imedi /  21 მარტი 2020, 20:21 / სანდო წყარო

პოლიციამ ქუთაისში მომხდარი მკვლელობა ცხელ კვალზე გახსნა

რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1974 წელს დაბადებული, წარსულში მრავალჯერ ნასამართლევი გ.ბ. განზრახ მკვლელობის ბრალდებით დააკავეს. ინფორმაციას შინაგან საქმეთა სამინისტრო ავრცელებს.

გამოძიებით დადგინდა, რომ ბრალდებულმა ქუთაისში, რეზო თაბუკაშვილის ქუჩაზე მდებარე ავტოსამრეცხაოსთან, ურთიერთშელაპარაკების ნიადაგზე, იარაღიდან გასროლით სასიკვდილო ჭრილობა მიაყენა სამარშრუტო ავტობუსის მძღოლს-1957 წელს დაბადებულ ბ.თ.-ს, რომელიც შემთხვევის ადგილზე გარდაიცვალა.

„დამნაშევა გ.ბ.-მ ამავე ავტობუსის დამხმარე მძღოლი-1974 წელს დაბადებული მ.ჩ.-ც დაჭრა, რის შემდეგაც შემთხვევის ადგილიდან მიიმალა. დაჭრილი მამაკაცი სასწრაფო სამედიცინო დახმარების ბრიგადამ საავადმყოფოში გადაიყვანა, სადაც მედიკოსებმა საჭირო დახმარება აღმოუჩინეს. მის სიცოცხლეს საფრთხე არ ემუქრება. სამართალდამცველებმა, ცხელ კვალზე ჩატარებული სამძებრო და საგამოძიებო მოქმედებების შედეგად, ბრალდებული მომხდარიდან რამდენიმე წუთში, შემთხვევის ადგილიდან რამდენიმე კილომეტრში დააკავეს. პოლიციამ, დაკავებულის პირადი ჩხრეკისას, დანაშაულის ჩადენის იარაღი - მაკაროვის სისტემის პისტოლეტი, მჭიდი და 8 ვაზნა ნივთმტკიცებად ამოიღო. გამოძიება განზრახ მკვლელობის ფაქტზე, საქართველოს სსკ-ის 108-ე მუხლით მიმდინარეობს“- აცხადებენ შსს-ში.

დანაშაული 7-დან 15 წლამდე ვადით თავისუფლების აღკვეთას ითვალისწინებს.

ყველა სიახლე

საქართველოს საელჩო ყატარში

08 აგვისტო 2020, 22:30

პოლიტიკა

საზღვარგარეთ საქართველოს საელჩოების შენობებზე სახელმწიფო დროშები დაუშვეს

რუსეთ-საქართველოს ომის მე-12 წლისთავთან დაკავშირებით 7-8 აგვისტოს საზღვარგარეთ საქართველოს დიპლომატიური წარმომადგენლობების შენობებზე სახელმწიფო დროშები დაეშვა. ამასთან საქართველოს საგარეო საქმეთა სამინისტროსა და საზღვარგარეთ საქართველოს დიპლომატიური წარმომადგენლობების ჩართულობით, მსოფლიოს მასშტაბით ომის 12 წლისთავთან დაკავშირებით სხვადასხვა სახის ღონისძიებები იმართება.

08 აგვისტო 2020, 22:11

საზოგადოება

რუსლან აბაშიძე: ჩვენ არასოდეს შევეგუებით ოკუპაციას და საერთაშორისო საზოგადოებასთან ერთად ყველა ღონეს ვიხმართ დევნილების ღირსეული დაბრუნებისთვის

ჩვენ არასოდეს შევეგუებით ოკუპაციას და საერთაშორისო საზოგადოებრიობასთან ერთად, საერთაშორისო სამართლის პრინციპების შესაბამისად ყველა ღონეს ვიხმართ ჩვენი სამშობლოს დეოკუპაციის, კონფლიქტის მშვიდობიანი სრულმასშტაბიანი მოგვარებისა და დევნილების ღირსეული დაბრუნებისთვის", - განაცხადა რუსლან აბაშიძემ.

08 აგვისტო 2020, 21:54

პოლიტიკა

„ქართული ოცნება“ მაჟორიტარი დეპუტატობის კანდიდატების წარდგენას კახეთიდან დაიწყებს

პირველი შეხვედრა 10 აგვისტოს, 11.00 საათზე თელავში გაიმართება. მმართველი პარტია თელავის მოსახლეობას მაჟორიტარი დეპუტატობის კანდიდატს, ირაკლი ქადაგიშვილს წარუდგენს. წარდგენას ქართული ოცნების გენერალური მდივანი კახა კალაძე, საქართველოს პრემიერ-მინისტრი გიორგი გახარია, პოლიტიკური მდივანი ირაკლი ღარიბაშვილი და ,,ქართული ოცნების“ სხვა ლიდერები დაესწრებიან.

