imedi /  10 სექტემბერი 2019, 21:23 / სანდო წყარო

ზურაბიშვილს სურს აშშ-ს საქართველოში კონფლიქტების საკითხებში წარმომადგენელი ჰყავდეს

სალომე ზურაბიშვილი

სალომე ზურაბიშვილი

"ჟენევის საერთაშორისო მოლაპარაკებები გაყინულია. ინციდენტების პრევენციის მექანიზმი ძალიან იშვიათ შემთხვევაშია წარმატებული ტექნიკური საკითხების მოგვარებაში", - ამის შესახებ საქართველოს პრეზიდენტმა სალომე ზურაბიშვილმა მაკკეინის ინსტიტუტისა და ეკონომიკური პოლიტიკის კვლევის ცენტრის ორგანიზებული საერთაშორისო კონფერენციის მონაწილეებთან შეხვედრაზე, სიტყვით გამოსვლისას განაცხადა.

პრეზიდენტის განცხადებით, ამ ორივე ფორმატის მოლაპარაკებები, მნიშვნელოვანი საკითხების გადაწყვეტისას, მუდმივად იშლება.

"მიმდინარე ზაფხულმა, 20 ივნისის მოვლენებმა - საქართველოს მოსახლეობის სპონტანურმა რეაქციამ და მისი უფრო ღრმა და ფართო გაღიზიანების გამოხატულებამ, აჩვენა ამ სტატუსქვოს ლიმიტი.

საზოგადოების არც ერთი ნაწილი, განსაკუთრებით კი ახალგაზრდობა არ უნდა შეეგუოს ამ გაყინულ ვითარებასა და ჩვენი მოქალაქეების გამყოფ ხაზს, რაც ჩვენთვის განუკურნებელ ღია ჭრილობას წარმოადგენს.

ჩვენ ვხედავთ, რომ მდგომარეობა უფრო და უფრო მყიფე ხდება - მეტი პროვოკაცია, მეტი მძევლები, მეტი ინციდენტი ეს სიტუაცია ნებისმიერ დროს შესაძლოა კიდევ გამწვავდეს. ჩვენი პასუხისმგებლობა, უპირველესად, ვითარების გამწვავებისა და პროვოკაციების აცილებაა. საქართველოს პასუხი პროვოკაციებზე ორმხრივია", - განაცხადა საქართველოს პრეზიდენტმა.

პრეზიდენტის თქმით, ჩვენ გვჭირდება, რომ გავაგრძელოთ ვითარების მშვიდობიანი გადაჭრის გზების ძებნა და ამ მიმართულებით საქართველოს პოლიტიკა თავშეკავებულობის პოლიტიკაა. სალომე ზურაბიშვილის განცხადებით, დამატებითი ფორმატების განხილვა უნდა მოხდეს და მაგალითად მოჰყავს აშშ-ს ან ევროკავშირის წარმომადგენლების ჩართვას საქართველოს კონფლიქტების საკითხებში, როგორც ზურაბიშვილის თქმით, უკრაინაშია:

"შეგვიძლია განვიხილოთ დამატებითი ფორმატები. მაგალითად, რატომ არ შეიძლება ჰყავდეს აშშ-ს, ან ევროკავშირს წარმომადგენელი საქართველოს კონფლიქტების საკითხებში, ისევე როგორც ესაა უკრაინის შემთხვევაში....

მთავარია, გამოვიყენოთ ყველა შესაძლებლობა, შევქმნათ დინამიკა და თავიდან გავაჩინოთ პერსპექტივა, რათა არ დავუშვათ, რომ უკრაინის უახლესმა კონფლიქტმა გადაფაროს, გააფერმკრთალოს, ნაკლებად აქტუალური გახადოს და გარკვეულწილად, დღის წესრიგიდან ამოაგდოს საქართველოს საკითხი", - განაცხადა სალომე ზურაბიშვილმა. 

 

 

 

ყველა სიახლე

22 ნოემბერი 2019, 11:19

საქართველო

ქუთაისში აქციის მონაწილეებმა მაჟორიტარი დეპუტატის კაბინეტს ბოქლომი ვერ დაადეს

აქციის მონაწილეებმა ქუთაისში მაჟორიტარი დეპუტატის დიმიტრი მხეიძის კაბინეტის კარზე ბოქლომის დადება ვერ მოახერხეს. მაჟორიტარი დეპუტატის მხარდამჭერებმა „ნაციონალური მოძრაობისა“ და „ევროპული საქართველოს“ წევრებს კარების დაბოქლომების საშუალება არ მისცეს. ამას ხმაური და სიტყვიერი დაპირისპირება მოჰყვა. ადგილზე მობილიზებულია პოლიცია.

