Imedi /  05 ივლისი 2019, 15:25 / სანდო წყარო

საკონსტიტუციო სასამართლომ 112-ის საფასურის ჩამოჭრა ანტიკონსტიტუციურად მიიჩნია

საკონსტიტუციო სასამართლომ 112-ის საფასურის ჩამოჭრა ანტიკონსტიტუციურად მიიჩნია. შესაბამისი ინფორმაცია სასამართლოს ვებგვერდზე განთავსდა.  

კერძოდ, საქართველოს საკონსტიტუციო სასამართლოს მეორე კოლეგიამ დააკმაყოფილა N1279 კონსტიტუციური სარჩელი („ლევან ალაფიშვილი და „კს ალაფიშვილი და ყავლაშვილი-საქართველოს ადვოკატთა ჯგუფი“ საქართველოს მთავრობის წინააღმდეგ“).

სადავო ნორმების თანახმად, სატელეფონო აბონენტები იხდიდნენ „112“-ის მომსახურების საფასურს, რომელიც ყოველთვიურად ფიზიკური პირისთვის შეადგენდა 0.20 ლარს, ხოლო იურიდიული პირისთვის, ორგანიზაციისთვის და დაწესებულებისთვის - 0.50 ლარს.

მოსარჩელე მხარის არგუმენტაციით, აბონენტს „112“-ის მომსახურების საფასური ეკისრებოდა მისი ნების მიუხედავად, რაც არღვევდა საკუთრების უფლებას.

ამავე დროს, საკუთრების უფლებაში ჩარევა ხორციელდებოდა არა კანონის, არამედ მთავრობის დადგენილების საფუძველზე, რაც ფორმალურად ეწინააღმდეგებოდა კონსტიტუციის მოთხოვნებს. გარდა ამისა, „კს ალაფიშვილი და ყავლაშვილი - საქართველოს ადვოკატთა ჯგუფი“ მიუთითებდა, რომ ფიზიკურ და იურიდიულ პირთა მიმართ „112“-ის საფასურის განსხვავებული ტარიფის არსებობას არ გააჩნდა ობიექტური საფუძველი და დისკრიმინაციული იყო.

მოპასუხის პოზიციით, „112“ უზრუნველყოფს კოორდინაციას სასწრაფო დახმარებასთან, პოლიციასთან და სახანძრო სამსახურთან, ხოლო დაწესებული საფასური ემსახურებოდა „112“-ის ხარჯების ანაზღაურებას და მისი სერვისის თითოეული აბონენტისთვის ხელმისაწვდომობას.

მოპასუხემ ასევე აღნიშნა, რომ კანონმდებელმა „112“-ის სპეციფიკური საჭიროებიდან გამომდინარე, საფასურის განსაზღვრის უფლებამოსილება მიანიჭა საქართველოს მთავრობას, რაც შეესაბამება საქართველოს კონსტიტუციის მოთხოვნებს.

საკონსტიტუციო სასამართლომ განმარტა, რომ „112“-ის საფასურის გადახდის სატელეფონო  აბონენტებისათვის დაკისრება ემსახურება „112“-ის ხარჯების და მის მიერ გაწეული მომსახურების ანაზღაურებას.

ამავე დროს, საფასურის გადახდის სანაცვლოდ მიღებული სარგებელი არის არა აბონენტის მიერ უშუალოდ „112“-ში საგანგებო შემთხვევის შესახებ შეტყობინების გაკეთება, არამედ ასეთი შეტყობინების გაკეთების შესაძლებლობის არსებობა.

აღნიშნულის გათვალისწინებით, საქართველოს საკონსტიტუციო სასამართლომ დაადგინა, სადავო ნორმებით  გათვალისწინებული „112“-ის საფასური განეკუთვნება კონსტიტუციით გათვალისწინებულ მოსაკრებლებს.

საქართველოს საკონსტიტუციო სასამართლომ აღნიშნა, რომ საქართველოს კონსტიტუციის თანახმად, მოსაკრებლის სტრუქტურის და შემოღების წესის, მისი განაკვეთების ან განაკვეთის ფარგლების დადგენა მხოლოდ კანონით დაიშვება, რაც გამორიცხავს საქართველოს პარლამენტის მიერ ამ უფლებამოსილების მთავრობაზე დელეგირებას. 

