Imedi /  10 აპრილი 2019, 21:15 / სანდო წყარო

9 აპრილთან დაკავშირებით ქართველმა ელჩებმა Washington Post-ში სტატია გამოაქვეყნეს

1989 წლის 9 აპრილის მოვლენების 30-ე წლისთავთან დაკავშირებით აშშ-ში საქართველოს ელჩმა დავით ბაქრაძემ და ბელგიის სამეფოსა და ლუქსემბურგის დიდ საჰერცოგოში საქართველოს ელჩმა ნატალია საბანაძემ სტატია გამოაქვეყნეს.

დავით ბაქრაძემ ამერიკულ გამოცემა “Washington Post“-ში დაწერა, რომ „საქართველომ თავისი სვლა დამოუკიდებლობის, თავისუფლებისა და დემოკრატიის გზაზე სწორედ 30 წლის წინ, 1989 წლის 9 აპრილს დაიწყო, როდესაც მომაკვდავმა საბჭოთა იმპერიამ ქართველი ხალხის წინააღმდეგ გაიბრძოლა“.

დიპლომატის შეფასებით, 1989 წლის 9 აპრილს, საქართველოს ისტორიაში ახალი ფურცელი გადაიშალა. „9 აპრილით დამონებულმა სახელმწიფომ უარი თქვა რღვევის პირას მყოფ საბჭოთა იმპერიაზე. ამან კომუნისტური ბლოკის ქვეყნებში ჯაჭვური რეაქციის ეფექტით ხალხის პროტესტი და მღელვარება გამოიწვია, რაც 1991 წელს საბჭოთა კავშირის დაშლით დასრულდა“, - წერს ბაქრაძე.

ბაქრაძის შეფასებით, „9 აპრილმა ადგილი შეუცვალა იმ ღერძს, რომლის გარშემოც საქართველოსთვის მთელი მსოფლიო ბრუნავდა“. ეს კი, აშშ-ში საქართველოს ელჩის სიტყვებით, „რთული პერიოდის დასაწყისს მოასწავებდა, რადგან საქართველოს თავსმოხვეული პოლიტიკური წესრიგიდან უნდა დაეღწია თავი და ევროპულ ცივილიზაციასთან თავისი ძველი კავშირების აღდგენაზე უნდა ეზრუნა, რაც ქართველი ხალხის ხელშეუვალი უფლებაა“.

ბაქრაძე აღნიშნავს, რომ „30 წლის წინ ვერავინ ისაუბრებდა გამოკვეთილად საქართველოს მომავალზე, ქვეყნის წინაშე მდგარი დასავლური პერსპექტივაც საკმაოდ ბუნდოვანი იყო, მაგრამ ფაქტია, რომ დღეს ბევრი ქართველი სტუდენტი აგრძელებს სწავლას ამერიკის შეერთებულ შტატებსა და ევროპაში. ევროკავშირთან გაფორმებული ასოცირების შეთანხმებით, საქართველოს წინაშე ბევრი დახურული კარი გაიღო; საქართველო ალიანსის ასპირანტი ქვეყანაა; ამასთან, ის იქცა კარიბჭედ, რომელიც ამერიკულ კომპანიებს, შავი ზღვის პორტების მეშვეობით, ევრაზიის აუთვისებელ ბაზრებზე წვდომით უზრუნველყოფს; საქართველოს გაფორმებული აქვს თავისუფალი ვაჭრობის შეთანხმებები ევროპის ქვეყნებთან და ასევე ჩინეთთან“.

„1989 წლის 9 აპრილი საქართველოსთვის ცივილიზაციური არჩევნის ტოლფასი იყო და ამ არჩევნის სისწორეს ვერ გააბათილებს ვერც ის გარემოება, რომ რუსეთს საქართველოს ტერიტორიის 20 პროცენტი ჯერ კიდევ ოკუპირებული აქვს“, - წერს ბაქრაძე.

