imedi /  10 ოქტომბერი 2019, 00:02 / სანდო წყარო

საგარეო საქმეთა სამინისტრო ჟენევის საერთაშორისო მოლაპარაკებების 49-ე რაუნდს გამოეხმაურა

საქართველოს საგარეო საქმეთა სამინისტრო ჟენევის საერთაშორისო მოლაპარაკებების 49-ე რაუნდს გამოეხმაურა. უწყების ცნობით მოლაპარაკებებზე აქცენტი გაკეთდა სოფელ ჩორჩანას სიახლოვეს საოკუპაციო ძალების დესტრუქციულ და პროვოკაციულ ქმედებებზე, აგრეთვე ცხინვალის რეგიონში ე.წ. გადასასვლელი პუნქტების ჩაკეტვის მძიმე ჰუმანიტარულ შედეგებზე.

საგარეო საქმეთა სამინისტროს განცხადებით თანათავმჯდომარეებმა და აშშ-ის წარმომადგენლებმა აღნიშნეს, რომ მოცემულ მონაკვეთზე უკანონო პროცესებს პირველად ჯერ კიდევ მიმდინარე წლის იანვარში ჰქონდა ადგილი, როცა საოკუპაციო ძალებმა ჩორჩანას ტყეში დაიწყეს ხეების მონიშვნა და ე.წ. „ბორდერიზაციის“ პროცესი.

„საქართველოს წარმომადგენლებმა გამწვავებული ვითარების ფონზე, ხაზი გაუსვეს ადგილზე ვითარების დეესკალაციის მნიშვნელობას და აღნიშნეს რუსეთის მხრიდან დესტრუქციული მოქმედებების უპირობო შეწყვეტისა და მოლაპარაკებების არსებულ ფორმატებში დიალოგის გაგრძელების აუცილებლობა. ქართველმა მონაწილეებმა დეტალურად განიხილეს საქართველოს აფხაზეთისა და ცხინვალის რეგიონების ოკუპაციისა და ფაქტობრივი ანექსიის პროცესის მძიმე შედეგები უსაფრთხოების და ჰუმანიტარული კუთხით. მათ ყურადღება გაამახვილეს ადგილზე მიმდინარე უკანონო მილიტარიზაციასა და სამხედრო წვრთნებზე.

მწვავედ დაისვა საოკუპაციო ხაზზე მავთულხლართებისა და სხვადასხვა ხელოვნური ბარიერების აღმართვის პროცესის გაგრძელება. ამ კონტექსტში აქცენტი გაკეთდა სოფელ გუგუტიანთკარში საოკუპაციო ძალების პროვოკაციულ ნაბიჯებზე, რის შედეგადაც რამდენიმე ადგილობრივმა ოჯახმა დაკარგა საკუთარ კარ-მიდამოზე წვდომა. განხილულ იქნა ასევე საოკუპაციო ხაზის გასწვრივ მოსახლეობის უკანონო დაკავებებისა და გატაცებების შემთხვევები, როგორც ვითარების დესტაბილიზაციის კიდევ ერთი ფაქტორი. ადგილზე არსებული მყიფე უსაფრთხოების გარემო დეტალურად მიმოიხილა ევროკავშირის სადამკვირვებლო მისიამ, რომელმაც ხაზი გაუსვა რუსეთის ფედერაციის მიერ ცეცხლის 2008 წლის 12 აგვისტოს შეწყვეტის შეთანხმებით ნაკისრი ვალდებულებების შეუსრულებლობას მაშინ, როცა საქართველო პირნათლად ასრულებს შეთანხმების ყველა პირობას.

