imedi /  16 ივლისი 2020, 12:44 / სანდო წყარო

კურორტ ბაკურიანის მართვის გაუმჯობესების მიზნით, ბორჯომის მუნიციპალიტეტი სსიპ-ს დააფუძნებს

ბაკურიანი

ბაკურიანი

კურორტ ბაკურიანის მართვის გაუმჯობესების მიზნით, ბორჯომის მუნიციპალიტეტი საჯარო სამართლის იურიდიულ პირს დააფუძნებს. ინფორმაციას ამის შესახებ რეგიონული განვითარებისა და ინფრასტრუქტურის სამინისტრო ავრცელებს.

ბორჯომის მუნიციპალიტეტი პირველია, რომელსაც საქართველოს მთავრობამ უფლება მისცა შექმნას საჯარო სამართლის იურიდიული პირი კურორტ ბაკურიანის ეფექტურად მართვის მიზნით. ამ უფლების განსახორციელებლად, პირველ ეტაპზე, დაბა ბაკურიანი და სოფელი მიტარბი განისაზღვრა იმ დასახლებათა ერთობლიობად, რომელშიც ბორჯომის მუნიციპალიტეტის საკრებულო დააფუძნებს ახალ მართვის ორგანოს.

2019 წელს, რეგიონული განვითარებისა და ინფრასტრუქტურის სამინისტროს ინიციატივით, მომზადდა ტურისტულად დატვირთული დასახლებების მართვის განსხვავებული მოდელი. ასეთი მოდელის შემუშავება განაპირობა კურორტების ადმინისტრირებასთან დაკავშირებულმა პრობლემებმა, რაც მეტწილად გამოწვეულია თვითმმართველობებში არასაკმარისი ფინანსური და ადამიანური რესურსით.

სამინისტროს მიერ შემუშავებული მოდელის სამართლებრივი საფუძვლისთვის მომზადებული „ადგილობრივი თვითმმართველობის კოდექსში“ შესატანი ცვლილების პროექტი დაამტკიცა საქართველოს პარლამენტმა.

კანონში შეტანილი ცვლილებებით, მუნიციპალიტეტებს მიეცათ შესაძლებლობა, საკრებულოების გადაწყვეტილებით, შექმნან საჯარო სამართლის იურიდიული პირი, რომელიც პასუხისმგებელი იქნება ისეთი მუნიციპალური სერვისების მიწოდებაზე, როგორებიცაა: ტერიტორიის კეთილმოწყობის და შესაბამისი საინჟინრო ინფრასტრუქტურის განვითარება, ქუჩების დასუფთავება და ნარჩენების მართვა, ადგილობრივი მნიშვნელობის საავტომობილო გზების მართვა, პარკირების უზრუნველყოფა, მშენებლობის ნებართვის გაცემა, მშენებლობაზე ზედამხედველობა, გარე რეკლამის განთავსების ადმინისტრირება. ამასთან, სსიპ-ს მიეცემა ისეთი უფლებები, როგორებიცაა ადგილობრივი მნიშვნელობის გზებზე საგზაო მოძრაობის და მოსახლეობის მუნიციპალური ტრანსპორტით მომსახურების ორგანიზება, გარე ვაჭრობის ადმინისტრირება, გამოფენების, ბაზრობების გამართვის ორგანიზება, საჯარო ადგილების გამწვანება, უპატრონო ცხოველებთან დაკავშირებული საკითხების გადაწყვეტა და სხვა.

ეფექტიანი საჯარო მმართველობის განხორციელება, მოსახლეობისა და დაინტერესებული მხარეებისთვის სერვისების შეუფერხებლად მიწოდება, განსაკუთრებით მნიშვნელოვანია ისეთ მუნიციპალიტეტებში, სადაც არსებობს სწრაფი ეკონომიკური განვითარების პირობები, მზარდია ტურიზმი და ინვესტიციების მოცულობა. შესაბამისად, მსგავსი უფლებებით აღჭურვილი მართვის ორგანო აუცილებელია ისეთი ტიპის საკურორტო თუ ტურისტულად აქტიური დასახლებებისთვის, როგორებიცაა ბაკურიანი, გუდაური, უშგული, ბახმარო, ურეკი, თუშეთი და სხვა.

