imedi /  04 ივლისი 2020, 18:25 / სანდო წყარო

დავით მუმლაძის მკვლელობის საქმეზე 5 პირს თავისუფლების აღკვეთა განესაზღვრა

რუსთავის საქალაქო სასამართლომ გაიზიარა პროკურატურის მიერ წარდგენილი მტკიცებულებები და ზ.ჯ.-ს, გ.გ.ს, დ.მ.-ს, მ.ღ.-ს და დ.დ.-ს თავისუფლების უკანონო აღკვეთისთვის და ჯგუფურად ჩადენილი განსაკუთრებული სისასტიკით მკვლელობისთვის თავისუფლების აღკვეთა მიუსაჯა, ხოლო სასამართლოს მიერ გ.ა.-ს მიმართ გამოტანილ გამამართლებელ განაჩენს პროკურატურა აპელაციის წესით გაასაჩივრებს.

გამოძიებით დადგინდა, რომ 2019 წლის 1 ოქტომბერს, ქ. თბილისში, დ.მ. გ.გ.-მ მოტყუებით გამოიყვანა საცხოვრებელი ბინიდან და ავტომანქანით მიიყვანა ბრალდებულებთან წინასწარ შეთანხმებულ ადგილზე - გლდანის ტერიტორიაზე, სადაც პოლიციის ფორმაში ჩაცმულმა დ.მ-მ, მ.ღ.-მ და დ.დ.-მ მოახდინეს მისი დაკავების ინსცენირება, დაადეს ხელბორკილები, ავტომანქანით ჩაიყვანეს ქ. რუსთავში და შეთანხმებისამებრ შეპყრობილ მდგომარეობაში გადასცეს ზ.ჯ-ს და გ. ა.-ს, რომლებმაც დ.მ.-ს ჯგუფურად, განსაკუთრებული სისასტიკით, სხეულის სხვადასხვა ადგილებში მიაყენეს მრავლობითი ჭრილობები, რამაც დ.მ.-ს გარდაცვალება გამოიწვია. აღნიშნულის შემდეგ, კვალის დაფარვის მიზნით ბრალდებულებმა გარდაცვლილის ცხედარი მდინარე მტკვარში გადააგდეს.

აღნიშნულ სისხლის სამართლის საქმეზე, ბრალდებულის სახით სისხლისსამართლებრივ პასუხისგებაში მიცემული იყო 6 პირი. რუსთავის საქალაქო სასამართლომ ზ.ჯ. დამნაშავედ ცნო საქართველოს სსკ-ის 143-ე მუხლის მესამე ნაწილის ,,ა“ პუნქტით (წინასწარი შეთანხმებით ჯგუფის მიერ, თავისუფლების უკანონო აღკვეთის ორგანიზება) და ამავე კოდექსის 109-ე მუხლის მეორე ნაწილის „ე“ და მესამე ნაწილის „ბ“ ქვეპუნქტებით (განზრახ მკვლელობა ჯგუფურად, განსაკუთრებული სისასტიკით) და სასჯელის სახით განუსაზღვრა 20 წლით თავისუფლების აღკვეთა, გ.გ დამნაშავედ იქნა ცნობილი საქართველოს სსკ-ის 25,143-ე მუხლის მესამე ნაწილის ,,ა“ პუნქტით (წინასწარი შეთანხმებით ჯგუფის მიერ, თავისუფლების უკანონოდ აღკვეთაში დახმარება) და სასჯელის სახით განესაზღვრა 9 წლით თავისუფლების აღკვეთა, დ.მ. სასამართლომ დამნაშავედ ცნო საქართველოს სსკ-ის 143-ე მუხლის მესამე ნაწილის ,,ა“ პუნქტით (წინასწარი შეთანხმებით ჯგუფის მიერ, თავისუფლების უკანონო აღკვეთა) და სასჯელის სახით განუსაზღვრა 10 წლით თავისუფლების აღკვეთა, მ.ღ. - საქართველოს სსკ-ის 143-ე მუხლის მესამე ნაწილის ,,ა“ პუნქტით (წინასწარი შეთანხმებით ჯგუფის მიერ, თავისუფლების უკანონო აღკვეთა) და სასჯელის სახით განესაზღვრა 10 წლით თავისუფლების აღკვეთა, ხოლო დ.დ. - საქართველოს სსკ-ის 143-ე მუხლის მესამე ნაწილის ,,ა“ პუნქტით (წინასწარი შეთანხმებით ჯგუფის მიერ, თავისუფლების უკანონო აღკვეთა) და სასჯელის სახით განესაზღვრა 9 წლით თავისუფლების აღკვეთა.