განსაკუთრებული აქცენტი გაკეთდა რუსეთ-საქართველოს კონფლიქტის შედეგად დაზარალებული მოსახლეობის ფუნდამენტური უფლებებისა და თავისუფლებების უხეშ დარღვევებზე და ამ კონტექსტში ხაზი გაესვა რუსეთის, როგორც ეფექტური კონტროლის განმახორციელებელი ძალის, პასუხისმგებლობას. საქართველოს წარმომადგენლებმა მწვავედ დასვეს ცხინვალის რეგიონში საოკუპაციო ხაზის განუსაზღვრელი ვადით ჩაკეტვის საკითხი, რამაც მძიმე ჰუმანიტარული შედეგები გამოიწვია ადგილობრივი მოსახლეობისთვის. საუბარი შეეხო ასევე აფხაზეთის რეგიონში საოკუპაციო ხაზზე გადაადგილების კუთხით დაწესებულ ხელოვნურ შეზღუდვებს ივნის-სექტემბერში. თანათავმჯდომარეებმა, აშშ-ისა და საქართველოს წარმომადგენლებმა მოუწოდეს მონაწილეებს მოსკოვიდან, სოხუმიდან და ცხინვალიდან, რომ გახსნან ყველა ე.წ. გადასასვლელი და არ შეაფერხონ ადგილობრივი მოსახლეობის თავისუფალი გადაადგილება.

განხილვის ერთ-ერთ მთავარ საგანს წარმოადგენდა გალისა და ახალგორის რაიონების მაცხოვრებელთა ეთნიკური ნიშნით დისკრიმინაცია და შევიწროება. მწვავედ დაისვა ეთნიკური იდენტობის შეცვლაზე იქ მცხოვრები ქართველების იძულების საკითხი, ასევე მშობლიურ ენაზე განათლების აკრძალვის მძიმე შედეგები. მონაწილეებმა თბილისიდან წამოწიეს ოკუპირებულ ტერიტორიებზე ქართული კვალის წაშლის მცდელობები, მათ შორის, სოფელ ერედვში ქართულ ნასახლარებზე ნაგავსაყრელების მოწყობის ცინიკური გადაწყვეტილება. საქართველოს წარმომადგენლებმა კვლავ დასვეს დავით ბაშარულის, გიგა ოთხოზორიასა და არჩილ ტატუნაშვილის მკვლელობის საქმეებზე მართლმსაჯულების აღსრულების აუცილებლობა.

განხილულ იქნა ასევე აფხაზეთის რეგიონში უკანონოდ განთავსებულ რუსეთის სამხედრო ბაზაზე საქართველოს მოქალაქის, ირაკლი კვარაცხელიას, გარდაცვალების საკითხი. ადგილზე არსებული უსაფრთხოების გამოწვევების გათვალისწინებით, თანათავმჯდომარეებმა, აშშ-ისა და საქართველოს წარმომადგენლებმა ხაზგასმით აღნიშნეს ერგნეთისა და გალის ინციდენტების პრევენციისა და მათზე რეაგირების მექანიზმების დაუყოვნებლივ, ყოველგვარი წინაპირობების გარეშე, ფუძემდებლური პრინციპების დაცვით, აღდგენის საჭიროება“, - ნათქვამია სამინისტროს განცხადებაში.  

დღის წესრიგის ერთ-ერთ მთავარ თემას ტრადიციულად წარმოადგენდა ძალის არგამოყენება და უსაფრთხოების საერთაშორისო მექანიზმები.

„საქართველოს წარმომადგენლებმა რუსეთის ფედერაციას მოუწოდეს ძალის არგამოყენების ვალდებულების დადასტურებისა და შესრულებისკენ, იმ პირობებში როცა ოკუპირებულ ტერიტორიებზე უკანონო სამხედრო ყოფნით რუსეთი აგრძელებს ძალის გამოყენებას საქართველოს წინააღმდეგ, - აცხადებენ საგარეო საქმეთა სამინისტროში. 

მოლაპარაკებების მორიგი რაუნდი გაიმართება 2019 წლის 10-11 დეკემბერს.

ჟენევის საერთაშორისო მოლაპარაკებები შექმნილია 2008 წლის 12 აგვისტოს ცეცხლის შეწყვეტის შესახებ შეთანხმების საფუძველზე. 

ჟენევის საერთაშორისო მოლაპარაკებების 49-ე რაუნდი უშედეგოდ დასრულდა.

