სოფელ შუქრუთის მოსახლეობის პროტესტის შედეგად წარმოშობილი ფინანსური კრიზისის გამო, „ჭიათურა მენეჯმენტ კომპანიმ“, მანგანუმის მადნის მოპოვებისა და გადამუშავების პროცესი სრულად გააჩერა

სოფელ შუქრუთის მოსახლეობის რადიკალური პროტესტის შედეგად წარმოშობილი ფინანსური კრიზისის გამო, ჭიათურაში სამთო-მოპოვებითი საქმიანობის მმართველმა კომპანიამ „ჭიათურა მენეჯმენტ კომპანიმ,“ მანგანუმის მადნის მოპოვებისა და გადამუშავების პროცესი სრულად გააჩერა.

საწარმოო პროცესის სრულად გაჩერების პირობებში, კომპანია თანამშრომლებს სთავაზობს ხელფასის 60%-ის ანაზღაურებასა და მოქმედი სადაზღვევო საოჯახო პაკეტის შენარჩუნებას.

როგორც კომპანიაში აცხადებენ, არსებულ მძიმე პირობებში, როდესაც საწარმოების დიდი ნაწილი 8 თვე გაჩერებული იყო, კომპანია თანამშრომლებს ხელფასს სრულად, 100%-ს უხდიდა. მომდევნო 4 თვის განმავლობაში, „ჭიათურა მენეჯმენტ კომპანი“ შეეცდება ყველა მხარესთან კრიზისის დაძლევის გეგმა შეათანხმოს.