imedi /  02 მაისი 2019, 16:19 / სანდო წყარო

გახარია დავით გარეჯზე: მთავრობის უახლოეს სხდომაზე დემარკაციის ახალი კომისია დაკომპლექტდება

გიორგი გახარია

გიორგი გახარია

შს მინისტრის გიორგი გახარიას განცხადებით, უახლოეს პერიოდში აზერბაიჯანთან საზღვრის დასადგენად დემარკაციის ახალი კომისია დაკომპლექტდება. მისი თქმით, დავით გარეჯთან დაკავშირებული საკითხი "ფაქიზი და ფრთხილი საკითხია, რომელიც მძიმედ დგას დაახლოებით 1996 წლის შემდეგ". ამის შესახებ მინისტრმა პარლამენტში დეპუტატების შეკითხვის პასუხად განაცხადა. მის პასუხს შსს ავრცელებს.

გიორგი გახარიას განცხადებით, ეს არის ქვეყნის პოსტსაბჭოთა მემკვიდრეობა და დემარკაციის საკითხი არის პრინციპული. მინისტრის თქმით, ამ თემასთან დაკავშირებით, გარკვეული წლების განმავლობაში იყო გაურკვეველი პაუზა, რომელიც სასწრაფოდ უნდა მოგვარდეს.

"მე შემიძლია გითხრათ, რომ უახლოეს პერიოდში, ალბათ უახლოეს მთავრობაზე, ახალი დემარკაციის კომისია დაკომპლექტდება და ეს სამუშაო დაიწყება ჩვენს მეზობელთან ერთად. კომისია სასწრაფოდ შეუდგება მუშაობას და შესაძლებელ ვადებში, ყველა უნდა ვეცადოთ, რომ ეს საკითხი ერთხელ და სამუდამოდ დაიხუროს, რამეთუ ეს არის პოსტსაბჭოთა მემკვიდრეობა, რომელიც გრძელდება უკვე ათწლეულებია. მაშინ, როდესაც ყველას კარგად გვესმის, რომ აზერბაიჯანი არის საქართველოს სტრატეგიული პარტნიორი, ეს არის ჩვენი მოძმე ერი და დემარკაციის კომისიის მუშაობის ფარგლებში ჩვენ ერთად გადავწყვეტთ ყველა იმ პრობლემას, რომელიც ეხება როგორც კულტურული მემკვიდრეობის საკითხებს, ასევე, შედის ჩვენი ეკლესიის ინტერესების სფეროში და აქ ორი აზრი არ არსებობს. ყველა სხვა სახის შეფასება არის ქვეყნის ინტერესების წინააღმდეგ მიმართული შეფასება", - განაცხადა შს მინისტრმა გიორგი გახარიამ და ამ კონტექსტში აზერბაიჯანისა და რუსეთის მსგავსების შესახებ გაკეთებული მოსაზრებები მოიყვანა.

"კარგად უნდა გვესმოდეს, რომ ამ ქვეყანას ჰყავს  ოკუპანტი - ეს არის რუსეთის ფედერაცია და ჩვენ ყველაფერი უნდა გავაკეთოთ იმისთვის, რომ ყველა სხვა მეზობელი იყოს ჩვენი სტრატეგიული პარტნიორი. ამაში არის ჩვენი ქვეყნის უსაფრთხოების ყველაზე მნიშვნელოვანი პოტენციალი და აქ გარკვეული კითხვის ნიშნები კი არა, გაჟღერებული არასწორი განმარტებები არის  მაღალი რისკის შემცველი. კიდევ ერთხელ ხაზგასმით აღვნიშნავ, რომ დავით გარეჯის საკითხი, დარწმუნებული ვარ, რომ საზღვრის დემარკაციის ფარგლებში იქნება ჩვენი სტრატეგიულ პარტნიორთან მეგობრული ურთიერთობის სულისკვეთებით გადაწყვეტილი, სადაც იქნება გათვალისწინებული როგორც საქართველოს კულტურული მემკვიდრეობის, ასევე ეკლესიის ინტერესები", - განაცხადა გიორგი გახარიამ. 