08 აგვისტო 2020, 21:48

სამართალი

ახალქალაქში ახალგაზრდა კაცი მოკლეს

ახალქალაქში მკვლელობა მოხდა. ცეცხლსასროლი იარაღით მოკლულია ახალგაზრდა კაცი. შსს-ში მკვლელობის ფაქტს ადასტურებენ, თუმცა მომხდარის სხვა დეტალებზე არ საუბრობენ. მომხდარზე გამოძიება სსკ-ის 108-ე (განზრახ მკვლელობა) და 236-ე (ცეცხლსასროლი იარაღის უკანონოდ შეძენა-შენახვა) მუხლებით აწარმოებენ.

დავით ზალკალიანი

08 აგვისტო 2020, 21:36

პოლიტიკა

დავით ზალკალიანი: ​ოპონენტებს, რომლებიც გვაბრალებენ, რომ საქართველო გამქრალია საერთაშორისო რადარებიდან, არც ერთხელ არ გამოუყენებიათ უშიშროების საბჭოს ფორმატი

ჩვენი საქმიანობის ერთ-ერთი მიმართულებაა არაღიარების პოლიტიკა. რუსეთმა ყველაფერი გააკეთა იმისთვის, რომ საერთაშორისო თანამეგობრობის მხრიდან მოეპოვებინა ოკუპირებული ტერიტორიების აღიარება - ამის შესახებ საგარეო საქმეთა მინისტრმა „ქრონიკის“ ეთერში განაცხადა.

მამუკა მდინარაძე

08 აგვისტო 2020, 21:20

პოლიტიკა

მამუკა მდინარაძე: საქართველოს განვითარებასა და მშვიდობაში არის დეოკუპაციის გასაღები და ამას აუცილებლად მივაღწევთ

რა თქმა უნდა რუსეთი ოკუპანტია, ქართველი კაცი და ქალი არასოდეს შეეგუება ოკუპაციას. საქართველო ივლის იმ გზაზე, რომელი გზის დასასრულსაც პოზიტიური შედეგის სახით იქნება დეოკუპაცია, - ამის შესახებ საპარლამენტო უმრავლესობის ლიდერმა, მამუკა მდინარაძემ „ქრონიკის“ ეთერში“ განაცხადა.

მამუკა მდინარაძე

08 აგვისტო 2020, 20:54

პოლიტიკა

მამუკა მდინარაძე: „ნაცმოძრაობის“ მიერ 2008 წლის აგვისტოს მოვლენებიდან ორი თვის შემდეგ მიღებული რეზოლუციის მხარდაჭერა იყო ღალატი

ყველაზე მთავარი ღალატი იყო „ნაციონალური მოძრაობის“ მიერ რეზოლუციის მხარდაჭერა ამ ომიდან ორი თვის შემდეგ. სადაც 7 აგვისტო პირველად იყო ნახსენები, როგორც ომის დაწყების დღე და ომის დამწყებად მოხსენიებული იყო ქართული სამხედრო ძალა, - ამის შესახებ საპარლამენტო უმრავლესობის ლიდერმა, მამუკა მდინარაძემ „ქრონიკის“ ეთერში“ განაცხადა.

დავით ზალკალიანი

08 აგვისტო 2020, 20:46

პოლიტიკა

დავით ზალკალიანი: ​რუსეთი ცდილობს დაარწმუნოს საერთაშორისო თანამეგობრობა, რომ საქართველოს ოკუპირებულ ტერიტორიებთან მიმართებაში თითქოს არაფერი ხდება

ეს არის დღე, როდესაც ჩვენ აუცილებლად ქედს ვიხრით ჩვენი დაღუპული სამხედროების წინაშე და არა მხოლოდ დღევანდელ დღეს, მუდმივად გვახსოვს ეს ადამიანები და ის მსხვერპლი, რომელიც მათ გაიღეს საკუთარი სამშობლოს წინაშე. ეს არის ფასდაუდებელი და ჩვენ, ქართველ დიპლომატებს მუდმივად გვახსოვს, რადგანაც ჩვენი ქვეყნის დეოკუცია არის ჩვენი საგარეო პოლიტიკის სტრატეგიის ერთ-ერთი მთავარი პრიორიტეტი - ამის შესახებ საგარეო საქმეთა მინისტრმა „ქრონიკის“ ეთერში განაცხადა.

