Imedi /  15 დეკემბერი 2020, 20:27 / სანდო წყარო

ისნის საოლქო საარჩევნო კომისიის თავმჯდომარის გარდაცვალების საქმეზე წინასასამართლო სხდომა 17 დეკემბერს განახლდება

თბილისის საქალაქო სასამართლო

ისნის საოლქო საარჩევნო კომისიის თავმჯდომარის გარდაცვალების საქმეზე ბრალდებულების წინასასამართლო სხდომა 17 დეკემბერს განახლდება

აღნიშნული კომისიის თავმჯდომარის, თედო გობეჯიშვილის გარდაცვალების საქმეზე ბრალდებულების, აკაკი ხუსკივაძის და აკაკი კობალაძის წინასასამართლო სხდომა 17 დეკემბერს, 11:00 საათზე განახლდება.

დღევანდელ პროცესზე მხარეებმა მტკიცებულებების ნაწილის ბათილად ცნობის თაობაზე შუამდგომლობები წარმოადგინეს. დაცვის მხარემ გარდაცვლილი თედო გობეჯიშვილის თანაშემწის, ზაალ ზაალიშვილის ჩვენების ბათილად ცნობა მოითხოვა. ადვოკატების განცხადებით, ის ირიბი მოწმეა.

ამასთან, ადვოკატებმა იშუამდგომლეს, რომ ბათილად იყოს ცნობილი ბრალდებულ აკაკი კობალაძის სახლში ჩატარებული ჩხრეკის ოქმი, რომელზეც მათი თქმით, არაუფლებამოსილი პირის ხელმოწერაა, ამოღებული საბრძოლო მასალა კი სახლში სამართალდამცველებმა მიიტანეს.

დაცვის მხარე ამ საქმეზე გაკეთებული განცხადებების საფუძველზე „ქართული ოცნების“ წევრების, ბექა დავითულიანისა და გიორგი ხელაშვილის დაკითხვას ითხოვს.

ბრალდების მხარემ კი პროცესზე დაცვის მხარის მოწმეთა ნუსხიდან რამდენიმე პირის ამორიცხვის შუამდგომლობა დააყენა, მათ შორის ბექა დავითულიანისა და გიორგი ხელაშვილის.

ადვოკატებისა და პროკურორის შუამდგომლობებზე მოსამართლის გადაწყვეტილება შემდეგ სხდომაზე გახდება ცნობილი.

„არ ვეთანხმები დაცვის მხარის შუამდგომლობას ბრალდების მხარის მოწმეთა ნუსხიდან სამი პირის ამორიცხვის თაობაზე. სასამართლოში იკითხებიან ის პირები, ვისაც გარკვეული შემხებლობა აქვთ სისხლის სამართლის საქმესთან. მაგალითად, ფლობენ კონკრეტულ ინფორმაციას, ან მონაწილეობდნენ საგამოძიებო-საპროცესო მოქმედებებში. პირები, რომელთა ამორიცხვაც ბრალდების მხარემ მოითხოვა დაცვის მხარის მოწმეთა სიიდან, არიან ის პირები, რომლებიც ამ კონკრეტულ სისხლის სამართლის საქმეზე ვერ იქნებიან ინფორმატიულები და მათი შემხებლობა სისხლის სამართლის საქმესთან არ დასტურდება. სწორედ ამიტომ ითხოვს ბრალდების მხარე მათ ამორიცხვას დაცვის მხარის მოწმეთა სიიდან. მოსამართლე ამ საკითხზე სავარაუდოდ, მომდევნო სხდომაზე იმსჯელებს“, – განაცხადა პროკურორმა, მარიამ ბერძენიშვილმა.

თედორე გობეჯიშვილი 43 წლის ასაკში მოულოდნელად გარდაიცვალა.