დავით გარეჯში, უდაბნოს მონასტრამდე მისასვლელი გზა ცოტა ხნით დაკეტილი იყო. ამის შესახებ თავდაპირველად ინფორმაცია არქიმანდრიტმა კირიონმა (ონიანი) გაახმოვანა და დახმარება ითხოვა. ის ამბობდა, რომ აზერბაიჯანელებმა უდაბნოს მონასტერი გადაკეტეს და სასულიერო პირებს მონასტერში აღარ უშვებდნენ. მათ შორის პრობლემები ჰქონდათ გადაადგილების კუთხით ტურისტებსა და მომლოცველებს.მაშინ არქიმანდრიტმა თქვა, რომ გარეჯში სიტუაცია მას შემდეგ გართულდა, რაც იქ პრეზიდენტი სალომე ზურაბიშვილი იმყოფებოდა.

აღდგომის დღესასწაულამდე ერთი დღით ადრე, სასულიერო პირებისთვის, მომლოცველებისა და ტურისტებისთვის უდაბნოს მამათა მონასტრამდე მისასვლელი გზა გაიხსნა.

ყველა სიახლე

„ისლამური სახელმწიფოს“ მხარდამჭერები

26 მაისი 2019, 17:26

მსოფლიო

ერაყის სასამართლომ ISIS-ის წევრ სამ ფრანგს სასიკვდილო განაჩენი გამოუტანა

ერაყის სასამართლომ საფრანგეთის სამ მოქალაქეს „ისლამური სახელმწიფოს“ რიგებში გაწევრიანებისთვის სასიკვდილო განაჩენი გამოუტანა. ინფორმაციას ამის შესახებ BBC ავრცელებს. კევინ გონოს, ლეონარდ ლოპესს და სალიმ მაჩუს განაჩენის გასაჩივრებისთვის 30 დღე აქვთ.

26 მაისი 2019, 17:22

ვიდეო

ხორუმი Abbey Road-ზე

დიდი ბრიტანეთი, Abbey Road-ი

26 მაისი 2019, 17:13

საქართველო

დამოუკიდებლობის დღეს Abbey Road-ი ხორუმის ცეკვით გადაკვეთეს

საქართველოს დამოუკიდებლობის დღესთან დაკავშირებით, დიდ ბრიტანეთში Abbey Road-ი ხორუმით გადაკვეთეს. შესაბამის ვიდეოს ქართული ღვინის იმპორტიორი კომპანია „ტვიტერზე“ ავრცელებს. ვიდეოში ცნობილ Abbey Road ხორუმის ცეკვით კვეთენ.

იგორ კოლომოისკი

26 მაისი 2019, 16:50

მსოფლიო

მედია: კოლომოისკი ზელენსკის დეფოლტის გამოცხადებას ურჩევს

უკრაინელი ბიზნესმენი იგორ კოლომოისკი ქვეყნის პრეზიდენტს ვოლოდიმირ ზელენსკის დეფოლტის გამოცხადებას ურჩევს. უკრაინული მედიის ინფორმაციით, ამის შესახებ მან ბრიტანულ გამოცემა Financial Times-თან ინტერვიუში განაცხადა. მისივე განცხადებით, თუ ზელენსკი ყველაფერში დასავლეთს დაუჯერებს, ადრე თუ გვიან, „პოროშენკოს ბედს გაიზიარებს“.

26 მაისი 2019, 16:46

სპორტი

შინდისში ქართულ ჭიდაობაში ტურნირი გაიმართა

გორის მუნიციპალიტეტში, სოფელ შინდისში ქართულ ჭიდაობაში ტურნირი გაიმართა. შეჯიბრი საქართველოს დამოუკიდებლობის დღეს და შინდისის გმირების ხსოვნას მიეძღვნა. შეჯიბრში მონაწილეობა მოყვარულმა და პროფესიონალმა სპორტსმენებმა მიიღეს.

26 მაისი 2019, 16:33

მსოფლიო

ჰაკერებმა აშშ-ის ქალაქებში სახელმწიფო სერვისები დაბლოკეს

ჰაკერებმა აშშ-ში, ქალაქ ბალტიმორში და მერილენდში პროგრამა EternalBlue-ს გამოყენებით, სახელმწიფო სერვისები დაბლოკეს. The New York-ის ცნობით, შეტევა 7 მაისს დაიწყო. გასულ კვირებში ჰაკერებმა სახელმწიფო უწყებებში 1000-მდე კომპიუტერი გამოიყვანეს მწყობრიდან.

