ ნაბიჯს დემოკრატიის პრინციპებზე, კანონის უზენაესობასა და ფუნდამენტური უფლებების დაცვაზე დაყრდნობით”, - განაცხადა თამარ ჩუგოშვილმა.

მან კიდევ ერთხელ აღნიშნა, რომ ჩატარებული არჩევნები იყო გამორჩეული, რადგან საქართველომ პირველი ქალი პრეზიდენტი აირჩია, რაც უპრეცედენტოა არა მხოლოდ ჩვენს ქვეყანაში, არამედ მთელ რეგიონში.

„პირველი ქალი პრეზიდენტი არჩეულ იქნა უკიდურესად კონკურენტუნარიან პოლიტიკურ რბოლაში, პირველად, ჩემი ქვეყნის ისტორიაში, საპრეზიდენტო არჩევნების მეორე ტურში, ამომრჩეველთა 60 %-იანი მხარდაჭერით”, - განაცხადა თამარ ჩუგოშვილმა.

საქართველოს პარლამენტის მუდმივმოქმედი დელეგაციის ხელმძღვანელმა ყურადღება დამკვირვებელთა მიერ წარმოდგენილ ანგარიშზე გაამახვილა. თამარ ჩუგოშვილის თქმით, ანგარიშის თანახმად, არჩევნები იყო კონკურენტუნარიანი და პროფესიონალურად ადმინისტრირებული.

„კანდიდატებს ჰქონდათ საშუალება კამპანია თავისუფლად ჩაეტარებინათ და ამომრჩევლებს საკუთარი არჩევანი შეზღუდვების გარეშე გაეკეთებინათ, კამპანია იყო ცოცხალი და დინამიური. საარჩევნო კომისიის საქმიანობა იყო გამჭვირვალე, მედია გარემო იყო მრავალფეროვანი და მოქალაქეებს ჰქონდათ წვდომა სხვადასხვა თვალსაზრისზე”, - განაცხადა პარლამენტის თავმჯდომარის პირველმა მოადგილემ.

მისივე თქმით, არჩევნების დადებითი შედეგების მიუხედავად, იყო სამწუხარო დინამიკაც.

თამარ ჩუგოშვილის განცხადებით, საარჩევნო კამპანია სავსე იყო პრეზიდენტობის ქალი კანდიდატის მიმართ სიძულვილით და შეურაცხყოფის ყველაზე ცუდი ფორმები ქალი კანდიდატის მიმართ ევროპის სახალხო პარტიის პარტნიორმა პარტიამ გამოიყენა.

„არჩევნების დადებითი შედეგების მიუხედავად, პროცესში ვისწავლეთ გაკვეთილებიც და გარკვეულ სამწუხარო დინამიკასაც დავაკვირდით. სამწუხაროდ, ეს კამპანია იყო სიძულვილით იყო სავსე. ის სავსე იყო ქალი კანდიდატის, სალომე ზურაბიშვილის წინააღმდეგ შეურაცხყოფითა და შევიწროებით. ამ კვირას, ევროპის საბჭოს საპარლამენტო ასამბლეამ დაიწყო კამპანია შევიწროების წინააღმდეგ. ჩვენ ვუყურეთ ვიდეოს, თუ რა ტანჯვას გადიან ქალები პოლიტიკაში. შევიწროების ყველაზე ცუდი ფორმები იქნა გამოყენებული ოპოზიციის მხრიდან, რომელიც არის ევროპის სახალხო პარტიის (EPP) პარტნიორი პარტია მინდა, ვთხოვო ჩემს კოლეგებს EPP-დან - გთხოვთ, მიაქციოთ ყურადღება, როგორ მოექცა თქვენი პარტნიორი პარტია ქალ კანდიდატს, როგორ მოექცა თქვენი პარტნიორი პარტიის კუთვნილი მედია პრეზიდენტობის ქალ კანდიდატს საქართველოში. სიძულვილის ენის, შევიწროებისა და შეურაცხყოფის დონე იყო წარმოუდგენელი”, - აღნიშნა საქართველოს პარლამენტის მუდმივმოქმედი დელეგაციის ხელმძღვანელმა.

