imedi /  08 მაისი 2019, 13:10 / სანდო წყარო

გოგაშვილი: მაჩალიკაშვილი ნაბიჯ-ნაბიჯ ემზადებოდა ამ დანაშაულის ჩასადენად

სოსო გოგაშვილი

სოსო გოგაშვილი

სახელმწიფო უსაფრთხოების სამსახურის უფროსის ყოფილმა მოადგილე სოსო გოგაშვილმა მალხაზ მაჩალიკაშვილთან დაკავშირებით "ქორნიკასთან" კომენტარი გააკეთა. მან სუსს ტერაქტის აღკვეთისთვის მადლობა გადაუხადა და თქვა, რომ მისი ოჯახი გადარჩა.

"არ გამჭირვებია ამის დაჯერება, რადგან მქონდა ინფორმაცია, რომ მას შესაძლოა, ეს ჩაედინა. მაჩალიკაშვილისთვის ამგვარი ქმედებები უცხო არ არის. მას აქამდეც ჰქონდა კავშირები იმგვარ დაჯგუფებებთან, როგორიცაა აჰმეტ ჩატაევის დაჯგუფება. ჩემი ოჯახი ფაქტობრივად, განადგურებას გადაურჩა, რადგან მაჩალიკაშვილს ეს ჰქონდა დაგეგმილი. ეს ადამიანი ეტაპობრივად, ნაბიჯ-ნაბიჯ ემზადებოდა ამ დანაშაულის ჩასადენად", - განაცხადა გოგაშვილმა.

სოსო გოგაშვილთან ექსკლუზიური ინტერვიუ  თავდაპირველად სააგენტო „ინტერპრესნიუსმა“ ჩაწერა.

7 მაისს სახელმწიფო უსაფრთხოების სამსახურმა ფარული აუდიოჩანაწერი გაასაჯაროვა, რომელშიც გამოძიების მტკიცებით, მალახაზ მაჩალიკაშვილი თავის ძმისშვილს ტერორისტული აქტის მომზადებას ავალებს. ამ საქმეზე მალხაზ მაჩალიკაშვილის ძმისშვილი დაკითხეს, თავად მაჩალიკაშვილი კი ჩანაწერს ფაბრიკაციას უწოდებს.

2017 წელს ბერი გაბრიელ სალოსის ქუჩაზე ანტიტერორისტული სპეცოპერაციის შედეგად დააკავეს ერთი ადამიანი - შუაიფ ბორზიევი, ხოლო წინააღმდეგობის გაწევისას დაიღუპა სამი ადამიანი, მათ შორის ერთი აჰმედ ჩატაევია. ამ სპეცოპერაციიდან თითქმის 1 თვეში, სახელმწიფო უსაფრთხოების სამსახურმა მეორე სპეცოპერაცია ამჯერად პანკისის ხეობაში ჩაატარა, რა დროსაც 19 წლის თემირლან მაჩალიკაშვილი დაიჭრა, რამდენიმე პირი კი დააკავეს. 

თემირლან მაჩალიკაშვილი საავადმყოფოში 10 იანვარს გარდაიცვალა.  

სუსი აცხადებდა, რომ დეკემბრის სპეცოპერაციისას დაკავებული ადამიანები, 21-22 ნოემბრის სპეცოპერაციის დროს დახოცილ ჯგუფთან ერთად, საქართველოსა და თურქეთში ტერაქტებს გეგმავდნენ. ასევე იგეგმებოდა თავდასხმა საქართველოში მომუშავე დიპლომატიურ კორპუსებზე. მაშინ სახელმწიფო უსაფრთხოების სამსახურმა აჰმედ ჩატაევსა და თემირლან მაჩალიკაშვილის კავშირზე მასალა გამოაქვეყნა,რომელშიც  ჩანს თუ როგორ გადაადგილდებიან თბილისში აჰმედ ჩატაევის დაჯგუფების წევრები შოაიფ ბორზიევი და ასლანბეგ სოლტახმატოვი თემირლან მაჩალიკაშვილთან ერთად. 

თემირლან მაჩალიკაშვილის მშობლებს და პანკისის უხუცესებს აჰმედ ჩატაევთან და ტერორისტებთან მაჩალიკაშვილის კავშირს არ სჯერათ. მათ არაერთხელ გამართეს საპროტესტო აქცია.

ყველა სიახლე

აჰმედ იმამკულიევი

19 მაისი 2019, 12:01

საქართველო

იმამკულიევი: „ქართული ოცნება“ აგრძელებს აგრესიით და ზეწოლით ბრძოლას

მარნეულში, 67-ე ბანზე ხმა მისცა ,,ევროპული საქართველოს,“ კანდიდატმა აჰმედ იმამკულიევმა. მისი თქმით, მარნეული იქნება ქალაქი, საიდანაც მისი გამარჯვების შემთხვევაში, ქვეყნის დემოკრატიული განვითარება დაიწყება. მერობის კანდიდატმა საარჩევნო გარემოზეც ისაუბრა და თქვა, რომ ,,ქართული ოცნება“ აგრესიითაა და ზეწოლით ცდილობს საარჩევნო მარათონში გამარჯვებას.

