imedi /  10 დეკემბერი 2020, 18:54 / სანდო წყარო

სტრასბურგის სასამართლომ 2006 წელს ნარკოტიკების „ჩადების“ კიდევ ერთ საქმეზე ევროპული კონვენციის დარღვევა დაადგინა

10 დეკემბერს ადამიანის უფლებათა ევროპულმა სასამართლომ საქმეზე – „ბაქრაძე საქართველოს წინააღმდეგ“ – გადაწყვეტილება გამოაქვეყნა და 2006-2008 წლების ფაქტებზე ადამიანის უფლებათა ევროპული კონვენციის მე-6 მუხლის (საქმის სამართლიანი განხილვის უფლება) დარღვევა დაადგინა. ინფორმაციას იუსტიციის სამინისტრო ავრცელებს.

უწყების ცნობით, მომჩივან ლავრენტი ბაქრაძის დავა ევროპული კონვენციის მე-6 მუხლის 1-ლი და მე-3 პუნქტების საფუძველზე შეეხებოდა 2006 წელს პოლიციის მიერ მისთვის ნარკოტიკების „ჩადებას“ და უკანონოდ განხორციელებული ჩხრეკის შედეგებზე დაფუძნებულ მსჯავრდებას.

„კერძოდ, 2006 წლის 3 მარტს მომჩივანი ნარკოტიკების უკანონო ფლობის გამო მის საცხოვრებელ სახლში დააკავეს. დაახლოებით, საღამოს 10 საათზე რამდენიმე პოლიციელი ლავრენტი ბაქრაძის ბინაში ძალის გამოყენებით შეიჭრა, მომჩივანს ხელბორკილები დაადო და დაიწყო ოთახების ჩხრეკა. ჩხრეკის ოქმის თანახმად, პოლიციელებმა სამზარეულოსა და სააბაზანოს დამაკავშირებელ საკანალიზაციო მილში სუბოტექსის ოცდაექვსნახევარი აბი იპოვნეს, ხოლო ორი აბი პირადად მომჩივანს აღმოუჩინეს. შესაბამისად, მომჩივანს ბრალი წარედგინა ნარკოტიკული საშუალებების განსაკუთრებით დიდი ოდენობით უკანონო შეძენა-შენახვაში.

ეროვნული სასამართლოს წინაშე მომჩივანი ამტკიცებდა, რომ პოლიციელებმა მას თავში ჩაარტყეს და როდესაც იგი გონს მოვიდა, განუცხადეს, რომ აღმოუჩინეს ნარკოტიკული საშუალებები. მომჩივნის თანახმად, მან ჩხრეკის დროს დამოუკიდებელი მოწმეების დასწრება მოითხოვა, მაგრამ – უშედეგოდ. 2006 წლის 23 ოქტომბერს თბილისის საქალაქო სასამართლომ მომჩივანი დამნაშავედ ცნო და თოთხმეტი წლით თავისუფლების აღკვეთა მიუსაჯა. განაჩენი ემყარებოდა ორი პოლიციელის ჩვენებას, რომლებიც მონაწილეობდნენ მომჩივნის დაკავებასა და ბინის ჩხრეკაში; ჩხრეკის შედეგებსა და სასამართლო ექსპერტიზის დასკვნას. მომჩივანმა მოითხოვა, დაკავებისა და ჩხრეკის გარემოებებთან დაკავშირებით დაეკითხათ მეზობლები და პოლიციის ოპერაციის დროს მის ბინაში მყოფი მეგობარი (ლ.ც.), რაზეც უარი მიიღო.

2007 წლის 4 სექტემბერს ქუთაისის სააპელაციო სასამართლომ და 2008 წლის 9 ოქტომბერს უზენაესმა სასამართლომ მომჩივნის მიმართ გამოტანილი განაჩენი ძალაში დატოვეს.