თამარ ჩუგოშვილმა კიდევ ერთხელ მოუწოდა ევროპის სახალხო პარტიის წევრებს, დაგმონ საქართველოს ახლადარჩეული პრეზიდენტის წინააღმდეგ წარმოებული სიძულვილით აღსავსე კამპანია.

„მჯერა, რომ ქალბატონი სალომე ზურაბიშვილი შეძლებს ამ ტკივილის სიძლიერედ გარდაქმნას და გზას გაუხსნის სხვა ქალებსაც პოლიტიკაში. მაგრამ ვთხოვ წევრებს, განსაკუთრებით, სახალხო პარტიის წევრებს, რომ დაგმონ ეს წარმოუდგენელი შევიწროება და შეურაცხყოფა ჩემი ქვეყნის ახლადარჩეული პრეზიდენტის მიმართ თქვენი პარტნიორი პარტიის წევრების მხრიდან”, - განაცხადა მან და აღნიშნა, რომ სიძულვილსა და შეურაცხყოფას სათანადო პასუხი გასცეს საქართველოს მოქალაქეებმა.

თამარ ჩუგოშვილის შეფასებით, ამომრჩეველთა ხმების 60 % იყო ყველაზე მნიშვნელოვანი პასუხი სალომე ზურაბიშვილის წინააღმდეგ წარმოებული სიძულვილით სავსე კამპანიის წინააღმდეგ.

ყველა სიახლე

დიპლომები რობოტები იაპონია

09 აპრილი 2020, 01:19

ტექნოლოგიები

იაპონიაში დიპლომების გადაცემის ცერემონიაზე სტუდენტები რობოტებმა ჩაანაცვლეს. ვიდეო

ტოკიოში, ბიზნესის უნივერსიტეტის (BBT) ცერემონიას სპეციალურ მანტიასა და ქუდში გამოწყობილი რობოტი ესწრება, რომელსაც სახლში მყოფი სტუდენტი აკონტროლებს. სახის ნაცვლად მანქანას პლანშეტი აქვს, რომელზეც მოსწავლის გამოსახულების ტრანსლირება ხდება. რობოტს დიპლომს გადასცემენ (მას დოკუმენტისთვის სპეციალური თარო აქვს), რის შემდეგ ის ლექტორთა ფოტოს იღებს.

ბექა ოდიშარია

09 აპრილი 2020, 01:18

COVID19

ბექა ოდიშარია: ადამიანური შესაძლებლობების ზღვარზე გადის ის ძალისხმევა, რასაც დღეს ქართველი დიპლომატები იჩენენ

დარწმუნებული ვარ, დადგება დრო, როდესაც ჩვენი დიპლომატების მუშაობას ჯეროვნად შევაფასებთ. ქართველი დიპლომატები, სალჩოები, საკონსულოები, რიგითი თანამშრომლები თუ პირველი პირები, 24-საათიან რეჟიმში მუშაობენ. ეს გახლავთ რეალობა. ადამიანური შესაძლებლობების ზღვარზე გადის ის ძალისხმევა, რასაც დღეს ქართველი დიპლომატები იჩენენ - ამის შესახებ უმრავლესობის წევრმა, პარლამენტარმა, ბექა ოდიშარიამ „ღია ეთერში“ განაცხადა.

მამუკა მდინარაძე

09 აპრილი 2020, 01:11

COVID19

მამუკა მდინარაძე: ჩვენ აღმოვჩნდით მსოფლიოს იმ მოწინავე ქვეყნების რიგში, ვინც კარგად მომზადებული დახვდა ამ პანდემიას

ვიცე-სპიკერის განცხადებით ხელისუფლება ასევე მუშაობს ეკონომიკური გამოწვევების მიმართულებით. „ასევე არის სხვა ამოცანები, რომ უზრუნველვყოთ ის, რომ ნაკლებად დაზიანდეს ეკონომიკა, გვაქვს შესაბამისი გეგმები და პაკეტები, ამაზე მიდის ასევე მუშაობა და ამ ორ გამოწვევას ჩვენ უნდა შევხვდეთ ადეკვატურად. ერთის მხრივ, რაც შეიძლება ნაკლებად დაზიანდეს ჩვენი ეკონომიკა და მეორეს მხრივ, შევაკავოთ ვირუსის გავრცელება“,-განაცხადა მამუკა მდინარაძემ.