ვაჟა გაფრინდაშვილი

22 ნოემბერი 2019, 11:16

საქართველო

ეუთოს მუდმივი საბჭოს სხდომაზე ვაჟა გაფრინდაშვილის საკითხზე იმსჯელეს

ეუთოს მუდმივი საბჭოს სხდომაზე ქართული მხარის ინიციატივით, ქართველი ექიმის, ვაჟა გაფრინდაშვილის უკანონო დაკავების შესახებ იმსჯელეს. ეუთოში საქართველოს მუდმივმა წარმომადგენელმა, დავით დონდუამ ეუთოს ელჩებს მიაწოდა ინფორმაცია ა.წ. 9 ნოემბერს საქართველოს ორთოპედთა და ტრავმატოლოგთა ასოციაციის პრეზიდენტის, ვაჟა გაფრინდაშვილის გატაცებისა და ე.წ. „საზღვრის გადაკვეთის“ ბრალდებით მისთვის თავისუფლების უკანონო აღკვეთის შესახებ.

ბათუმი აქცია

22 ნოემბერი 2019, 11:02

საქართველო

„ნაციონალური მოძრაობის“ წევრებმა აჭარის უმაღლესი საბჭოს ღობეზე ბოქლომი ჩამოკიდეს

ხმაურისა და წინააღმდეგობის მიუხედავად „ნაციონალურმა მოძრაობამ“ აჭარის უმაღლესი საბჭოს ღობეზე ბოქლომი ჩამოკიდა. თავდაპირველად ისინი შესასვლელის დაბოქლომებას გეგმავდნენ, თუმცა მმართველი პარტიის მხარდამჭერებმა და სამართალდამცველებმა მათ ჭიშკართან მიახლოების საშუალება არ მისცეს. სიტუაცია უმაღლეს საბჭოსთან რამდენჯერმე დაიძაბა, იყო სიტყვიერი დაპირისპირებაც.

იულია ტიმოშენკო ურსულა ფონ დერ ლაიენი

22 ნოემბერი 2019, 10:53

ტაბლოიდი

იულია ტიმოშენკომ ძველი ვარცხნილობა დაიბრუნა

პარტია „ბატკივშინას“ ლიდერმა, იულია ტიმოშენკომ ძველი ვარცხნილობა დაიბრუნა. ინფორმაციას ამის შესახებ უკრაინული მედია ავრცელებს. ცნობილი ნაწნავით ის ჟურნალისტებმა ევროკომისიის თავმჯდომარე ურსულა ფონ დერ ლაიენთან შეხვედრისას გადაიღეს. უკრაინულ მედიაში ტიმოშენკოს ნაწნავს „რევოლუციურს“ უწოდებენ.

საავტომობილო გზების დეპარტამენტი

22 ნოემბერი 2019, 10:43

საქართველო

მესტია-უშგულისა და ვერონა-შუამთის მონაკვეთებზე გადაადგილება ნაწილობრივ შეიზღუდა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, დიდთოვლობის და ზვავსაშიშროების გამო, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ186-კმ198 (უშგული-ლასდილი) მონაკვეთზე, ყველა სახის ავტოტრანსპორტის მოძრაობაა აკრძალული.

ბალოტელი

22 ნოემბერი 2019, 10:25

სპორტი

„ბრეშიას“ მწვრთნელმა მარიო ბალოტელი ვარჯიშიდან გააგდო

ფაბიო გროსო 29 წლის ფეხბურთელს იმის გამო გაუნაწყენდა, რომ ვარჯიშზე არასაკმარისად ირჯებოდა. ინციდენტის შემდეგ ბალოტელიმ საწვრთნელი ბაზა თავისი ავტომობილით დატოვა. მიმდინარე სეზონში ბალოტელიმ „ბრეშიას“ მაისურით 7 შეხვედრა ჩაატარა და 2 გოლი გაიტანა

22 ნოემბერი 2019, 10:24

საქართველო

თელავის მერიასთან პოლიციაა მობილიზებული

თელავის ადმინისტრაციულ შენობასთან, სადაც ქალაქის მერია და კახეთის გუბერნატორის ადმინისტრაციაა განთავსებული, ამ წუთებში პოლიციაა მობილიზებული. „ევროპული საქართველოს“ ადგილობრივი ორგანიზაციის ხელმძღვანელს ლელა მენთეშაშვილს მხარდამჭერებთან ერთად შენობაში შესვლა და მაჟორიტარი დეპუტატების სამუშაო ოთახზე ბოქლომის დადება სურდათ, რისი საშუალებაც სამართალდამცველებმა არ მისცეს.

