imedi /  21 ივნისი 2019, 02:51 / სანდო წყარო

რუსთაველის გამზირზე ვითარება ისევ დაძაბულია

რუსთაველის გამზირზე კვლავ დაძაბული ვითარებაა. საპროტესტო აქციის დაშლის მიზნით სპეცრაზმმა ცრემლსადენი გაზი კიდევ ერთხელ გამოიყენა.

ამასთან, საპროტესტო აქციაზე რამდენიმე ადამიანი დააკავეს. ამ დროისთვის პოლიცია პროტესტის მონაწილეების დაშლას წყლის ჭავლით, რეზინის ტყვიებითა და ცრემლსადენი გაზით ცდილობს. ადგილზე მობილიზებილია პოლიცია.

პარლამენტის შენობის წინ პეცრაზმმა რეზინის ტყვიები და ცრემლსადენი გაზი რამდენჯერმე გამოიყენა. აქციის მონაწილეები პოლიციის კორდონის გარღვევას და პარლამენტში შესვლას ცდილობდნენ. ისინი სამართალდამცველებს ხელკეტებით და სხვადასხვა ნივთით დაუპირისპირდნენ. 

ბოლო ინფორმაციით, რუსთაველის გამზირზე მიმდინარე მოვლენების შედეგად აქციის 14 მონაწილე და 38 სამართალდამცველი დაშავდა. აქციაზე რამდენიმე მედიასაშუალების ჟურნალისტიც დაშავდა.

ცრემლმდენი გაზის გაშვებამდე შინაგან საქმეთა სამინისტრომ აქციის მონაწილეების მიმართ გაფრთხილება გაავრცელა. 

ცოტა ხნის წინ აქციაზე დაძაბული ვითარება იყო, არსებული ინფორმაციით 10-მდე სპეცრაზმელი დაშავდა, ასევე ცუდად გახდა ერთი პოლიციელი. აქციის მონაწილეები პარლამენტის შენობაში შეჭრას ცდილობდნენ. პარლამენტში იმყოფება პრემიერი მამუკა ბახტაძე, შს მინისტრი გიორგი გახარია.

რუსეთის დელეგაციამ, მათ შორის სერგეი გავრილოვმა საქართველო უკვე  დატოვა.   დღეს პარლამენტის სპიკერისთვის განკუთვნილი ადგილიდან, დელეგატებს ასამბლეის პრეზიდენტმა, რუსეთის დუმის კომუნისტური პარტიის წევრმა სერგეი გავრილოვმა მიმართა და "ქართული ოცნების" წევრ ზაქარია ქუცნაშვილს მოწვევისთვის მადლობა გადაუხადა.

საპარლამენტო ოპოზიცია ირაკლი კობახიძის პასუხისმგებლობის საკითხის დაყენებას და მის გადადგომას მოითხოვს. პარლამენტში მომხდართან დაკავშირებით განცხადება გაავრცელა ბიძინა ივანიშვილმა და პრემიერმა მამუკა ბახტაძემ, ასევე განცხადება გააკეთეს ირაკლი ღარიბაშვილმა და კახა კალაძემ

დღესვე პარლამენტში მართლმადიდებლობის საპარლამენტთაშორისო ასამბლეის მიმდინარეობა შეწყდა. ზაქარია ქუცნაშვილმა კი მოიბოდიშა და თქვა, რომ ასამბლეის ჩასატარებლად არასწორი ადგილი შეარჩიეს.

მომხდარ ფაქტს გამოეხმაურა საქართველოს პრეზიდენტი სალომე ზურაბიშვილი, თამარ ჩუგოშვილი, არჩილ თალაკვაძე. რუსი დეპუტატის ქცევა "ევროპული საქართველოს" წევრებმაც გააპროტესტეს და მათ სპიკერატის ადგილი დაიკავეს.

სწორედ რუსი დეპუტატების ვიზიტს მოჰყვა მოქალაქეების პროტესტი.

ყველა სიახლე

სკარლეტ იოჰანსონი

23 აგვისტო 2019, 21:09

კულტურა

Forbes: სკარლეტ იოჰანსონი ყველაზე მაღალანაზღაურებადი ქალი მსახიობია

ამერიკელი მსახიობი, მომღერალი და მოდელი სკარლეტ იოჰანსონი Forbes-ის რეიტინგით, უკვე მეორე წელია ყველაზე მაღალანაზღაურებადი ქალი მსახიობის პოზიციას არ თმობს. თუმცა ის ყველაზე მაღალანაზღაურებადი მსახიობების სიაში მერვეა. 34 წლის მსახიობის შემოსავალი $56 მილიონია. მან 2019 წელს $15,5 მილიონით მეტი გამოიმუშავა, ვიდრე 2018 წელს.

