28 ნოემბერი 2022, 12:03 / სანდო წყარო

ხათუნა ბურკაძემ და ვალერი ჩეჩელაშვილმა, ეროვნული თანხმობის აკადემიური პლატფორმის ფარგლებში, ეროვნული თანხმობის დეკლარაცია ზუგდიდში წარადგინეს

„ჯეოქეისისა“ და საქართველოს სტრატეგიული ანალიზის ცენტრის (GSAC) თანამშრომლობით, „ეროვნული თანხმობის აკადემიური პლატფორმის“ ფარგლებში, ეროვნული თანხმობის დეკლარაცია შემუშავდა.

„ჯეოქეისის“ ინფორმაციით, პრეზენტაცია ზუგდიდის სახელმწიფო სასწავლო უნივერსიტეტში გაიმართა. ეროვნული თანხმობის პლატფორმის მიზანია ხელი შეუწყოს საზოგადოებაში პოლარიზაციის შემცირებას და შექმნას საერთო ღირებულებებზე დაფუძნებული მრავალმხრივი თანამშრომლობის პლატფორმა თავდაპირველად სამოქალაქო საზოგადოებასა და აკადემიურ წრეებში, ხოლო შემდეგ ეტაპზე - ფართო საზოგადოებაში. პროექტი ხორციელდება საქართველოში ამერიკის შეერთებული შტატების საელჩოს მხარდაჭერითა და დაფინანსებით.

ეროვნული თანხმობის აკადემიური პლატფორმის წარმომადგენლები ზუგდიდის სახელმწიფო სასწავლო უნივერსიტეტის სტუდენტებსა და აკადემიურ პერსონალს შეხვდნენ. მათთან ერთად პოლარიზაციის შემცირების მნიშვნელობასა და ამ პროცესში აკადემიური, სამოქალაქო საზოგადოების ჩართულობის შესახებ იმსჯელეს.

„საქართველოს საზოგადოება გახლეჩილია. ამ ნაპრალის ამოვსებასა და შევიწროვებაზე პოლიტიკური ელიტები თავს არ იწუხებენ. ამავდროულად საზოგადოების უდიდეს უმრავლესობას მიაჩნია, რომ დაპირისპირება და პოლარიზაცია წარმოადგენს საქართველოს წინაშე არსებულ უდიდეს და უმთავრეს გამოწვევას. ეს გვასუსტებს ჩვენ და აძლიერებს ჩვენ მტერს - ფრაგმენტირებული საზოგადოების მართვა გაცილებით მარტივია. სახელმწიფოს ვალდებულებაა უზრუნველყოს საკუთარი მოქალაქეებისათვის უსაფრთხოება, კეთილდღეობა და განვითარების პერსპექტივები. დაპირისპირების დასრულების გარეშე ამ ამოცანების შესრულება რთულად წარმოსადგენია“, - განაცხადა GSAC-ის მმართველობის წევრმა, ელჩმა ვალერი ჩეჩელაშვილმა.

მისივე თქმით, საქართველო იყო და არის ნატოსა და ევროკავშირის მთავარი პარტნიორი სამხრეთ კავკასიაში.

„ჩვენი ამბიცია იმაშია, რომ გავხდეთ ევროკავშირისა და ნატოს სრულუფლებიანი წევრი. ამისათვის აუცილებელია ქვეყანაში დამკვიდრდეს ევროპული თანამშრომლობისა და პოლიტიკური კულტურის სტანდარტები. ამასთან რადიკალურად იცვლება საერთაშორისო კონტექსტი. ჩვენ გავხდით უკრაინაზე რუსეთის ბარბაროსული აგრესიის მოწმენი. მაგრამ მამაცი უკრაინელი ხალხის თავდადებულმა წინააღმდეგობამ შექმნა ახალი რეალობა და გახსნა ახალი შესაძლებლობები. მათ შორის გაუხსნა საქართველოს ევროპული პერსპექტივა.