09 აპრილი 2020, 01:11

ტაბლოიდი

ლონდონში 34 წლის კაცი პირბადეების მოპარვის გამო გაასამართლეს

ლონდონში 34 წლის კაცი პირბადეების მოპარვის გამო, 3 თვით დააპატიმრეს. ამის შესახებ გამოცემა The Telegraph იტყობინება. გავრცელებული ინფორმაციით, ბრალდებული 34 წლის ლერუნ ჰუსეინია, რომელიც ლონდონის ერთ-ერთ კლინიკაში შეიპარა და 4 ქირურგიული ნიღაბი მოიპარა. სამართალდამცველებმა ის ჰოსპიტლის სიახლოვეს დააკავეს. როგორც ბრალდების მხარემ განაცხადა, ნიღბების მოპარვას კლინიკაში შესაძლოა სერიოზული პრობლემები შეექმნა, რადგანაც ჰოსპიტალში ისედაც დამცავი აღჭურვილობის მწვავე დეფიციტია.

09 აპრილი 2020, 01:05

COVID19

უხანმა კარანტინის დასრულება სინათლის შოუთი აღნიშნეს. ვიდეო

უხანმა კარანტინის დასრულება ქალაქის სინათლის შოუთი აღნიშნა, რომელმაც მთელი ქალაქი მოიცვა. ჩინეთის მთავრობა მოქალაქეებს თავისუფალი გადაადგილების საშუალებას აძლევს, იმ შემთხვევაში თუ ისინი საკუთარ ტელეფონებში სათვალთვალო სისტემას დააყენებენ. ჯანმრთელობის მსოფლიო ორგანიზაციის მონაცემებით ჩინეთში კორონავირუსით 3,333 ადამიანი გარდაიცვალა.

09 აპრილი 2020, 01:02

COVID19

StopCoV ფონდში ცოტა ხნის წინ 100 მილიონი ლარი ჩაირიცხა

StopCoV ფონდში 100 მილიონი ლარი ჩაირიცხა. მონაცემები საქართველოს მთავრობის სპეციალურ ვებგვერდზე ცოტა ხნის წინ განახლდა. განახლებამდე თანხა 23 793 096 ლარი იყო. სოციალურ ქსელში ვრცელდება ვერსია, რომ ფონდში 100 მილიონი ლარი „ქართული ოცნების“ თავმჯდომარემ, ბიძინა ივანიშვილმა გადარიცხა. ოფიციალური ინფორმაცია ამის შესახებ ჯერ არ გავრცელებულა.

მამუკა მდინარაძე

09 აპრილი 2020, 00:57

პოლიტიკა

მამუკა მდინარაძე: საარჩევნო შეთანხმებას გარანტირებულად შევასრულებთ

„ჩვენ მადლობა უნდა გადავუხადოთ ჩვენს საერთაშორისო პარტნიორებს, რადგან მათი უდიდესი ჩართულობით იყო მიღწეული ეს შეთანხმება. შესაბამისი საკანონდებლო ცვლილებებიც მოყვება ამას საარჩვენო კოდექსში. ჩვენ ოპოზიციასთან შევთანხმდით და ამ შემთხვევაში ოპოზიციის უდიდესი ნაწილი იყო ძალიან კონსტრუქციული, რომ ჩვენ შემჭიდროვებულ ვადებში მოვახერხებთ ამ ცვლილებების შეტანას“,-განაცხადა მამუკა მდინარაძემ.​

09 აპრილი 2020, 00:55

COVID19

საჩხერის სამედიცინო ცენტრში სამ საეჭვო პაციენტზე ლუგარის ლაბორატორიიდან უარყოფითი პასუხი მიიღეს