კანფეტი

19 მაისი 2019, 11:51

საქართველო

„გირჩი“ საარჩევნო უბანზე კანფეტებს არიგებს

აქტივისტები ამბობენ, რომ უბანზე ეგზიტპოლებს ატარებენ. სავარაუდოდ, ეს ქმედება საარჩევნო კანონმდებლობის დარღვევას წარმოადგენს, რადგან აგიტაციის ნიშნებს შეიცავს. მთაწმინდის საარჩევნო ოლქში ა"გირჩიდან" ჰერმან საბო იყრის კენჭს.

კახა კალაძე

19 მაისი 2019, 11:50

საქართველო

კალაძე კოორდინატორებს: ნუ შეუშინდებით კონკრეტული ტელევიზიების ჟურნალისტებს

პოლიტიკური გაერთიანება "ქართული ოცნება - დემოკრატიული საქართველოს" გენერალურმა მდივანმა კახა კალაძემ ბრიფინგის შემდეგ ჟურნალისტებს შეკითხვებს უპასუხა. კალაძე კოორდინატორებს, რომლებიც საარჩევნო უბნებთან სიებით დგაგან, მოუწოდებს, ჟურნალისტებს არ შეუშინდნენ და საქმიანობა განაგრძონ.

შემთხვევის ადგილი

19 მაისი 2019, 11:48

საქართველო

ზუგდიდში მოქალაქესა და ნიკა გვარამიას შორის დაპირისპირება მოხდა

ზუგდიდის 95-ე საარჩევნო უბნის მიმდებარე ტერიტორიაზე ერთმანეთს „რუსთავი 2“- ის გენერალური დირექტორი ნიკა გვარამია და მოქალაქე დაუპირისპირდნენ. როგორც მოქალქემ ჟურნალისტებს განუცხადა, ნიკა გვარამია მას ფიზიკურად გაუსწორდა, ასევე „ხელში ეჭირა პოლიეთილენის პარკი, რომელშიც ჩუსტები ჰქონდა, გამოართვა და ძირს დააყრევინა“.

19 მაისი 2019, 11:48

საქართველო

ზუგდიდში რამდენიმე ინციდენტი მოხდა

ინციდენტი მოხდა 47-ე უბანზეც, საიდანაც ერთი ადამიანი გააძევეს. როგორც კომისიის წევრი მარიკა მარღანია აცხადებს გაძევების მიზეზი დაუმორჩილებლობა გახდა. მისივე თქმით, მიუხედავად იმისა რომ მას არაერთხელ მისცეს მითითება თუ საიდან უნდა ეწარმოებინა გადაღება, უბანზე თვითნებურად გადაადგილდებოდა და ამომრჩევლების პერსონალურ მონაცემებს იღებდა.

ზაურ დარგალი

19 მაისი 2019, 11:47

საქართველო

ზაურ დარგალი: ჩვენ დღეს აუცილებლად გავიმარჯვებთ

კანდიდატის თქმით, მან პრინციპული არჩევანი გააკეთა და ხმა მარნეულის მომავალს და განვითარებას მისცა. დარგალი სიცრუეს უწოდებს ოპოზიციის ბრალდებებს ზეწოლასა და მოსყიდვაზე და ამბობს, რომ თავად ოპოზიცია ცდილობს პროვოკაციებით პრობლემების შექმნას.

19 მაისი 2019, 11:40

ტექნოლოგიები

კვლევა: აშშ-ის მოსახლეობის 56%-ი სკოლებში არაბული ციფრების სწავლას საჭიროდ არ მიიჩნევს

ორგანიზაცია Civic Science-ის კვლევით, აშშ-ის მოსახლეობის 56% მიიჩნევს, რომ არაბული ციფრების შესწავლას საჭიროდ არ მიიჩნევს, წერს Independent-ი. კვლევის ფარგლებში სულ 3624 რესპოდენტი გამოიკითხა. აქედან 29% მიიჩნევს, რომ არაბული ციფრები სკოლებში უნდა ისწავლებოდეს, 15%-ს კი პასუხის გაცემა უჭირს.