ყველა სიახლე

04 მარტი 2021, 12:26

საზოგადოება

Wizz Air-ი ფრენებს ანახლებს

Wizz Air-ი, რომელიც ყოველთვის ძალიან დიდ ინტერესს იწვევს, ფრენებს მარტის ბოლოდან განახლებულ ქუთაისის საერთაშორისო აეროპორტში აახლებს და ამ მომენტისთვის არსებული ინფორმაციით, ფრენებს 20 მიმართულებით შეასრულებს, კვირაში 45 ფრენა, - ამის შესახებ ეკონომიკის მინისტრმა, ნათია თურნავამ მთავრობის სხდომის დასრულების შემდეგ გამართულ ბრიფინგზე განაცხადა.

ნათია თურნავა

04 მარტი 2021, 12:26

ეკონომიკა

ნათია თურნავა: უახლოეს პერიოდში ანაკლიასთან დაკავშირებით ინვესტორების შერჩევის ტენდერი მომზადდება

წინასწარ ვიცით, რომ შეიძლება გამოხატული იყოს ინტერესი, განსაკუთრებით ჩვენი დასავლელი პოტენციური ინვესტორების მხრიდან და ვიმუშავებთ შესაბამის კვალიფიციურ კონსულტატთან ერთად, იმისთვის რომ ეს პროცესი ძალიან სწრაფად განახლდეს“, - განაცხადა ეკონომიკის მინისტრმა.

ლევან დავითაშვილი

04 მარტი 2021, 12:25

ეკონომიკა

ლევან დავითაშვილი „ნამახვანჰესზე“: დარწმუნებული ვარ, რომ პროექტი წარმატებით განხორციელდება

​„ამ ჯგუფების გავლენა მოსახლეობაზე სამწუხაროდ არის ძალიან ნეგატიური. მაგრამ დარწმუნებული ვარ, რომ ხელში გვაქვს ყველაფერი, იმისთვის რომ მოსახლეობას მივუტანოთ ობიექტური ინფორმაცია და დარწმუნებული ვარ, რომ პროექტი წარმატებით განხორციელდება“, - განაცხადა დავითაშვილმა.

ნათია თურნავა

04 მარტი 2021, 12:22

ეკონომიკა

ნათია თურნავამ განმარტა, რას ითვალისწინებს ეკონომიკის განვითარების გრძელვადიანი გეგმა

პრემიერ-მინისტრისგან მივიღეთ დავალება, რომ ჩავერთოთ გრძელვადიანი, 10-წლიანი გეგმის შემუშავებაში, - ამის შესახებ ეკონომიკის მინისტრმა, ნათია თურნავამ მთავრობის სხდომის დასრულე ბის შემდეგ გამართულ ბრიფინგზე განაცხადა.

სახელმწიფო დეპარტამენტი

04 მარტი 2021, 12:17

სამართალი

აშშ-ის სახელმწიფო დეპარტამენტი ყოველწლიურ ანგარიშში ნარკოტიკების წინააღმდეგ ბრძოლის მიმართულებით საქართველოს შინაგან საქმეთა სამინისტროს მიერ ჩატარებულ წარმატებულ ღონისძიებებზე წერს

ამერიკის შეერთებული შტატების სახელმწიფო დეპარტამენტის მიერ მომზადებულ საერთაშორისო ნარკოტიკების კონტროლის სტრატეგიის 2021 წლის ანგარიშში, ნარკოტიკების წინააღმდეგ ბრძოლის მიმართულებით 2020 წელს საქართველოს შინაგან საქმეთა სამინისტროს მიერ ჩატარებულ წარმატებულ ღონისძიებებზეა საუბარი.

ანგელა მერკელი

04 მარტი 2021, 12:12

COVID19

გერმანიაში Astrazeneca-ს ვაქცინას 65 წელს გადაცილებულებიც გაიკეთებენ

გერმანია Astrazeneca-ს პრეპარატთან დაკავშირებით პოზიციას ცვლის და 65 წელს გადაცილებულებს ვაქცინის გაკეთების საშუალებას აძლევს. ამის შესახებ კანცლერმა ანგელა მერკელმა განაცხადა. ამის შესახებ BBC წერს.

