imedi /  28 მარტი 2019, 10:32 / სანდო წყარო

სუსი: ოკუპანტები შექმნილ ვითარებას ქვეყანაში მიმდინარე პოლიტიკურ პროცესებზე გავლენის მოსახდენად იყენებდნენ

„საქართველოსთვის მთავარ საფრთხეს კვლავ წარმოადგენს ოკუპაცია და ოკუპირებულ რეგიონებში უკანონოდ განთავსებული რუსული სამხედრო ძალები“, - ამის შესახებ სახელმწიფო უსაფრთხოების სამსახურის 2018 წლის ანგარიშშია ნათქვამი, რომელიც უწყებამ საქართველოს პარლამენტში წარადგინა.

როგორც სახელმწიფო უსაფრთხოების სამსახურში აღნიშნავენ, 2018 წელს ნათლად გამოიკვეთა ტენდენცია, რომ საოკუპაციო ძალა ოკუპირებულ ტერიტორიებს და იქ შექმნილ ვითარებას, მათ შორის, უკანონო დაკავებებსა და ე.წ. ბორდერიზაციას საქართველოში გარკვეულ საკითხებზე სამოქალაქო აზრის ფორმირებისა და ქვეყანაში მიმდინარე სხვადასხვა, მათ შორის, პოლიტიკურ პროცესებზე გავლენის მოსახდენად იყენებდა.

„ოკუპირებულ აფხაზეთში პროცესების სამართავად საოკუპაციო ძალა აქტიურად იყენებს ხელოვნურად შექმნილ „პოლიტიკურ-ეკონომიკურ“ არასტაბილურობას და დე ფაქტო რეჟიმს მისთვის სასურველი გადაწყვეტილებების მიღებისკენ უბიძგებს. ცხინვალის რეგიონში მოქმედი დე ფაქტო რეჟიმი კი ღიად უჭერს მხარს ოკუპირებული ტერიტორიის რუსეთის ფედერაციასთან გაერთიანებას“, - ნათქვამია სუსის ანგარიშში.

უწყების ინფორმაციით, საანგარიშო პერიოდში რუსეთის ფედერაციიდან მიღებული პირდაპირი ფინანსური დახმარების წილმა დეფაქტო აფხაზეთის ე.წ. სახელმწიფო ბიუჯეტში დაახლოებით 45% (64 მლნ აშშ დოლარი), ხოლო ცხინვალის რეგიონის „ბიუჯეტში“ დაახლოებით 86% (113 მლნ აშშ დოლარი) შეადგინა. ე.წ. ბიუჯეტების დარჩენილი წილის შევსება კი რუსეთის მიერ გამოყოფილი არაპირდაპირი ფინანსური დახმარების მეშვეობით განხორციელდა.

სახელმწიფო უსაფრთხოების სამსახურის მიერ ოკუპირებული ცხინვალის რეგიონის მიმართულებით 100, ხოლო ოკუპირებული აფხაზეთის მიმართულებით 28 უკანონო დაკავების ფაქტი დაარეგისტრირეს. სუსში აღნიშნავენ, რომ გასული წლის განმავლობაში საოკუპაციო ძალებისა და დეფაქტო რეჟიმების მიერ მიზანმიმართულად მიმდინარეობდა სხვადასხვა ხელოვნური ბარიერების შექმნა ადგილობრივი მოსახლეობისთვის თავისუფალი გადაადგილების უფლების შეზღუდვის კუთხით.

„2018 წელს საქართველოს მოქალაქეების არჩილ ტატუნაშვილის და გიგა ოთხოზორიას მკვლელობებისა და დავით ბაშარულის გაურკვეველ ვითარებაში გარდაცვალების საქმესთან დაკავშირებით, საოკუპაციო ძალისა და დე ფაქტო რეჟიმების მხრიდან სიმართლის დადგენისა და დამნაშავეების დასჯის მიზნით ნაბიჯები კვლავ არ გადადგმულა. სახელმწიფო უსაფრთხოების სამსახური იყენებს ყველა არსებულ მექანიზმს, რათა საქართველოს მოქალაქეების სიცოცხლის ხელყოფასთან დაკავშირებული ყველა პირი წარსდგეს მართლმსაჯულების წინაშე“, - აღნიშნავენ ანგარიშში.

უწყების ცნობით, საანგარიშო პერიოდში გამოიკვეთა რუსეთის საოკუპაციო ძალის მიერ მართული სახიფათო ტენდენცია, რაც ინციდენტების პრევენციისა და მათზე რეაგირების მექანიზმის​ (IPRM) შეხვედრების მიზანმიმართულ დაზიანებაში გამოიხატებოდა.