ევროპული სასამართლოს გადაწყვეტილების თანახმად, ჩხრეკა ჩატარდა ოპერატიული ინფორმაციის საფუძველზე, რომლის სასამართლო ზედამხედველობა არ განხორციელებულა; ჩხრეკა ჩატარდა სასამართლოს წინასწარი თანხმობის გარეშე „გადაუდებელი აუცილებლობის“ მოტივით, თუმცა, დასაბუთებული არ ყოფილა, რა გადაუდებელმა აუცილებლობამ გამოიწვია ჩხრეკის ამ ფორმით ჩატარება; ამასთან, პოლიციელებმა არ მისცეს მომჩივანს საშუალება, ჩხრეკას დასწრებოდნენ დამოუკიდებელი მოწმეები. ამდენად, სტრასბურგის სასამართლომ აღნიშნა, რომ ეროვნულ სასამართლოებს არ შეუფასებიათ, ჰქონდა თუ არა პოლიციას წინასწარი ინფორმაცია იმ ნარკოტიკების შესახებ, რომელთაც ეძებდნენ, და იყო თუ არა ჩხრეკის ჩატარების აუცილებლობა ორდერის წინასწარი გაცემის გარეშე, მოწმეების დასწრების არარსებობის პირობებში.

იმ ფაქტის გათვალისწინებით, რომ მომჩივნის ბრალდება ემყარებოდა ნარკოტიკების ფლობის ფაქტს, მომჩივნის სურვილი, რომ მოესმინათ დაცვის მხარის მოწმისათვის, წარმოადგენდა ამ ძირითადი ვარაუდის ეფექტიანად გასაჩივრების გონივრულ მცდელობას. გარდა ამისა, ეროვნულმა სასამართლოებმა არ მიიღეს მხედველობაში ლ.ც.-ს ჩვენების მნიშვნელობა და არ წარმოადგინეს საკმარისი დასაბუთება აღნიშნულის თაობაზე. ხსენებული გარემოებების ფონზე, დაცვის მხარის ერთადერთი შესაძლო მოწმის დაკითხვაზე ეროვნული სასამართლოების უარმა სასამართლო პროცესი მთლიანობაში გახადა უსამართლო.

ზემოაღნიშნულის გათვალისწინებით, სტრასბურგის სასამართლომ დაადგინა, რომ ადგილი ჰქონდა კონვენციის მე-6 მუხლის 1-ლი და მე-3 პუნქტების დარღვევას და მთავრობას მომჩივნის სასარგებლოდ 5,000 ევროს გადახდა დააკისრა მორალური ზიანის ანაზღაურების სახით.

აღსანიშნავია, რომ ევროპულმა სასამართლომ საკუთარი არგუმენტაცია დააყრდნო 2019 წლის 14 მარტს საქმეზე – „კობიაშვილი საქართველოს წინააღმდეგ“ – და 2020 წლის 7 მაისს საქმეზე – „მეგრელიშვილი საქართველოს წინააღმდეგ“ – გამოტანილ გადაწყვეტილებებს, რომლებშიც მომჩივნების დავა შეეხებოდა 2004-2008 წლებში პოლიციის თანამშრომლების მიერ მათთვის ნარკოტიკების „ჩადებას“ და რისი პრაქტიკაც ევროპულმა სასამართლომ სამივე საქმეში დაადასტურა“, - აღნიშნულია უწყების მიერ გავრცელებულ ინფორმაციაში.

ყველა სიახლე

26 თებერვალი 2021, 14:00

ეკონომიკა

ნათია თურნავა სპორტული დარბაზების მფლობელი კომპანიების წარმომადგენლებს შეხვდა

ეკონომიკისა და მდგრადი განვითარების მინისტრმა ნათია თურნავამ სპორტული დარბაზების მფლობელი კომპანიების წარმომადგენლებთან სამუშაო შეხვედრა გამართა. ამის შესახებ ინფორმაციას ეკონომიკის სამინისტრო ავრცელებს. მთავრობის საკოორდინაციო საბჭოს გადაწყვეტილებით, 15 მარტიდან სპორტული დარბაზები შეძლებენ, განაახლონ ფუნქციონირება განსაზღვრული რეგულაციების დაცვით.