ამ ომში რუსეთის გარდაუვალი მარცხის შემდეგ დაიწყება მსოფლიო და რეგიონული ახალი უსაფრთხოების სისტემების ჩამოყალიბება. ესეც გააჩენს ახალ შესაძლებლობებს საქართველოსთვის. ჩვენ მოგვეცემა რეალური შანსი მშვიდობიანი გზით აღვადგინოთ ტერიტორიული მთლიანობა, რისთვისაც უნდა შევთავაზოთ ჩვენ აფხაზ და ოს თანამემამულეებს უსაფრთხოების, კეთილდღეობის და განვითარების პერსპექტივები საერთო ევროპულ სივრცეში - საქართველოსთან ერთად და საქართველოს შემადგენლობაში. ამისთვის ჩვენ უნდა გავხდეთ ერთიანი, ძლიერი და მიმზიდველი ქვეყანა. დაპირისპირების დასრულების გარეშე ჩვენ ამას ვერ მივაღწევთ. ეს გახლავთ ეროვნული თანხმობის დეკლარაციის სულისკვეთება და მთავარი მიზანი“, - განაცხადა ვალერი ჩეჩელაშვილმა.

„2022 წლის 24 თებერვალს რუსეთის მიერ უკრაინის წინააღმდეგ განხორციელებულმა ფართომასშტაბიანმა სამხედრო, აგრესიულმა მოქმედებებმა ყველაფერი შეცვალა. კიდევ უფრო მკაფიოდ დაგვანახა, რომ საერთაშორისო უსაფრთხოების სისტემა სერიოზული საფრთხეების წინაშეა. მსურს კიდევ ერთხელ გამოვხატო სოლიდარობა უკრაინელი ხალხის მიმართ. საქართველოც არაერთგზის აღმოჩნდა რუსეთის აგრესიული ქმედებების სამიზნე. მიმდინარე ოკუპაციის, ანექსიისა და რეგიონში არსებული მოვლენების ანალიზის ფონზე ცხადია, რომ პოლარიზაცია წარმოადგენს არა მხოლოდ ქვეყნის წინსვლის შემაფერხებელ ფაქტორს, არამედ ის სერიოზულ საფრთხეს უქმნის ჩვენს სახელმწიფოებრიობას“, - განაცხადა ანალიტიკურ ცენტრ „ჯეოქეისის“ საგარეო პოლიტიკის მიმართულების ხელმძღვანელმა, პროფესორმა ხათუნა ბურკაძემ.

მისივე განმარტებით, ძალთა კონსოლიდაცია და ეროვნული თანხმობის მიღწევა განაპირობებს ქვეყნის სტრატეგიული მიზნების უზრუნველყოფას. საერთო წარმატებისათვის ერთიანობაა საჭირო.

„გამაერთიანებელი მიზანი საერთო ძალისხმევას მოითხოვს. ეროვნული თანხმობის საფუძველზე ქვეყნის განვითარების საერთო დღის წესრიგი უნდა შემუშავდეს. სწორედ მის ფარგლებში განხორციელებული რეფორმები მოგვცემს ევროკავშირის წევრობის კანდიდატის სტატუსის მოპოვების შესაძლებლობას, რომელიც საქართველოს ევროპულ, უკეთეს მომავალს განსაზღვრავს. შიდა დაპირისპირებებს არ უნდა შევწიროთ გეოპოლიტიკური შესაძლებლობების გამოყენების პერსპექტივა, რის გარეშე გაგვიჭირდება ახალ საერთაშორისო წესრიგში სათანადო ადგილის დამკვიდრება.

ერთიანობით, პარტნიორების მხარდაჭერით, სწორი სტრატეგიული ხედვებითა და რეფორმების განხორციელებით უნდა შევძლოთ როგორც ქვეყნის უსაფრთხოების უზრუნველყოფა, ასევე ევროპული, ევროატლანტიკური მიზნების მიღწევა“,- აღნიშნა ხათუნა ბურკაძემ.