„დეფაქტო რეჟიმებისა და რუსეთის ფედერაციის წარმომადგენლებმა შეხვედრების დღის წესრიგიდან გ. ოთხოზორიას, ა. ტატუნაშვილის და დ. ბაშარულის საკითხების ამოღება ულტიმატუმის სახით მოითხოვეს. მოთხოვნის დაუკმაყოფილებლობის შემდეგ IPRM-ის შეხვედრებში მონაწილეობაზე უარი განაცხადეს. შედეგად, ოკუპირებული ცხინვალის მიმართულებით ოქტომბერსა და ნოემბერში აღნიშნული შეხვედრები არ გამართულა, ხოლო ოკუპირებულ ქ. გალში IPRM-ის ფორმატი 2018 წლის 27 ივნისის შემდეგ ამ დრომდე შეწყვეტილია. შესაბამისად, საანგარიშო პერიოდში ქ. გალში ექვსი, ხოლო ოკუპირებული ცხინვალის რეგიონის მიმართულებით (სოფელ ერგნეთში) ინციდენტების პრევენციისა და მათზე რეაგირების მექანიზმის შვიდი შეხვედრა გაიმართა“, - წერია საქართველოს სახელმწიფო უსაფრთხოების სამსახურის 2018 წლის ანგარიშში.

ყველა სიახლე

აშშ უკრაინა დროშები

20 სექტემბერი 2019, 17:52

მსოფლიო

ტრამპი ზელენსკის 25 სექტემბერს შეხვდება

დონალდ ტრამპი ვოლოდიმირ ზელენსკის 25 სექტემბერს შეხვდება. ორი ქვეყნის მეთაურის შეხვედრა სექტემბრის დასაწყისში, ვარშავაში, მეორე მსოფლიო ომის დაწყებიდან მე-80 წლისთავისადმი მიძღვნილ სამიტზე იგეგმებოდა. თუმცა ქარიშხალ „დორიანის“ გამო ტრამპი პოლონეთში არ ჩავიდა.

გენო პეტრიაშვილი

20 სექტემბერი 2019, 17:51

სპორტი

მოჭიდავე გენო პეტრიაშვილი მსოფლიო ჩემპიონატის ფინალში იასპარეზებს

გენო პეტრიაშვილი მსოფლიო ჩემპიონატის ფინალში იასპარეზებს. მან ნახევარფინალში უკრაინელ ხოციავინსკის ანგარიშით 6-2 მოუგო. პეტრიაშვილმა საქართველოს ნაკრებს 2020 წლის ტოკიოს ოლიმპიური თამაშების ლიცენზიაც მოუტანა.

თეა წულუკიანი

20 სექტემბერი 2019, 17:18

საქართველო

თეა წულუკიანს სკანდალურ შეწყალებასთან დაკავშირებით კითხვები აქვს

იუსტიციის მინისტრი თეა წულუკიანი სკანდალურ შეწყალებასთან დაკავშირებით შესაძლო კორუფციაზე მიანიშნებს. მინისტრი ამბობს, რომ საქმის გამოძიება აუცილებელია. მისივე განცხადებით, პრეზიდენტის მიერ გამოცხადებული მოკლე ვადებში უნდა დასრულდეს, რადგან ამ ფაქტმა შესაძლოა ზოგიერთი პატიმრის უფლება შელახოს.

Twitter

20 სექტემბერი 2019, 17:08

ტექნოლოგიები

Twitter-მა ათასობით ანგარიში დაბლოკა

Twitter-მა ათასობით ანგარიში დაბლოკა, რომლებიც ცრუ ინფორმაციას და სამთავრობო პროპაგანდას ავრცელებდა. ამის შესახებ Deutsche Welle-ს რუსული ბიური წერს. ანგარიშების უმეტესი ნაწილი არაბთა გაერთიანებულ საამიროებს, ჩინეთს, ესპანეთს და ეკვადორს უკავშირდება.

რამზან ახიადოვი

20 სექტემბერი 2019, 17:04

ძალოვნები

იუსტიციის სამინისტრო: რამზან ახიადოვს რუსეთში ექსტრადირებით საფრთხე არ ემუქრება

იუსტიციის სამინისტრო საქართველოდან რუსეთის მოქალაქის, ინტერპოლით ძებნილი რამზან ახიადოვის რუსეთში ექსტრადირებასთან დაკავშირებით, „მაღალი საზოგადოებრივი ინტერესიდან გამომდინარე და სპეკულაციების ასარიდებლად“, დამატებით ინფორმაციას ავრცელებს.