სამართალდამცველებმა ბრალდებულები 2019 წლის 7 ოქტომბერს დააკავეს, ხოლო ძებნილი ზ.ჯ. დაკავებული იქნა 2020 წლის 2 იანვარს. ექვსივე ბრალდებულს აღკვეთის ღონისძიების სახით შეფარდებული ჰქონდა პატიმრობა.

საქართველოს პროკურატურა მიიჩნევს, რომ გ.ა.-სთვის ბრალად შერაცხული დანაშაულის ჩადენა - საქართველოს სსკ-ის 143-ე მუხლის მესამე ნაწილის ,,ა“ პუნქტით (წინასწარი შეთანხმებით ჯგუფის მიერ, თავისუფლების უკანონო აღკვეთის ორგანიზება) და ამავე კოდექსის 109-ე მუხლის მეორე ნაწილის „ე“ და მესამე ნაწილის „ბ“ ქვეპუნქტებით (განზრახ მკვლელობა ჯგუფურად, განსაკუთრებული სისასტიკით) დადასტურებულია გამოძიების დროს გამოკვლეული, ერთმანეთთან შეთანხმებული, აშკარა და დამაჯერებელი მტკიცებულებათა ერთობლიობით. საქართველოს პროკურატურა რუსთავის საქალაქო სასამართლოს დასაბუთებული განაჩენის მიღების და გაცნობის შემდეგ, გადაწყვეტილებას სააპელაციო სასამართლოში გაასაჩივრებს.

35 წლის დავით მუმლაძე 2019 წლის 1 ოქტომბერს მოკლეს.

ყველა სიახლე

გიორგი ცუცქირიძე

15 აგვისტო 2020, 14:22

ეკონომიკა

გიორგი ცუცქირიძე: Fitch-მა მთავრობის ანტიკრიზისული ღონისძიებების პოზიტიურ ზეგავლენაზე ​გაამახვილა ყურადღება

„გლობალური ეკონომიკის განვითარების კონტექსტში, Fitch-ის პროგნოზით, ქვეყნის უახლოესი ორი წლის პერსპექტივა არის დადებითი, რაც ნიშნავს, რომ გაზრდილია საქართველოს ეკონომიკის მდგრადობა შოკების მიმართ, ეროვნული ბანკის მიერ გატარებულ მაკროპრუდენციულ ღონისძიებებთან ერთად, საფინანსო სექტორის სტაბილურობის და ინფლაციის მიზნობრივ მაჩვენებელთან მიახლოების თვალსაზრისით,“ - განაცხადა ცუცუქირიძემ.

ზაზა ლომინაძე

15 აგვისტო 2020, 14:20

პოლიტიკა

ზაზა ლომინაძე: ქუთაისში განხორცილებული პროექტების მიზანი ჩვენი მოსახლეობის კეთილდღეობა და ცხოვრების დონის ამაღლებაა

„ქართული ოცნება-დემოკრატიული საქართველოს“ ქუთაისის მაჟორიტარი დეპუტატობის კანდიდატმა უბნების მიხედვით მოსახლეობასთან შეხვედრები დაიწყო. ზაზა ლომინაძე გუმათის დასახლებისა და ლესელიძის ქუჩის მცხოვრებლებს შეხვდა. მოქალაქეები დეპუტატობის კანდიდატს ესაუბრნენ როგორც პირად საკითხებზე, ასევე ქალაქში და კონკრეტულად მათ საცხოვრებელ უბნებში არსებულ პრობლემებზე.

ირაკლი სესიაშვილი

15 აგვისტო 2020, 14:14

პოლიტიკა

ირაკლი სესიაშვილი: დავით ბაქრაძემ ქვეყნის ღალატს დაარქვა კომპრომისი

პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა გუშინ „რუსთავი 2“-ის ეთერში „ევროპული საქართველოს“ ლიდერის, დავით ბაქრაძის მიერ გაკეთებულ განცხადებაზე, რომელიც 2008 წლის აგვისტოს ომის შემდეგ ევროსაბჭოს მიერ მიღებულ რეზოლუციას შეეხებოდა, განაცხადა, რომ ბაქრაძემ ქვეყნის ღალატს კომპრომისი დაარქვა.

