თეა წულუკიანი: ვეწვიეთ გელათს, რათა ჩვენი თვალით გვენახა, თუ რა ხარვეზები იყო დაშვებული ჩატარებული სამუშაოების დროს

ჩვენ ვეწვიეთ გელათს, რათა ჩვენი თვალით გვენახა, თუ რა ხარვეზები არსებობს ჩატარებული სამუშაოებისას, მოგვესმინა იმ კერძო კომპანიისთვის, რომელიც სრულად სავარაუდოდ ვერ აცნობიერებს თავის პასუხისმგებლობას - თუ რა ტიპის ძეგლთან აქვს საქმე, და დაგვესახა გზები სპეციალისტების აზრის გათვალისწინებით, თუ რა შეიძლება იყოს ხარვეზების აღმოფხვრის გრძელვადიანი გზა, - ამის შესახებ განათლების, მეცნიერების, კულტურისა და სპორტის საკითხთა კომიტეტის თავმჯდომარემ, თეა წულუკიანმა განაცხადა.

„ჩვენი კომიტეტი დაინტერესდა გელათის საკითხით, ვინაიდან ჩვენი ფუნქცია არ არის და ვერ იქნება შორიდან პრობლემების ყურება იმ დარგში, რომელზეც ჩვენ ვართ პასუხიამგებელი. შესაბამისად, ჩვენ ვეწვიეთ გელათს, რათა ჩვენი თვალით გვენახა, თუ რა ხარვეზები არსებობს ჩატარებული სამუშაოებისას, მოგვესმინა იმ კერძო კომპანიისთვის, რომელიც სრულად სავარაუდოდ ვერ აცნობიერებს თავის პასუხისმგებლობას - თუ რა ტიპის ძეგლთან აქვს საქმე, და დაგვესახა გზები სპეციალისტების აზრის გათვალისწინებით, თუ რა შეიძლება იყოს ხარვეზების აღმოფხვრის გრძელვადიანი გზა.

სასიამოვნო და აღსანიშნავი ის არის, რომ ამ წუთებში, როგორც ირკვევა, სავარაუდოდ, ის დროებითი გადახურვა, რომელიც არსებობს, დროებით უზრუნველყოფს იმას, რომ წყალი აღარ ჩადიოდეს, მაგრამ ჩვენ გამოვეცით დღეს დადგენილება, რომელშიც მოცემულია მრავალი რეკომენდაცია კულტურული მემკვიდრეობის დაცვის სააგენტოსადმი და კერძო კომპანიისადმი - დაწყებული იქიდან, რომ ზოგიერთი ღარები დასალუქია და პირდაპირ კედელში არ უნდა იღვრებოდეს წყლის ჭავლი, რომელიც 12 საუკუნის ქვებს აზიანებს. დაწყებული ასეთი თითქოსდა მარტივი საკითხებით, დასრულებული რეკომენდაციით, რომ კვლევის გრაფიკი უნდა შემუშავდეს, რათა ჩვენ დოკუმენტურად და არა ზეპირი მონაყოლით ვიცოდეთ, თუ რა მდგომარეობაშია მთავარი ტაძარი და წმინდა გიორგის ტაძარი. მე ვიტყოდი, რომ ეს იყო გრძელი ვიზიტი, ხანგრძლივი, მაგრამ ძალიან ნაყიფიერი სხდომა, რომლითაც ყველა მონაწილე იყო კმაყოფილი, იმიტომ რომ რეალური დისკუსია შედგა“, - განაცხადა წულუკინმა.