სასამართლოს განმარტებით, სადავო ნორმები განსაზღვრავდა მოსაკრებლის გადამხდელ სუბიექტებს და მოსაკრებლის განაკვეთს და ამდენად, აღნიშნული საკითხის მოწესრიგების კონსტიტუციური უფლებამოსილება საქართველოს მთავრობას  არ გააჩნდა. აქედან გამომდინარე, საქართველოს საკონსტიტუციო სასამართლომ სადავო ნორმები არაკონსტიტუციურად ცნო.

ამავე დროს, საქართველოს საკონსტიტუციო სასამართლომ მხედველობაში მიიღო ის გარემოება, რომ სადავო ნორმების ძალადაკარგულად ცნობის შედეგად „112“ დაკარგავდა დაფინანსების ძირითად წყაროს, რასაც შესაძლოა, საფრთხე შეექმნა მნიშვნელოვანი საჯარო ინტერესებისათვის.

ამდენად, საკონსტიტუციო სასამართლომ 2019 წლის 31 დეკემბრამდე გადაავადა სადავო ნორმების ძალადაკარგულად გამოცხადება, რათა საქართველოს პარლამენტს და საქართველოს მთავრობას მიეცეთ გონივრული შესაძლებლობა, საქართველოს კონსტიტუციით დადგენილი სტანდარტების შესაბამისად მოაწესრიგონ აღნიშნული: 

დავის საგანი: საქართველოს მოქალაქე ლევან ალაფიშვილის სასარჩელო მოთხოვნის ნაწილში - „საქართველოს შინაგან საქმეთა სამინისტროს საჯარო სამართლის იურიდიული პირის – „112“‑ის მომსახურების საფასურის, მისი განაკვეთისა და გადახდის წესის დამტკიცების შესახებ“ საქართველოს მთავრობის 2011 წლის 27 დეკემბრის №489 დადგენილებით დამტკიცებული წესის პირველი მუხლის პირველი პუნქტის კონსტიტუციურობა საქართველოს კონსტიტუციის 21-ე მუხლის პირველ და მე-2 პუნქტებთან (2018 წლის 16 დეკემბრამდე მოქმედი რედაქცია) მიმართებით;

„კს ალაფიშვილი და ყავლაშვილი - საქართველოს ადვოკატთა ჯგუფის“ სასარჩელო მოთხოვნის ნაწილში - „საქართველოს შინაგან საქმეთა სამინისტროს საჯარო სამართლის იურიდიული პირის – „112“‑ის მომსახურების საფასურის, მისი განაკვეთისა და გადახდის წესის დამტკიცების შესახებ“ საქართველოს მთავრობის 2011 წლის 27 დეკემბრის №489 დადგენილებით დამტკიცებული წესის პირველი მუხლის პირველი პუნქტის კონსტიტუციურობა საქართველოს კონსტიტუციის 21-ე მუხლის პირველ და მე-2 პუნქტებთან (2018 წლის 16 დეკემბრამდე მოქმედი რედაქცია) მიმართებით და ამავე წესის პირველი მუხლის მე-2 პუნქტის კონსტიტუციურობა საქართველოს კონსტიტუციის მე-14 მუხლთან (2018 წლის 16 დეკემბრამდე მოქმედი რედაქცია) მიმართებით“.

ყველა სიახლე

მამუკა ბახტაძე

16 ივლისი 2019, 18:28

ეკონომიკა

საოჯახო და საშუალო ზომის სასტუმროების მფლობელებს სახელმწიფო შეღავათებს დაუწესებს

საოჯახო ტიპის და საშუალო ზომის სასტუმროები, რომელთა მშენებლობაც იგეგმებოდა, არ უნდა გაჩერდეს. ამის შესახებ პრემიერმინისტრმა მამუკა ბახტაძემ მთავრობის სხდომის დაწყებამდე გამართულ ბრიფინგზე ჟურნალისტის შეკითხვის პასუხად განაცხადა. მისი თქმით, შემუშავებულია სპეციალური სქემა.

Red Bull-ის ბოლიდი

16 ივლისი 2019, 18:20

სპორტი

Red Bull-მა პიტ-სტოპის ახალი რეკორდი დაამყარა. ვიდეო

დიდი ბრიტანეთის გრან-პრიზე გასლიმ ბოლიდი პიტ-სტოპზე გააჩერა, Red Bull-ის მექანიკოსებმა კი გააუმჯობესეს 2013 წელს დამყარებული საკუთარივე რეკორდი, როდესაც მარკ უებერის ბოლიდზე საბურავები 1,92 წამში გამოცვალეს.