დასახლებებს, სადაც უნდა ამოქმედდეს მართვის ახალი მოდელი, მუნიციპალიტეტთან შეთანხმებით, განსაზღვრავს საქართველოს მთავრობა, ხოლო სსიპ-ის დაფუძნების საკითხს დამოუკიდებლად გადაწყვეტს მუნიციპალიტეტი. ამასთან, მუნიციპალიტეტების უფლება შექმნან სსიპ-ები, იმოქმედებს 2030 წლამდე, რის შემდეგაც გადაიხედება ასეთი მოდელის მოქმედების საჭიროება.

ბაკურიანის განვითარებისათვის ინფრასტრუქტურის სამინისტრო 58 მილიონი ლარის 8 პროექტს ახორციელებს.

უკვე დასრულდა ბაკურიანის შემოვლითი 3 კილომეტრიანი გზის მშენებლობა, რომელმაც განტვირთა ბაკურიანი საცობებისაგან და მნიშვნელოვნად მოაწესრიგა დაბაში ავტოტრანსპორტის გადაადგილება.

დასრულდა ბაკურიანის სოფელ ანდეზიტთან და სოფელ ციხისჯვართან დამაკავშირებელი 7.5 კილომეტრიანი გზის მშენებლობა და მიტარბი-კოხტას საბაგირომდე მისასვლელი 3 კილომეტრამდე გზისა და დიდველზე 150 მანქანაზე გათვლილი პარკინგის გაფართოების სამუშაოებიც.

დაბაში აშენდა პოლიციის ახალი ორსართულიანი შენობა, მოეწყო ბაკურიანის წრიული ბილიკი და გზა. ამ ეტაპზე მიმდინარეობს განათების მონტაჟისთვის შესყიდვის პროცედურები.

ასევე, დაწყებულია ბაკურიანის ურბანული განახლების პროექტის მომზადება. პროექტის ფარგლებში შემუშავდება სატრანსპორტო და საფეხმავლო მოძრაობის გეგმა, დაბის ცენტრალური ნაწილის განახლების, საზოგადოებრივი ტრანსპორტის ქსელის, ცენტრალური სატრანსპორტო სადგურის საპროექტო დოკუმენტაცია. შემუშავებული პროექტების მიხედვით დაიწყება სამშენებლო სამუშაოები.

ინფრასტრუქტურის სამინისტროს მუნიციპალური განვითარების ფონდის დაკვეთით შემუშავებულია ბაკურიანის რეკრეაციულ პარკის რეაბილიტაციის პროექტიც და მიმდინარეობს სამშენებლო სამუშაოების დასაწყებად საჭირო პროცედურები.

მუნიციპალური განვითარების ფონდი ბაკურიანისთვის 26 ერთეულ ტექნიკასაც შეიძენს. აქედან, 10 სათხილამურო კურორტებისთვის ადაპტირებული ავტობუსი ნოემბერში, ხოლო 13 ერთეული სპეციალური ტექნიკა წლის ბოლომდე გადაეცემა კურორტს.

ყველა სიახლე

ენტონი ფაუჩი

06 აგვისტო 2020, 01:04

COVID19

ენტონი ფაუჩი: სირცხვილი ჩვენ, თუ კორონავირუსის პანდემიის შემდეგი აფეთქებისთვის მზად არ ვიქნებით

აშშ-ის ალერგიისა და ინფექციური დაავადებების ეროვნული ინსტიტუტის ხელმძღვანელმა, ენტონი ფაუჩიმ განაცხადა, რომ უნივერსალური ვაქცინა ერთ-ერთი გაკვეთილია, რომელიც Covid-19-ის პანდემიისგან უნდა ვისწავლოთ.

პინგვინები

06 აგვისტო 2020, 00:52

ტექნოლოგიები

მეცნიერებმა ანტარქტიდაზე პინგვინების ახალი კოლონიები აღმოაჩინეს

ანტარქტიკის შესწავლის ბრიტანულმა ცენტრმა ამისთვის ევროპული სატელიტი Sentinel-2 გამოიყენა, რომელმაც პინგვინების ბინადრობის აქამდე უცნობი კვალის საძიებლად კონტინენტის ზედაპირის სკანირება განახორციელა. კოსმოსიდან გაკეთებულ ფოტოებზე მათ ყინულზე პინგვინების განავლის (გუანო) ფართო ლაქებით აფიქსირებენ.