„შემოუერთდით „ეროვნული თანხმობის აკადემიური პლატფორმის“ მიერ შექმნილ დეკლარაციას. მოაწერეთ ხელი და გახდით მნიშვნელოვანი პროცესის მონაწილე“, - აცხადებენ „ჯეოქეისში“.

ყველა სიახლე

06 თებერვალი 2023, 00:52

ტაბლოიდი

კიტ ჰარინგტონი და როუზ ლესლი მეორე შვილს ელოდებიან

ჰარინგტონი და ლესლი HBO-ს ერთ-ერთ ყველაზე ცნობილ სერიალში ერთმანეთზე შეყვარებულ ჯონ სნოუსა და იგრიტის როლებს ასრულებდნენ. მსახიობებს შორის ნამდვილი გრძნობები გაჩნდა და 2018 წელს მათ შოტლანდიაში იქორწინეს. პირველი შვილი - ბიჭი, მათ 2021 წელს შეეძინათ.

მიხეილ დუნდუა

06 თებერვალი 2023, 00:50

ეკონომიკა

მიხეილ დუნდუა სანქციებზე: ჩვენი პოლიტიკა უკომპრომისოა საქართველოს დამოუკიდებლობასთან, ოკუპაციასთან მიმართებაში, მაგრამ რაც შეეხება ეკონომიკურ საკითხებს, ჩვენ მაქსიმალურად ვიცავთ მოსახლეობის ინტერესებს

არცერთ ნაბიჯს არ ვდგამთ, რათა საერთაშორისო სანქციებთან დაკავშირებით რაიმე დავარღვიოთ - ჩვენ ერთგული ვართ მისი დაცვის თვალსაზრისით, თუმცა ინდივიდუალური სანქციების დაწესება და ამ მიმართულებით ნაბიჯების გადადგმა, ვხედავთ, რომ შეუძლებელია საქართველოსთვის ეს სასიკეთოდ დასრულდეს, - ამის შესახებ ფინანსთა მინისტრის მოადგილემ, მიხეილ დუნდუამ გადაცემაში „იმედი LIVE“ განაცხადა.

მიხეილ დუნდუა

06 თებერვალი 2023, 00:26

ეკონომიკა

მიხეილ დუნდუა: შეუძლებელია საქართველომ ისეთი ეკონომიკური სანქცია დააწესოს, რომ არსებითი უარყოფითი გავლენა მოახდინოს რუსეთზე

„ახლა წარმოიდგინეთ ვითარება, როდესაც საქართველოს შეეძლო დაეწესებინა სანქციები. ხომ ადვილი მისახვედრია, რომ შეუძლებელია საქართველომ რუსეთის წინააღმდეგ დააწესოს ისეთი ეკონომიკური სანქცია, რომ არსებითი უარყოფითი გავლენა მოახდინოს რუსეთზე. რამდენჯერმე უფრო ძნელია საქართველოსთვის ამ პროცესში შესვლა დღეის მდგომარეობით, ვიდრე რუსეთისთვის“, - განაცხადა დუნდუამ.

ნინო ნადირაძე

06 თებერვალი 2023, 00:09

საზოგადოება

ნინო ნადირაძე: ყველამ თავისი სამედიცინო ლიცენზიის ფარგლებში უნდა ისაუბროს და ის კითხვები, რაც სააკაშვილის ადვოკატებს ჰქონდათ, მართლაც თუ აინტერესებდათ, ყველაზე პირველ მოწმედ მათ მისი მკურნალი ექიმისთვის უნდა დაეძახათ

მათი „ექსპერტებისგან“ განსხვავებით, რომლებიც თავს უფლებას აძლევენ, თავიანთ კომპეტენციებს, სალიცენზიო უფლებებს გასცდნენ და ისაუბრონ ყველაფერზე: ფსიქიატრს აქვს ისაუბროს გასტროენტეროლოგიაზე და ასე შემდეგ, მოკლედ, ასეთი გამოთქმა არსებობს, „ყველაფერჩიკები“ არიან, მე ძალიან კანონმორჩილი ადამიანი ვარ, - ამის შესახებ გადაცემაში „იმედი LIVE“ კლინიკა „ვივამედის“ გენერალურმა დირექტორმა, ნინო ნადირაძემ მიხეილ სააკაშვილის სასამართლო პროცესზე, მის გამოსვლასთან დაკავშირებით განაცხადა.

