Imedi /  07 აგვისტო 2019, 14:50 / სანდო წყარო

რუსეთ-საქართველოს ომის მე-11 წლისთავს უცხოელი პოლიტიკოსები და დიპლომატები ეხმიანებიან

ედგარს რინკევიჩსი ლინას ლინკევიჩუსი ჯონათან ჯანოგლი

რუსეთ-საქართველოს ომის მე-11 წლისთავს უცხოელი პოლიტიკოსები და დიპლომატები ეხმიანებიან. 

„საქართველოს წინააღმდეგ რუსეთის აგრესიის დაწყებიდან 11 წლისთავს აღვნიშნავთ და მე კიდევ ერთხელ ვადასტურებ ლატვიის ურყევ მხარდაჭერას საქართველოს ტერიტორიული მთლიანობისა და სუვერენიტეტის მიმართ. რუსეთმა უნდა დაასრულოს საქართველოს ტერიტორიების ოკუპაცია და გაიყვანოს თავისი ჯარები“, - წერს ედგარს რინკევიჩსი Twitter-ზე. 

ლიეტუვის საგარეო საქმეთა მინისტრი ლინას ლინკევიჩუსი ამავე სოციალური ქსელიდან აცხადებს, რომ რუსეთი აგრძელებს მცოცავ ანექსიასა და საქართველოს ტერიტორიების 20 პროცენტის ოკუპაციას.

„სამწუხაროდ, გაკვეთილი ვერ ვისწავლეთ, რასაც ყირიმი და დონბასი მოჰყვა. გაჩუმება გამოსავალი არ არის“, - წერს ლიეტუვის საგარეო საქმეთა მინისტრი ლინას ლინკევიჩუსი.

„11 წელი რუსეთის მიერ აფხაზეთისა და ცხინვალის რეგიონების ოკუპაციიდან. ჩვენ ვაგრძელებთ საქართველოს სუვერენიტეტის, ტერიტორიული მთლიანობისა და ევროატლანტიკური ინტეგრაციის მხარდაჭერას“, - წერს ბრიტანეთის პარლამენტის წევრი ჯონათან ჯანოგლი. 

„რუმინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას. ჩვენ გავაგრძელებთ ევროკავშირის და ნატოს მიმართულებით საქართველოს მისწრაფებების აქტიურ მხარდაჭერას“, - აღნიშნულია Twitter-ზე რუმინეთის საგარეო საქმეთა სამინისტროს მიერ გავრცელებულ განცხადებაში.

„საქართველოს ოკუპირებული ტერიტორიები არ უნდა იყოს დავიწყებული. საქართველოს სუვერენიტეტისა და ტერიტორიული მთლიანობის მიმართ ჩვენი მხარდაჭერა კვლავ ურყევია“, - წერია ნორვეგიის საგარეო უწყების პოსტში Twitter-ზე. 

რუსეთ-საქართველოს ომის მე-11 წლისთავს Twitter-ზე ფოტოს უძღვნის შვედეთის პარლამენტის ვიცესპიკერი და საგარეო საქმეთა სამინისტროს პრესსპიკერი კერსტინ ლუნდგრენი. შვედი პოლიტიკოსი წერს: 

„ქართველები რუსეთის მიერ საქართველოს ტერიტორიაზე გავლებული მავთულხლართების მიღმა ცხოვრობენ. დღეს ჩვენ ვიხსენებთ და მხარდაჭერას ვუცხადებთ საქართველოს ტერიტორიულ მთლიანობას“. 

11 წლის წინ, საერთაშორისო სამართლის ფუნდამენტური ნორმების სრული უგულებელყოფით განხორციელებული სამხედრო აგრესია წარმოადგენდა სუვერენული სახელმწიფოს საზღვრების ძალისმიერი გზით შეცვლის მცდელობას, რამაც სერიოზული საფრთხე შეუქმნა რეგიონისა და მთლიანად ევროპული უსაფრთხოების სისტემას, აცხადებს საგარეო საქმეთა სამინისტრო.

2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა. 

ჯანდაცვის სამინისტროს მონაცემებით, დაჭრილ-დაშავებულ სამოქალაქო და სამხედრო პირთა რაოდენობა სულ 2 232-ია. მათ შორის, 1045 სამხედრო მოსამსახურე იყო.