ჯუზეპე პატერნო

06 აგვისტო 2020, 00:36

ტაბლოიდი

96 წლის იტალიელმა ოცნება აისრულა და ბაკალავრის დიპლომი მიიღო

2017 წელს კი პალერმოს უნივერსიტეტის ფილოსოფიის ფაკულტეტზე ჩააბარა. როცა სწავლა დასასრულს უახლოვდებოდა მსოფლიოში კორონავირუსის პანდემია დაიწყო და უნივერსიტეტი დისტანციურ სწავლებაზე გადავიდა. პატერნოს კომუნიკაციის ახალი საშუალებების ათვისება მოუწია და ამ ამოცანას თავი წარმატებით გაართვა. მას ბაკალავრის პირველი ხარისხის დიპლომი გადასცეს.

საგარეო საქმეთა სამინისტრო

06 აგვისტო 2020, 00:24

პოლიტიკა

საგარეო საქმეთა სამინისტრო: გაეროს უშიშროების საბჭოს წევრებმა მტკიცედ განაცხადეს საქართველოს დამოუკიდებლობის, სუვერენიტეტისა და ტერიტორიული მთლიანობის უპირობო მხარდაჭერა

5 აგვისტოს გაეროს უშიშროების საბჭოს დახურულ სხდომაზე განიხილეს საკითხი - „მდგომარეობა საქართველოში“. ინფორმაციას ამის შესახებ საქართველოს საგარეო საქმეთა სამინისტრო ავრცელებს. უწყებაში აღნიშნავენ, რომ სხდომის დასრულების შემდგომ, ბელგიის, ესტონეთის, საფრანგეთის, გერმანიის, დიდი ბრიტანეთის, აშშ-ს, აგრეთვე ირლანდიისა და ნორვეგიის სახელით გაეროში გერმანიის მუდმივი წარმომადგენლის მოადგილემ გააკეთა განცხადება პრესისათვის. აღინიშნა, რომ 7 აგვისტოს რუსეთ-საქართველოს კონფლიქტის დაწყებიდან 12 წელი სრულდება.

ჯანო ანანიძე

05 აგვისტო 2020, 23:54

სპორტი

ჯანო ანანიძე კარიერას „როტორში“ გააგრძელებს

ჯანო ანანიძე კარიერას „როტორში“ გააგრძელებს. რუსეთის ცნობილი სპორტული ვებ-გვერდის, Championat.com-ის ცნობით, საქართველოს ნაკრების ფეხბურთელმა ერთწლიანი კონტრაქტის გაფორმების თაობაზე, ვოლგოგრადის კლუბთან წინასწარ შეთანხმებას უკვე მიაღწია და ტრანსფერი ოფიციალურად უახლოეს მომავალში გამოცხადდება. ანანიძე ბოლოს კვიპროსის „ანორთოსისში“ გამოდიოდა, რომელთანაც ხელშეკრულება 31 მაისს ამოეწურა და მას შემდეგ თავისუფალი აგენტია. 2009-2020 წლებში კი ჯანო „სპარტაკში“ თამაშობდა და მოსკოვის გუნდის შემადგენლობაში 2017 წელს რუსეთის პრემიერლიგა და ქვეყნის სუპერთასი მოიგო.

05 აგვისტო 2020, 23:53

პოლიტიკა

ალექსანდრე ხვთისიაშვილმა საქართველოში იაპონიის ელჩთან შეხვედრა გამართა

საგარეო საქმეთა მინისტრის მოადგილემ, ალექსანდრე ხვთისიაშვილმა საქართველოში იაპონიის საგანგებო და სრულუფლებიან ელჩთან, ტადაჰარუ უეჰარასთან შეხვედრა გამართა, - ამის შესახებ ინფორმაციას საქართველოს საგარეო საქმეთა სამინისტრო ავრცელებს.