26 თებერვალი 2021, 13:56

პოლიტიკა

ქობულეთის საკრებულოს დეპუტატებს „ნაციონალური მოძრაობიდან“ უფლებამოსილება შეუწყვიტეს

ქობულეთის საკრებულოს დეპუტატებს „ნაციონალური მოძრაობიდან“ უფლებამოსილება შეუწყვიტეს. 23 ხმით ბონდო თედორაძე და მამული სურმანიძე საკრებულოს წევრი აღარ არიან. საკითხი ურთიერთბრალდებების ფონზე განიხილეს. უფლებამოსილების შეწყვეტის მიზეზად უმრავლესობამ ბოლო 6 თვის განმავლობაში სხდომების გაცდენა დაასახელა.

კორონავირუსი

26 თებერვალი 2021, 13:55

COVID19

ირაკლი ღარიბაშვილსა და ჯანმოს გენერალურ დირექტორს შორის ვაქცინაციის თაობაზე სატელეფონო საუბარი გაიმართა

საქართველოს პრემიერ-მინისტრმა ირაკლი ღარიბაშვილმა სატელეფონო საუბარი გამართა ჯანმრთელობის მსოფლიო ორგანიზაციის(WHO) გენერალურ დირექტორ ტედროს ადანომ გებრეისუსთან, რათა, მსოფლიოში მიწოდების კუთხით არსებული კრიზისის მიუხედავად, საქართველოს ჰქონდეს ორგანიზაციის კიდევ უფრო აქტიური მხარდაჭერა ვაქცინის პირველი დოზების რაც შეიძლება მალე მისაღებად. ინფორმაციას მთავრობის ადმინისტრაცია ავრცელებს.

26 თებერვალი 2021, 13:53

ეკონომიკა

27 თებერვალს, „ქართული დიასპორის ეკონომიკური ფორუმი“ გაიმართება

ხვალ, 27 თებერვალს, 15:00-დან 22:00 საათამდე, ონლაინფორმატში გაიმართება „ქართული დიასპორის ეკონომიკური ფორუმი“. ფორუმის ორგანიზატორები არიან საქართველოს საგარეო საქმეთა სამინისტრო, საქართველოს პრეზიდენტის ადმინისტრაცია და გაეროს მიგრაციის სააგენტო - მიგრაციის საერთაშორისო ორგანიზაცია (IOM). ღონისძიება ევროკავშირის ხელშეწყობით ჩატარდება.

26 თებერვალი 2021, 13:45

პოლიტიკა

გიორგი ვოლსკი ევროკავშირის სპეციალურ წარმომადგენელს, ტოივო კლაარს შეხვდა

პარლამენტის თავმჯდომარის პირველი მოადგილე, გიორგი ვოლსკი სამხრეთ კავკასიასა და საქართველოში კრიზისის საკითხებში ევროკავშირის სპეციალურ წარმომადგენელს, ტოივო კლაარს დახურულ ფორმატში შეხვდა. მხარეებმა ისაუბრეს საქართველოში მიმდინარე პოლიტიკურ პროცესებზე, ჟენევის საერთაშორისო მოლაპარაკებებთან დაკავშირებულ საკითხებზე და სამხრეთ კავკასიის რეგიონში არსებულ მდგომარეობაზე.

26 თებერვალი 2021, 13:44

საზოგადოება

ეროვნულ გამოცდებზე, რამდენიმე საგანში გამოცდის ხანგრძლივობა და მაქსიმალური ქულა მცირდება

2021 წელს ერთიანი ეროვნული გამოცდების საგამოცდო პროგრამები და დავალებათა ტიპები უცვლელი რჩება. რამდენიმე საგანში მხოლოდ გამოცდის ხანგრძლივობა და მაქსიმალური ქულა მცირდება, - ამის შესახებ შეფასებისა და გამოცდების ეროვნული ცენტრის მიერ გამოქვეყნებულ 2021 წლის ელექტრონულ კრებულში - „ცნობარი აბიტურიენტებისათვის“ წერია.