მამუკა მდინარაძე

08 აგვისტო 2020, 20:24

პოლიტიკა

მამუკა მდინარაძე: ქართველი ოკუპაციას არასდროს შეეგუება და ნებისმიერ ომში შევა, რომ მას ეროვნული თავმოყვარეობა არ შეელახოს

ამ გზით ჩვენ უნდა დავიბრუნოთ ჩვენი ტერიტორიები. ჩვენს აფხაზ და ოს დებს უნდა ვუთხრათ, რომ განვითარება და მშვიდობა არის ერთადერთი გზა მათთან ურთიერთობისა და დარწმუნებული ვარ, ჩემი, თქვენი და ჩვენი ქვეყნის მოქალაქეები და შვილები იცხოვრებენ გაერთიანებულ საქართველოში, სადაც დეოკუპაციის პრობლემა აღარ იქნება და ერთიანი საქართველო იქნება ევროპული ოჯახის სრულფასოვანი ნაწილი და წევრი. ეს არის გზა, რომელზეც უნდა ვიაროთ“- განაცხადა მამუკა მდინარაძემ.

გიგი წერეთელი

08 აგვისტო 2020, 20:08

პოლიტიკა

გიგი წერეთელი: საერთაშორისო თანამეგობრობის განცხადებები გვაჩვენებს, რომ აფხაზეთისა და სამაჩაბლოს ოკუპაციის აღიარება არ მოხდება

„რუსეთი არ ასრულებს აღებულ ვალდებულებებს, აგრძელებს საქართველოს ტერიტორიების ოკუპაციას და უკანონო საზღვრების გავლებას, თან ცდილობს ამ ქმედებების გამართლებას და ლეგიტიმაციას. ეს არასდროს მოხდება. აგვისტოს ომის მე12 წლისთავზე საერთაშორისო თანამეგობრობის განცხადებები გვაჩვენებს, რომ აფხაზეთისა და სამაჩაბლოს ოკუპაციის აღიარება არ მოხდება“, - აცხადებს ეუთო-ს საპარლამენტო ასამბლეის პრეზიდენტი, გიგი წერეთელი.

სოფო კილაძე

08 აგვისტო 2020, 19:54

საზოგადოება

სოფო კილაძე: ყველა ბავშვის უფლებაა აღიზარდოს საკუთარ ოჯახში, საკუთარ მშობლებთან, რადგან არსად ისეთი ბედნიერი არ არის ბავშვი, როგორც თავის ოჯახში

ყველა ბავშვის უფლებაა აღიზარდოს საკუთარ ოჯახში, საკუთარ მშობლებთან, რადგან არსად ისეთი ბედნიერი არ არის ბავშვი, როგორც თავის ოჯახში. სახელმწიფომ ხელი უნდა შეუწყოს ოჯახს და გააძლიეროს ის, თუ რაიმე პრობლემა არსებობს. ეს არის ბავშვის უფლებათა კოდექსის მიდგომა- ამის შესახებ ამის შესახებ პარლამენტის ადამიანის უფლებათა დაცვის კომიტეტის თავმჯდომარე Facebook-ზე წერს.

08 აგვისტო 2020, 19:41

სამართალი

სასამართლომ ლერი სულაბერიძეზე თავდასხმის საქმეზე პატიმრობა კიდევ ერთ პირს შეუფარდა

თბილისის საქალაქო სასამართლომ ლერი სულაბერიძეზე თავდასხმის საქმეზე დანაშაულის შეუტყობინებლობის ბრალდებით დაკავებულ დავით მურვანიძეს აღკვეთის ღონისძიების სახით პატიმრობა შეუფარდა.

08 აგვისტო 2020, 19:02

სპორტი

ლონდონის „არსენალის“ სეზონის საუკეთესო ფეხბურთელად პიერ-ემერიკ ობამეიანგი დასახელდა

გულშემატკივარს შორის ჩატარებული გამოკითხვის შედეგად, 31 წლის გაბონელმა ფორვარდმა ხმათა 74 პროცენტი დააგროვა და მეორე-მესამე ადგილებზე გასულ ბერნდ ლენოსა და ბუკაიო საკას სოლიდური უპირატესობით აჯობა.

08 აგვისტო 2020, 19:01

საზოგადოება

პრეზიდენტი ნიქოზის საკათედრო ტაძარში 2008 წლის ომში დაღუპულ გმირთა სულის მოსახსენიებელ პანაშვიდს დაესწრო

მეუფე ესაიამ მადლობა გადაუხადა პრეზიდენტს ჩამობრძანებისათვის და აღნიშნა, რომ დაღუპულ გმირთა სულის მოსახსენებელი პანაშვიდი ნიქოზის ეკლესიაში წესისამებრ ამ დღეს სრულდება და მნიშვნელოვანია, რომ მადლობა შევწიროთ იმ ახალგაზრდებს, ვინც თავი შესწირა სამშობლოს დაცვას.