8 ოქტომბერს ცნობილი გახდა, რომ რუსეთის ფედერაციის დელეგაციაში ცვლილებებია. 11 წლის განმავლობაში ჟენევაში მოსკოვის მხრიდან მთავარი მომლაპარაკებელი საგარეო საქმეთა მინისტრის მოადგილე გრიგორი კარასინი იყო, 19 სექტემბერს ის ამ თანამდებობაზე ანდრეი რუდენკომ ჩაანაცვლა. კარასინი კარიერას ფედერაციის საბჭოში, სახალინის ოლქის სენატორად გააგრძელებს.

ჟენევაში მოლაპარაკებების 48-ე რაუნდი 2 ივლისს დაიწყო და 3 ივლისს დასრულდა.

ყველა სიახლე

ხოსეპ ბართომეუ

18 თებერვალი 2020, 00:45

სპორტი

„ბარსელონას“ პრეზიდენტს ტროლებისთვის მილიონი ევროს გადახდაში ადანაშაულებენ

მედიაში გავრცელებული ცნობით, საფეხბურთო კლუბმა „ბარსელონამ“ სხვადასხვა სოციალური ქსელის რამდენიმე ანგარიშისთვის 1 მილიონი ევრო გადაიხადა, რათა კლუბის პრეზიდენტის, ჟოზეპ მარია ბართომეუს რეპუტაცია დაეცვა და პარალელურად ლიონელ მესის, ხერარდ პიკეს, პეპ გვარდიოლას და „ბარსას“ სხვა ლეგენდების იმიჯი შეელახა, რომლებიც მომავალ ზაფხულს გასამართ გუნდის საპრეზიდენტო არჩევნებში მხარს ბართომეუს მთავარ კონკურენტს, ვიქტორ ფონტს უჭერენ.

laureus პრემია

18 თებერვალი 2020, 00:22

სპორტი

ლიონელ მესის და ლუის ჰემილტონს Laureus-ის პრემია გადაეცათ

ლიონელ მესი ისტორიაში პირველი ფეხბურთელია, რომელმაც laureus-ის პრემია მიიღო. laureus-ის პრემია 2000 წელს დაარსდა და მისი მფლობელები გახდნენ - ხუთჯერ როჯერ ფედერერი, ოთხჯერ უსაინ ბოლტი და ნოვაკ ჯოკოვიჩი, ორჯერ ტაიგერ ვუდსი და მიხაელ შუმახერი, ხოლო თითოჯერ ლენს არმსტრონგი და სებასტიან ფეტელი.

18 თებერვალი 2020, 00:02

ტაბლოიდი

ამერიკელი კონგრესმენი ადამ კინზინგერი დაქორწინდა

აშშ-ის კონგრესის საქართველოს მეგობართა ჯგუფის თანათავმჯდომარე, ამერიკელი კონგრესმენი ადამ კინზინგერი დაქორწინდა. თავის რჩეულთან გადაღებული ფოტოები მან Twitter-ზე განათავსა. ადამ კინზინგერის მეუღლე აშშ-ის ვიცე-პრეზიდენტის მაიკ პენსის ასისტენტი, სოფია ჰოლმენია. „ძალიან იღბლიანი ადამიანი ვარ, რომ ეს საოცარი ქალი ჩემი მეუღლეა“, - ეს ტექსტი დაურთო კონგრესმენმა მიკრობლოგზე განთავსებულ ფოტოებს.

მეგან მარკლი

17 თებერვალი 2020, 23:39

მსოფლიო

მეგან მარკლის ნახევარძმა: უსახლკაროდ დავრჩი, ხიდის ქვეშ შეიძლება აღმოვჩენილიყავი, მეგანი კი სამეფო კვარცხლბეკზე ზის და ხედავს რა დღეშია მისი ოჯახი

მეგან მარკლის ნახევარძმის ტომ მარკლის განცხადებით, მეგანს თავისი ოჯახისთვის ჰუმანიტარული დახმარება უნდა გაეწია, როდესაც ხედავდა თუ რა გასაჭირში იყო. სასექსის ჰერცოგინიას ნახევარძმა ტომ მარკლი, უსახლკაროდ მას შემდეგ დარჩა, რაც სამუშაო დაკარგა.