ნინო ნადირაძე

05 თებერვალი 2023, 23:45

საზოგადოება

ნინო ნადირაძე სააკაშვილზე: ჩემს ცხოვრებაში ასეთიც მოხდა, როდესაც პაციენტის ცუდად ყოფნა ხალხს უხარია. გული მტკივა ჩემი პაციენტის გამო

„გული მტკივა ჩემი პაციენტის გამო. როდესაც მე მისი ნებისმიერი პარამეტრის ცვლილებაზე ძალიან ავადმყოფური განცდა მაქვს, ეს ხალხი გვდარაჯობს, როდის გაუარესდება. ასეთი დამოკიდებულება პაციენტის მიმართ ჩემს პრაქტიკაში არ ყოფილა. ჩემს ცხოვრებაში ასეთიც მოხდა, როდესაც პაციენტის ცუდად ყოფნა ხალხს უხარია“, - აღნიშნა ნადირაძემ.

გოგა ხაინდრავა

05 თებერვალი 2023, 23:35

პოლიტიკა

გოგა ხაინდრავა ევროკავშირზე: მსგავსი პოლიტიკური განცხადებებია რომ ანგრევს იმ კავშირს. ის კავშირი საბჭოთა კავშირს დაემსგავსა, რადგან 308 დეპუტატი ისე იწევს ხელს, რომ არც კითხულობს, რეზოლუციაში რა წერია

მსგავსი პოლიტიკური განცხადებებია რომ ანგრევს იმ კავშირს. ის კავშირი საბჭოთა კავშირს დაემსგავსა, რადგან 308 დეპუტატი ისე იწევს ხელს, რომ არც კითხულობს, რეზოლუციაში რა წერია, - ამის შესახებ რეჟისორმა გოგა ხაინდრავამ გადაცემაში „იმედი LIVE“ ევროკავშირზე საუბრისას განაცხადა.

გოგა ხაინდრავა

05 თებერვალი 2023, 23:31

პოლიტიკა

გოგა ხაინდრავა: ქართული საზოგადოება მომწიფდა იმისთვის, რომ მთელი მსოფლიოსთვის განეცხადებინა, რომ ჩვენ ვართ სუვერენული ქვეყანა და ჩვენი ინტერესებიდან გამომდინარე ვიმოქმედებთ

„ყველაზე მნიშვნელოვანი, რაც ქართულმა საზოგადოებამ ამ 30 წლის განმავლობაში დაანახა მსოფლიოს არის ის, რომ ჩვენ გვაქვს უნარი შევქმნათ არა მარტო დამოუკიდებელი, არამედ სუვერენული ქვეყანა. ვერცერთი ხელისუფლება, თუ არ აქვს ძლიერი მხარდაჭერა, ვერასოდეს განახორციელებს ისეთ პოლიტიკას, რომელიც მას სურს. ქართული საზოგადოება მომწიფდა იმისთვის, რომ მთელი მსოფლიოსთვის განეცხადებინა, რომ ჩვენ ვართ სუვერენული ქვეყანა და ჩვენი ინტერესებიდან გამომდინარე ვიმოქმედებთ. ამას მოჰყვა საშინელი შტურმი ჩვენი ქვეყნის წინააღმდეგ“ - განაცხადა ხაინდრავამ.