დიპლომატის შეფასებით, „სწორედ იმ დღეს იშვა ახალი სახელმწიფო და იზეიმა თავისუფლებამ“. ასევე 1989 წლის 9 აპრილის ტრაგიკულ მოვლენებზე წერს ბელგიის სამეფოსა და ლუქსემბურგის დიდ საჰერცოგოში საქართველოს ელჩი ნატალია საბანაძე.

ელჩის თქმით, „დღეს, როდესაც საქართველო პატივს მიაგებს თავის გმირებს და დამოუკიდებლობის აღდგენას ზეიმობს, აუცილებელია ტრაგედიის შედეგების გაანალიზება და ისტორიის პერსპექტივიდან შეფასება“.

„მოგონებები ჯერ კიდევ ახალია და ჭრილობებიც ჯერ არ შეხორცებულა, ამიტომ, 30 წელი არ არის საკმარისი იმისთვის, რომ 1989 წლის 9 აპრილის მოვლენებზე საუბარი ემოციების გარეშე შევძლოთ, თუმცა, ერთი რამ ცხადია: იმ დღეს საქართველოში საბჭოთა კავშირი ჩამოიშალა, თავისუფლება აუცილებლობად იქცა, ხოლო ევროპაში საქართველოს დაბრუნება შეუქცევად არჩევნად გამოცხადდა“, - წერს საბანაძე.

საქართველოს ელჩის თქმით, „1989 წლის 9 აპრილის შემდეგ საქართველოში ბევრი მთავრობა შეიცვალა, ქვეყანას უამრავი აღმასვლა და დაღმასვლა ჰქონდა და ის მრავალჯერ დადგა სხვადასხვა გამოწვევისა თუ განსაცდელის წინაშე, თუმცა, საქართველომ შესძლო ქმედით და დემოკრატიულ ქვეყნად ჩამოყალიბება და 30 წლის წინ გაკეთებული არჩევანი თავისუფლების და ევროპის სასარგებლოდ არასდროს შეცვლილა“.

„30 წლის შემდეგ, საქართველოს სუვერენიტეტი და ტერიტორიული მთლიანობა კვლავ საფრთხის ქვეშაა. თუმცა საქართველოს გადაწყვეტილება მიაღწიოს წარმატებას, თავი დააღწიოს საბჭოთა წარსულს და ააშენოს ევროპული მომავალი არასდროს ყოფილა ისეთი მტკიცე, როგორიც დღესაა“, წერს ბელგიის სამეფოსა და ლუქსემბურგის დიდ საჰერცოგოში საქართველოს ელჩი ნატალია საბანაძე.

ქართველი დიპლომატების წერილების თარგმანი საქართველოს საგარეო საქმეთა სამინისტრომ გაავრცელა.

ყველა სიახლე

ქურდობა

25 აპრილი 2019, 11:51

ძალოვნები

ბათუმში არასრულწლოვნებმა 20 ათასი ლარის მობილურები მოიპარეს

ბათუმში, ბარათაშვილის ქუჩაზე მობილურების მაღაზია არასრულწლოვნებმა გაქურდეს. შემთხვევა დილით 06:30 საათზე მოხდა. მფლობელის, ფატმა თურმანიძის თქმით, წაღებულია 20 ათასი ლარის ღირებულების მობილური ტელეფონები. შსს-ს ცნობით, გამოძიება ქურდობის მუხლით დაიწყო.

პენსია

25 აპრილი 2019, 11:46

საქართველო

პროფკავშირები მთავრობას პენსიის ოდენობის განსაზღვრის მეთოდის შეცვლისკენ მოუწოდებენ

პროფკავშირებში აცხადებენ, რომ უახლოეს მომავალში უნდა გადაწყდეს საზოგადოებისთვის ერთ-ერთი უმნიშვნელოვანესი საკითხი - როგორ უნდა იზრდებოდეს მომავალში სახელმწიფო პენსია ასაკით პენსიონერთათვის. მათი თქმით, 90-იან წლებში პენსია საქართველოში სმბოლურ დატვირთვას ატარებდა.