კატერინა ლენგფორდი ჰანას როლში

16 ივლისი 2019, 18:07

მსოფლიო

Netflix-მა სერიალ 13 Reasons Why-დან თვითმკვლელობის სცენა წაშალა

13 Reasons Why 2017 წელს გამოვიდა და მაშინ ბევრი შექება დაიმსახურა იმის გამო, რომ სერიალი ხელს უწყობდა საზოგადოებაში ცნობიერების ამაღლებას ისეთ საკითხებზე, როგორიც არის გაუპატიურება, დაცინვა, თავის დაზიანება. თუმცა ასევე გამოითქვა კრიტიკა სერიალში არსებული თვითმკვლელობის სცენებთან დაკავშირებით.

მამუკა ბახტაძე

16 ივლისი 2019, 18:04

საქართველო

საქართველო-აზერბაიჯანის საზღვრის სადელიმიტაციო კომისიის მუშაობა უახლოეს კვირებში განახლდება

პრემიერმინისტრმა დავით გარეჯის გარშემო განვითარებულ მოვლენებზე კომენტარი გააკეთა. როგორც მამუკა ბახტაძემ მთავრობის სხდომის დაწყებამდე განაცხადა, კომისია უახლოეს კვირებში განაახლებს მუშაობას და საჭიროა მის საქმიანობას ხელი არ შეეშალოს. „2 დღის წინ იყო სამწუხარო ინციდენტი, რომელიც ამოწურულია. ყველას მინდა მივმართო, ეს არის ფაქიზი საკითხი“.

ფრანსუა დე რიუჟი

16 ივლისი 2019, 18:01

საქართველო

საფრანგეთის ეკოლოგიის მინისტრმა თანამდებობა დატოვა

საფრანგეთის ეკოლოგიის მინისტრმა ფრანსუა დე რიუჟიმ პოსტი დატოვა. გადადგომის მიზეზი ხმაურიანი სკანდალი გახდა. მინისტრს სახელმწიფო სახსრებით მდიდრული ვახშმების მოწყობაში ადანაშაულებენ. ამის შესახებ გამოცემა Le Monde წერს.

ნავთობმზიდი Riah

16 ივლისი 2019, 17:57

მსოფლიო

არაბთა გაერთიანებული საამიროების ნავთობმზიდი ირანის ტერიტორიულ წყლებში შევიდა და რადარებიდან გაქრა

პანამის დროშის ქვეშ მცურავი 58-მეტრიანი ნავთობმზიდი Riah დუბაიდან და შარჯიდან ფუჯაირას მიმართულებით მოძრაობდა. 13 ივლისს ის ორმუზის სრუტეს გასცდა, შემდეგ კი ადგილმდებარეობის შესახებ ინფორმაციის გადაცემა შეწყვიტა. ბოლო მონაცემებით, ნავთობმზიდი ირანის ტერიტორიულ წყლებში შევიდა.

მამუკა ბახტაძე

16 ივლისი 2019, 17:44

საქართველო

ბახტაძემ IRI-ის სავარაუდო კვლევის შედეგებს პოლიტიკური ანეკდოტი უწოდა

„IRI-ის კვლევაში ისეთი ტიპის ინფორმაციაა, რომელიც უფრო ალბათ, პოლიტიკური ანეკდოტების სიას განეკუთვნება, ვიდრე სერიოზულ საკითხს“, განაცხადა საქართველოს პრემიერმინისტრმა „საერთაშორისო რესპუბლიკური ინსტიტუტის“ კვლევის შედეგების შეფასებისას, რომელიც მედიისთვის არაოფიციალურად გახდა ცნობილი.

დაკავებული

16 ივლისი 2019, 17:37

ტაბლოიდი

კოლუმბიელი ესპანეთში პარიკის ქვეშ კოკაინის შეტანას ცდილობდა

ესპანეთის ეროვნულმა პოლიციამ ბარსელონის აეროპორტში დააკავა კაცი, რომელიც პარიკის ქვეშ 0,5 კილოგრამი კოკაინის შეტანას ცდილობდა. საკუთარი განზრახვის შესანიღბად 65 წლის კაცმა დიდი ქუდიც დაიხურა, თუმცა საპასპორტო კონტროლის გავლის დროს მისმა უცნაურმა გარეგნობამ და ნერვულმა ქცევამ პოლიციის ყურადღება მიიპყრო.