ყველა სიახლე

სასტუმრო ჰილტონი

21 აგვისტო 2019, 19:22

საქართველო

ბათუმის „ჰილტონიდან“ სახანძრო სიგნალის გამო ევაკუაცია გამოცხადდა

ბათუმის „ჰილტონში“ სახანძრო სიგნალი ჩაირთო, რის გამოც ევაკუაცია გამოცხადდა. შენობაში მყოფ სტუმრებსა და პერსონალს ტერიტორია დაატოვებინეს. როგორც გაირკვა, სიგნალი მეოცე სართულზე მდებარე რესტორანში ორთქლის გაჟონვის გამო ჩაირთო. დაახლოებით ნახევარი საათის შემდეგ საფრთხე მოიხსნა.

ბორის ჯონსონი
კერი საიმონდსი

21 აგვისტო 2019, 18:55

მსოფლიო

ბორის ჯონსონის მეგობარ ქალს აშშ-ის ვიზა არ მისცეს

საიმონდსმა აშშ-ში სამუშაოდ წასვლის მიზნით ვიზის მისაღებად განაცხადი შეავსო, თუმცა მან უარყოფითი პასუხი მიიღო. ის საზღვარგარეთ უახლოეს დღეებში უნდა გამგზავრებულიყო.ვიზაზე უარი სავარაუდოდ იმ ფაქტს უკავშირდება, რომ 2018 წელს საიმონდსი აღმოსავლეთ აფრიკაში ჩავიდა და სომალილენდის არაღიარებულ სახელმწიფოს ეწვია.

ძიუდო

21 აგვისტო 2019, 18:48

სპორტი

ძიუდოს მსოფლიოს ჩემპიონატისთვის სამ წონით კატეგორიაში ქართველები ლიდერობენ

მსოფლიო ჩემპიონატის დაწყებამდე ოთხი დღით ადრე ძიუდოს საერთაშორისო ფედერაციამ რეიტინგი გამოაქვეყნა. შვიდი წონითი კატეგორიიდან სამში ქართველი სპორტსმენები ლიდერობენ. სათავეში ვაჟა მარგველაშვილი, ვარლამ ლიპარტელიანი და გურამ თუშიშვილი არიან.

კუბური ნიანგი

21 აგვისტო 2019, 18:46

ტაბლოიდი

ფიდელ კასტროს ნიანგმა კაცი დაკბინა

შვედეთში, სტოქჰოლმის აკვარიუმიდან 70 წლის კაცის ჰოსპიტალიზება მას შემდეგ გახდა საჭირო, როცა ის ნიანგმა დაკბინა. BBC-ის ცნობით, ნიანგს კუბის ყოფილი ლიდერი ფიდელ კასტრო ფლობდა. შემდეგ მან ორი კუბური ნიანგი სახელად კასტრო და ჰილარი კოსმონავტ ვლადიმერ შატალოვს 1978 წელს აჩუქა, რომელმაც ცხოველები სტოქოლმის აკვარიუმს 1981 წელს მიჰყიდა.

ნინო შუბლაძე

21 აგვისტო 2019, 18:22

საქართველო

ნინო შუბლაძე: საქმემან ჩემმან წარმომაჩინოს

ჟურნალისტი ნინო შუბლაძე, რომელიც „რუსთავი 2“-ის საინფორმაციოს ხელმძღვანელად მოიაზრება, სოციალურ ქსელში პოსტს აქვეყნებს. როგორც ის წერს, მან შეთავაზება მიიღო, თუმცა მედიაში, კერძოდ კი „რუსთავი 2-ში“ დაბრუნების გადაწყვეტილება არ მიუღია.

ტრევორ მალარდი

21 აგვისტო 2019, 18:21

ტაბლოიდი

ახალი ზელანდიის პარლამენტის სპიკერმა სხდომის დროს დეპუტატის ბავშვი გამოკვება

ახალი ზელანდიის პარლამენტის სპიკერმა ტრევორ მალარდმა წარმომადგენელთა პალატაში დებატების მიმდინარეობისას ერთ-ერთი დეპუტატის ბავშვი გამოკვება. მალარდმა პარლამენტში დეპუტატ ტამატი ქოფის შვილთან გადაღებული ფოტო Twitter-ზე გამოაქვეყნა.

21 აგვისტო 2019, 18:11

მსოფლიო

მექსიკაში შესაძლოა კოკაინის მოხმარება დაუშვან

მექსიკის სამართლის ისტორიაში პირველად, კოკაინის შეძენაზე, შენახვასა და მოხმარებაზე ორი ადამიანი სასჯელს გადაურჩა, ამის შესახებ BBC ადგილობრივ სამართალდამცველ ორგანოებზე დაყრდნობით წერს. ამ დრომდე ქვეყანაში მხოლოდ 0,5 გრამი კოკაინის ფლობა არ ისჯებოდა კანონით.