თორნიკე სოლოღაშვილი

25 აპრილი 2019, 11:37

საქართველო

ჟენევაში მომუშავე ქართველი კარდიოქირურგის ისტორია, რომელმაც 2500-ზე მეტი ბავშვი გადაარჩინა

36 წლის ქართველ კარდიოქირურგს 2500-ზე მეტი ბავშვისთვის აქვს სიცოცხლე ნაჩუქარი. თორნიკე სოლოღაშვილი ჟენევის საუნივერსიტეტო კლინიკის ბავშვთა კარდიოქირურგია. ექიმის თქმით, განსაკუთრებით რთული შემთხვევები რომლებზეც უმუშავია, ყოველთვის მის მეხსიერებაში რჩება.

კიმ ჩენ ინი
ვლადიმერ პუტინი

25 აპრილი 2019, 11:36

მსოფლიო

პუტინმა და კიმ ჩენ ინმა ოფიციალური შეხვედრა შეაფასეს

რუსეთის პრეზიდენტმა ვლადიმერ პუტინმა ჩრდილოეთ კორეის ლიდერ კიმ ჩენ ინთან დახურული შეხვედრა შეაფასა. „ჩვენ საკმაოდ დეტალური საუბარი გვქონდა. ვისაუბრეთ ჩვენი ქვეყნების ურთიერთობის ისტორიაზე და ორმხრივი კავშირის განვითარებაზე“, - განაცხადა პუტინმა

25 აპრილი 2019, 11:22

ტაბლოიდი

პუტინთან შეხვედრის წინ კიმ ჩენ ინის სკამის დეზინფექცია გააკეთეს

ჩრდილოეთ კორეის ლიდერის კიმ ჩენ ინის და რუსეთის პრეზიდენტი ვლადიმერ პუტინის შეხვედრის წინ, კიმ ჩენ ინის დამხმარებმა სკამის დეზინფექცია გააკეთეს, რომელზეც კიმი უნდა დამჯდარიყო. თვითმხილველის ვიდეო გამოცემა Life Shot-ი ავრცელებს.

დევა კასელი

25 აპრილი 2019, 11:13

ტაბლოიდი

მონიკა ბელუჩის და ვინსენტ კასელის შვილი Dolce & Gabbana-ს რეკლამაში გადაიღეს

მსახიობ მონიკა ბელუჩის და ვინსენტ კასელის 14 წლის შვილი დევა კასელი Dolce & Gabbana-ს სარეკლამო პროექტის სახე გახდა. ახლახან დევა კომპანიის გადაღებებზე დააფიქსირეს, რომელიც იტალიის ქალაქ რაველოს ქუჩებში მიმდინარეობდა.

ჭიაკოკონობა

25 აპრილი 2019, 11:12

საქართველო

„ჭიაკოკონობის“ გამო თბილისში საგანგებო სიტუაციების სამსახურმა 30-მდე ზარი მიიღო

არსებული მონაცემებით, 1 ტონა რეზინის საბურავის ღია წესით დაწვისას ატმოსფეროში გამოიყოფა 270 კგ ჭვარტლი და 450 კგ სხვადასხვა ტოქსიკური აირი. ყველა დამრღვევის მიმართ კანონმდებლობით დადგენილ ზომები გატარდება, რაც 200-დან 500 ლარამდე დაჯარიმებას გულისხმობს.

სალომე ზურაბიშვილი

25 აპრილი 2019, 11:07

საქართველო

სალომე ზურაბიშვილმა სერბეთის ვიცეპრემიერს საოკუპაციო ხაზთან ჩასვლა სთხოვა

სერბეთის საგარეო საქმეთა მინისტრმა კიდევ ერთხელ დაადასტურა საქართველოს ტერიტორიული მთლიანობისა და სუვერენიტეტის ურყევი მხარდაჭერა და აღნიშნა, რომ სერბეთი ყოველთვის, ყველა დონეზე, ნებისმიერი ქვეყნის ტერიტორიულ მთლიანობას დაუჭერს მხარს.