ხანძარი

16 ივლისი 2019, 17:34

მსოფლიო

ხორვატიაში ტყის ხანძრის გამო მუსიკალურ ფესტივალზე ევაკუაცია განხორციელდა

პოლიციამ ფესტივალის მონაწილეები ავტობუსებით გაიყვანა უსაფრთხო ადგილზე. ხანძრის შედეგად არავინ დაშავებულა. ჯერჯერობით უცნობია გაუქმდება თუ არა მუსიკალური ფესტივალი. ორგანიზატორების განცხადებით, ისინი ყველაფერს ცდილობენ, რათა ფესტივალი გაგრძელდეს.

მიწის ჭამა

16 ივლისი 2019, 17:18

ტექნოლოგიები

რატომ უჩნდებათ ადამიანებს მიწის ჭამის სურვილი

მიწის ჭამის სურვილს იმავე გეოფაგიას მთელ მსოფლიოში დიდი ხნის ისტორია აქვს. ამერიკელმა მეცნიერებმა ჩაატარეს კვლევა, რომლის ფარგლებშიც სხვადასხვა ეპოქის 500-ზე მეტი დოკუმენტი შეისწავლეს. მკვლევართა განმარტებით, მიწის ჭამის შემთხვევები აღრიცხულია არგენტინაში, ირანსა და ნამიბიაში. რატომ ჭამს ადამიანი მიწას და არის თუ არა გეოფაგია საშიში ადამიანისთვის ჯანმრთელობისთვის?

მამუკა ბახტაძე

16 ივლისი 2019, 17:16

საქართველო

ერთ ლარად მედიკამენტების მიმღებ მოქალაქეთა წრე ფართოვდება

პრემიერ-მინისტრის განცხადებით, მთავრობის დღევანდელ სხდომაზე ახალი ინიციატივა განიხილება, რომლის თანახმად, იმ პირთა რაოდენობა, რომლებიც მედიკამენტებს სიმბოლურ ფასად იღებდნენ, ფართოვდება.

ლონდონი

16 ივლისი 2019, 17:16

მსოფლიო

ლონდონის მერმა Tulip-ის ცათამბჯენის მშენებლობაზე ნებართვა არ გასცა

ცათამბჯენი სიმაღლის მიხედვით დასავლეთ ევროპაში მეორე ყველაზე მაღალი ნაგებობა იქნებოდა. ლონდონის ადმინისტრაციის წარმომადგენლის განცხადებით, ქალაქის მერს სამშენებლო პროექტის შესწავლის შემდეგ მნიშვნელოვანი შენიშვნები აქვს, შესაბამისად გადაწყვიტა, რომ პროექტის დაწყებაზე ნებართვა არ გაეცა.

16 ივლისი 2019, 16:59

ეკონომიკა

Amazon-ის თანამშრომლები გაიფიცნენ

გერმანიაში გაფიცვას 2000 ადამიანი შეუერთდა, მინესოტის შტატში კომპანიის განყოფილებაში მუშაობა 6 საათით შეჩერდება, დიდ ბრიტანეთში კი ხანგრძლივი საპროტესტო აქციები იგეგმება. Amazon-ის თანამშრომლების მტკიცებით, მათი სამუშაო გრაფიკი რთულია, ხელფასები კი დაბალი.

ტურისტი

16 ივლისი 2019, 16:58

საქართველო

ყაზბეგში ლიეტუვის მოქალაქე 4000 მეტრის სიმაღლიდან ყინულის ნაპრალში ჩავარდა

საგანგებო სიტუაციების მართვის სამსახურის ცნობით, სამაშველო ოპერაციაში ჩართული იყო შინაგან საქმეთა სამინისტროს სასაზღვრო პოლიციის ვერტმფრენი. ტურისტი თბილისში, ღუდუშაურის კლინიკაში გადაიყვანეს. ამ დროისთვის, ლიტუვის მოქალაქეს შესაბამისი მკურნალობა უტარდება.