ნინო ბერძული

05 თებერვალი 2023, 22:30

საზოგადოება

საქართველოში C ჰეპატიტის ელიმინაციის პროგრამის ახალი ეტაპი იწყება - „იმედის კვირის“ რეპორტაჟი

2015 წლიდან, 2021 წლის მონაცემებს რომ შევადაროთ, C ჰეპატიტის გავრცელება 67%-ით არის შემცირებული. 20/30-ის სამიზნე არის 90%. ეს არის გლობალური სამიზნე. ესაა ასევე ევროპის რეგიონის სამიზნე მაჩვენებელი, - განაცხადა „იმედის კვირასთან“ საუბრისას დოქტორმა, ჯანდაცვის მსოფლიო ორგანიზაციის ევროპის ქვეყნების ჯანდაცვის პროგრამის განყოფილების დირექტორმა, ნინო ბერძულმა.

05 თებერვალი 2023, 22:05

მსოფლიო

ავსტრიასა და შვეიცარიაში ალპებში ჩამოწოლილ ზვავებს მსხვერპლი მოჰყვა

დაღუპულთა შორის არიან ტურისტები ახალი ზელანდიიდან, ჩინეთიდან და გერმანიიდან. ავსტრიის მთავრობის მიერ ზვავსაშიშროების საფრთხის გამოცხადების მიუხედავად, სამთო-სათხილამურო კურორტებზე უამრავი ადამიანი იმყოფება, რადგანაც ამ პერიოდში სკოლებში ზამთრის არდადეგებია.

არჩილ თალაკვაძე

05 თებერვალი 2023, 21:31

პოლიტიკა

არჩილ თალაკვაძე „ნაცმოძრაობაზე“: გვადანაშაულებდნენ არაფორმალურ მმართველობაში და არაფორმალური მმართველობა მათ აქვთ. ეს გამოიხატება იმაში, რომ პარტიამ ხაბეიშვილი აირჩია. დღეს ის ზუსტად გამოხატავს „ნაციონალური მოძრაობის“ მდგომარეობას

„ისინი ითხოვდნენ მთავრობის გადადგომას და გადააყენეს თავისი თავმჯდომარე. ითხოვდნენ რიგგარეშე არჩევნებს და რიგგარეშე არჩევნები საკუთარ პარტიაში ჩაატარეს. გვადანაშაულებდნენ არაფორმალურ მმართველობაში და რეალურად დღეს არაფორმალური მმართველობა მათ აქვთ. პირველ რიგში ეს გამოიხატება იმაში, რომ პარტიამ როგორღაც ლევან ხაბეიშვილი აირჩია. დღეს ის ზუსტად გამოხატავს „ნაციონალური მოძრაობის“ მდგომარეობას“, - განაცხადა თალაკვაძემ.

ათონელი ბერი ნეოფიტე

05 თებერვალი 2023, 21:30

საზოგადოება

ათონელი ბერი ლევან ბერძენიშვილზე: ადამიანი თქვენს შვილებს ასწავლის, რომ ერეკლე მეფე იყო მოღალატე, ამით წამლავს და რყვნის მომავალ თაობას

ვიდეო მიმართვაში ათონელი ბერი ამბობს, რომ ლევან ბერძენიშვილი არის ადამიანი, რომელიც ებრძვის ღმერთს, დედა ეკლესიას, ჩვენს პატრიარქს, ჩვენს სასულიერო პირებს, ჩვენს სამშობლოს, მომავალ თაობას და მას შეურაცხყოფა კი არ მიაყენეს, სიმართლე უთხრეს პირში.

გია ცაგარეიშვილი

05 თებერვალი 2023, 21:14

პოლიტიკა

გია ცაგარეიშვილი გიგაურს: ქალბატონო ეკა, 2000-ლარიან გომურს და ბოსელს თქვენი ბელადი მიხეილ სააკაშვილი 8 მილიონად რომ ატენიდა ადამიანებს, მაშინ კლეპტოკრატია არ იყო ამ ქვეყანაში?