გიორგი ვოლსკი

08 აგვისტო 2020, 18:57

პოლიტიკა

გიორგი ვოლსკი: ყველა პოლიტიკური ძალა, რომელიც დესტრუქციის გზას მიჰყვება, რუსეთის წისქვილზე ასხამს წყალს

„ყველა პოლიტიკური ძალა, რომელიც დესტრუქციის გზას მიჰყვება, სწორედაც რუსეთის წისქვილზე ასხამს წყალს, ვინაიდან რუსეთის მთავარი ინტერესი არის კავკასიის რეგიონში დესტაბილიზაცია. რუსეთმა პირველი ეტაპი უკვე განახორციელა. ახლა თავის სამხედრო ყოფნას აძლიერებს“.

08 აგვისტო 2020, 18:53

რეგიონი

სოფელ დაბაში, ნახანძრალი ტყის აღსადგენად უკვე 591 ათასზე მეტი ნერგია დარგული

დღეის მონაცემებით, სოფელ დაბაში, 251.6 ჰექტარ ფართობზე დარგულია 591 360 ნერგი. 2008 წლის აგვისტოს ომის დროს, ხანძარმა ბორჯომის ხეობის უნიკალური ეკოსისტემა გაანადგურა. სრულად განადგურდა, დაახლოებით, 250 ჰექტარი ფართობი (სოფელი დაბის მიმდებარე ტერიტორია), ხოლო დარჩენილი ნაწილი მნიშვნელოვნად დაზიანდა.

ზაზა გაბუნია

08 აგვისტო 2020, 18:52

საზოგადოება

ზაზა გაბუნია: გმირებმა საკუთარი არსებობა და სახელ-გვარები ქვეყნის სახელს და არსებობას შეუერთეს - დღეს მათ ყველას საქართველო ჰქვია

საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარე ზაზა გაბუნია, 8 აგვისტოსთან დაკავშირებით განცხადებას ავრცელებს. „სიცოცხლე სამშობლოს სიცოცხლის წილ გააჩუქეს, საკუთარი არსებობა და სახელ-გვარები ქვეყნის სახელს და არსებობას შეუერთეს - დღეს მათ ყველას საქართველო ჰქვია“, - განაცხადა გაბუნიამ.

ლიონელ მესი

08 აგვისტო 2020, 18:49

COVID19

ლიონელ მესიმ კორონავირუსისგან თავდაცვის ორიგინალურ მეთოდს მიაგნო

ლიონელ მესიმ კორონავირუსისგან თავდაცვის ორიგინალურ მეთოდს მიაგნო. ამის შესახებ isport წერს. ესპანეთის საფეხბურთო კლუბ „ბარსელონას” და არგენტინის ნაკრების კაპიტანმა ლიონელ მესიმ სახლისთვის შეიძინა ისეთი ქსოვილების შემცველი ლეიბები, რომელიც ნებისმიერ ვირუსს ოთხ საათში კლავს.

08 აგვისტო 2020, 18:40

მსოფლიო

შტუტგარდში კორონავირუსის გამო დაწესებული შეზღუდვები ასობით ადამიანმა გააპროტესტა

გერმანიის ქალაქ შტუტგარდში კორონავირუსის გამო დაწესებული შეზღუდვების წინააღმდეგ აქცია გაიმართა, რომელსაც ასობით ადამიანი შეუერთდა. მოქალაქეები მარიას მოედანზე შეიკრიბნენ, შემდეგ კი ქალაქის ცენტრში მსვლელობა გამართეს. ისინი ლოზუნგით „მშვიდობა“ სკანდირებდნენ.

08 აგვისტო 2020, 18:40

კულტურა

დღეს ფილმს „შინდისი“ მსოფლიოს 20 ქვეყანაში ნახავენ

„8 აგვისტოს, „კავეა დრაივინ ლისზე" „შინდისის" ნახვას მაყურებელი საკუთარი ავტომობილიდან სტანდარტული - 29 და 39 ლარის ნაცვლად, სპეციალურ ფასად 10 და 15 ლარად შეძლებს. „შინდისი“ - ეს არის ამბავი შინდისის გმირებზე, რომელიც აუცილებლად უნდა იცოდე, თავგანწირვისა და გმირობის ისტორია, რომელიც უნდა ნახო“.