რეგიონი

თეა ახვლედიანი

26 თებერვალი 2021, 23:34

თეა ახვლედიანი: ცხინვალის რეგიონში განთავსებული საოკუპაციო რეჟიმის სამხედრო შენაერთები უკანონო წვრთნებით პროვოკაციებს აგრძელებენ

თეა ახვლედიანის თქმით, ოკუპირებულ ცხინვალის რეგიონში უკანონო სამხედრო წვრთნები ბოლო რამდენიმე დღეა მიმდინარეობს. იქ განთავსებული საოკუპაციო რეჟიმის სამხედრო შენაერთები უკანონო წვრთნებით პროვოკაციებს აგრძელებენ. ახვლედიანმა აღნიშნა, რომ ამ ფაქტზე უკვე გააქტიურდა ცხელი ხაზი და ევროკავშირის სადამკვირვებლო მისია ინფორმირებულია. მინისტრმა დასძინა, რომ მსგავსი შემთხვევები განიხილება, როგორც ინციდენტების პრევენციისა და მათზე რეაგირების მექანიზმის ფარგლებში სამუშაო შეხვედრებზე, ისე ჟენევის დისკუსიებზე.

თეა ახვლედიანი

26 თებერვალი 2021, 20:50

თეა ახვლედიანი დეპუტატებთან ერთად ერგნეთში საოკუპაციო ხაზთან იმყოფებოდა

შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი საქართველოს დემოკრატიული რესპუბლიკის საბჭოთა ოკუპაციის 100 წლისთავისადმი მიძღვნილი კვირეულის ფარგლებში, სოფელ ერგნეთში საქართველოს რეგიონალური განვითარებისა და ინფრასტრუქტურის მინისტრის მოადგილესთან მზია გიორგობიანთან, პარლამენტის დეპუტატებთან და შიდა ქართლის გუბერნატორთან ერთად საოკუპაციო ხაზთან იმყოფებოდა.

26 თებერვალი 2021, 20:42

ზუგდიდში, რუსთაველის ქუჩაზე საგამოძიებო მოქმედებები დასრულდა

დევნის ოპერაციისას გარდაცვლილი, ყაჩაღობაში ბრალდებული 25 წლის მამაკაცი ქუთაისში, ექსპერტიზაზე გადაასვენეს. სამართალდამცავები და ექსპერტ-კრიმინალისტები შემთხვევის ადგილზე, დაახლოებით 6 საათის განმავლობაში მუშაობდნენ. ასევე, შეკრებილი იყვნენ გარდაცვლილის ოჯახის წევრები და ნათესავები.

26 თებერვალი 2021, 17:36

მცხეთა-მთიანეთში საბავშვო ბაღები სწავლის დასაწყებად სრულ მზადყოფნაში არიან

მცხეთა-მთიანეთის რეგიონში 1-ლი მარტიდან საბავშვო ბაღები გასახსნელად სრულ მზადყოფნაში არიან. აღნიშნულთან დაკავშირებით სამხარეო ადმინისტრაციის შენობაში მხარის სახელმწიფო რწმუნებულმა დავით ნოზაძემ შეხვედრა გამართა დუშეთის, მცხეთის, ახალგორის, თიანეთის და ყაზბეგის საბავშვო ბაღების გაერთიანების ხელმძღვანელებთან.

26 თებერვალი 2021, 15:38

თეა ახვლედიანი დევნილ და გამყოფ ხაზთან მცხოვრებ სტუდენტებს შეხვდა

,,თაობები ოკუპაციის წინააღმდეგ“ - ამ სახელწოდებით საქართველოს დემოკრატიული რესპუბლიკის საბჭოთა ოკუპაციის 100 წლისთავისადმი მიძღვნილი კვირეულის ფარგლებში, შერიგებისა და სამოქალაქო თანასწორობის საკითხებში სახელმწიფო მინისტრის აპარატის ორგანიზებით გორის სახელმწიფო უნივერსიტეტში ღონისძიება გაიმართა. ამის შესახებ ინფორმაციას შერიგებისა და სამოქალაქო თანასწორობის საკითხებში სახელმწიფო მინისტრის აპარატი ავრცელებს.

26 თებერვალი 2021, 14:49

ლაგოდეხში ავტოსაგზაო შემთხვევის შედეგად მცირეწლოვანი მძიმედ დაშავდა

ლაგოდეხში ავტოსაგზაო შემთხვევის შედეგად მცირეწლოვანი მძიმედ დაშავდა. ავარია სოფელ ნინიგორში ცოტა ხნის წინ მოხდა. Imedinews-ის ინფორმაციით, მიკროავტობუსს მცირეწლოვანმა გადაურბინა, რა დროსაც მოძრავ ტრანსპორტს შეეჯახა და ბიჭმა ქვედა კიდურის მრავლობითი მოტეხილობა მიიღო და ტვინის შერყევით სასწრაფო დახმარების ბრიგადამ ლაგოდეხის „არქიმედეს“ კლინიკაში გადაიყვანა.

26 თებერვალი 2021, 11:34

ბათუმში ვახო სანაიას სოლიდარობა გამოუცხადეს

„მე მაინც ვიტყვი!“, „ნუ ახალისებ ძალადობას“, „ჩვენ არ ვართ სუსტები, ჩვენ ვართ სოლიდარულები!“, - ამ ლოზუნგებით ბათუმში ვახო სანაიას სოლიდარობა გამოუცხადეს. სხვადასხვა მედიის წარმომადგენელი ევროპის მოედანზე შეკრიბა. მათი თქმით, ძალადობა ნებისმიერი სახით დასაგმობია. „ჟურნალისტები შევიკრიბეთ იმისთვის, რომ სოლიდარობა გამოვუცხადოთ ჩვენს კოლეგას, ვახო სანაიას. ძალადობა ნებისმიერი ფორმით დასაგმობია, სიძულვილი არ უნდა წახალისდეს და რაიმე ფორმით არ უნდა გამართლდეს. ველოდებით, რა სახის რეაგირება ექნება ფაქტზე საგამოძოებო ორგანოს“, - განაცხადა Tv 25-ის საინფრომაცი სამსახურის უფროსმა, სულხან მესხიძემ.

26 თებერვალი 2021, 10:38

მალხაზ თორია ,,სოფლის პროგრამით“ პრიორიტეტების შერჩევას სოფელ ლიასა და პალირში გაეცნო

წალენჯიხის მუნიციპალიტეტში ,,სოფლის მხარდაჭერის პროგრამის“ ფარგლებში, ადმინისტრაციულ ერთეულებში მოსახლეობასთან შეხვედრები მიმდინარეობს. ამის შესახებ ინფორმაციას სამეგრელო-ზემო სვანეთის სახელმწიფო რწმუნებულის პრესსამსახური ავრცელებს. მათივე ინფორმაციით, აღნიშნული პროგრამით განსახორციელებელი პრიორიტეტული პროექტებს მოსახლეობა სოფლის კრებებზე თავად ირჩევს. პროცესს სოფელ პალურსა და ლიაში სამეგრელო-ზემო სვანეთის სახელმწიფო რწმუნებული მალხაზ თორია, წალენჯიხის მერთან ბესიკ ფარცვანიასთან ერთად დაესწრო.

{{n.PhotoAltTag}}

{{n.Date}}, {{n.Time}}

{{n.Title}}

{{n.ShortDescription}}