საჩხერის სამედიცინო ცენტრში სამ საეჭვო პაციენტზე ლუგარის ლაბორატორიიდან უარყოფითი პასუხი მიიღეს. კლინიკის დირექტორის მიხეილ ქამუშაძის განცხადებით, რამდენიმე დღეში იმ ათ მედიკოსს ჩაუტარდება განმეორებითი ტესტირება, რომლებსაც დაინფიცირებულ ინფექციონისტთან ჰქონდათ უშუალო კონტაქტი. საკონტროლო ტესტი ჩაუტარდება კოვიდ-19 ის დიაგნოზით მოთავსებული სამი პაციენტიდან ერთ-ერთს. თუ ანალიზმა უარყოფითი პასუხი აჩვენა, საჩხერის სამედიცინო ცენტრიდან მეოთხე გამოჯანმრთელებული პაციენტი გაეწერება. ამ დროისთვის სამივე დაინფიცირებულის ჯანმრთობის მდგომარეობა დამაკმაყოფილებელია.

ბექა ოდიშარია

09 აპრილი 2020, 00:43

COVID19

ბექა ოდიშარია: ხელისუფლებასთან არაკოორდინირებულად გადადგმული ყველა ნაბიჯი მოკლებულია საღ აზრს და არის კონტრპროდუქტიული

ამ პერიოდში, ამ გამოწვევისას, რომელსაც ყველა ერთად ვუმკლავდებით, როგორც საქართველოში ისე მთელ მსოფლიოში, ყველა ის ადამიანი ვინც ახლა მოქმედებს გეგმის მიღმა, რომელიც გააჩნია საქართველოს ხელისუფლებას, მოქმედებს კეთილი თუ ბოროტი განზრახვით, ცალსახად ეს არის კონტრპროდუქტიული - ამის შესახებ უმრავლესობის წევრმა, პარლამენტარმა, ბექა ოდიშარიამ გადაცემა „ღია ეთერში“ ისაუბრა. დიასპორისა და კავკასიის საკითხთა კომიტეტის თავმჯდომარის თქმით, საერთო კოორდინირების გარეშე გადადგმული ყველა ნაბიჯი საღ აზრს არის მოკლებული.

დავით ზალკალიანი

09 აპრილი 2020, 00:39

COVID19

ემუქრებათ თუ არა დეპორტაცია საქართველის იმ მოქალაქეებს, რომლებსაც ევროკავშირის ქვეყნებში ყოფნის 90-დღიანი ვადა ეწურებათ

ჩვენ მუდმივი კომუნიკაცია გვაქვს არა მხოლოდ ევროკავშირის წევრ ქვეყნებთან ინდივიდუალურად, არამედ ბრიუსელთან, ევროკომისიასთან, რადგანაც მოხდეს იმ პრობლების გათვალისწინება, რომელიც შეექმნა იმ ადამიანებს, რომლებსაც უვიზო მიმოსვლის 90-დღიანი ვადა ეწურებათ მის შესახებ საგარეო საქმეთა მინისტრმა იმედის გადაცემა „ღია ეთერში“ განაცხადა.

სტამბოლი

09 აპრილი 2020, 00:31

COVID19

თურქეთში კორონავირუსით ინფიცირებული პირების გადაადგილებას მობილური ტელეფონებით გააკონტროლებენ

თურქეთში კორონავირუსით ინფიცირებულ პირებს მობილური ტელეფონებით გააკონტროლებენ, რათა კარანტინის რეჟიმი არ დაარღვიონ. თურქეთის პრეზიდენტის ადმინისტრაციაში აღნიშნეს, რომ ყოველ ჯერზე, როდესაც კორონავირუსით ინფიცირებული პირები სახლიდან გავლენ, შეტობინებასა და ზარს მიიღებენ ტელეფონზე. მათ სახლში დაბრუნება მოეთხოვებათ, ხოლო რეჟიმის დარღვევის შემთხვევაში პოლიცია მათ დააჯარიმებს.