დონალდ ტრამპი

26 მაისი 2019, 16:25

მსოფლიო

ტრამპი: ჩრდილოეთ კორეამ „მცირე ზომის იარაღი“ გამოსცადა

იაპონიაში ვიზიტით მყოფმა ამერიკის შეერთებული შტატების პრეზიდენტმა დონალდ ტრამპმა თქვა, რომ ჩრდილოეთ კორეის რაკეტები, რომლებიც ამ ბოლო პერიოდში გამოსცადეს, მცირე ზომის იარაღია. 25 მაისს ამერიკის შეერთებული შტატების პრეზიდენტი იაპონიას ეწვია.

სტენ ლი და კიია მორგანი

26 მაისი 2019, 16:18

კულტურა

სტენ ლის ყოფილი მენეჯერი მოხუცთან სასტიკი მოპყრობის ბრალდებით დააკავეს

არიზონაში Marvel-ის კომიქსების შემქმნელის სტენ ლის ყოფილი მენეჯერი კიია მორგანი მოხუც ადამიანთან სასტიკი მოპყრობის ბრალდებით დააკავეს. ამის შესახებ Associated Press-ი წერს. სტენ ლის ყოფილ მენეჯერს ასევე ქურდობაში, თანხების გაფლანგვასა და სიყალბეში ადანაშაულებენ.

გიორგი გახარია

26 მაისი 2019, 16:11

საქართველო

გახარია გარეჯზე: ყველაფერს გავაკეთებთ, რომ შედეგი იყოს მისაღები

"რა თქმა უნდა, ჩვენ მონდომებული, მოწოდებული ვართ და ყველაფერს გავაკეთებთ იმისთვის, რომ ამ კომისიის და ამ მოლაპარაკების შედეგი უნდა იყოს მისაღები და მისასალმებელი, როგორც ჩვენი კულტურული მემკვიდრეობისთვის, ასევე ჩვენი ეკლესიისთვის“,- განაცხადა გახარიამ.

ქართველი სამხედროები ავღანეთში

26 მაისი 2019, 16:09

ძალოვნები

ავღანეთში ქართველმა სამხედროებმა დამოუკიდებლობის დღე აღნიშნეს

სამხედრო მარში სამშვიდობო მისიებში დაღუპული ქართველი სამხედროების მემორიალთან დასრულდა. ავღანეთში თავდაცვის ძალების უფროსმა სამხედრო წარმომადგენელმა პოლკოვნიკმა მალხაზ მერლანმა და მე-3 ბატალიონის მეთაურმა, ვიცე-პოლკოვნიკმა ლაშა დავითაძემ მემორიალი გვირგვინით შეამკეს.

პრემ ტინსულანონი

26 მაისი 2019, 15:58

მსოფლიო

ტაილანდის ყოფილი პრემიერმინისტრი გარდაიცვალა

ტაილანდის თანამედროვე პოლიტიკის ერთ-ერთი ყველაზე გავლენიანი ფიგურა და არმიის ყოფილი გენერალი ბანგკოკის საავადმყოფოში დღეს, 26 მაისს გარდაიცვალა. ის მეფე ფუმიფონ ადუნიადეტის მრჩეველი იყო. პრემ ტინსულანონი ტაილანდის პრემიერმინისტრის პოსტს 1980-1988 წლებში იკავებდა.

გიგა თაბაგარი

26 მაისი 2019, 15:46

საქართველო

ჭიათურაში მოშიმშილე მაღაროელი საავადმყოფოში გადაიყვანეს

ექიმის ინფორმაციით, პაციენტს სისუსტე, თავბრუსხვევა, თავის ტკივილები და მდგრადობის დარღვევა აღენიშნებოდა.გიგა თაბაგარის ჯანმრთელობის მდგომარეობა ამ დროისთვის სტაბილურია. მოშიმშილეს შესაბამისი მკურნალობა უტარდება.

26 მაისი 2019, 15:39

ვიდეო

26 მაისი - დამოუკიდებლობის დღე

 ირანის საგარეო საქმეთა მინისტრი
 მოჰაემდ ჯავად ზარიფი

26 მაისი 2019, 15:36

მსოფლიო

ირანმა სპარსეთის ყურის ქვეყნებს თავდაუსხმელობის პაქტის მიღება შესთავზა

ირანმა სპარსეთის ყურის მეზობელ ქვეყნებს თავდაუსხმელობის შესახებ პაქტის მიღება შესთავაზა. ირანის მიზანია მეზობელ ქვეყნებთან დაბალანსებული ურთიერთობების დამყარება. Reuters-ის ცნობით, ამ საკითხზე განცხადება ბაღდადში გამართულ პრესკონფერენციაზე ირანის საგარეო საქმეთა მინისტრმა მოჰაემდ ჯავად ზარიფმა გააკეთა.

