imedi /  09 ივლისი 2019, 14:43 / სანდო წყარო

პრეზიდენტი: საქართველოს დისკრედიტაცია პროვოკაციებით ვერ უნდა სცადონ

სალომე ზურაბიშვილი

სალომე ზურაბიშვილი

საქართველოს პრეზიდენტი ქვეყნის შიგნით და მის ფარგლებს გარეთ ყველას დეესკალაციისკენ მოუწოდებს. 

ზურაბიშვილი იმ ძალებს, რომლებსაც მისი თქმით, პატრიოტული ლოზუნგებით საზოგადოებაში დაძაბულობა და დაპირისპირება შეაქვთ, შეახსენებს, რომ დიალოგისა და შეთანხმების საპარლამენტო პლატფორმა მათივე მოთხოვნების საფუძველზეა შექმნილი.

„როგორც საქართველოს პრეზიდენტი, როგორც ადამიანის უფლებების, სიტყვისა და გამოხატვის თავისუფლების გარანტი და დამცველი, კიდევ ერთხელ შეგახსენებთ, რომ თავისუფლება განუყოფელია პასუხისმგებლობისგან, ქვეყნის მიმართ პასუხისმგებლობა მოითხოვს, რომ გვერდზე გადავდოთ ემოციები, გვერდზე გადავდოთ პოლიტიკური გემოვნება; ვიფიქროთ და ვიზრუნოთ საზოგადოებრივ სიმშვიდესა და ქვეყნის სტაბილურობაზე.

არ უნდა დავუშვათ, რომ რაღაც პროვოკაციებით გარკვეულმა ძალებმა სცადონ საქართველოს დისკრედიტაცია მის ფარგლებს გარეთ და დესტაბილიზაცია ქვეყანაში. მინდა ყველას, შიგნით და გარეთ, მოგიწოდოთ დეესკალაციისკენ.

მივმართავ იმ ძალებს ქვეყანაში, ვინც ნებსით თუ უნებლიედ ამ ქვეყნის სტაბილურობას, ესე იგი მის მთავარ მონაპოვარს, მის მთავარ ღირებულებას რეგიონალური და საერთაშორისო პარტნიორებისთვის, საკუთარი პოლიტიკური მიზნების გამო საფრთხის ქვეშ აყენებს.

პატრიოტიზმი ქვეყნის დისკრედიტაციასა და დესტაბილიზაციაზე არ გადის. მივმართავ მათ, ვინც უპასუხისმგებლო ქმედებებითა თუ განცხადებებით პატრიოტიზმის დროშის ქვეშ, აზარალებს ჩვენს მოქალაქეებს და მათ ეკონომიკურ კეთილდღეობას აქ და ქვეყნის ფარგლებს გარეთ.

პატრიოტიზმი სწორედ საკუთარ მოქალაქეებზე ზრუნვაა. მოვუწოდებ იმ ძალებსაც, რომლებსაც, ასევე, პატრიოტული ლოზუნგებით საზოგადოებაში დაძაბულობა და დაპირისპირება შეაქვთ. ყველას შეგახსენებთ, რომ საპარლამენტო პლატფორმა დიალოგისა და შეთანხმების, თქვენივე მოთხოვნების საფუძველზეა შექმნილი.

პროპორციული სისტემა ყველას უხსნის საკუთარი ამბიციების კარს, ახალი საარჩევნო კოდექსი ამზადებს კიდევ უფრო სამართლიან არჩევნებს. ყველას მოგიწოდებთ, მშვიდობიანი არჩევნების გზით, თქვენი მოთხოვნები ხალხის არჩევანის წინაშე დააყენოთ და საზოგადოების პასუხს დაელოდოთ. ჩემი მხრიდან არაერთხელ მოგიწოდეთ შერიგებისკენ, ცოტა ხნის წინ ასევე შევთავაზე ყველა ძალას საპრეზიდენტო დიალოგის პლატფორმა.

ეს შეთავაზება ძალაშია ყველასთვის, ვისაც ქვეყნის წინსვლა და სტაბილური მომავალი სურს“, - განაცხადა ზურაბიშვილმა. 

პრეზიდენტმა განცხადება ტელეწამყვან გიორგი გაბუნიას მონოლოგის გამო 7 ივლისსაც გაავრცელა.