მეტ ფრედერიქსენი

21 აგვისტო 2019, 18:02

მსოფლიო

დანიის პრემიერმინისტრი არ ფიქრობს, რომ ტრამპის ვიზიტის გაუქმება ქვეყნებს შორის ურთიერთობას გააფუჭებს

ფრედერიქსენი აცხადებს, რომ ვიზიტის გაუქმება ორი ქვეყნის ურთიერთობაზე არ იმოქმედებს."ვიზიტის გაუქმება დანიასა და აშშ-ს შორის არსებულ კარგ ურთიერთობას არ შეცვლის", - განაცხადა დანიის პრემიერმინისტრმა და კიდევ ერთხელ აღნიშნა, რომ გრენლანდია არ იყიდება.

Walmart

21 აგვისტო 2019, 17:55

ეკონომიკა

Walmart-ი Tesla-ს უჩივის

მაღაზიათა ქსელი Walmart-ი კომპანია Tesla-ს დაუდევრობის გამო უჩივის. ამის შესახებ Associated Press-ი წერს. გამოცემის ინფორმაციით 2012-2018 წლებში Walmart-ის მაღაზიების სახურავებზე დამონტაჟებულ მზის 7 პანელს ​ცეცხლი გაუჩნდა. ხანძრის შედეგად დაზიანდა მაღაზიები და მათში შენახული საქონელი, რამაც Walmart-ს მრავალმილიონიანი ზარალი მიაყენა.

კონტი ჯგუფი

21 აგვისტო 2019, 17:53

ეკონომიკა

თურნავა: ველოდებით, რომ კონსორციუმი „კონტი ჯგუფს“ ადეკვატური პარტნიორით ჩაანაცვლებს

ეკონომიკის მინისტრმა ნათია თურნავამ „ქრონიკის“ პირდაპირ ეთერში საქართველოს ავიაბაზარზე დაბალბიუჯეტიანი Ryanair-ის შემოსვლასთან დაკავშირებით საუბრისას ანაკლიის პროექტზეც გააკეთა კომენტარი და აღნიშნა, რომ „კონტი-ჯგუფის“ გასვლა პროექტს აზარალებს.

გერმანია პოლიცია

21 აგვისტო 2019, 17:49

ტაბლოიდი

გერმანელმა ბიჭმა მშობლებისთვის მოპარული ავტომობილით საათში 140 კილომეტრი განავითარა

ბიჭი ქალაქ დორტმუნდისკენ მიმავალ ავტომაგისტრალზე იპოვეს. მოზარდმა სამართლადმაცველებს თავისი საქციელი იმით აუხსნა, რომ გასეირნება უნდოდა, თუმცა მას შემდეგ გაჩერდა, რაც თავი ცუდად იგრძნო. ბავშვის დედის თქმით, ის ავტომობილს დიდი ხანია მართავს.

21 აგვისტო 2019, 17:37

მსოფლიო

ინდოეთის მთავრობამ ქაშმირში 2300 ადამიანი დააკავა

ინდოეთის მთავრობამ ქაშმირის რეგიონში 2300 ადამიანი დააკავა.- ინფორმაციას უცხოური პრესა ავრცელებს. NBC News-ის ცნობით, დაკავების მიზეზი ანტი-ინდური კამპანიის წარმოება გახდა. ინდოეთის მთავრობა ცდილობს მაქსიმალურად შეავიწროვოს ის პირები, რომლებიც რეგიონისთვის ფართო ავტონომიური სტატუსის მინიჭებას და პაკისტანთან შეერთებას ითხოვენ.

ბადრი პატარკაციშვილი

21 აგვისტო 2019, 17:29

ძალოვნები

ბადრი პატარკაციშვილის მკვლელობის მომზადების საქმეზე კუდ-ის ყოფილი მაღალჩინოსნები დაკითხეს

თბილისის საქალაქო სასამართლოში ბიზნესმენ ბადრი პატარკაციშვილის მკვლელობის მომზადების საქმეზე ბრალდების მოწმეები - კუდ-ის ყოფილი მაღალჩინოსნები დაიკითხნენ. საქმე ეხება აუდიო ჩანაწერს, რომელშიც ბიზნესმენის მკვლელობის მომზადებაზეა საუბარი.