როუვენ რივლინი ბენიამინ ნეთანიაჰუ

22 ნოემბერი 2019, 10:15

მსოფლიო

ისრაელში კოალიციური მთავრობის ფორმირება პარლამენტს დაევალა

ისრაელში კოალიციური მთავრობის ფორმირება პარლამენტს დაევალა. ქვეყნის პრეზიდენტმა ქნესეთს მინისტრთა კაბინეტის ჩამოყალიბებისთვის სამკვირიანი ვადა მისცა. უპრეცედენტო გადაწყვეტილება როუვენ რივლინმა მას შემდეგ მიიღო, რაც კოალიციური მთავრობის შექმნის ორივე მცდელობა კრახით დასრულდა.

ტულუზა

22 ნოემბერი 2019, 10:06

ტაბლოიდი

ტულუზაში კაცი მოწყალების გაცემის გამო დააჯარიმეს

მგზავრი ჯარიმის გასაჩივრებას აპირებს. ამავე დროს, ის აცხადებს, რომ ქალს მისთვის მოწყალება არ უთხოვია და ფული საკუთარი სურვილით მისცა. ადგილობრივი კანონმდებლობით რკინიგზის სადგურებზე მოწყალების თხოვნა აკრძალულია. ბავშვიან ქალს ახალგაზრდა კაცმა 70 სანტიმი აჩუქა, რის გამოც სამართალდამცველებმა მას ჯარიმა გამოუწერეს.

ზვიად კუპრავა

22 ნოემბერი 2019, 09:50

ძალოვნები

ზვიად კუპრავამ საპატიმრო დატოვა

ზვიად კუპრავა ბრალდებული იყო მოსამართლის შეურაცხყოფის საქმეზე. სასამართლოს გადაწყვეტილების საფუძველზე ის 21 თებერვალს დააკავეს. 2018 წლის 11 ივნისს კუპრავამ სასამართლოს შენობაში სიტყვიერი შეურაცხყოფა მიაყენა მოსამართლეს, რისთვისაც მას ბრალი წარედგინა სისხლის სამართლის კოდექსის 366-ე მუხლით (სასამართლოს უპატივცემულობა).

22 ნოემბერი 2019, 09:45

ტექნოლოგიები

Tesla-მ ახალი პიკაპი წარადგინა

Cybertruck იმავე მასალისგან არის აწყობილი, რომელსაც კომპანია SpaceX-ის რაკეტების შესაქმნელად იყენებს. პიკაპის ღირებულება 40-დან 70 ათას დოლარამდე იქნება. Cybertruck-ების სერიული წარმოება 2021 წლიდან დაიწყება.

ოზურგეთი

22 ნოემბერი 2019, 09:40

საქართველო

ოზურგეთში ოპოზიციას თალაკვაძის ოფისის კარზე ბოქლომის დადების საშუალება არ მისცეს

სამართალდამცველებმა ოპოზიციის წარმომადგენლები შენობიდან გაიყვანეს, რასაც „ქართული ოცნების“ წარმომადგენლებთან სიტყვიერი დაპირისპირება მოჰყვა. ოპოზიცია აცხადებს, რომ ბოქლომი სამართალდამცველებმა ჩამოართვეს. პოლიცია ამ დროისთვის ისევ შენობასთან არის მობილიზებული.

იუსტიციის უმაღლესი საბჭო

22 ნოემბერი 2019, 09:18

საქართველო

იუსტიციის უმაღლესი საბჭო დღეს 50 მოსამართლეს კენჭს უყრის

დღევანდელ სხდომაზე საბჭო კენჭს უყრის იმ მოსამართლეებს, რომლებსაც საერთო სასამართლოების სისტემაში სხვადასხვა ვაკანტურ თანამდებობაზე გადასვლა სურთ. ყველაზე მეტი ვაკანსია და მსურველიც თბილისის საქალაქო სასამართლოშია. დღის წესრიგით განსახილველ ხუთ საკითხზე იმსჯელებენ.