ბილ დე ბლაზიო

20 სექტემბერი 2019, 16:51

მსოფლიო

ნიუ-იორკის მერი საპრეზიდენტო არჩევნებში კენჭს აღარ იყრის

ნიუ-იორკის მერმა ბილ დე ბლაზიომ განაცხადა, რომ საპრეზიდენტო არჩევნებში კენჭს აღარ იყრის. „ჩემი აზრით, პრაიმერიზე გავაკეთე ყველაფერი, თუმცა ახლა ჩემი დრო არაა. ამიტომ გადავწყვიტე, დავასრულო წინასაარჩევნო კამპანია და გავაგრძელო მუშაობა ნიუ-იორკის მერად“, - განაცხადა დე ბლაზიომ ტელეკომპანია MSNBC-ის ეთერში.

სამსახური

20 სექტემბერი 2019, 16:34

საქართველო

ორ სამსახურში მუშაობა შესაძლოა აიკრძალოს

„ქართული ოცნების“ წევრის, დეპუტატ დიმიტრი ცქიტიშვილის მიერ მომზადებული კანონპროექტის მიხედვით, მოქალაქეებს აეკრძალებათ ერთზე მეტ სამსახურში დასაქმება, თუ აღნიშნული სამსახურის შესრულებით დადგენილი საათები ჯამურად აჭარბებს შრომის კოდექსის მეხუთე თავში არსებულ დანაწესს.

გულალაი ისმაილი

20 სექტემბერი 2019, 16:18

მსოფლიო

პაკისტანელი უფლებადამცველი აშშ-ს თავშესაფარს სთხოვს

პაკისტანელი უფლებადამცველი, რომელიც რამდენიმე თვის განმავლობაში მიმალვაში იყო, აშშ-ში ჩაფრინდა. ამის შესახებ BBC წერს. გამოცემის ინფორმაციით, პაკისტანის მთავრობა გულალაი ისმაილს ხელისუფლების საწინააღმდეგო ქმედებებსა და ძალადობისკენ მოწოდებაში ადანაშაულებს

ოთო კახიძე

20 სექტემბერი 2019, 16:10

საქართველო

ოთო კახიძე: თუ დანაშაულის ნიშნები გამოიკვეთა, პრეზიდენტის მიმართ იმპიჩმენტის პროცედურა დაიწყება

„ევროპული საქართველო“ პროკურატურას პრეზიდენტის მიერ შეწყალების პროცესთან დაკავშირებით გამოძიებისთვის 1-თვიან ვადას აძლევს, - ამის შესახებ „ევროპული საქართველოს“ წევრმა ოთო კახიძემ განაცხადა. მისი თქმით, შესაძლოა პრეზიდენტის მიმართ იმპიჩმენტის პროცესიც დაიწყოს.

სალომე ზურაბიშვილი

20 სექტემბერი 2019, 16:06

საქართველო

ზურაბიშვილი აშშ-ში სამუშაო ვიზიტით გაემგზავრება

ნიუ-იორკში საქართველოს პრეზიდენტის მონაწილეობით იგეგმება ორმხრივი შეხვედრები სხვადასხვა ქვეყნების ლიდერებთან და გაეროს გენერალურ მდივანთან. საქართველოს პრეზიდენტი გაეროს გენერალური ასამბლეის სესიაში მონაწილეების პატივსაცემად დონალდ ტრამპისა და მისი მეუღლის სახელით გამართულ ოფიციალურ მიღებას დაესწრება.

სოფიო კილაძე

20 სექტემბერი 2019, 15:58

ძალოვნები

სოფო კილაძე: მარგველაშვილის და ზურაბიშვილის შემთხვევაშიც ყველაფერს თავის სახელს ვარქმევთ

„მარგველაშვილის და ზურაბიშვილის შემთხვევაშიც ორივე მიმართულებით ყველაფერს თავის სახელს ვარქმევთ“, - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ სოფო კილაძემ განაცხადა. მისი თქმით, პრეზიდენტის შეწყალებებთან დაკავშირებით მმართველ გუნდს ყოფილი პრეზიდენტის დროსაც იგივე მიდგომა ჰქონდა.

პერენც პუშკაში

20 სექტემბერი 2019, 15:13

ტაბლოიდი

ბუდაპეშტში მთელი ღამე Rammstein-ის სიმღერა ისმოდა

ბუდაპეშტში საფეხბურთო სტადიონ „ფერენც პუშკაშზე“ მთელი ღამის განმავლობაში გერმანულ როკ-ჯგუფ Rammstein-ის ერთი და იგივე სიმღერა ისმოდა. ამის შესახებ euronews-ი წერს. გამოცემის ინფორმაციით, მუსიკა ხმამაღლა იყო ჩართული, ამიტომ მეზობელი სახლების მცხოვრებლებმა სიმღერა „Deutschland“-ის ტექსტი ზეპირად ისწავლეს.