09 აპრილი 2020, 00:22

COVID19

კახეთის საკარანტინო სივრცეში მოთავსებულ 10 ადამიანს კორონავირუსი არ დაუდასტურდა

თელავის, ლაგოდეხისა და საგარეჯოს კლინიკაში პაციენტები მკურნალობას ისევ აგრძელებენ. ზოგიერთ მათგანს პნევმონია აღენიშნება, რის გამოც ყველა საეჭვო მოქალაქის ნიმუში გუშინ დილით ლუგარის ლაბორატორიაში გამოსაკვლევად გაგზავნეს. რეგიონის მასშტაბით 4 ე.წ. „ცხელების ცენტრი“ ფუნქციონირებს. საავადმყოფოებმა საეჭვო სიმპტომების მქონდე მოქალაქეების მიღება უკვე რამდენიმე დღეა აქტიურად დაიწყეს.

ეკატერინე ტიკარაძე

09 აპრილი 2020, 00:21

COVID19

ეკატერინე ტიკარაძე: აპლიკაცია საშუალებას მოგვეცემს დროში უფრო ეფექტურები ვიყოთ

აპლიკაციის დემოვერსია უკვე ჩამოტვირთული აქვს ჩვენს რამდენიმე თანამშრომელს და მისი ტესტურ რეჟიმში მუშაობა მიმდინარეობს, - ამის შესახებ ჯანდაცვის მინისტრმა „ღია ეთერში“ განაცხადა. ეკატერინე ტიკარაძის განცხადებით, თითქოს, ეს პროცესი დროში ცოტა გაიწელა, მაგრამ მათი მიზანია საზოგადოებას სრულფასოვანი პროდუქტი შესთავაზონ.

ეკატერინე ტიკარაძე

09 აპრილი 2020, 00:19

COVID19

ეკატერინე ტიკარაძე: ტესტირების ახალი ალგორითმი ეყრდნობა საუკეთესო გამოცდილებებს

ჰოსპიტალური და ამბულატორიული პაციენტების შემთხვევაში, რომელებიც ქოვიდის დამახასიათებელი რესპირაციული სიმპტომებით მიმართავენ ექიმს, პირველ რიგში გაივლიან ცხვირ-ხახის პისიარ ტესტებს და მათი დადებითობის შემთხვევაში ისინი მოთავსდებიან სტაციონარში. თუ ეს პასუხი იქნება ნეგატიური 3დან 7 დღეში მოხდება მათი ხელმეორედ გასინჯვა - ამის შესახებ ჯანდაცვის მინისტრმა იმედის გადაცემა „ღია ეთერში“ განაცხადა. მინისტრმა თანმიმდევრულად განმარტა ახლად შემუშავებული ალგორითმის პრინციპი და აღნიშნა, რომ სახელმწიფო ამ მიმართულებით ქვეყნების საუკეთესო გამოცდილებებს ეყრდნობა

პაოლო მალდინი

09 აპრილი 2020, 00:15

COVID19

პაოლო მალდინი და მისი შვილი კორონავირუსისგან განიკურნენ

იტალიური ფეხბურთის და „მილანის” ლეგენდა პაოლო მალდინი კორონავირუსისგან სრულად განიკურნა. მალდინისა და მის შვილს, დანიელს კორონავირუსი რამდენიმე კვირის წინ დაუდგინდათ და მაშინვე საავადმყოფოში გადაიყვანეს. იტალიური მედიის ცნობით, დანიელი საშიში ვირუსისგან რამდენიმე დღეში განიკურნა, პაოლოს კი სახლში რამდენიმე საათში გაწერენ და საქმიანობას დაუბრუნდება, - ინფორმაციას ამის შესახებ sempremilan ავრცელებს.

ეკატერინე ტიკარაძე

09 აპრილი 2020, 00:10

COVID19

ეკატერინე ტიკარაძე: ჩვენ უკვე გვაქვს 12 000 ტესტი, 18 000 PCR-ტესტი კი - გზაშია

ამ ეტაპისთვის ჩვენ ქვეყანაში გვაქვს 12 000 ტესტი, რომელიც დაურიგდება ყველა იმ ლაბორატორიასა და კლინიკას, რომელსაც აქვს ამის საშუალება და ამის შესახებ ჩვენ ერთობლივად ვიღებთ გადაწყვეტილებას იმ მოცულობების გათვალსწინებით, თუ რა მოცულობების დაფარვა შეუძლია, როგორც ლაბორატორიებს, ასევე რა საჭიროებები არის იმ რეგიონის ეპიდემიოლოგიური მდგომარეობიდან გამომდინარე, სადაც ჩვენ ამ ტესტებს დავაგზავნით-ამის შესახებ ჯანდაცვის მინისტრმა იმედის გადაცემა „ღია ეთერში“ განაცხადა.