26 თებერვალი 2021, 13:30

საზოგადოება

გამოცდების ეროვნულმა ცენტრმა აბიტურიენტებისთვის 2021 წლის ცნობარი გამოაქვეყნა

შეფასებისა და გამოცდების ეროვნულმა ცენტრმა გამოაქვეყნა 2021 წლის ელექტრონული კრებული - „ცნობარი აბიტურიენტებისათვის“ გამოაქვეყნა. ცნობარში მოცემულია ცხრილი, რომელშიც ასახულია უმაღლესი საგანმანათლებლო დაწესებულებების მონაცემები, თითოეული გამოცდისათვის მინიჭებული კოეფიციენტები, კომპეტენციის ზღვარი, სწავლის საფასური და სხვა დეტალები.

რატი იონათამიშვილი

26 თებერვალი 2021, 13:27

პოლიტიკა

რატი იონათამიშვილი: ოპოზიციამ თავი ბოლომდე გამოიაშკარავა, როცა პროკურატურის გუშინდელი განცხადების შემდეგ, კვლავ დაიწყო საუბარი, რომ გირაოს გადახდას არ აპირებენ

პროკურატურის გუშინდელი განცხადების შემდეგ, ოპოზიციამ კვლავ დაიწყო საუბარი, რომ გირაოს გადახდას არ აპირებენ, – ამის შესახებ საპარლამენტო უმრავლესობის წევრმა, რატი იონათამიშვილმა ნიკა მელიას საქმესთან დაკავშირებით განაცხადა.

26 თებერვალი 2021, 13:20

პოლიტიკა

თბილისში ოპოზიციური პარტიების მიერ ორგანიზებული აქცია-მსვლელობა იმართება

„ნაციონალური მოძრაობა“ და სხვა ოპოზიციური პარტიები თბილისში საპროტესტო აქციას მართავენ. ოპოზიციის ლიდერები და მათი მხარდამჭერები ფილარმონიასთან შეიკრიბნენ. „მსვლელობა თავისუფლებისთვის“ - ასე ჰქვია საპროტესტო მსვლელობას. აქციის მონაწილეები საქართველოს პარლამენტისკენ მიემართებიან.

26 თებერვალი 2021, 13:17

სამართალი

პროკურატურამ ე.წ. ,,ყინწვისის“ საქმეზე კიდევ 12 ყოფილი მსჯავრდებულის მიმართ განაჩენის გადასინჯვის გადაწყვეტილება მიიღო

თბილისის საქალაქო სასამართლოს 2007 წლის 7 სექტემბრის განაჩენით, ზვიად კვარაცხელია ცნეს დამნაშავედ საქართველოს სისხლის სამართლის კოდექსის 260-ე მუხლის II ნაწილის „ა“ ქვეპუნქტით, და სასჯელის სახედ და ზომად 6 წლით თავისუფლების აღკვეთა განესაზღვრა.

გიგი უგულავა

26 თებერვალი 2021, 13:16

პოლიტიკა

გიგი უგულავა: იქნება პარლამენტის სხდომა? - მოხდება პიკეტირება, სადმე საკეკლუცოდ წავლენ ეს დეპუტატები? - იქაც დავხვდებით

„პარლამენტთან დარჩენის მსურველები დარჩებიან პარლამენტის წინ. ასევე, გრაფიკიც გამოცხადდება, იქნება პარლამენტის სხდომა? მოხდება პიკეტირება, სირცხვილის კორიდორები. მთავრობის სხდომაზე შესაბამისად მოხდება. სადმე საკეკლუცოდ წავლენ ეს დეპუტატები? იქაც დავხვდებით. უნდა იცოდნენ, რომ ქვეყნის დანგრევას, რეპუტაციის შელახვას, უკუსვლას, სტაგნაციას, გაღარიბებას, გაღატაკებას, მეორეხარისხოვან მოქალაქეებად ჩვენს გამოცხადებას, მილიონზე მეტი ადამიანი არ შეეგუება“, - განაცხადა გიგი უგულავამ.