ირაკლი ჯორბენაძე

19 მაისი 2019, 11:25

საქართველო

ხულოში გაერთიანებული ოპოზიციის მერობის კანდიდატს პირადობა სახლში დარჩა

დაბა ხულოს #1 უბანზე მისულ ჯორბენაძეს დარჩენილი მოწმობა მალევე მიუტანეს და ირაკლი ჯორბენაძემ ხმა უკვე მისცა.მერობისთვის ხულოში 14 კანდიდატი იბრძვის.დღეს საქართველოში მერების რიგგარეშე და საკრებულოს შუალედური არჩევნებია. ცენტრალური საარჩევნო კომისიის მონაცემებით, 410 საარჩევნო უბანზე 402 091 ამომრჩეველია რეგისტრირებული.

19 მაისი 2019, 11:22

საქართველო

ცესკო ამორჩეველთა აქტივობის შესახებ 10:00 საათისთვის არსებულ მონაცემებს აქვეყნებს

ცენტრალური საარჩევნო კომისია ამორჩეველთა აქტივობის შესახებ 10:00 საათისთვის არსებულ მონაცემებს აქვეყნებს. 10:00 საათისთვის ყველაზე მაღალი აქტივობა 15.4% საგარეჯოშია, ყველაზე დაბალი კი მთაწმინდის საარჩევნო ოლქში- 4%. რაც შეეხება ზუგდიდს, იქ აქტივობა 8,1%-ია.

გიორგი მარგველაშვილი

19 მაისი 2019, 11:11

საქართველო

მარგველაშვილი: ხმა მივეცი იმას, რომ დამთავრდეს პოლიტიკური ჭაობი და ერთფეროვნება

საქართველოს ყოფილმა პრეზიდენტმა გიორგი მარგველაშვილმა მთაწმინდაზე მე-6 საარჩევნო უბანზე საკუთარი პოზიცია უკვე დააფიქსირა. დღეს საქართველოში მერების რიგგარეშე და საკრებულოს შუალედური არჩევნებია. ცენტრალური საარჩევნო კომისიის მონაცემებით, 410 საარჩევნო უბანზე 402 091 ამომრჩეველია რეგისტრირებული.

დუბაი

19 მაისი 2019, 11:10

ეკონომიკა

დუბაის ეკონომიკური ზონა $354 მილიონის ინვესტირებას მოახდენს

დუბაის ეკონომიკური ზონა დარგის სტიმულირებისთვის საკუთარი მომხმარებლებისთვის $354 მილიონ დოლარს გაიღებს. თავისუფალი ზონა ჯებელ-ალი კრედიტებს მისცემს იმ კომპანიებს, რომლებიც მის იურისდიქციაში 2018 წლს სექტემბრიდან დაფიქსირდნენ. სტიმულირება გარკვეულწილად, ნავთობზე არსებულმა დაბალმა ფასებმა განაპირობა და რეგიონში ეკონომიკის შესუსტებამ.

კახა კალაძე

19 მაისი 2019, 11:05

საქართველო

კალაძე: მაღალი აქტივობის შემთხვევაში, პირველივე ტურში გამარჯვების რეალური შანსი გვაქვს

"ყველა წინასწარი პროგნოზის მიხედვით, თქვენი მაღალი აქტივობის შემთხვევაში, პირველივე ტურში გამარჯვების ძალიან დიდი, რეალური შანსი გვაქვს. ამიტომ, ნუ დაიზარებთ, გამოცხადდით საარჩევნო უბნებზე და ერთად ვიზეიმოთ პირველივე ტურში გამარჯვება,"- თქვა კალაძემ.

19 მაისი 2019, 11:05

საქართველო

ცნობილია რამდენი ამომრჩეველი გადარეგისტრირდა სხვა მუნიციპალიტეტებში

საქართველოს პარლამენტის შუალედური და მუნიციპალიტეტების მერების რიგგარეშე არჩევნებისთვის ამომრჩეველთა სიის ფორმირებასთან დაკავშირებით სახელმწიფო სერვისების განვითარების სააგენტომ 25 აპრილს უკვე გამოაქვეყნა სტატისტიკური მონაცემები, სადაც ასახულია ინფორმაცია საქართველოს სრულწლოვანი მოქალაქეების ზუგდიდის, ზესტაფონის, მარნეულისა და ჭიათურის მუნიციპალიტეტებში, ასევე მთაწმინდის საარჩევნო ოლქში რეგისტრაციის შესახებ.

შალვა შავგულიძე

19 მაისი 2019, 10:59

საქართველო

შალვა შავგულიძე მთაწმინდელებს არჩევნებში მონაწილეობისკენ მოუწოდებს

"დარწმუნებული ვარ, რომ მთაწმინდელი ამომრჩეველი სწორ არჩევანს გააკეთებს სამართალსა და უსამართლობას, კეთილდღეობასა და სიღარიბეს, თავისუფლებას, საქართველოს დასავლურ ცივილიზაციაში ინტეგრაციას და კოლონიად რუსეთში დაბრუნებას შორის“,- განაცხადა შავგულიძემ.