15 აგვისტო 2020, 14:10

მსოფლიო

ნიუ-იორკში მუზეუმები და გალერეები 24 აგვისტოს გაიხსნება

ნიუ-იორკის მერის, ენდრიუ კუომოს განცხადებით, დაწესებულებები 24 აგვისტოს გაიხსნება და დამთვალიერებლები ვალდებულნი იქნებიან, შენობაში ყოფნისას, პირბადე ეკეთოთ. ამასთან, სავალდებულო იქნება ვიზიტორთა ნაკადის რეგულირება და ბილეთების წინასწარ შეძენა.

ბლეზ მატუიდი

15 აგვისტო 2020, 14:05

სპორტი

„იუვენტუსის“ ფეხბურთელი ბლეზ მატუიდი „ინტერ მაიამიში“ გადავიდა, რომლის მფლობელიც დევიდ ბექჰემია

„იუვენტუსის“ ფეხბურთელი ბლეზ მატუიდი „ინტერ მაიამიში“ გადავიდა, რომლის მფლობელიც დევიდ ბექჰემია, - ამის შესახებ ინფორმაციას MLS Soccer-ი ავრცელებს. 33 წლის ფრანგ ნახევარმცველს „იუვემ“ კონტრაქტი ცალმხრივად გაუწყვიტა და ამის შემდეგ ის ამერიკულ კლუბს თავისუფალი აგენტის სტატუსით შეუერთდა.

15 აგვისტო 2020, 14:02

სამართალი

ბათუმში, საკარანტინო სასტუმროდან მოქალაქის გადახტომის ფაქტზე 10-მდე პირი გამოიკითხა და ექსპერტიზები დაინიშნა

14 აგვისტოს, ბათუმში, ერთ-ერთი სასტუმროს საკარანტინო სივრცეში მომხდარ ფაქტზე უკვე ჩატარებულია სხვადასხვა სახის საგამოძიებო მოქმედებები, მათ შორის გამოკითხულია მომხდართან შემხებლობაში მყოფი 10-მდე პირი და ამოღებულია ფ.ჯ.-ს პირადი ნივთები. დანიშნულია სხვადასხვა სახის ექსპერტიზები, - ინფორმაციას შსს ავრცელებს.

15 აგვისტო 2020, 13:56

COVID19

ბერლინში ბორდელები გახსნეს, მაგრამ სექსი კვლავ აკრძალულია

გერმანიის დედაქალაქში ბორდელების კლიენტები მხოლოდ ეროტიკული მასაჟის სერვისით სარგებლობას შეძლებენ. ასეთი ზომები დაწესებულებებში სექტემბრამდე იმოქმედებს, სანამ ქვეყანაში კორონავირუსის გავრცელების პრევენციის მიზნით დაწესებული შეზღუდვების შემსუბუქების მორიგი ეტაპი არ დაიწყება.

მატიას დე ლიხტი

15 აგვისტო 2020, 13:53

სპორტი

მატიას დე ლიხტმა დაბადების დღე საავადმყოფოში აღნიშნა

მატიას დე ლიხტმა საკუთარი დაბადების დღე საავადმყოფოში აღნიშნა, - ამის შესახებ ინფორმაციას The Sun-ი ავრცელებს. „იუვენტუსის“ ნიდერლანდების ცენტრალურ მცველს მთელი სეზონი მხარის ტრავმა აწუხებდა და ოპერაცია ზუსტად მის იუბილეს დაემთხვა. დე ლიხტს ოჯახის წევრებმა და მეგობრებმა კლინიკაში მიაკითხეს და პალატა სადღესასწაულოდ მოურთეს. როგორც კლუბის ოფიციალური ვებ-გვერდი იუწყება, 21 წლის ფეხბურთელს საკმაოდ დიდი ხნით მოუწევს დასვენება და მისი სარეაბილიტაციო პროცესი 3 თვეა გასტანს.