ოპერა

25 აპრილი 2019, 10:57

კულტურა

გადანერგილი ფილტვების მქონე ამერიკელი სოპრანო 35 წლისა გარდაიცვალა

თილმან-დიკს ფილტვის ჰიპერტენზიის დიაგნოზი 2004 წელს დაუსვეს, სიცოცხლის შესანარაჩუნებლად კი მას ორჯერ სასწრაფოდ გაუკეთეს ფილტვის გადანერგვის ოპერაცია. ავადმყოფოების მიუხედავად, მომღერალმა კარიერა გააგრძელდა. მისმა ოჯახმა თილმან-დიკის გარდაცვალების შესახებ ინფორმაცია Facebook-ზე გაავრცელა.

ლიბია

25 აპრილი 2019, 10:42

მსოფლიო

ტრამპმა გენერალ ჰაფტარს ტრიპოლიზე იერიშში მხარდაჭერა გამოუცხადა

როგორც გამოცემა წერს, ასეთი განცხადებები შეერთებული შტატების ოფიციალურ პოზიციასთან თანხვედრაშია. აშშ-ის სახელმწიფო მდივანმა მაიკ პომპეომ 7 აპრილს განაცხადა, რომ ვაშინგტონი ტრიპოლიში ჰაფტარის წინააღმდეგ სამხედრო ოპერაციის წინააღმდეგია და საომარი მოქმედებების შეწყვეტას მოითხოვს.

25 აპრილი 2019, 10:34

ტექნოლოგიები

Facebook-ს სამიდან ხუთ მილიარდამდე ჯარიმა ემუქრება

აშშ-ის ფედერალური სავაჭრო კომისიის გამოძიების შედეგების მიხედვით, Facebook-ს, მომხმარებლების პირადი ინფორმაციის გაჟონვისთვის, 3-5 მილიარდი დოლარის ოდენობის ჯარიმა დაეკისრება. ამის შესახებ Facebook-ის ადმინისტრაცია აცხადებს.

მეტრო

25 აპრილი 2019, 10:18

საქართველო

თბილისის მეტროს კაბელების განახლება ივნისში დაიწყება

თბილისის „მეტროპოლიტენში“ ელექტროსადენებისა და სავენტილაციო სისტემის რეაბილიტაციის პროექტის ფარგლებში, 450 კილომეტრი ძალოვანი კაბელი შეიცვლება. ამის შესახებ თბილისის მერმა მეტროს ნაძალადევი-გოცირიძის მონაკვეთის დათვალიერებისას განაცხადა, სადაც ხანძარი გაჩნდა.

25 აპრილი 2019, 10:18

ტექნოლოგიები

ანტარქტიდაზე ათასობით პინგვინი ზღვაში ჩაიძირა

მეცნიერები აცხადებენ, რომ ყინულოვანი შელფის კოლონია მთლიანად ჩაიძირა და პოპულაციის აღდგენის ნიშნები არ არსებობს. გარდა ამისა, ექსპერტების თქმით, მათ გამრავლებაზე მუშაობას ამჟამად აზრი არ აქვს, რადგან გიგანტური აისბერგი რამდენიმე ხანში მთლიანად გაანადგურებს ტერიტორიას.

ჟან-პიერ მარიელი

25 აპრილი 2019, 09:49

კულტურა

ფრანგი მსახიობი ჟან-პიერ მარიელი გარდაიცვალა

ფრანგი მსახიობი ჟან-პიერ მარიელი გარდაიცვალა. ის 87 წლის იყო. მსახიობმა 100-ზე მეტ ფილმში ითამაშა და საფრანგეთის მთავარ კინოპრემია სეზარზე 7-ჯერ იყო წარდგენილი. ჟან-პიერ მარიელი ისეთ ფილმებში მონაწილეობდა, როგორებიცაა „ძარცვა“, „შაგრენის ტყავი“ და „დიდი ტურნე“.