დონალდ ტრამპი

16 ივლისი 2019, 16:55

მსოფლიო

ტრამპი კრიტიკოსებს: თუ აქ თავს უბედურად გრძნობთ, შეგიძლიათ წახვიდეთ

„ჩვენ არასდროს ვიქნებით სოციალისტური ან კომუნისტური ქვეყანა. თუ აქ თავს უბედურად გრძნობთ, შეგიძლიათ წახვიდეთ! ეს მხოლოდ და მხოლოდ თქვენი არჩევანია. ამერიკა უნდა გიყვარდეს, ზოგიერთებს კი ჩვენი ქვეყანა სძულთ...“ - წერს ტრამპი Twitter-ის საკუთარ გვერდზე.

სოციალური ქსელი

16 ივლისი 2019, 16:47

ტექნოლოგიები

Instagram-ზე ყოველი 10 გავლენიანი მომხმარებლიდან სამი ყალბ ექაუნთებს ყიდულობს

Instagram-ის არც თუ ისე ცოტა მომხმარებელი ფულს იხდის იმაში, რომ მის პოსტებს უფრო მეტი მოწონება, კომენტარი და გაზიარება ჰქონდეს. შვედური სტარტაპის A Good Company-ის მიერ ჩატარებული კვლევის მიხედვით, მხოლოდ ბრიტანეთში 10 მილიონამდე ყალბი ანგარიში გამოვლინდა. Instagram-ზე ყოველი 10-დან 3 ფეიკ ექაუნთებს ყიდულობს.

მარიამ ქვრივიშვილი

16 ივლისი 2019, 16:33

ეკონომიკა

2019 წელს ტურიზმის ადმინისტრაციას რუსეთის ტურისტულ ბაზარზე ნულოვანი დანახარჯი აქვს

ტურიზმის ეროვნული ადმინისტრაციის ხელმძღვანელი მარიამ ქვრივიშვილი 2013-19 წლებში მარკეტინგული კამპანიისთვის დახარჯულ თანხებზე მედიასთან საუბრობს. მარიამ ქვრივიშვილის განცხადებით, 2019 წელს ტურიზმის ეროვნულ ადმინისტრაციას რუსეთის ტურისტულ ბაზარზე ნულოვანი დანახარჯი აქვს.

აივ/შიდსი

16 ივლისი 2019, 16:32

მსოფლიო

აღმოსავლეთ ევროპასა და ცენტრალურ აზიაში აივ ინფიცირებულთა რიცხვი თითქმის მესამედით გაიზარდა

აღმოსავლეთ ევროპაში ამ დაავადებისაგან გამოწვეული სიკვდილის შემთხვევები 5%-ით , ახლო აღმოსავლეთსა და ჩრდილოეთ აფრიკაში კი 9 %-ით გაიზარდა. ამასთან, მთელ მსოფლიოში აივ ინფექციით გარდაცვალების მაჩვენებელი მესამედით შემცირდა. მაგალითად, 2010 წელს დაავადებით დაახლოებით 1,2 ადამიანი, 2017 წელს კი 800 000 ადამიანი გარდაიცვალა.

ჯარიმა

16 ივლისი 2019, 16:23

საქართველო

რა უნდა იცოდეთ თუ ადმინისტრაციული წესით გაჯარიმებენ

საქართველოს ადმინისტრაციულ სამართალდარღვევათა კოდექსი განსაზღვრავს, თუ რომელი მოქმედება ან უმოქმედობა წარმოადგენს ადმინისტრაციულ სამართალდარღვევას. ადმინისტრაციული პასუხისმგებლობა ეკისრებათ ადმინისტრაციული სამართალდარღვევის ჩადენის მომენტისათვის თექვსმეტი წლის ასაკს მიღწეულ პირებს.

საქართველოს ახალგაზრდა იურისტთა ასოციაცია

16 ივლისი 2019, 16:22

კულტურა

საია: ქართული წიგნის ეროვნული ცენტრის და მწერალთა სახლის რეორგანიზაცია დაუსაბუთებელი იყო

საქართველოს ახალგაზრდა იურისტთა ასოციაციის განცხადებით, ქართული წიგნის ეროვნული ცენტრის და მწერალთა სახლის რეორგანიზაცია დაუსაბუთებელი და ნაჩქარევი იყო. არასამთავრობო ორგანიზაციის ვებგვერდზე გამოქვეყნებული განცხადების თანახმად, ამ გადაწყვეტილების მიღების შემდეგ კითხვის ნიშნის ქვეშ არაერთი პროექტის განხორციელება დადგა.