საბა ლობჟანიძე

04 მარტი 2021, 12:10

სპორტი

საბა ლობჟანიძიემ თურქეთის „სუპერ ლიგის“ ლიდერ „გალათასარაის“ გაუტანა

საბა ლობჟანიძიემ თურქეთის „სუპერ ლიგის“ ლიდერ „გალათასარაის“ გაუტანა. ჩემპიონატის 28-ე ტურის დაპირისპირებაში „ანაკარაგუჩუმ“, „გალათასარაის“ უმასპინძლა და ანგარიშით 2-1 დაამარცხა. ლობჟანიძემ მეორე ტაიმის 55-ე წუთზე მოწინააღმდეგე ეფექტური მოძრაობით მოატყუა და ბურთი მეტოქის კარში გადაგზავნა. მატჩის მიწურულს „გალათასარაიმ“ ერთი ბურთის გაქვითვა მოახერხა, თუმცა გატანილი გოლი სტუმრებს მატჩის გადასარჩენად არ ეყოთ. საბა ლობჟანიძის ანგარიშზე თურქთის „სუპერ ლიგის“ მიმდინარე სეზონში, 26 შეხვედრაში 3 გოლი და 7 საგოლე გადაცემაა.

04 მარტი 2021, 12:07

ეკონომიკა

გლდანში, კონსტანტინე ლესელიძის ქუჩაზე საგზაო სამუშაოები მიმდინარეობს

მოეწყობა საფეხმავლო ბილიკები, ბორდიურები და LED განათებები დამონტაჟდება. პროექტისთვის, რომელსაც გლდანის რაიონის გამგეობის დაკვეთით, ტენდერში გამარჯვებული შპს ,,დინ გრუპი“ ასრულებს, 827 508 ლარია გათვალისწინებული.

04 მარტი 2021, 12:01

COVID19

უკრაინაში კორონავირუსის 10,057 შემთხვევა გამოვლინდა

ბოლო 24 საათის განმავლობაში უკრაინაში კორონავირუსი კიდევ 10,057 ადამიანს დაუდასტურდა, 194 ინფიცირებული კი გარდაიცვალა. ინფორმაციას ქვეყნის ჯანდაცვის სამინისტრო ავრცელებს. ჯამში ქვეყანაში კორონავირუსი 1,374,762 ადამიანს დაუდგინდა. COVID-19-ს სულ 26,591 პაციენტი ემსხვერპლა, 1,186,873 ინფიცირებული კი გამოჯანმრთელდა.

ნინო დოლიძე

04 მარტი 2021, 11:58

პოლიტიკა

ნინო დოლიძე: „სამართლიან არჩევნებს“ აქვს რეკომენდაციები, რომლებიც საარჩევნო ადმინისტრაციის დაკომპლექტებას ეხება

„ზოგადად, „სამართლიანი არჩევნების“ პოზიციაა, რომ იმისთვის, რომ საარჩევნო რეფორმას ჰქონდეს მაღალი ნდობა და ლეგიტიმაცია საზოგადოებისგან, უნდა იყოს იმ დიალოგის ნაწილი, რომელზეც ამდენი ხანია ვსაუბრობთ ხელისუფლებასა და ოპოზიციას შორის და რომელზეც ჩვენი ევროპელი კოლეგები მოგვიწოდებენ. ვფიქრობთ, რომ თუ ეს რეფორმა იქნება იმ დიალოგის ნაწილი და ვისაუბრებთ სისტემურ საარჩევნო რეფორმაზე, მზად ვართ, რომ უფრო ამბიციური რეკომენდაციები წარვადგინოთ ქვეყანაში თავისუფალი და დემოკრატიული არჩევნების ჩატარებასთან დაკავშირებით“, - განაცხადა ნინო დოლიძემ.