„ეტყობა ძალიან მოულოდნელი ამბავი იყო ამ ორგანიზაციისთვის. მომენტალურად დაიწყეს ამის გადაფუთვა და შემდეგ თავიანთი ვარიანტი შეასახეს საზოგადოებას, რომ თურმე კლეპტოკრატიული მმართველობაა ქვეყანაში. ქალბატონო ეკა, 2000-ლარიან გომურს და ბოსელს თქვენი ბელადი მიხეილ სააკაშვილი 8 მილიონად რომ ატენიდა ადამიანებს, მაშინ კლეპტოკრატია არ იყო ამ ქვეყანაში? და კეზერაშვილი 1 დღეში რომ თავდაცვის მინისტრობიდან გადადგა და მილიონერი გახდა ესეც კლეპტოკრატია არ იყო? რა იყო და რა არის კლეპტოკრატია?“ - ამბობს ცაგარეიშვილი.

შალვა პაპუაშვილი

05 თებერვალი 2023, 21:13

პოლიტიკა

შალვა პაპუაშვილი: სამწუხაროდ, ჩამოყალიბებულია გარკვეული ტრენდი, რომ საკუთარი ქვეყნის მიმართ უნდა იყო აბსოლუტურად ნეგატიურად განწყობილი და ნებისმიერ პოზიტიურ შეფასებაში ეძებო რაიმე, რომელიც კრიტიკულად შეიძლება წარმოსახო

სამწუხაროდ, ჩამოყალიბებულია გარკვეული ტრენდი, რომ საკუთარი ქვეყნის მიმართ უნდა იყო აბსოლუტურად ნეგატიურად განწყობილი და ნებისმიერ პოზიტიურ შეფასებაში ეძებო რაიმე, რომელიც კრიტიკულად შეიძლება წარმოსახო, - ამის შესახებ პარლამენტს თავმჯდომარემ, შალვა პაპუაშვილმა „იმედის კვირასთან“ საუბრისას განაცხადა.

ტატო გრიგალაშვილი

05 თებერვალი 2023, 20:55

სპორტი

ტატო გრიგალაშვილი პარიზის გრანდ სლემის გამარჯვებული გახდა

ტატო გრიგალაშვილმა (81 კგ) პარიზის გრანდ სლემზე ოქროს მედალი მოიპოვა. ქართველმა ძიუდოისტმა ფინალში გერმანელი ტიმო კუველიუსი იპონით დაამარცხა და საქართველოს ნაკრებს ტურნირზე მეორე ოქროს მედალი მოუტანა.

მაკა ბოჭორიშვილი

05 თებერვალი 2023, 20:49

პოლიტიკა

მაკა ბოჭორიშვილი რადიკალურ ოპოზიციაზე: რასაც ისინი სხვადასხვა ქვეყანაში ტირაჟირებენ, არის ის, რომ საქართველო არ იმსახურებს სტატუსს, საქართველოს აქვს ნაკლები პროგრესი ვიდრე უკრაინასა და მოლდოვას

რასაც ისინი სხვადასხვა ქვეყანაში ტირაჟირებენ, არის ის, რომ საქართველო არ იმსახურებს, საქართველოს არაფერი გაუკეთებია, საქართველოს აქვს ნაკლები პროგრესი ვიდრე უკრაინასა და მოლდოვას, - ამის შესახებ საპარლამენტო უმრავლესობის წევრმა, პარლამენტის ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა რადიკალურ ოპოზიციაზე საუბრისას განაცხადა.

ლევან მახაშვილი

05 თებერვალი 2023, 20:47

პოლიტიკა

ლევან მახაშვილი: ომის გამო ევროკავშირის მხრიდან უკრაინისადმი გარკვეული წახალისება, კეთილგანწყობა არსებობს

„ვიცით, რა მდგომარეობაშია ახლა უკრაინა. ეს არ არის ცარიელი სიტყვები, ნამდვილად ასეა - ომის გამო გარკვეული უპირატესობა, გარკვეული წახალისება, კეთილგანწყობა ევროკავშირის მხრიდან უკრაინისადმი არსებობს“, - განმარტავს მახაშვილი.