პარლამენტი

20 სექტემბერი 2019, 14:59

საქართველო

ციხელაშვილის მოსმენისას დეპუტატების დიდმა ნაწილმა დარბაზი დატოვა

„მინისტრის საათის“ ფორმატში ქეთევან ციხელაშვილის მოსმენის დაწყებამდე პარლამენტში რეგისტაცია 122-მა დეპუტატმა გაიარა. თუმცა მას შემდეგ, რაც შერიგებისა და სამოქალაქო თანასწორობის საკითხებში სახელმწიფო მინისტრის გამოსვლა დაიწყო, ოპოზიციის და უმრავლესობის დეპუტატების დიდმა ნაწილმა სხდომათა დარბაზი დატოვა.

სოფლის მეურნეობის ტურიზმი კონფერენცია

20 სექტემბერი 2019, 14:42

ეკონომიკა

ბათუმში სოფლის ტურიზმის საერთაშორისო კონფერენცია გაიხსნა

„სოფლად ცხოვრება, როგორც ტურისტული პროდუქტი“ - ამ თემაზე ბათუმში სოფლის ტურიზმის მესამე საერთაშორისო კონფერენცია გაიხსნა. ღონისძიებაში 150-მდე ქართველი და უცხოელი დელეგატი მონაწილეობს. კონფერენცია აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით იმართება.

საქართველოს პარლამენტი

20 სექტემბერი 2019, 14:25

საქართველო

პარლამენტმა „სახელმწიფო ინსპექტორის სამსახურის შესახებ“ კანონში ცვლილებები მიიღო

კანონი სახელმწიფო ინსპექტორის სამსახურს გამოძიების ჩატარებისა და ოპერატიულ-სამძებრო საქმიანობის განხორციელების უფლებას ანიჭებს, რის გამოც სამსახურის საგამოძიებო დანაყოფში ოპერატიული მუშაკის და ექსპერტ-კრიმინალისტის თანამდებობების შემოღება იგეგმება.

სიდნეი კლიმატის ცვლილება

20 სექტემბერი 2019, 14:19

მსოფლიო

მსოფლიოში კლიმატის ცვლილებას აპროტესტებენ

მსოფლიოს 160-მდე ქვეყანაში კლიმატის ცვლილების საწინააღმდეგო დემონსტრაციები იმართება. ამის შესახებ BBC წერს. გამოცემის ინფორმაციით, დემონსტრანტები წიაღისეული საწვავის ხანის დასრულებას და დედამიწის ბუნებრივი რესურსების სამართლიან გადანაწილებას ითხოვენ.

20 სექტემბერი 2019, 14:10

ეკონომიკა

ეროვნულმა ბანკმა მონეტარული პოლიტიკის კომიტეტის რიგგარეშე სხდომა დანიშნა

ეს იქნება პირველი შემთხვევა, როცა კომიტეტი რიგგარეშე სხდომაზე შეიკრიბება. სხდომაზე კომიტეტი მონეტარული პოლიტიკის საპროცენტო განაკვეთის შესახებ იმსჯელებს. მონეტარული პოლიტიკის კომიტეტი განრიგით წელიწადში რვაჯერ იკრიბება.

ნანა ლორთქიფანიძე

20 სექტემბერი 2019, 14:03

საქართველო

ნანა ლორთქიფანიძე: აჟიოტაჟის შემდეგ ოთხმეზურის ოჯახს პრეზიდენტის ადმინისტრაციიდან დაუკავშირდნენ

ისტორიკოს გიორგი ოთხმეზურის ბიძაშვილის, მსახიობის თქმით, დავით ოთხმეზურის მკვლელობაში მსჯავრდებულის შეწყალების გამო საზოგადოებაში აჟიოტაჟის ატეხვის შემდეგ, ოჯახს პრეზიდენტის ადმინისტრაცია დაუკავშირდა და ზურაბიშვილის წუხილი გადასცა იმის შესახებ, რომ „არ იცოდა, ვინ იყო დაზარალებული“.

20 სექტემბერი 2019, 13:57

ეკონომიკა

კახეთში წელს ერთი დღე-ღამის განმავლობაში 11 ათასი ტონა ყურძენი გადაამუშავეს

კახეთში მიმდინარე რთველის დროს, გასული დღე-ღამის განმავლობაში 11 ათასი ტონა ყურძენი გადაამუშავეს, რაც ბოლო 30 წლის ყველაზე მაღალი მაჩვენებელია. ამის შესახებ ინფორმაციას რთველი 2019-ის საკოორდინაციო შტაბი ავრცელებს.

ირმა ნადირაშვილი

20 სექტემბერი 2019, 13:53

ძალოვნები

პრეზიდენტის მიერ შეწყალების საქმეზე ირმა ნადირაშვილს გამოკითხავენ

„ევროპული საქართველოს“ წევრს ირმა ნადირაშვილს პროკურატურაში გამოკითხავენ. საქმე ეხებას მსჯავრდებულების რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე დაწყებულ გამოძიებას.