09 აპრილი 2020, 00:00

COVID19

„ვიშეგრადის ოთხეული“ პროგრამას იწყებს, რომლის ფარგლებში აღმოსავლეთ პარტნიორობის ქვეყნები 250 000 ევროს დახმარებას მიიღებენ კორონავირუსთან საბრძოლველად

„ვიშეგრადის ოთხეულისა“ და აღმოსავლეთ პარტნიორობის საკითხებზე ვიდეოკონფერენცია ჩატარდა. ვიდეოკონფერენციის მთავარი თემა აღმოსავლეთ პარტნიორობის მომავალს ეხებოდა ივნისში დაგეგმილი სამიტის წინ, რომელზეც სავარაუდოდ ევროკავშირის სამეზობლო პოლიტიკის ახალი ხედვა დამტკიცდება.

08 აპრილი 2020, 23:57

COVID19

დავით ზალკალიანი: არსებობს სპეციალური ფონდი და თუ ვინმეს დახმარების სურვილი აქვს, თანხა ჩარიცხოს ამ ფონდში

ძალიან ბევრი სპეკულაციაა, მათ შორის ოპონენტების მხრიდან და უსამართლო. საზოგადოების შეცდომაში შეყვანის მრავალი მცდელობა გვაქვს და ამას ყოველდღიურად ვაწყდებით, - ამის შესახებ საგარეო საქმეთა მინისტრმა „ღია ეთერში“ განაცხადა. დავით ზალკალიანმა, ერთ კონკრეტულ მაგალითზე ისაუბრა, თბილი-ათენი-თბისის მიმართულებით მიმართულებით შესრულებულ ავიარეისზე მომხდარი ფაქტი გაიხსენა.

ეკატერინე ტიკარაძე

08 აპრილი 2020, 23:55

COVID19

ეკატერინე ტიკარაძე: მოვუწოდებ ჩვენს მოქალაქეებს, 112-ზე ზარის შემთხვევაში დააფიქსირონ რეალური ჩივილები

„მდგომარეობა, რა თქმა უნდა, ნელნელა რთულდება, გამომდინარე იქიდან, რომ გვაქვს ამ ეტაპისთვის რამდენიმე ახალი კლასტერი, რომელსაც ინტენსიურად იძიებენ ჩვენი ეპიდემიოლოგები და ძიების დასრულების შემდეგ გვექნება უფრო დეტალური ინფორმაცია, თუ რა მოცულობისაა ეს კლასტერი, რა სირთულისაა ამ კლასტერის შტო და რამდენად შორსაა წასული პროცესი, ვინაიდან ჩვენ უკვე ვვარაუდობთ, რომ დაწყებულია შიდა გავრცელება." - აცხადებს ეკატერინე ტიკარაძე.

დავით ზალკალიანი

08 აპრილი 2020, 23:54

COVID19

დავით ზალკალიანი: პოლონურმა ავიაკომპანია „ლოტმა“ შეთანხმებულ დროზე ადრე გაყიდა 37 ბილეთი

პოლონეთთან დაკავშირებით იყო პრეტენზიები, რომ სწრაფად გაიყიდა ბილეთები. ეს ავიარეისი შეასრულა „ლოტმა“, პოლონურმა ავიახაზებმა - ამის შესახებ საგარეო საქმეთა მინისტრმა იმედის გადაცემა „ღია ეთერში“ განაცხადა. მინისტრის განმარტებით, პოლონურმა ავიაკომპანიამ შეთანხმებულ დროზე ადრე დაიწყო ბილეთების გაყიდვა. დავით ზალკალიანი ასევე საზოგადოებას ამშვიდებს და მბობ, რომ საკონსულოები მუდმივად მუშაობენ იმ ადამიანების აღრიცხვაზე ვისაც სამშობლოში დაბრუნება უნდათ. მინისტრის თქმით საჭიროების შემთხვევაში სპცრეისები არ შეჩერდება