„პატრიოტიზმი სხვა რამ არის და ქვეყნის ინტერესების დაცვა აგრესიით, დესტაბილიზაციით და არეულობით არ ხდება, განაცხადა საქართველოს პრეზიდენტმა რუსთავი 2-ის ეთერში გადაცემა P.S-ის წამყვანის მონოლოგის შეფასებისას, რომელიც რუსეთის პრეზიდენტს უწმაწური სიტყვებით, რუსულ ენაზე მიმართავდა.  

ტელეწამყვანის მონოლოგს ტელეკომპანიასთან აქცია მოჰყვა, რის შემდეგაც უსაფრთოების დაცვის მოტივით არხმა მაუწყებლობა დროებით შეაჩერა, 

რაც შეეხება რუსთაველის გამზირზე მიმდინარე მოვლენებს, აქ გუშინ 2 აქცია მთელი ღამის განმავლობაში მიმდინარეობდა.

ლევან ვასაძის აქციის მონაწილეების ერთ-ერთი მთავარი მოთხოვნა ანტიდისკრიმინაციული კანონის გაუქმება იყო. აქციაზე შეკრებილები მიიჩნევენ, რომ ქვეყანაში არ უნდა ტარდებოდეს ლგბტ თემის მიერ ორგანიზებული მარში თუ მანიფესტაცია. 

რაც შეეხება მეორე აქციას, შინაგან საქმეთა მინისტრის გადადგომის მოთხოვნით მეცხრამეტე დღეს აქცია პარლამენტის მიმდებარე ტერიტორიის ნაცვლად მოსწავლე ახალგაზრდობის სასახლის წინ მიმდინარეობდა. აქციაში, სახელწოდებით „სირცხვილია“ ახალგაზრდებთან ერთად პოლიტიკოსებიც მონაწილეობდნენ. მოშიმშილეები პარლამენტის შენობის წინ რჩებიან და შიმშილობას აგრძელებენ.

პარლამენტის შენობის წინ, „თბილისი პრაიდის“ საწინააღმდეგო აქციაზე დაპირისპირებაც მოხდა. აქციის მონაწილეებმა პოლიციის კორდონის გარღვევა და პარლამენტის შესასვლელთან გადასვლა სცადეს, სადაც ანტისაოკუპაციო აქციის რამდენიმე მონაწილე იმყოფებოდა.

კონტრაქციის წარმომადგენლები „სამართალდამცველებისგან რამდენიმე მონაწილის ტერიტორიიდან გაყვანას ითხოვდნენ. აქციის მონაწილეებსა და სამართალდამცველებს შორის შეხლა-შემოხლა მოხდა. როგორც „ქართული მარშის“ ლიდერმა, სანდრო ბრეგაძემ ჟურნალისტებს განუცხადა, პოლიციის კორდონს მიღმა მყოფმა ანტისაოკუპაციო მოძრაობის რამდენიმე წარმომადგენელმა „თბილისი პრაიდის“ საწინააღმდეგო აქციის მონაწილეებს შეურაცხყოფა მიაყენა და სწორედ ეს გახდა მათი გაღიზიანების მიზეზი. ვითარება რამდენიმე წუთში განიმუხტა.

ყველა სიახლე

ლიონელ მესი

19 ოქტომბერი 2019, 10:34

სპორტი

მესი: მსურს კარიერა „ბარსელონაში“ დავასრულო, თუმცა უვადო კონტრაქტი არ მჭირდება

„ბარსელონას“ კაპიტანმა, არგენტინელმა ფორვარდმა ლიონელ მესიმ კატალონიელ კლუბთან უვადო კონტრაქტზე საკუთარი მოსაზრება გამოთქვა. მედიაში გავრცელდა ინფორმაცია, რომ „ბარსელონა“ მესის უვადო კონტრაქტს შესთავაზებს და არგენტინელი ფეხბურთელი კლუბში იქამდე შეძლებს თამაშს, სანამ თავად ჩათვლის საჭიროდ.