26 თებერვალი 2021, 12:57

საზოგადოება

თბილისში ოპოზიციური პოლიტიკური პარტიების მიერ ორგანიზებული აქცია-მსვლელობის გამო ცალკეულ უბნებში ავტოტრანსპორტის მოძრაობა დროებით შეიზღუდება

შინაგან საქმეთა სამინისტროს საპატრულო პოლიციის დეპარტამენტი გაცნობებთ, რომ დღეს, 26 თებერვალს, თბილისში მიმდინარეობს ოპოზიციური პოლიტიკური პარტიების მიერ ორგანიზებული აქცია-მსვლელობა, რის გამოც დედაქალაქის ცალკეულ უბნებში ავტოტრანსპორტის მოძრაობა დროებით შეზღუდულია, - ამის შესახებ განცხადებას შსს ავრცელებს.

26 თებერვალი 2021, 12:55

საზოგადოება

თბილისის გაზმომარაგების ცენტრალურ მაგისტრალზე ავარია მოხდა

„აღნიშნული შემთხვევის გამო, თემქის დასახლებასა და ავჭალის ნაწილს გაზმომარაგება ავარიულად შეუწყდა. „თბილისი ენერჯის“ სპეციალური ჯგუფები ადგილზე სრულადაა მობილიზებული. გაზმომარაგების უმოკლეს დროში აღდგენისთვის ამ დროისთვის ინტენსიური სამუშაო მიმდინარეობს“ - აღნიშნულია კომპანიის განცხადებაში.

გიორგი ჩაკვეტაძე

26 თებერვალი 2021, 12:54

სპორტი

გიორგი ჩაკვეტაძე 4 ოქტომბრის შემდეგ პირველად, უკვე სრული დატვირთვით ვარჯიშობს

საქართველოს ნაკრებისა და ბელგიის „გენტის“ ნახევარმცველი გიორგი ჩაკვეტაძე უკვე სრული დატვირთვით ვარჯიშობს. კლუბის მიერ გამოქვეყნებულ ვიდეოში 21 წლის ქართველი ფეხბურთელი თანაგუნდელებთან ერთად ფიზიკური კონდიციის გაუმჯობესებაზე მუშაობს. ჩაკვეტაძეს ტრავმის გამო გასული წლის ოქტომბრის შემდეგ ოფიციალურ მატჩში არ უთამაშია. ის ბოლოს მოედანზე 4 ოქტომბერს, „ბეერსჰოტთან“ შეხვედრაში გავიდა. ხუთთვიანი პაუზის შემდეგ, გიორგიმ „გენტის“ სარეზერვო გუნდის სპარინგში მიიღო მონაწილეობა და გოლიც გაიტანა.

კადრი ფილმიდან „და ჩვენ ვიცეკვეთ“

26 თებერვალი 2021, 12:49

კულტურა

„და ჩვენ ვიცეკვეთ“ Chlotrudis Awards-ზე სამ ნომინაციაში იბრძოლებს

ფილმმა „და ჩვენ ვიცეკვეთ“ დამოუკიდებელი კინოს დაჯილდოების Chlotrudis Awards-ის სამი ნომინაცია მიიღო. ქართული სურათი საუკეთესო ფილმის, საუკეთესო კაცი მსახიობისა (ლევან გელბახიანი) და საუკეთესო მუსიკის(ზვიად მღებრიშვილი) კატეგორიებში იბრძოლებს.