დავით ზალკალინი

05 აგვისტო 2020, 23:42

პოლიტიკა

დავით ზალკალიანმა გაეროს წევრებს რუსეთ-საქართველოს ომის წლისთავთან დაკავშირებით გამოქვეყნებული განცხადებისთვის მადლობა გადაუხადა

„მინდა მადლობა გადავუხადო საქართველოს მეგობრებს - ესტონეთს, ბელგიას, გერმანიას, საფრანგეთს, გაერთიანებულ სამეფოს, აშშ-ს, ნორვეგიასა და ირლანდიას, გაეროს უსაფრთხოების საბჭოზე რუსეთის მხრიდან საქართველოს რეგიონების უკანონო ოკუპაციისა და მოცემულ ტერიტორიებზე ჰუმანიტარული სიტუაციის გაუარესების საკითხების განხილვისთვის“,- წერს ზალკალიანი Twitter-ის პირად გვერდზე.

გაერო

05 აგვისტო 2020, 23:41

პოლიტიკა

გაეროში ესტონეთის მუდმივი წარმომადგენლობა საქართველოს მხარდამჭერ განცხადებას ავრცელებს

„რუსეთის სამხედრო ძალების ხანგრძლივი ყოფნა საქართველოს რეგიონებში - აფხაზეთსა და სამხრეთ ოსეთში, ისევე როგორც რუსეთის მიერ ამ რეგიონების ე.წ. დამოუკიდებლობის აღიარება ზიანს აყენებს საქართველოს ტერიტორიულ მთლიანობას და სუვერენიტეტს“, - ნათქვამია განცხადებაში.

05 აგვისტო 2020, 23:32

COVID19

საფრანგეთში გასული დღე-ღამის განმავლობაში კორონავირუსის 1 695 ახალი შემთხვევა დადასტურდა

საფრანგეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 1 695 ახალი შემთხვევა დადასტურდა, რაც ბოლო ორი თვის განმავლობაში ინფიცირების ყველაზე მაღალი დღიური მაჩვენებელია.

დონალდ ტრამპი

05 აგვისტო 2020, 23:19

COVID19

დონალდ ტრამპი: სკოლები უნდა გაიხსნას

აშშ-ის პრეზიდენტმა, დონალდ ტრამპმა განაცხადა, რომ ქვეყანაში სკოლებში სასწავლო პროცესი უნდა აღდგეს.

თურქეთი კორონავირუსი

05 აგვისტო 2020, 22:54

COVID19

თურქეთში კორონავირუსის ახალი შემთხვევების დღიურმა მაჩვენებელმა ათასს გადააჭარბა

ქვეყანაში კოვიდინფიცირების 236 112 შემთხვევაა დადასტურებული, გარდაიცვალა 5 784 ადამიანი, 219 506-მა კი ვირუსის დამარცხება შეძლო.

კინო სერიალები

05 აგვისტო 2020, 22:36

კულტურა

დასახელდა სერიალები, რომლებსაც არალეგალურად ყველაზე ხშირად უყურებენ

ერთადერთი პლატფორმა, რომლის შოუც სიაში ორჯერ აღმოჩნდა, ტელეკომპანია The CW გახდა. სპეციალისტები ამას ბოლო დროს სტრიმინგ-სერვისების ამუშავებას უკავშირებენ, რომელთა შორის საკმაოდ ძლიერი კონკურენციაა.

05 აგვისტო 2020, 22:28

მსოფლიო

ბეირუთში აფეთქების შედეგად დანგრეული საავადმყოფოდან ექთანმა სამი ახალშობილი გამოიყვანა

ლიბანელი ფოტოგრაფი, ბილალ ჯავიჩი ბეირუთში მომხდარი მძლავრი აფეთქების შემდეგ გადაღებულ ფოტოს ავრცელებს, რომელზეც ჩანს, თუ როგორ გამოჰყავს ექთანს სამი ახალშობილი აფეთქების შედეგად დაზიანებული ერთ-ერთი საავადმყოფოდან.

05 აგვისტო 2020, 22:23

სპორტი

19 წლის ფეხბურთელი გოგონა ნიდერლანდების სამოყვარულო ჩემპიონატში მამაკაცებთან ერთად ითამაშებს

19 წლის ფეხბურთელი გოგონა, ელენ ფოკემი მამაკაცთა შორის ნიდერლანდების სამოყვარულო ჩემპიონატში გამოვა. ასეთი ექსპერიმენტის ჩატარება ქვეყნის ფეხბურთის ფედერაციის ხელმძღვანელებმა გადაწყვიტეს, რითაც სურთ იმის გარკვევა, რამდენად შესაძლებელია ქალების მამაკაცთა ჩემპიონატში ინტეგრირება. ფოკემი უკვე ვარჯიშობს „ფოარუტის“ შემადგენლობაში და მომავალი მატჩებისთვის ემზადება. როგორც ნიდერლანდების ფეხბურთის ფედერაციის ხელმძღვანელები აცხადებენ, თუ ექსპერიმენტმა გაამართლა, ისინი ქალ ფეხბურთელებს მამაკაცთა გუნდებში უახლოეს მომავალშიც მიიწვევენ.