ალექსანდრ ლუკაშენკო ვლადიმერ პუტინი

15 აგვისტო 2020, 13:37

მსოფლიო

ლუკაშენკო: პუტინს უნდა დავუკავშირდე, ეს საფრთხე მხოლოდ ბელარუსს არ ემუქრება

ბელარუსის პრეზიდენტმა, ალექსანდრ ლუკაშენკომ განაცხადა, რომ ქვეყანაში შექმნილი ვითარების შესახებ რუს კოლეგა ვლადიმერ პუტინს უნდა გაესაუბროს. ამის შესახებ ინფორმაციას ადგილობრივი მედია ავრცელებს. „უნდა დავუკავშირდე პუტინს და ამ საკითხზე ვესაუბრო. ეს საფრთხე მხოლოდ ბელარუსს არ ემუქრება. დღეს ბელარუსის დაცვა მთელი ჩვენი სივრცის, ერთიან სახელმწიფოს. თუ ჩვენი ხალხი ამას ვერ გაუმკლავდება, ეს ტალღა რუსეთამდე ჩავა“, - განაცხადა ლუკაშენკომ.

შალვა კერესელიძე შეხვედრა

15 აგვისტო 2020, 13:37

რეგიონი

შალვა კერესელიძე მცხეთის მუნიციპალიტეტის სოფლების მოსახლეობას შეხვდა

კერესელიძემ ადგილობრივებს ის გეგმები გააცნო, რომლებსაც არჩევნებში გამარჯვების შემთხვევაში რეგიონში განახორციელებს. მცხეთა-მთიანეთის მაჟორიტარი დეპუტატობის კანდიდატი უკვე იმყოფებოდა მცხეთის მუნიციპალიტეტის 15 სოფელში. ოქტომბრის ბოლომდე შალვა კერესელიძე თიანეთის, ყაზბეგის, დუშეთის და მცხეთის ყველა სოფელში მისვლას და მოსახლეობისგან პრობლემების პირადად მოსმენას გეგმავს.

15 აგვისტო 2020, 13:24

COVID19

საქართველოს მასშტაბით, 140-მდე განთავსების ობიექტში კარანტინს 7 326 ადამიანი გადის

საქართველოში ამ დროისათვის 136 განთავსების ობიექტში საკარანტინო ზონები მოქმედებს, სადაც კარანტინს 7326 ადამიანი გადის. საკარანტინო ზონაში არსებულ ვითარებას, მათ შორის, მომსახურების ხარისხს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით შექმნილი სამუშაო ჯგუფები უწევენ მონიტორინგს.

ბენ ფრენცისი

15 აგვისტო 2020, 13:17

ეკონომიკა

28 წლის ყოფილი მიმტანი, გაერთიანებული სამეფოს ყველაზე ახალგაზრდა მილიარდერი გახდა

28 წლის ყოფილი პიცის მიმტანი, გაერთიანებული სამეფოს ყველაზე ახალგაზრდა მილიარდერი გახდა, მას შემდეგ, რაც შეთანხმებას დათანხმდა და მისი ქონება £1 მილიარდად შეფასდა, - ამის შესახებ ინფორმაციას SkyNews-ი ავრცელებს. ბენ ფრენცისი სულ რაღაც 19 წლის იყო, როცა ფიტნეს ტანსაცმლის ბრენდი Gymshark-ი მისი მშობლების ავტოფარეხში 2011 წელს დააარსა.

ვაქცინა კორონავირუსი

15 აგვისტო 2020, 13:10

COVID19

რუსეთმა კორონავირუსის საწინააღმდეგო ვაქცინის წარმოება დაიწყო

გამოცემის ინფორმაციით, პრეპარატი სახელწოდებით „სპუტნიკ V“ აგვისტოს ბოლოს გახდება ხელმისაწვდომი. მისი მასშტაბური ტესტირება კი ფილიპინებზე ჩატარდება.

15 აგვისტო 2020, 13:07

საზოგადოება

სამების საკათედრო ტაძარში აფხაზეთიდან გადმოსვენებული პირების სამოქალაქო პანაშვიდი მიმდინარეობს

პანაშვიდზე საქართველოს პრემიერ-მინისტრი, გიორგი გახარია, თავდაცვის მინისტრი ირაკლი ღარიბაშვილი, იუსტიციის მინისტრი თეა წულუკიანი, შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი და „ქართული ოცნების“ გენერალური მდივანი კახა კალაძე იმყოფებოდნენ.

15 აგვისტო 2020, 12:58

საზოგადოება

თეა ახვლედიანი: მთავრობა ყველაფერს აკეთებს, რომ დავიცვათ მშვიდობა და შევამსუბუქოთ ომით გაყოფილი საზოგადოების მძიმე ხვედრი

მთავრობა ყველაფერს აკეთებს, რომ დავიცვათ მშვიდობა და შევამსუბუქოთ ომით გაყოფილი საზოგადოების მძიმე ხვედრი, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა სამების საკათედრო ტაძარში განაცხადა, სადაც მეორე დღეა აფხაზეთის ოკუპირებული ტერიტორიიდან გადმოსვენებული შეიარაღებული კონფლიქტის დროს დაღუპული 13 იდენტიფიცირებული პირის სამოქალაქო პანაშვიდი იმართება.