Starshio10

04 მარტი 2021, 11:58

ტექნოლოგიები

SpaceX-მა რაკეტა Starship-ი პირველად დასვა წარმატებით, თუმცა შემდეგ რაკეტა აფეთქდა. ვიდეო

საცდელი ფრენა ტეხასში ჩატარდა. აპარატი 10 მეტრის სიმაღლეზე ავიდა, რის შემდეგაც ყველა ძრავა გამორთო. Starship-ი ჰორიზონტალურად გადაბრუნდა და კონტროლირებადი დაცემა დაიწყო. შემდეგ რაკეტამ ძრავები კვლავ აამუშავა და წინა ორი სატესტო ფრენისგან განსხვავებით წარმატებულად დაეშვა.

04 მარტი 2021, 11:57

COVID19

სომხეთში კორონავირუსის 491 შემთხვევა გამოვლინდა

სომხეთში კორონავირუსი კიდევ 491 ადამიანს დაუდასტურდა, 6 ინფიცირებული კი გარდაიცვალა. ამის შესახებ ადგილობრივი მედია, ჯანდაცვის სამინისტროზე დაყრდნობით იტყობინება. სულ ქვეყანაში კორონავირუსის 173,307 შემთხვევა დადასტურდა, გარდაიცვალა 3,208 ადამიანი, გამოჯანმრთელდა - 164,085.

04 მარტი 2021, 11:40

რეგიონი

გუდაური-კობის მონაკვეთზე მისაბმელიანი ავტოტრანსპორტის მოძრაობა აღდგა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, გუდაური-კობის მონაკვეთზე მისაბმელიანი ავტოტრანსპორტის მოძრაობა აღდგა. ამ დროისთვის, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე ავტოტრანსპორტის მოძრაობა თავისუფალია.

04 მარტი 2021, 11:34

რეგიონი

ნაქერალას უღელტეხილზე მისაბმელიანი ავტოტრანსპორტის მოძრაობა აღდგა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ნაქერალას უღელტეხილზე მისაბმელიანი ავტოტარნსპორტის მოძრაობა აღდგა. ამ დროისთვის, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზაზე ყველა სახის ავტოტრანსპორტის მოძრაობა თავისუფალია.

04 მარტი 2021, 11:32

სამართალი

თბილისში მომხდარი მკვლელობის ფაქტზე 1 პირი დააკავეს

სამართალდამცველებმა 1984 წელს დაბადებული ზ.ს. განზრახ მკვლელობის, დამამძიმებელ გარემოებაში ჩადენილი განზრახ მკვლელობის მცდელობის და ცეცხლსასროლი იარაღის მართლსაწინააღმდეგო შეძენა-შენახვის ბრალდებით დააკავეს. ამის შესახებ ინფორმაციას შსს ავრცელებს. მათივე ინფორმაციით, დანაშაული 11-დან 14 წლამდე ვადით თავისუფლების აღკვეთას ითვალისწინებს.

ირაკლი ღარიბაშვილი

04 მარტი 2021, 11:29

COVID19

ირაკლი ღარიბაშვილი: უნდა გვახსოვდეს, რომ თუ გაუარესდება სიტუაცია, იძულებულები გავხდებით, გარკვეული შეზღუდვები დავაბრუნოთ

„ჩვენ შევამსუბუქეთ შეზღუდვები. ეს ყველა ღონისძიება ემსახურებოდა იმას, რომ მაქსიმალურად სწრაფად აღდგეს და გაიხსნას ეკონომიკა. მეორე მხრივ, ჩვენ უნდა გვახსოვდეს, რომ თუ გაუარესდება სიტუაცია, იძულებულები გავხდებით, გარკვეული შეზღუდვები დავაბრუნოთ. სწორედ ამის თავიდან აცილების მიზნით, საჭიროა ელემენტარული მოთხოვნები დავიცვათ და რა თქმა უნდა, ამას შესაბამისი კონტროლი სჭირდება სახელმწიფოს მხრიდან“, - განაცხადა ირაკლი ღარიბაშვილმა.