19 მაისი 2019, 10:51

საქართველო

ზუგდიდში ამომრჩეველთა აქტივობა საპრეზიდენტო არჩევნების ორივე ტურის მაჩვენებელს აღემატება

ზუგდიდში 10 საათისთვის ამომრჩევლის აქტივობამ 8,06% შეადგინა. ამის შესახებ ჟურნალისტებს #67 საოლქო კომისიის თავმჯდომარემ მირანდა მესხმა განუცხადა. ეს მაჩვენებელი საპრეზიდენტო არჩევნების ორივე ტურის მაჩვენებელს აღემატება.

ლევან ბეჟაშვილი

19 მაისი 2019, 10:48

საქართველო

ბეჟაშვილი: „ქართული ოცნების“ კოორდინატორებს ამომრჩეველთა სამაგიდო სიები აქვთ

"ჩვენ გვინდა რამდენიმე ტენდენციაზე გავამახვილოთ ყურადღება, რომელიც შეიმჩნევა უკვე 10 საათისთვის. პირველი - როგორც მოსალოდნელი იყო, ამომრჩეველთა სამაგიდო სიები, რომელიც დარიგებული იყო საუბნო კომისიებისათვის, კანონდარღვევით 5 დღით ადრე, საბოლოო ჯამში აღმოჩნდა „ქართული ოცნების“ კოორდინატორების ხელში“, - განაცხადა ბეჟაშვილმა.

19 მაისი 2019, 10:44

ტექნოლოგიები

მეცნიერებმა იაპონიის სანაპიროზე ჰიროსიმას დაბომბვის კვალი 74 წლის შემდეგ იპოვეს

იაპონიის სანაპიროზე ზღვამ მილიონობით მცირე ზომის სფეროს ფორმის შუშის ნაწილაკები გამორიყა. იაპონელი გეოლოგების შეფასებით, ეს არის ჰიროსიმას ატომური აფეთქების კვალი. ჰიროსიმასთან ახლოს მდებარე სანაპიროზე. მეცნირების ყურადღება მიიპყრო სფეროს ფორმის შუშის ბურთულებმა რომელთა დიამეტრიც 0,5-1 მილიმეტრი იყო. ჰიროსიმას 11 კილომერიან სანაპიროზე 3 100 ტონა ასეთი ნარჩენია.

19 მაისი 2019, 10:22

ტექნოლოგიები

კვლევა: ხელმძღვანელობა სამსახურისადმი თქვენს სიყვარულს ბოროტად იყენებს

გაგიმართლათ, თუ თქვენი სამსახური გიყვართ, მაგრამ უნდა გაიაზროთ, რომ ამას საშიშროებაც მოჰყვება - თქვენმა ხელმძღვანელმა, ნებით თუ უნებლიეთ, შეიძლება თქვენი ენთუზიაზმის ექსპლუატაცია მოახდინოს. ამის შესახებ კვლევა ჟურნალ Journal of Personality and Social Psychology-ზე გამოქვეყნდა.

გიორგი შენგელია ოჯახთან ერთად

19 მაისი 2019, 10:21

საქართველო

გიორგი შენგელია: დარწმუნებული ვარ, ზუგდიდელები ღირსეულ არჩევანს გააკეთებენ

"მოლოდინია, რომ არჩევნები მშვიდ გარემოში ჩაივლის, რაც შეეხება დარღვევებს, ყველა კანონდარღვევასთან დაკავშირებით შესაბამისი სტრუქტურების მიერ შესაბამისი რეაგირება იქნება და ყველა ფაქტი აღმოიფხვრება, რომელი მხარის ჩადენილიც არ უნდა იყოს, რაზეც შინაგან საქმეთა მინისტრმა განცხადება უკვე გააკეთა“, - განაცხადა შენგელიამ.

ნათია მეზვრიშვილი

19 მაისი 2019, 10:09

საქართველო

მეზვრიშვილი: სამინისტროს კომპეტენციას მიკუთვნებული რამე ინციდენტი ამ ეტაპამდე არ დაფიქსირებულა

შინაგან საქმეთა მინისტრის მოადგილე აცხადებს, რომ მათი ამოცანაა მართლწესრიგის დაცვა და მშვიდობიან, თავისუფალ გარემოში არჩევნების ჩატარება. უწყება მოქალაქეებს კანონის დაცვისკენ მოუწოდებს. შინაგან საქმეთა სამინისტროში აცხადებენ, რომ ისინი მოახდენენ რეაგირებას ყველა სახის ინციდენტზე. შინაგან საქმეთა მინისტრის მოადგილე აცხადებს, რომ მათი ამოცანაა მართლწესრიგის დაცვა და მშვიდობიან, თავისუფალ გარემოში არჩევნების ჩატარება.