პენტაგონი

15 აგვისტო 2020, 12:56

მსოფლიო

პენტაგონმა ამოუცნობი მფრინავი ობიექტების შესასწავლად სამუშაო ჯგუფი შექმნა

პენტაგონში განმარტეს, რომ პროექტის მიზანი ასეთი ფენომენების ბუნებასა და წარმომავლობის შესახებ მეტი ინფორმაციის მიღებაა. ჯგუფის მუშაობას ქვეყნის სამხედრო-საზღვაო სამინისტრო უხელმძღვანელებს.

15 აგვისტო 2020, 12:48

COVID19

ვისკონსინის შტატის სააგენტო თანამშრომლებს, ვიდეო კონფერენციების დროს, ავალდებულებს, რომ პირბადე ატარონ

ვისკონსინის შტატის სააგენტო თანამშრომლებს, ვიდეო კონფერენციის დროს, მაშინაც კი როცა ისინი სახლში მარტო არიან, ავალდებულებს, რომ პირბადე ატარონ, - ამის შესახებ ინფორმაციას FoxNews-ი ავრცელებს. 31 ივლისს ბუნებრივი რესურსების დეპარტამენტის მდივანმა, პრესტონ კოულმა, თანამშრომლებს გუბერნატორის მიერ გაცემული ბრძანების შესახებ შეახსენა, რაც 4 წელს ზემოთ ადამიანებს ავალდებულებს, რომ მაშნაც კი, როცა ისინი სახლში იმყოფებიან პირბადე ატარონ.

პარლამენტი

15 აგვისტო 2020, 12:44

პოლიტიკა

ფრაქციას „‬დამოუკიდებელი‭ ‬დეპუტატები“ დღეიდან „ჩვენი‭ ‬საქართველო - ‬‭დამოუკიდებელი‭ ‬დეპუტატები“‭ ერქმევა

საპარლამენტო‭ ‬ფრაქცია‭ „დამოუკიდებელი‭ ‬დეპუტატების‭“ ‬ოფიციალური‭ ‬სახელწოდება‬ ‭შეიცვალა და ‬საპარლამენტო‭ ‬საქმიანობას‭ ‬ფრაქცია‭ „ჩვენი‭ ‬საქართველო - ‬‭დამოუკიდებელი‭ ‬დეპუტატების“‭ ‬სახელწოდებით‭ ‬განაგრძობს. ‬„ჩვენი საქართველო - დამოუკიდებელი დეპუტატების“ წევრებმა, ფრაქციის სხდომა გუშინ გამართეს და სახელის ცვლილების ინიციატივას ერთხმად დაუჭირეს მხარი.

15 აგვისტო 2020, 12:43

COVID19

ლათინურ ამერიკაში კორონავირუსის შემთხვევების რაოდენობამ 6 მილიონს გადააჭარბა

ლათინურ ამერიკაში ახალი კორონავირუსის შემთხვევათა რაოდენობამ 6 მილიონს გადააჭარბა. რეგიონში, ბოლო ერთი კვირის განმავლობაში, კოვიდინფიცირების საშუალო დღიური მაჩვენებელი 86 ათასს აჭარბებს და საშუალოდ, დღე-ღამის განმავლობაში, 2 600 ინფიცირებული იღუპება.

15 აგვისტო 2020, 12:37

COVID19

აჭარაში დაფიქსირებული კორონავირუსის ახალი შემთხვევის ინფიცირების წყარო უცნობია

აჭარაში კორონავირუსი ერთ პირს დაუდასტურდა. აჭარის ჯანდაცვის სამინისტროს ინფორმაციით, პაციენტის ინფიცირების წყარო დგინდება. ინფიცირებული ქალი აჭარის მკვიდრი არ არის, იგი ქობულეთში იყო დასაქმებული. როგორც საზოგადოებრივი ჯანდაცვის ცენტრი განმარტეს ინფიცირებულ ქალს მოგზაურობის ისტორია არ აქვს, ის არც კარანტინში იმყოფებოდა. მასთან კონტაქტში მყოფი 15 პირი კი საკარანტინო სივრცეში გადაიყვანეს.