ხაშურის მუნიციპალიტეტის ბავშვთა ქორეოგრაფიული ანსამბლი „ფრესკა“ სამდღიანი გასტროლიდან დაუჯერებელი წარმატებებით დაბრუნდა

ხაშურის მუნიციპალიტეტის ბავშვთა ქორეოგრაფიული ანსამბლი „ფრესკა“, მეზობელი თურქეთის რესპუბლიკის ქალაქ ორდუში თურქეთის შავი ზღვის აუზის ჟურნალისტთა ასოციაცია „19 სექტემბრის“ ხელმძღვანელობის პატრონაჟით გამართული სამდღიანი გასტროლიდან დაუჯერებელი წარმატებებით დაბრუნდა. ინფორმაციას ხაშურის კულტურის ცენტრების გაერთიანება ავრცელებს.

„ანსამბლის სამხატვრო ხელმძღვანელ ელენე რატიანი, ქორეოგრაფ გიორგი რატიანთან,ანსამბლის წევრებთან ადმინისტრაციის წარმომადგენლებთან და ოპერატორთან ერთად, თურქეთის რესპუბლიკაში ქ. ორდუს მერიისა და გუბერნიის ხელმძღვანელობით გაემგზავრა.ანსამბლს ბათუმში ღონისძიების პარტნიორი და საინფორმაციო მხარდამჭერი ტელეკომპანია ტვ12-აჭარას გენერალური დირექტორი, ქართული კულტურის რაინდი ჯემალ მეგრელიძე, პროექტის რეჟისორი რევაზ ბაინაზიშვილი და ტვ12-აჭარას გადამღები ჯგუფი შეუერთდა, რომელიც „ფრესკას“ უცხოური ტურნეს შესახებ სპეციალურ გადაცემას ამზადებს.ტურნეს ფარგლებში, ხაშურელ სტუმრებს თურქმა მასპინძლებმა დაუვიწყარი დღეები აჩუქეს, საინტერესო და ამაღელვებელი გახლდათ ოფიციალური სამთავრობო შეხვედრები ორდუს რეგიონის /ვალე/ გუბერნიასა და ქ. ორდუს მერიაში.

შეხვედრებზე ანსამბლ „ფრესკას“ სამხატვრო ხელმძღვანელმა ელენე რატიანმა მასპინძლებს გულთბილი დახვედრისთვის მადლობა გადაუხადა, სამახსოვრო საჩუქრები გადასცა და სახელდახელო სურათები გადაიღო.

განსაკუთრებით საპასუხისმგებლო და დაუვიწყარი გახლდათ „ფრესკას“ შემოქმედებით ცხოვრებაში, ქ. ორდუს ათა თურქის სახელობის სახელმწიფო კულტურის სასახლეში დაგეგმილი კონცერტი, რომელზე დასწრების მიზნით არა მარტო ორდუში მცხოვრები, არამედ მეზობელ ქალაქებში მცხოვრები „ჩვენებურები“ ჩავიდნენ, დარბაზში მაყურებლის ტევა არ იყო, ადგილობრივი პრესისა და ტელევიზიის წარმომადგენლები ქართული საცეკვაო ხელოვნების ხელთუქმნელმა სილამაზემ აღგვაფრთოვანა. თურქეთის პრესა და ტელევიზია ,,ფრესკას,,წარმატებულ კონცერტზე საუბრობს“, - აღნიშნულია ინფორმაციაში.