პეტრო პოროშენკო

25 აპრილი 2019, 09:26

მსოფლიო

პოროშენკო: პუტინი დონბასის ანექსიისთვის ემზადება

განცხადება გაკეთდა აშშ-ის სახელმწიფო დეპარტამენტშიც. ვაშინგტონში ვლადიმერ პუტინის ამ ბრძანებას პროვოკაციად აფასებენ და აცხადებენ, რომ ეს გადაწყვეტილება უკრაინის ტერიტორიულ მთლიანობასა და სუვერენიტეტს არღვევს. ამერიკის სახელმწიფო დეპარტამენტის წარმომადგენლების თქმით, ამგვარი ქმედებები მინსკის შეთანხმების უხეში დარღვევაა.

არქივი

25 აპრილი 2019, 09:11

საქართველო

ყაზტრანსგაზი წინასააღდგომოდ მოსახლეობას აფრთხილებს

„ყაზტრანსგაზი“ აღდგომის დღესასწაულთან დაკავშირებით იმ მომხმარებლებს აფრთხილებს, რომლებიც ქალაქიდან გასვლას და საცხოვრებელი ბინების რამდენიმე დღით დაკეტვას გეგმავენ. კომპანია მათ სთხოვს განსაკუთრებული ყურადღება გაზდანადგარების და ბუნებრივი აირის მილის ონკანის სწორად დაკეტვისას გამოიჩინონ.

შრი-ლანკა

25 აპრილი 2019, 08:59

მსოფლიო

შრი-ლანკაზე კიდევ ერთი აფეთქება მოხდა

შრი-ლანკაზე მორიგი აფეთქება მოხდა. ამის შესახებ პოლიციასა და ადგილობრივ მოსახლეობაზე დაყრდნობით Reuters-ი წერს. აფეთქება დედაქალაქიდან 40 კილომეტრის მოშორებით მდებარე ქალაქ პუგოდაში მოხდა. მსხვერპლის შესახებ ინფორმაცია ჯერჯერობით არ გავრცელებულა.

კიმ ჩენ ინი
ვლადიმერ პუტინი

25 აპრილი 2019, 08:38

მსოფლიო

ვლადივოსტოკში კიმ ჩენ ინისა და ვლადიმერ პუტინის შეხვედრა იმართება

პუტინმა განაცხადა, რომ ეს ვიზიტი ხელ შეუწყობს 2 ქვეყანას შორის ურთიერობების გაღრმავებას და და ბირთვული პრობლემის მოგვარების პროცესს ხელს შეუწყობს.შეხვედრა ფედერალური უნივერისტეტის კამპუსის ბაზაზე იმართება. პირისპირ მოლაპარაკებების შემდეგ ლიდერები შეხვედრას გაფართოებულ ფორმატი ორივე ქვეყნის დელეგაციებთან ერთად გააგრძელებენ.

მარკ ცუკერბერგი

25 აპრილი 2019, 08:17

ტექნოლოგიები

მარკ ცუკერბერგი ტექნოლოგიური პოდკასტის ავტორი გახდა

პირველი 2 გამოშვება Spotify-ზე უკვე გამოქვეყნდა, ერთ-ერთ პოდკასტში ცუკერბერგი ჰარვარდის უნივერსიტეტის პროფესორთან ერთად ტექნოლოგიური კომპანიების საქმიანობის იურიდიულ ასპექტენს განიხილავს, მეორეში კი ჟურნალისტიკაზე სოციალური ქსელების გავლენაზე.

დიდი ხუთშაბათი

25 აპრილი 2019, 08:01

საქართველო

დღეს დიდი ხუთშაბათია

დღეს დიდი ხუთშაბათია. 09:00 საათიდან სამების ტაძარში წირვა დაიწყება, რომელსაც სრულიად საქართველოს კათოლიკოს პატრიარქი ილია მეორე ჩაატარებს. ლიტურგიის შემდეგ კი ფეხთბანვის რიტუალი შესრულდება. პატრიარქი 12 მღვდელს ფეხს დაბანს.