05 აგვისტო 2020, 21:59

სამართალი

შსს: დგინდება, რომ კომპანია „ზეგ“ არ ოპერირებს საქართველოში და მისი საქმიანობის შესასწავლად საგამოძიებო მოქმედებები გრძელდება

„ამ ეტაპზე დგინდება, რომ კომპანია „ზეგ“ არ ოპერირებს საქართველოში და მისი საქმიანობა დაკავშირებულია საერთაშორისო შეკვეთებთან. კომპანიის საქმიანობის შესწავლის მიზნით გრძელდება საგამოძიებო მოქმედებები. თამარ ბაჩალიაშვილის საქმეზე ინტენსიურად გრძელდება გამოძიება, მიმდინარეობს ექსპერტიზები. სამინისტრო აქტიურ კომუნიკაციაშია ოჯახთან. აღნიშნულ საქმესთან დაკავშირებით პერიოდულად მოხდება საზოგადოების ინფორმირება“, - ნათქვამია უწყების განცხადებაში.

05 აგვისტო 2020, 21:42

სამართალი

შსს: თამარ ბაჩალიაშვილი გაუჩინარებამდე ერთი თვით ადრე Google-ში სუიციდის მეთოდებს ეძებდა, წინა დღეს კი არკვევდა რა მოუვა მის ფეისბუქ-ანგარიშს მისი გარდაცვალების შემთხვევაში

შინაგან საქმეთა სამინისტრო თამარ ბაჩალიაშვილის საქმის გამოძიების მიმდინარეობასთან დაკავშირებით განცხადებას ავრცელებს. გვსურს საზოგადოებას მივაწოდოთ შუალედური ინფორმაცია თამარ ბაჩალიაშვილის საქმის გამოძიების მიმდინარეობასთან დაკავშირებით.

05 აგვისტო 2020, 21:30

საზოგადოება

მაშველებმა ახალგაზრდა გოგო გადაარჩინეს

მაშველებმა ახალგაზრდა გოგო გადაარჩინეს. სამაშველო სამსახურის წარმომადგენლების ოპერატიული მუშაობის შედეგად, გოგოს მდინარე მტკვრიდან უვნებლად ამოიყვანა მოხერხდა, - ამის შესახებ ინფორმაციას საგანგებო სიტუაციების მართვის სამსახური ავრცელებს.

05 აგვისტო 2020, 21:28

COVID19

აშშ-ში კორონავირუსით გარდაცვლილთა რიცხვმა 157 ათასს გადააჭარბა

ჯონს ჰოპკინსის უნივერსიტეტის მონაცემებით, აშშ-ში კორონავირუსით გარდაცვლილთა რიცხვმა 157 ათასს გადააჭარბა.

კორონავირუსი ესპანეთი

05 აგვისტო 2020, 21:21

COVID19

ესპანეთში კარანტინის დასრულების შემდეგ კორონავირუსის ახალი შემთხვევების ყველაზე მაღალი მაჩვენებელი დაფიქსირდა

ქვეყანაში კარანტინის დასრულების შემდეგ ეს ყველაზე მაღალი დღიური მაჩვენებელია. ამასთან, გარდაიცვალა კიდევ ერთი პაციენტი და ჯამში ქვეყანაში COVID-19-ს 28 499 ადმიანი ემსხვერპლა.

05 აგვისტო 2020, 21:18

COVID19

ჯანმო ახალგაზრდებს: დაუსვით საკუთარ თავს კითხვა - ნამდვილად მჭირდება წვეულებაზე წასვლა?

ჯანდაცვის მსოფლიო ორგანიზაციის საგანგებო პროგრამების აღმასრულებელმა დირექტორმა, მაიკ რაიანმა განაცხადა, რომ ახალგაზრდებმა უნდა გადახედონ სოციალურ შეკრებებზე დასწრების ჩვევას.