23 აგვისტო 2019, 21:02

საქართველო

ოკუპირებული აფხაზეთი ე.წ. საპრეზიდენტო არჩევნებისთვის ემზადება

საქართველოს საგარეო უწყება ცნობას კატეგორიულად უარყოფს. დიპლომატიურ უწყებას აფხაზეთის მიერ დასახელებულ ყველა სახელმწიფოსთან კომუნიკაცია უკვე ჰქონდა. დე ფაქტო აფხაზეთის ვერსიას ევროპარლამენტიც უარყოფს. პრესსამსახურის კომენტარს სააგენტო აქცენტი აქვეყნებს.

კენია. თეთრი მარტორქა

23 აგვისტო 2019, 20:45

ტექნოლოგიები

მეცნიერები: კენიაში იშვიათ თეთრ მარტორქას გაქრობა ემუქრება

კენიაში მეცნიერების და ვეტერინარების ჯგუფი ცდილობს ჩრდილოეთის თეთრი მარტორქების გამრავლების პროცესი წარმატებით დასრულდეს. ვეტერინარებმა ორი მდედრი მარტორქის 10 კვერცხის შეგროვება შეძლეს. ისინი კვერცხებს იმ მარტორქის გაყინული სპერმით გაანაყოფიერებენ, რომელიც 2018 წლის მარტში მოკვდა. თეთრი მარტორქა ბოლო მამრი იყო.

23 აგვისტო 2019, 20:10

მსოფლიო

ჩეჩნეთში ევროპაში ერთ-ერთი ყველაზე დიდი მეჩეთი გაიხსნა

ჩეჩნეთის ქალაქ შალიში ევროპაში ერთ-ერთი უდიდესი მეჩეთი გაიხსნა. ის სტამბოლის ცისფერ მეჩეთზე ორჯერ დიდია. იქ 30 000-ზე მეტი ადამიანი ეტევა, მიმდებარე ტერიტორიაზე კი 70 000-მდე ადამიანი. გახსნის ცერემონიაზე რამზან კადიროვმა განაცხადა, რომ მეჩეთი მუჰამედ წინასწარმეტყველის სახელობისაა.

ევროკავშირი

23 აგვისტო 2019, 19:52

მსოფლიო

ევროკავშირმა ბრაზილიის პრეზიდენტზე ზეწოლა გააძლიერა

ევროკავშირმა ბრაზილიის პრეზიდენტ ჟაირ ბოლსონაროზე ამაზონის ტყეებში ხანძრის გამო ზეწოლა გააძლიერა, - ამის შესახებ Reuter-ი წერს. ირლანდიამ და საფრანგეთმა განაცხადეს, რომ შესაძლოა სამხრეთ ამერიკასთან სავაჭრო ხელშეკრულება დაბლოკონ. ამ ფონზე ბოლსონარომ უარყო განცხადება, რომ სხვა ქვეყნებს სურთ მათ საშინაო საქმეებში ჩაერიონ.

23 აგვისტო 2019, 19:13

ვიდეო

ხანძარი ამაზონის ტყეში

ფორსაჟი

23 აგვისტო 2019, 19:10

საქართველო

„ფორსაჟის“ გადაღებების გამო რუსთაველის გამზირის მონაკვეთზე მოძრაობა შეიზღუდება

რუსთაველის გამზირისკენ მოძრაობა დროებით შეიზღუდება ალ. ჭავჭავაძის, ლაღიძის, ბესიკის, უკრაინკას, ალ. ჭიჭინაძის, 9 აპრილის, მესხიას, ვასო აბაშიძის, ჭანტურიას, ჯორჯაძისა და ფურცელაძის ქუჩებიდანაც. ამ მონაკვეთზე ფეხით მოსიარულეები გადაადგილებას შეძლებენ 21:00 საათიდან 07:00 საათამდე.