შინაგან საქმეთა სამინისტრო

19 ოქტომბერი 2019, 10:30

ძალოვნები

გურამიშვილის გამზირზე აფეთქების ფაქტზე გამოძიება დაიწყო

პირველადი ინფორმაციით, 16-სართულიან საცხოვრებელ კორპუსში აფეთქება გაზის დაგროვებამ გამოიწვია. მეხანძრე-მაშველებმა კორპუსიდან მოსახლეობის სრული ევაკუაცია განახორციელეს. ამ დროისთვის არსებული ინფორმაციით, სხვადასხვა სამკურნალო დაწესებულებაში 4 ადამიანია გადაყვანილი.

თემთა პალატა

19 ოქტომბერი 2019, 10:11

მსოფლიო

დიდი ბრიტანეთის თემთა პალატაში Brexit-ის საკითხზე შეთანხმებას უყრიან კენჭს

მანამდე ბრიტანელმა დეპუტატებმა სამჯერ ჩააგდეს შეთანხმების პროექტი, რომელზეც ევროკავშირთან მოლაპარაკებებს ჯონსონის წინამორბედი ტერეზა მეი აწარმოებდა. თუმცა გამოცემა აღნიშნავს, რომ ჯონსონის მიერ მიღწეულ შეთანხმებაში გაწერილ პირობებს დეპუტატმა მხარდაჭერის მოპოვების უფრო დიდი შანსი აქვს.

აფეთქება გაზი

19 ოქტომბერი 2019, 09:55

ძალოვნები

გურამიშვილის გამზირზე აფეთქებასთან დაკავშირებით შსს განცხადებას ავრცელებს

შინაგან საქმეთა სამინისტროს ინფორმაციით, 16-სართულიან საცხოვრებელ კორპუსში აფეთქება გაზის დაგროვებამ გამოიწვია. მომხდარის შედეგად, მეოთხე სართული დაინგრა და მოპირდაპირედ მდგარ კორპუსში ფანჯრის მინები ჩაიმსხვრა. მეხანძრე-მაშველებმა კორპუსიდან მოსახლეობის სრული ევაკუაცია განახორციელეს.

მიტჩ მაკკონელი

19 ოქტომბერი 2019, 09:43

მსოფლიო

სენატში რესპუბლიკელების ლიდერმა სირიიდან აშშ-ის ჯარის გაყვანას სტრატეგიული შეცდომა უწოდა

სენატში რესპუბლიკური პარტიის ლიდერმა მიტჩელ მაკკონელმა აშშ-ის პრეზიდენტი დონალდ ტრამპი გააკრიტიკა და სირიიდან ამერიკული ჯარის გაყვანას სერიოზული სტრატეგიული შეცდომა უწოდა. ინფორმაციას ამის შესახებ BBC ავრცელებს.

აფეთქება გაზი

19 ოქტომბერი 2019, 09:22

ძალოვნები

რა ხდება გურამიშვილის გამზირზე, სადაც საცხოვრებელ სახლში აფეთქება მოხდა

გურამიშვილის გამზირზე საცხოვრებელ სახლში ბუნებრივი აირის აფეთქებამ აფეთქება გამოიწვია. imedinews-ი შემთხვევის ადგილზე გადაღებულ ფოტოებს გთავაზობთ.

აფეთქება გაზი

19 ოქტომბერი 2019, 08:52

ძალოვნები

გურამიშვილის გამზირზე საცხოვრებელ სახლში აფეთქება მოხდა

„გურამიშვილის გამზირის 34 ნომერში, საცხოვრებელ სახლში, სავარაუდოდ, ბუნებრივი აირი აფეთქდა. აფეთქების შედეგად 4 ადამიანი დაშავდა. ისინი გადაყვანილი არიან კლინიკებში, აფეთქება სავარაუდოდ ბუნებრივი აირის დაგროვებამ გამოიწვია. შენობა ევაკუირებულია, მიმდინარეობს შემთხვევის ადგილის დათვალიერება“, - აცხადებენ საგანგებო სიტუაციების მართვის სამსახურში.