სალომე ზურაბიშვილი

26 მაისი 2019, 15:35

საქართველო

ზურაბიშვილი დავით გარეჯზე: საზღვრების დელიმიტაცია ჩვენი ინტერესების დაცვით უნდა დასრულდეს

სალომე ზურაბიშვილმა განაცხადა, რომ ოფიციალური თბილისის ინტერესების დაცვით სწრაფად უნდა მიაღწიოს ქვეყანამ იმ შედეგს, რასაც საქართველოს მტკიცე საზღვრები ჰქვია. მისი თქმით, პრეზიდენტის ერთ-ერთი მთავარი მოვალეობა „ქვეყნისთვის სამუდამო საზღვრების მიცემაა“.

მამუკა ბახტაძე და ჰულუსი აქარი

26 მაისი 2019, 15:31

ძალოვნები

მამუკა ბახტაძემ თურქეთის თავდაცვის მინისტრს უმასპინძლა

ხაზი გაესვა თავდაცვის სფეროში საქართველო-თურქეთის ურთიერთობების მნიშვნელობას საქართველოს ჩრდილოატლანტიკური მისწრაფებების კონტექსტში. აღინიშნა ამ კუთხით საქართველოსთვის თურქეთის მხარდაჭერისა და გამოცდილების გაზიარების მნიშვნელობა.

26 მაისი 2019, 15:11

საქართველო

რუსული ანსამბლის ხელმძღვანელი: რუსეთი არ არის ოკუპანტი

"ჩვენ ვმეგობრობთ ყველა მეზობელთან, საქართველოსთანაც და უკრაინასთანაც. კონკურსის შესახებ ინტერნეტით ​შევიტყვეთ და გადავწყვიტეთ ჩამოსვლა. ჩვენ კულტურას წარმოვადგენთ, ჩვენ პოლიტიკაში არ ვერევით,"- აცხადებს ანსამბლის ხელმძღვანელი.

მესტია

26 მაისი 2019, 15:02

საქართველო

რა ღონისძიებები გაიმართება სვანეთში დამოუკიდებლობის დღეს

26 მაისს საზეიმო ღონისძიებები მესტიაში გაიმართება, თუმცა გუშინ დამოუკიდებლობის დღე ქვეყნის ერთ ერთ ყველაზე მაღალ წერტილებში - თეთნულდსა და ჰეშკილშიც აღინიშნა. 2019 წელს 26 მაისი სვანეთში მასშტაბურად პირველად აღინიშნება. მესტიაში დამოუკიდებლობის დღისადმი მიძღვნილი ღონისძიებების ორგანიზატორები არიან ეკონომიკის და ინფრასტრუქტურის სამინისტროები.

ადგილმდებაორება

26 მაისი 2019, 14:59

ტექნოლოგიები

როგორ ავუკრძალოთ Facebook-ს ჩვენი თვალთვალი. ინსტრუქცია

თუ Facebook-ის მობილური აპლიკაციით სარგებლობთ მაშინ სოცქსელს ყველა ის ადგილმდებარეობა აქვს მონიშნული სადაც იმყოფებოდით. არ აქვს მნიშვნელობა იმას, იმ მომენტში ისარგებლა თუ არა მომხმარებელმა აპლიკაციით. ისევე როგორც ამას Google-ი აკეთებს. არსებობს გამოსავალი თუ როგორ ავუკრძალოთ Facebook-ს თვალთვალი.

ნიკა გვარამია

26 მაისი 2019, 14:40

საქართველო

წულუკიანის მოადგილე: გვარამიას განცხადება სტრასბურგის სასამართლოს შეურაცხყოფაა

სამაუწყებლო კომპანია „რუსთავი 2“ სტრასბურგის სასამართლოში საქართველოს წარმომადგენელ მოსამართლის ლადო ჭანტურიას აცილებას ითხოვს. როგორც საგანგებო ბრიფინგზე „რუსთავი 2“-ის გენერალურმა დირექტორმა საგანგებოდ ნიკა გვარამიამ განაცხადა, ლადო ჭანტურია ინსტრუქციებს საქართველოს ხელისუფლებისგან იღებს.