რატი იონათამიშვილი

26 თებერვალი 2021, 12:45

პოლიტიკა

რატი იონათამიშვილი: ჩვენგან განსხვავებით, ქვეყნისთვის მნიშვნელოვანი საკითხების დიალოგისა და მოლაპარაკებების გადაწყვეტის გზით რადიკალური ოპოზიცია არასდროს მოდის

მმართველი გუნდი ყოველთვის მოწოდებულია, ნებისმიერი მნიშვნელოვანი საკითხი დიალოგის გზით, მოლაპარაკების მაგიდასთან გადაწყდეს, რაზეც რადიკალური ოპოზიცია არ მოდის და ყოველთვის ცდილობს, პროცესების რადიკალიზება მოახდინოს, - ამის შესახებ საქართველოს პარლამენტის უმრავლესობის წევრმა, რატი იონათამიშვილმა განაცხადა.

26 თებერვალი 2021, 12:44

თავდაცვა

კადეტთა სამხედრო ლიცეუმი მოსწავლეების მიღებას აცხადებს

ლიცეუმის დამთავრების შემდეგ, მოსწავლეებს შეუძლიათ სწავლა გააგრძელონ, როგორც დავით აღმაშენებლის სახელობის ეროვნული თავდაცვის აკადემიაში, ასევე, საქართველოში მოქმედ სხვადასხვა უმაღლეს სასწავლებლებში.

რატი იონათამიშვილი

26 თებერვალი 2021, 12:42

პოლიტიკა

რატი იონათამიშვილი აქციებზე: ჩვენს ქვეყანაში აზრის გამოხატვა არის თავისუფალი და ეს სტანდარტი დაცული იქნება

ჩვენს ქვეყანაში აზრის გამოხატვა არის თავისუფალი და ეს სტანდარტი დაცული იქნება. რაც შეეხება შინაარსსა და მოთხოვნებს ვფიქრობ, რომ ეს არის ნამდვილად უსაფუძვლო და აბსურდული, რომელსაც მხარდაჭერა არც ქვეყნის შიგნით და არც ქვეყნის გარეთ არ აქვს და ეს რასაკვირველია ასე იქნება, - ამის შესახებ საპარლამენტო უმრავლესობის წევრმა, რატი იონათამიშვილმა განაცხადა. მისივე თქმით, ოპოზიციის მიზანი დიდი ხანია არის ის, რომ უფრო მეტი რადიკალიზაცია და დაძაბულობა, ასევე ძალადობის ინსცენირება შემოიტანოს არა მხოლოდ პოლიტიკურ, არამედ საზოგადოებრივ ცხოვრებაში.

26 თებერვალი 2021, 12:38

ტაბლოიდი

კახა კალაძე მასზე შექმნილ მიმს აქვეყნებს

თბილისის მერი მასზე შექმნილ მიმს აქვეყნებს. ამ ფორმით კახა კალაძემ თოვლის დროს ქალაქში მარილის მოყრის თემაზე იხუმრა.

ირაკლი ქადაგიშვილი

26 თებერვალი 2021, 12:32

პოლიტიკა

ირაკლი ქადაგიშვილი: აქცია დღეს აღარავის უკვირს, მით უმეტეს, თუ ის ცარიელ ადგილზე ტარდება

„არანაირი დიდი მოლოდინი არ მაქვს, აქცია არავის აღარ უკვირს დღეს, მით უმეტეს აქცია, რომელიც ცარიელ ადგილზე ტარდება. მელია თვითონ, ძალით ჰყავთ ციხეში ჩასმული იმიტომ, რომ რამენაირად მოახერხონ პოლიტიკური დუღილის ტემპერატურის აწევა. ესაა მელიასა და მელიას გარშემო შეკრებილი პოლიტიკოსების მიზანი, მეტი არაფერი. საქართველოს ხელისუფლება იმოქმედებს კანონისა და მოსახლეობის ინტერესებიდან გამომდინარე. რას ნიშნავს სიტუაცია დაიძაბება? კიდევ ერთხელ დაიწყებენ შტურმის მიტანას?ესაა მათი საბოლოო მიზანი და პოლიტიკური არსენალი?“, - განაცხადა ირაკლი ქადაგიშვილმა.