23 აგვისტო 2019, 19:04

ძალოვნები

პროკურატურა: ია კერზაიას საქმეზე დანაშაულის არარსებობის გამო გამოძიება შეწყდა

საქართველოს გენერალური პროკურატურის ინფორმაციით, ჩატარებული გამოძიების შედეგად ზუგდიდის N6 საჯარო სკოლის ინსპექტირებასთან დაკავშირებულ სისხლის სამართლის საქმეზე უწყებამ შემეჯემებელი გადაწყვეტილება მიიღო: დანაშაულის არარსებობის გამო საქმეზე გამოძიება შეწყდა.

ჟაირ ბოლსონარო

23 აგვისტო 2019, 18:55

მსოფლიო

ბრაზილიის პრეზიდენტი: სხვა ქვეყნებს ჩვენს საშინაო საქმეებში ჩარევა სურთ

ჟაირ ბოლსონარუმ Facebook-ზე პიდაპირი ჩართვისას განაცხადა „ეს ქვეყნები აგზავნიან ფულს აქ, მაგრამ არა ქველმოქმედების მიზნით, ისინი აგზავნიან ფულს იმისთვის, რომ ჩვენს სუვერენიტეტში ჩაერიონ“. მანამდე კი ბრაზილიის პრეზიდენტმა განაცხადა, რომ ქვეყანას ამაზონის ჯუნგლებთან მასშტაბურ ხანძართან გასამკლავებლად რესურსი არ ჰყოფნის.

ბარსელონის აეროპორტი

23 აგვისტო 2019, 18:39

ეკონომიკა

ბარსელონის აეროპორტის გაფიცვის გამო 124 მიმართულებაზე ფრენები გაუქმდა

ბარსელონის ელ-პრატის აეროპორტში შაბათ-კვირას დაგეგმილი გაფიცვის გამო 124 მიმართულებაზე ფრენები გაუქმდა. ესპანურმა მსხვილმა ავიაკომპანია Vueling-მა აეროპორტის პერსონალის გაფიცვის გამო უქმეებზე დაგეგმილი 112 ავიარეისი გააუქმა.

YouTube-ი

23 აგვისტო 2019, 18:37

ტექნოლოგიები

YouTube-ზე ანგარიშები ჰონგ-კონგზე დეზინფორმაციის გავრცელების გამო დაიხურა

YouTube-ზე რამდენიმე ანგარიში ჰონგ-კონგში მიმდინარე საპროტესტო აქციებთან დაკავშირებით არასწორი ინფორმაციის გავრცელების გამო დაიხურა. Google-მა, რომლის გავლითაც იქმნება YouTube-ზე ანგარიშები, რამდენიმე მათგანი გათიშა და დეზინფორმაციის გავრცელებაში ჩინეთი დაადანაშაულა.

აშშ ჩინეთი

23 აგვისტო 2019, 18:07

ეკონომიკა

ჩინეთი აშშ-ის $75 მილიარდის პროდუქციაზე ტარიფებს 1 სექტემბრიდან დაუწესებს

ჩინეთმა განაცხადა, რომ აშშ-ის $75 მილიარდის პროდუქციაზე ტარიფებს დაუწესებს, - ამის შესახებ france24-ი წერს. საჯარიმო ტარიფები 5-დან 10%-მდე აშშ-დან იმპორტირებულ 5 078 დასახელების პროდუქტზე დაწესდება. გამოცემის ცნობით, ახალო ტარიფების ნაწილი 2019 წლის 1 სექტემბერს, ნაწილი კი 15 დეკემბერს შევა ძალაში.

23 აგვისტო 2019, 17:59

მსოფლიო

ალჟირში კონცერტზე ჭყლეტას მსხვერპლი მოჰყვა

ალჟირის დედაქალაქში რეპ კონცერტზე მომხდარ ჭყლეტას 5 ადამიანი ემსხვერპლა, 20-ზე მეტი კი დაშავდა. რეპერ Soolking-ის კონცერტი სტადიონზე გაიმართა. მომხდარის მიუხედავად, მუსიკოსმა გამოსვლა გააგრძელდა. სხვა დეტალები უცნობია.

ხანძარი

23 აგვისტო 2019, 17:55

ძალოვნები

ნაფეტვრების ტყეში ხანძარია. ვიდეო

ნაფეტვრების ტყეში ხანძარია. საგანგებო სიტუაციების სამსახურის ცნობით, ცეცხლი ეკალ-ბარდს უკიდია. ადგილზე 3 სახანაძრო ჯგუფი მუშაობს და დამატებით ძალას ელიან. უწყების ინფორმაციით, ცეცხლს უწყვეტ რეჟიმში აქრობენ.