შალვა პაპუაშვილი

05 თებერვალი 2023, 20:30

პოლიტიკა

შალვა პაპუაშვილი: ოპოზიცია ამბობდა: „გასაჯაროვდეს კითხვარი, ჩვენ უნდა შევავსოთ, არ ვენდობით ხელისუფლებას“. შევსებული კითხვარის ყდასაც იწუნებდნენ. სწორად ამ კითხვარის საფუძველზე ევროკავშირმა საქართველოს ლიდერობა აღიარა

„როდესაც კითხვარი გადმოგვეცა, მთელი კამპანია იყო აწეული. ოპოზიცია ამბობდა: „გასაჯაროვდეს კითხვარი, ჩვენ უნდა შევავსოთ, არ ვენდობით ხელისუფლებას, რომ ის კარგად შეავსებს კითხვარს“. შემდეგ, გახსოვთ, რომ შევსებული კითხვარის ყდასაც იწუნებდნენ. ვნახეთ, რამდენად უსაფუძვლო იყო ის პანიკა, ვინაიდან სწორად ამ კითხვარის საფუძველზე ევროკავშირმა აღიარა საქართველოს ლიდერობა“, - განაცხადა პაპუაშვილმა.

არქიმანდრიტი იოსები (ბურჯანაძე)

05 თებერვალი 2023, 20:21

საზოგადოება

გელათის მონასტრის წინამძღვრის, არქიმანდრიტ იოსების ცხოვრების მძიმე ჯვარი - „იმედის კვირის“ რეპორტაჟი

გელათის მონასტრის წინამძღვრის გადარჩენა სამწუხაროდ, ვერ მოხერხდა. არქიმანდრიტმა, იოსებმა თავი გაწირა და სხვისი სიცოცხლის გადასარჩენად ცეცხლმოკიდებულ კელიაში შევიდა. გელათის მონასტრის წინამძღვარი უკანასკნელ გზაზე გუშინ ათასობით ადამიანმა გააცილა.

ბობი უხუცესი ძაღლი

05 თებერვალი 2023, 19:30

ტაბლოიდი

30 წლის ბობი ისტორიაში უხუცეს ძაღლად აღიარეს🐕

ბობი 1992 წლის მაისში დაიბადა. მისი პატრონი ლეონელ კოსტა მაშინ 8 წლის იყო. ოჯახში უკვე ბევრი ძაღლი ჰყავდათ, ამიტომ ბიჭის მშობლებმა ლეკვები ორმოში დატოვეს. მაგრამ ლეონელმა და მისმა ძმებმა ბობის გადარჩენა მოახერხეს და უფროსები მის სახლში დატოვებაზე დაითანხმეს.

ზურაბ აბაშიძე

05 თებერვალი 2023, 19:13

პოლიტიკა

ზურაბ აბაშიძე: ე.წ. პრაღის ფორმატში განვიხილავთ საქართველოსათვის საჭირბოროტო კონკრეტულ საკითხებს

ე.წ. პრაღის ფორმატში განვიხილავთ საქართველოსათვის საჭირბოროტო კონკრეტულ საკითხებს, რაც საერთო ჯამში, ბუნებრივია, დაკავშირებულია ქართული ტერიტორიების ბედთან, რომლებიც „ნაციონალური მოძრაობის“ ხელისუფლებაში ყოფნის დროსა და მისი ხელშეწყობით, ფაქტობრივად რუსეთმა მიისაკუთრა, - ამის შესახებ რუსეთთან ურთიერთობის საკითხებში პრემიერ-მინისტრის სპეციალურმა წარმომადგენელმა, ზურაბ აბაშიძე „იმედინიუსს“ განუცხადა.