ჩილე პროტესტი

19 ოქტომბერი 2019, 08:44

მსოფლიო

ჩილეში მეტროს გაძვირებით გამოწვეული არეულობების გამო საგანგებო მდგომარეობა გამოცხადდა

ჩილეში მეტროთი მგზავრობის გაძვირებით გამოწვეული არეულობების გამო ქვეყნის პრეზიდენტმა სებასტიან პინიერამ დედაქალაქ სანტიაგოსა და ჩაკაბუკოს პროვინციაში საგანგებო მდგომარეობა გამოაცხადა. პრეზიდენტის ვიდეომიმართვა Twitter-ზე გამოქვეყნდა.

ბარსელონა პროტესტი

19 ოქტომბერი 2019, 08:31

მსოფლიო

კატალონიის დამოუკიდებლობის მომხრეთა საპროტესტო აქციაზე 77 ადამიანი დაშავდა

ბარსელონაში კატალონიის დამოუკიდებლობის მომხრეთა საპროტესტო აქციაზე 77 ადამიანი დაშავდა. ინფორმაციას ამის შესახებ გამოცემა El Pais-ი ავრცელებს. მხოლოდ ბარსელონაში საპროტესტო აქციაში 525 ათასზე მეტი ადამიანი მონაწილეობდა, 17 მომიტინგე არეულობისკენ მოწოდების ბრალდებით დააკავეს.

19 ოქტომბერი 2019, 08:18

მსოფლიო

გერმანიაში დაიწყო სამხედრო წვრთნები, რომლებშიც ატომური ომის სცენარი განიხილება

გამოცემა Kronen Zeitung-ის ინფორმაციით, წვრთნები „ურყები შუადღე“ (Steadfast Noon) მიმდინარე კვირაში დაიწყო. წვრთნების ფარგლებში გერმანელი და იტალიელი სამხედროები თვითმფრინავებით ბირთვული იარაღის უსაფრთხო გადატანას „ახორციელებენ“.

გიორგი გაბუნია

19 ოქტომბერი 2019, 08:06

ძალოვნები

ტელეწამყვანი გიორგი გაბუნია გამოკითხვაზე დაიბარეს

ტელეკომპანია „რუსთავი 2“-ის ყოფილი წამყვანი, „მთავარი არხის“ ჟურნალისტი გიორგი გაბუნია „რუსთავი 2“-ის საქმესთან დაკავშირებით პროკურატურაში დაიბარეს. ინფორმაციას ამის შესახებ გენერალური პროკურატურა ავრცელებს.

Netflix

19 ოქტომბერი 2019, 00:46

კულტურა

Netflix-ზე „პანამის დოკუმენტების“ შესახებ გადაღებული ფილმი გავიდა

მასში მთავარ როლებს მერილ სტრიპი, გარი ოლდმენი და ანტონიო ბანდერასი მონაწილეობენ. ფილმი საყოველთაოდ ცნობილ „პანამის დოკუმენტებს“ ეძღვნება. სტივენ სოდერბერგმა „სამრეცხაო“ ამერიკელი ჟურნალისტის ჯეკ ბერნშტაინის წიგნის მიხედვით გადაიღო.

„წვეთი“

19 ოქტომბერი 2019, 00:27

ტექნოლოგიები

პარიზის ზოოპარკი სტუმრებს 720 სქესის მქონე ორგანიზმს წარუდგენს

ლიქენების მსგავსი ყვითელი ორგანიზმი ბიოლოგებისთვისაც ამოცანად რჩება. „წვეთს“ ტვინი არ აქვს, მაგრამ მას პრობლემების მოგვარება და ცოდნის გაცვლა შეუძლია. მას არ აქვს პირი, კუჭი, თვალები, მაგრამ საკვების პოვნას და მიღებას ახერხებს. თუ არსებას შუაზე გაჭრით, ის 2 წუთში შეხორცდება.

18 ოქტომბერი 2019, 23:59

მსოფლიო

ლიბანში პოლიციასა და დემონსტრანტებს შორის შეტაკების შედეგად 200-მდე ადამიანი დაშავდა

დემონსტრანტები მთავრობას კორუფციაში ადანაშაულებენ და აცხადებენ, რომ საპროტესტო გამოსვლები მათ გადადგომამდე არ შეწყდება. გავრცელებული ინფორმაციით, მთავრობის სახლთან მომხდარი შეტაკების შედეგად არანაკლებ 200 ადამიანი დაშავდა, მათ შორის 60 პოლიციელია.