ბაშარ ასადი

17 თებერვალი 2020, 23:16

მსოფლიო

ბაშარ ასადი: გარე წნეხის მიუხედავად ტერორთან ბრძოლა გაგრძელდება

სირია, მიუხედავად გარე წნეხისა, ალეპოსა და იდლიბის პროვინციების ტერორისტებისგან გათავისუფლებას განაგრძობს, - განაცხადა პრეზიდენტმა ბაშარ ასადმა. რუსეთ-თურქეთის მოლაპარაკებების დაწყებამდე ერთი დღით ადრე სირიის სამთავრობო ჯარებმა ალეპოს ძირითადი ნაწილი დაიკავეს.

17 თებერვალი 2020, 23:05

ტექნოლოგიები

ბრიტანეთში ამინდის პროგნოზის კომპიუტერის შესაქმნელად £1,2 მილიარდს დახარჯავენ

ბრიტანეთში ე.წ. სუპერკომპიუტერის შექმნაზე დაიწყეს მუშაობა, რომელიც 1,2 მილიარდი გირვანქა სტერლინგი დაჯდება. ახალი კომპიუტერით მეცნიერები შესაძლო კატაკლიზმების შესახებ მიიღებენ ინფორმაციას, რაც სტიქიური უბედურებების მასშტაბებს შეამცირებს

17 თებერვალი 2020, 22:55

საქართველო

თელავის სკოლის პედაგოგი მოსწავლესთან ფიზიკური დაპირისპირების გამო სამსახურიდან დაითხოვეს

თელავის მეფე ერეკლე II-ის სახელობის სკოლაში ბიოლოგიის პედაგოგი, რომელიც მოსწავლეს ფიზიკურად დაუპირსპირდა, სამსახურიდან გაათავისუფლეს. შესაბამის ბრძანებას სკოლის დირექტორმა, მაია ოთარაშვილმა ხელი დღეს მოაწერა.

უილიამ ბარი

17 თებერვალი 2020, 22:48

მსოფლიო

აშშ-ის იუსტიციის დეპარტამენტის ათასზე მეტი ყოფილი თანამშრომელი გენერალურ პროკურორს გადადგომისკენ მოუწოდებს

აშშ-ის იუსტიციის დეპარტამენტის 1,100 ყოფილი თანამშრომელი აშშ-ს გენერალურ პროკურორს გადადგომისკენ მოუწოდებს. იუსტიციის დეპარტამენტის ყოფილი თანამშრომლები ღია წერილში აღნიშნავენ, რომ როჯერ სტოუნის საქმეში ფედერალური პროკურორების გადაწყვეტილების შეცვლა უპრეცედენტო იყო.

ანრი ოხანაშვილი

17 თებერვალი 2020, 22:37

საქართველო

ანრი ოხანაშვილი: იურიდიულ კომიტეტზე ირაკლი შოთაძეს მაღალი დემოკრატიული სტანდარტის დაცვით მოვუსმინეთ

პარლამენტის იურიდიული კომიტეტის თავმჯდომარე ანრი ოხანაშვილმა ჟურნალისტებს განუცხადა, რომ კომიტეტზე ირაკლი შოთაძის მოსმენა მაღალი დემოკრატიული სტანდარტის დაცვით მოხდა. ირაკლი შოთაძის კანდიდატურას გენერალურ პროკურორად იურიდიულმა კომიტეტმა რეკომენდაცია 8 ხმით გაუწია. ჩატარდა ფარული კენჭისყრა. პროცედურას არ ესწრებოდა საპარლამენტო ოპოზიცია.

ნიგერი

17 თებერვალი 2020, 22:30

მსოფლიო

ნიგერში დევნილებისთვის ჰუმანიტარული დახმარების განაწილებისას ჭყლეტას მსხვერპლი მოჰყვა

ქალაქ დიფაში, დევნილებისთვის ჰუმანიტარული დახმარების განაწილებისას ჭყლეტის შედეგად სულ მცირე 20 ადამიანი დაიღუპა, ხოლო 12 დაშავდა. დაღუპულებს შორის ძირითადად ქალები და ბავშვები არიან.