04 მარტი 2021, 11:27

სამართალი

შემოსავლების სამსახურის თანამშრომლება 500 კოლოფი უაქციზო სიგარეტი ამოიღეს

ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის სამეგრელოს, გურიისა და ზემო სვანეთის სამმართველოს თანამშრომლებმა, მიმდინარე კონტროლის პროცედურების შედეგად, 500 კოლოფი უაქციზო სიგარეტი გამოავლინეს, რომელიც სისხლის სამართლის დანაშაულის ნიშნებს შეიცავდა. ამის შესახებ ინფორმაციას შემოსავლების სამსახური ავრცელებს.

ირაკლი ღარიბაშვილი

04 მარტი 2021, 11:23

ეკონომიკა

ანაკლიის პორტის პროექტისთვის ახალი პოტენციური ინვესტორის შესარჩევად ტენდერი გამოცხადდება

ანაკლიის ღრმაწყლოვან პორტის ასაშენებლად ინვესტორის შესარჩევად ტენდერი გამოცხადდება, - ამის შესახებ დღეს მთავრობის სხდომაზე საქართველოს პრემიერ-მინისტრმა ირაკლი ღარიბაშვილმა განაცხადა. მისი თქმით, მთავრობა ანაკლიის პორტის მშენებლობის პროექტის მიმართ მხარდაჭერას ყოველთვის გამოხატავდა. პრემიერმა აღნიშნა, რომ მე-9 მოწვევის პარლამენტმა კონსტიტუციაში შეიტანა ანაკლიის ღრმაწყლოვანი პორტი, როგორც განსაკუთრებული პრიორიტეტი.

ირაკლი ღარიბაშვილი

04 მარტი 2021, 11:18

ეკონომიკა

სახელმწიფო ვალის ეფექტიანი მართვის მიზნით, საქართველოს მთავრობა ახალი ევრობონდის გამოშვებისათვის მზადებას იწყებს

მინისტრთა კაბინეტის წევრები მთავრობის სხდომაზე ახალი ევროობლიგაციების გამოშვების უზრუნველყოფის მიზნით საინვესტიციო ბანკების შერჩევის პროცედურების ინიცირების საკითხს განიხილავენ. ამის შესახებ პრემიერ-მინისტრმა ირაკლი ღარიბაშვილმა განაცხადა. როგორც პრემიერმა აღნიშნა, 2011 წელს, საქართველომ ლონდონის საფონდო ბირჟაზე განათავსა საქართველოს 10-წლიანი დაფარვის ვადის ევროობლიგაცია 500 მილიონი აშშ დოლარის ოდენობით, რომლის ძირითადი თანხის დაფარვის ვადა 2021 წლის აპრილია. მთავრობის მეთაურის თქმით, არსებული ევრობონდის ძირითადი თანხის დაფარვისთვის, საჭიროა მოხდეს ფინანსური რესურსის მოზიდვა ახალი ევრობონდის გამოშვებით.

ირაკლი ღარიბაშვილი

04 მარტი 2021, 11:17

ეკონომიკა

ირაკლი ღარიბაშვილი: თბილისში მდებარე მცირე და საშუალო ზომის სარესტორნო ბიზნესისთვის სუბსიდირების პროგრამა ამოქმედდა

შემუშავდა კრიტერიუმები, რომელთა შესაბამისადაც ანტიკრიზისული გეგმის და მცირე და საშუალო ბიზნესის მხარდაჭერის ფარგლებში პანდემიით გამოწვეული ზიანის შემსუბუქებისა და ეკონომიკის სტიმულირებისთვის ამოქმედდა სუბსიდირების პროგრამა თბილისში მდებარე მცირე და საშუალო ზომის სარესტორნო ბიზნესისთვის, - ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.