დანაშაულს სქესი არ აქვს

18 ოქტომბერი 2019, 23:58

მსოფლიო

ევროპოლმა ახალი კამპანიის ფარგლებში ძებნილი ქალების სია გამოაქვეყნა

სიაში სერიოზული ორგანიზებული დანაშაულისთვის გასამართლებული ან ეჭვმიტანილი ქალები მოხვდნენ. „ევროპოლში“ აცხადებენ, რომ იმისთვის უნდოდათ ხაზის გასმა, რომ ქალებს კაცების მსგავსად სერიოზული დანაშაულების ჩადენა შეუძლიათ.

ვარჯიში

18 ოქტომბერი 2019, 23:28

ტექნოლოგიები

მეცნიერები: საუზმემდე ვარჯიში დიაბეტის რისკს ამცირებს

ბრიტანელმა მეცნიერებმა დაადგინეს, რომ საუზმემდე ფიზიკური დატვირთვა ჯანმრთელობაზე დადებითად მოქმედებს. კერძოდ, დილის ვარჯიში ინსულინზე ორგანიზმის რეაქციას აუმჯობესებს და მეორე ტიპის დიაბეტისა და გულ-სისხლძარღვა დაავადებების განვითარების რისკს ამცირებს.

BTS

18 ოქტომბერი 2019, 23:17

კულტურა

BTS-მა ახალი ვიდეორგოლი გამოუშვა

პოპულარულმა ჯგუფმა BTS სიმღერაზე „Make it Right“ ახალი ვიდეორგოლი გამოუშვა. კომპოზიცია ჯგუფის ალბომში „Map Of The Soul: Persona“ შედის, რომელიც აპრილში გამოვიდა. სიმღერის ერთ-ერთი ავტორი ბრიტანელი მომღერალი ედ შირანია. ვიდეორგოლი კომპოზიციის განახლებულ ვერსიაზე გადაღებული, რომელზეც ჯგუფმა ამომავალ ამერიკელ ვარსკვლავ Lauv-თან ითანამშრომლა.

დემონსტრაცია ბარსელონაში

18 ოქტომბერი 2019, 22:25

მსოფლიო

ბარსელონაში კატალონიის დამოუკიდებლობა ნახევარ მილიონზე მეტმა ადამიანმა მოითხოვა

ამის შესახებ Reuters-ი ესპანეთის პოლიციაზე დაყრდნობით წერს. გამოცემის ინფორმაციით, მსვლელობა ძირითადად მშვიდობიან ხასიათს ატარებდა, თუმცა რამდენიმე ადგილას ახალგაზრდებსა და პოლიციას შორის შეტაკებები მოხდა. საპროტესტო აქციები ესპანეთის რეგიონში 14 ოქტომბერს დაიწყო.

ჟან-კლოდ იუნკერი

18 ოქტომბერი 2019, 22:25

მსოფლიო

ჟან-კლოდ იუნკერი პრესკონფერენციაზე ატირდა

„ეს იყო ჩემი ბოლო ევროპული სამიტი. ამ წლების განმავლობაში 150-მდე სამიტში მივიღე მონაწილეობა. ცხოვრების ბოლომდე ამაყი ვიქნები იმით, რომ ევროპას ვემსახურებოდი,“-ამ სიტყვების წარმოთქმისას ჟან-კლოდ იუნკერს ცრემლები მოერია. ჟურნალისტებმა ის გაწეული სამუშაოსთვის მხურვალე აპლოდისმენტებით დააჯილდოვეს.

სტივენ კინგი

18 ოქტომბერი 2019, 21:57

ტაბლოიდი

სტივენ კინგი დამწყებ მწერლებს საკუთარ სახლში ეპატიჟება

ამის შესახებ BuzzFeed-ი წერს. კინგის მამული აშშ-ში, ქალაქ ბანგორში მდებარეობს. მწერალმა ის 40 წლის წინ შეიძინა. ნაკვეთზე 2 სახლია. დიდში კინგის მასალების არქივი განთავსდება, პატარაში კი სასტუმრო მოეწყობა, რომელშიც ერთდროულად 5 მწერალი ცხოვრებას და საკუთარ ლიტერატურულ იდეებზე მუშაობას შეძლებს.