21 აგვისტო 2019, 17:24

საქართველო

რიკოთის უღელტეხილის გზის რეაბილიტაციის ვიდეო გამოქვეყნდა

პროექტი ჩუმათელეთი-ხევის 11.6 კმ-იან მონაკვეთზე ოთხზოლიანი გზის, 22 ახალი ხიდისა და 3 გვირაბის მშენებლობას ითვალისწინებს. მოეწყობა ხელოვნური ნაგებობები, წყალგამტარი მილები, შესაბამისი სადრენაჟო სისტემები და გატარდება საგზაო მოძრაობის უსაფრთხოების ღონისძიებები.

 ჯეკ პერკინსი

21 აგვისტო 2019, 17:19

მსოფლიო

ცნობილი ამერიკელი ტელეწამყვანი ჯეკ პერკინსი გარდაიცვალა

პერკინსი ყველაზე მეტად ცნობილი 1968 წელს რობერტ კენედის მკვლელობის გაშუქებისას გახდა. ის 36 საათის განმავლობაში მუშაობდა და ეთერში მომხდარის დეტალებს აღწერდა, მოგვიანებით კი სავარაუდო მკვლელს სირჰან სირჰანს 2-საათიანი ინტერვიუ ჩამოართვა.

21 აგვისტო 2019, 16:46

ეკონომიკა

ქართლში პესტიციდების და აგროქიმიკატების სარეალიზაციო 17 ობიექტი დააჯარიმეს

შემოწმებული 31 ობიექტიდან 17 დაჯარიმდა. უწყებამ 13 ბიზნესოპერატორი დაფასოების, მარკირების, რეალიზაციის წესების დარღვევის გამო დააჯარიმა, ხოლო 4 შემთხვევაში გამოვლინდა ვადაგასული პესტიციდების განთავსების ფაქტი.

მიანმარი დევნილები

21 აგვისტო 2019, 16:45

მსოფლიო

მიანმარში შეიარაღებულ დაპირისპირებას მსხვერპლი მოჰყვა

19 ადამიანი დაიღუპა, 2000-ზე მეტს კი სახლების დატოვება მოუწია მიანმარში, შანის შტატში სახელმწიფოს ჯარსა და ამბოხებულებს შორის შეტაკებების შედეგად. ამის შესახებ Reuters-ი ქვეყნის ხელისუფლების მიერ გამოქვეყნებულ მონაცემებზე დაყრდნობით იუწყება. შეტაკებები ქვეყნის ჩრდილოეთით, 15 აგვისტოდან დაიწყო.

Facebook

21 აგვისტო 2019, 16:42

ტექნოლოგიები

Facebook-ი ახალი ამბების განყოფილებაში სამუშაოდ ჟურნალისტებს დაიქირავებს

Facebook-ი ახალი ამბებზე სამუშაოდ ჟურნალისტებს დაიქირავებს. საუბარია კომპანიის მობილური აპლიკაციის ახალ განყოფილებაზე, რომლის სახელწოდებაა News Tab-ი. ის უახლეს და ყველაზე აქტუალურ ახალ ამბებს გააშუქებს. ჟურნალისტები სწორედ ამ განყოფილებაში იმუშავებენ.

წნევა

21 აგვისტო 2019, 16:37

ტექნოლოგიები

30 წლის ასაკში დაფიქსირებულმა მაღალმა წნევამ ტვინს შესაძლოა მომავალში საფრთხე შეუქმნას

მაღალმა წნევამ, განსაკუთრებით 30-დან 40 წლამდე ასაკში, ტვინის ჯანმრთელობას შესაძლოა მომავალში საფრთხე შეუქმნას, - BBC ახალ კვლევებზე დაყრდნობით წერს. კრიტიკული პერიოდია 30-დან 40 წლამდე, რა დროსაც მაღალი წნევა ტვინის დაზიანებას აჩქარებს.

ფრანკ რიბერი

21 აგვისტო 2019, 16:29

სპორტი

ფრანკ რიბერის ახალი გუნდი ცნობილია

ფრანკ რიბერი „ფიორენტინას“ გუნდში ითამაშებს. უცხოური გამოცემების ინფორმაციით, 36 წლის ფრანგმა ნახევარმცველმა „ფიორენტინასთან“ 2-წლიანი ხელშეკრულება გააფორმა. რიბერი ფლორენციაში დღეს ჩავიდა, სამედიცინო შემოწმება წარმატებით გაიარა და კონტრაქტს ხელი მოაწერა.