ირაკლი ოქრუაშვილი ზურაბ ადეიშვილი

22 ნოემბერი 2019, 09:07

ძალოვნები

ბუტა რობაქიძის საქმეზე ირაკლი ოქრუაშვილისა და ზურაბ ადეიშვილის სასამართლო პროცესი დღეს ჩატარდება

ბუტა რობაქიძის საქმე მთავარმა პროკურატურამ 2012 წელს გახსნილად გამოაცხადა. ხელახალი გამოძიების შედეგად დადგინდა, რომ 19 წლის ბუტა რობაქიძის სიცოცხლე სამართალდამცველის, გიორგი ბაშალეიშვილის მიერ შემთხვევით გასროლილმა ტყვიამ იმსხვერპლა. ბუტა რობაქიძე თბილისში, აკ. წერეთლის გამზირზე 2004 წლის 24 ნოემბერს მოკლეს.

ეროვნული არქივი

22 ნოემბერი 2019, 08:55

კულტურა

ეროვნული არქივის კინოთეატრში 1928 წელს გადაღებული ფილმის ჩვენება გაიმართა

ფილმის საწყისი მასალები „გოსფილმოფონდიდან“ საქართველოში ახლახან ჩამოიტანეს. 16-წუთიანი ფილმი მიხეილ კალატოზიშვილის პირველი დამოუკიდებელი სარეჟისორო ნამუშევარია. ამ ფილმით შედგა ასევე კინოში პირველი ქართველი რეჟისორი ქალის - ნუცა ღოღობერიძის დებიუტი.

ქართული ოცნება

22 ნოემბერი 2019, 08:45

ძალოვნები

„ქართული ოცნების“ ოფისთან აქციაზე დაკავებულების სასამართლო პროცესი დღეს გაიმართება

„ქართული ოცნების“ ოფისთან აქციაზე დაკავებული ოთხი მოქალაქის საქმეზე სასამართლო დღეს იმსჯელებს. მოძრაობის „შეცვალე“ წევრები წუხელ თბილისის მთავარ სამმართველოში გადაიყვანეს. დაკავებულების უფლებებს „ნაციონალური მოძრაობის“ წევრი აკაკი მინაშვილი იცავს.

იმედი

22 ნოემბერი 2019, 08:40

ძალოვნები

„იმედის“ გადამღები ჯგუფი ზემო ფონიჭალაში მომხდარ ინციდენტთან დაკავშირებით გამოკითხეს

ზემო ფონიჭალაში „იმედის კვირის“ რეპორტაჟის მოსამზადებლად მისულ „იმედის“ გადამღებ ჯგუფს აგრესიით შეხვდნენ, მუშაობის შესაძლებლობა არ მისცეს და ფიზიკურად გაუსწორდნენ. დაშავებული ჟურნალისტი და ოპერატორი სასწრაფო დახმარების ექიმებმა კლინიკაში გადაიყვანეს.

გერმანია

22 ნოემბერი 2019, 08:30

მსოფლიო

გერმანიაში ევროპის მასშტაბით ყველაზე მაღალი საავტომობილი ხიდი გაიხსნა

გერმანიაში ევროპის მასშტაბით ყველაზე მაღალი საავტომობილი ხიდი გახსნეს. მოზელის ხიდის სიმაღლე 160 მეტრი, სიგრძე კი ერთ ნახევარი კილომეტრია. ხიდის მშენებლობა 8 წლის წინ დაიწყო.

ხულო

22 ნოემბერი 2019, 08:15

ძალოვნები

ხულოში 7 სახლი დაიწვა

ხულოში, სოფელ მეხალაშვილებში ხანძრისას 7 სახლი დაიწვა. დამწვარია 5 დამხმარე ნაგებობაც. ხულოს მერმა განაცხადა, რომ შემთხვევისას არავინ დაშავებულა. ვახტანგ ბერიძის თქმით, სახანძრო სამსახურის ჯგუფები ადგილზე ახლაც მუშაობენ, თუმცა ხანძრის გარცელების საშიშროება არ არსებობს.

პაციენტი გაყინეს

22 ნოემბერი 2019, 00:50

ტექნოლოგიები

აშშ-ში ქირურგიულ ჩარევამდე პაციენტი გაყინეს

გამოცემა New Scientist-მა დაწერა პირველ პაციენტზე, რომელიც ექიმებმა რეანიმაციაში ყოფნისას გაყინეს, კერძოდ ჰიპოთერმულ მდგომარეობაში გადაიყვანეს. ამ პროცედურის მიზანია დროის მოგება ქირურგიული ჩარევის დროს. ამ შემთხვევაში გულის გაჩერებისას არ ხდება სასიცოცხლოდ მნიშვნელოვანი ქსოვილების დაზიანება. ოპერაცია აშშ-ში მერილენდის უნივერსიტეტში ჩატარდა. ამ პროცედურის მოლოდინშია მძიმედ ტრავმირებული კიდევ 10 პაციენტი.