დევიდ კოხი

23 აგვისტო 2019, 17:41

მსოფლიო

რესპუბლიკელების მილიარდერი დონორი დევიდ კოხი გარდაიცვალა

ამერიკელი ბიზნესმენი და მილიარდერი, მსოფლიოში ერთ-ერთი უმდიდრესი ადამიანი დევიდ კოხი გარდაიცვალა. ამის შესახებ The Wall Street Journal-ი მაგნატის ოჯახზე დაყრდნობით წერს. მილიარდერი გარდაცვალების მიზეზი ჯერჯერობით უცნობია. ის 79 წლის იყო.

უნგრეთი, ბუდაპეშტი.

23 აგვისტო 2019, 17:36

ეკონომიკა

Euronews-ი: უნგრეთი სიღარიბის ზღვარზეა

უნგრეთში სიღარიბის ზღვარი 256 ევროა. მაგრამ ღარიბი მოსახლეობის შემოსავალი ამ მაჩვენებელზე 25%-ით მცირეა, - ამის შესახებ Euronews-ი წერს. მოსახლეობის სიღარიბის მედიანა ევროკავშირში ყველაზე მარალი 2017 წელს რუმინეთში იყო, ყველაზე დაბალი კი ფინეთში. 2017 წლიდან სიღარიბის მაჩვენებელმა ზრდა უნგრეთში დაიწყო.

მოჰამედ ჯავად ზარიფი ირანის საგარეო საქმეთა მინისტრი

23 აგვისტო 2019, 17:17

მსოფლიო

მოჰამედ ზარიფი ირანის ბირთვული პროგრამის შეთანხმების გადახედვის წინააღმდეგია

ირანის საგარეო საქმეთა მინისტრი მოჰამედ ჯავად ზარიფი ირანის ბირთვული შეთანხმების გადახედვის წინააღმდეგია. ამის შესახებ მან საფრანგეთის პრეზიდენტთან ემანუელ მაკრონთან შეხვედრის შემდეგ განაცხადა. ზარიფმა შეხვედრას პროდუქტიული უწოდა, თუმცა დასძინა, რომ შეთანხმების გადახედვა შეუძლებელია.

ჟირაფები

23 აგვისტო 2019, 17:12

ტექნოლოგიები

მეცნიერები: დედამიწაზე ჟირაფები ქრებიან

ჟენევაში, მსოფლიო კონფერენციის ფარგლებში, რომელიც ცხოველების იშვიათი ჯიშების დაცვას ეხება, გადაწყდა, რომ ველურ ბუნებაში ჟირაფები დაიცვან. გადაწყდა, რომ ჟირაფის ხორცის, ძვლის და ტყავის გაყიდვაზე შეზღუდვები დაწესდეს. საბოლოო ვერდიქტი ამ საკითხზე მომავალ კვირას გახდება ცნობილი, რის შემდეგაც გაეროს კონვენციაში ცვლილება შევა.

საღეჭი რეზინი

23 აგვისტო 2019, 17:10

ტაბლოიდი

ინდოელი ცოლს საღეჭი რეზინის გამო გაშორდა

ქალმა იურისთან კონსულტაცია მას შემდეგ გაიარა, რაც ქმარმა მას საღეჭი რეზინი შესთავაზა. უარის თქმამ კაცი წყობიდან გამოიყვანა, მან 3-ჯერ წამოიძახა სიტყვა „ტალაკი“, რაც განქორწინებას ნიშნავს და ისლამური კანონების თანახმად იმას ნიშნავს, რომ ის ცოლს გაშორდა, რომელზეც 2004 წელს იქორწინა.

მარნეულის სასურსათო ქარხანა

23 აგვისტო 2019, 17:07

ეკონომიკა

მარნეულის ქარხანამ წითელი ტყემალი შემოწმებისთვის გერმანიის ლაბორატორიაში გააგზავნა

მარნეულის სასურსათო ქარხანამ თავისი წარმოების წითელი ტყემალი შემოწმებისთვის გერმანიის ფრეზენიუსის ინსტიტუტის ლაბორატორიაში გააგზავნა. მარნეულის სასურსათო ქარხანამ წითელი ტყემლის ნიმუშები აიღო და გერმანიის ლაბორატორიაში გააგზავნა. შემოწმდება წითელი ტყემალი და წიწაკა.