დიეგო კოლასი

17 თებერვალი 2020, 22:13

საქართველო

საფრანგეთის ელჩი: ვიმედოვნებთ, პოლიტიკურ ძალებს შორის მოლაპარაკებები წარმატებით ჩაივლის, რომ საქართველოში არჩევნები საუკეთესოდ ჩატარდეს

საფრანგეთის ელჩი დიეგო კოლასი საქართველოში არჩევნების ევროპული სტანდარტებით ჩატარების მნიშვნელობაზე საუბრობს. კოლასის განცხადებით, ამისთვის საჭიროა პოლიტიკურ ძალებს შორის შეთანხმება.

პარიზი

17 თებერვალი 2020, 21:47

მსოფლიო

პარიზში სამართალდამცველებმა აქციის მონაწილეებს პარლამენტის შენობისკენ მიმავალი გზა გადაუკეტეს

საფრანგეთის პარლამენტში საპენსიო სისტემაში ცვლილებების განხილვა მიმდინარეობს. პარლამენტის ირგვლივ ვითარება დაძაბულია; აქციის მონაწილეები მთავრობას გადადგომისკენ მოუწოდებს.

ირაკლი შოთაძე

17 თებერვალი 2020, 21:32

საქართველო

ირაკლი შოთაძე: თუ ამირჩევენ გენერალური პროკურატურა იქნება დამოუკიდებელი და პოლიტიკური გავლენებისგან თავისუფალი

უპირველეს ყოვლისა თითოეულ გადაწყვეტილებას ვიღებ პირადად, დამოუკიდებლად, ვარ ზრდასრული ადამიანი , - ამის შესახებ გენერალური პროკურორობის კანდიდატმა ირაკლი შოთაძემ პარლამენტში იურიდიულ კომიტეტში მოსმენის დასრულების შემდეგ განაცხადა.

ევროკავშირი

17 თებერვალი 2020, 21:26

საქართველო

ევროპარლამენტი: ნებისმიერ ევროპულ ქვეყანას, რომელიც პატივს სცემს ევროკავშირის ფასეულობებს, შეუძლია განაცხადი გააკეთოს ევროკავშირში გაწევრიანებაზე

დოკუმენტში, რომლის ავტორი ევროპარლამენტარი პეტრას აუსტრევიჩიუსია, აღნიშნულია, რომ ევროკავშირმა უნდა აღიაროს, რომ იმ ქვეყნებს, რომლებიც ყოვლისმომცველ რეფორმებს ატარებენ და ზომებს იღებენ, რომ დააკმაყოფილონ ევროკავშირის ხელშეკრულების 49-ე მუხლის კრიტერიუმები, ევროკავშირში გაწევრიანების უფლება უნდა ჰქონდეთ ეტაპობრივი ინტეგრაციის მეშვეობით.

17 თებერვალი 2020, 20:53

საქართველო

ირაკლი შოთაძის კანდიდატურას გენერალურ პროკურორად იურიდიულმა კომიტეტმა რეკომენდაცია 8 ხმით გაუწია

ირაკლი შოთაძის კანდიდატურას იურიდიულმა კომიტეტმა რეკომენდაცია 8 ხმით გაუწია. კომიტეტზე ფარული კენჭისყრა ჩატარდა; პროცედურას ოპოზიცია არ ესწრებოდა. კომიტეტზე ირაკლი შოთაძის მოსმენა 6 საათს მიმდინარეობდა.

მამუკა მდინარაძე

17 თებერვალი 2020, 20:51

საქართველო

მამუკა მდინარაძე: „ნაციონალურმა მოძრაობამ“ 50 მლნ-მდე მოიპარა ბიუჯეტიდან, აპირებენ თუ არა, ეს ფული დააბრუნონ ბიუჯეტში?

ამის შესახებ საქართველოს პარლამენტის თავმჯდომარის მოადგილემ, მამუკა მდინარაძემ იურიდიულ საკითხთა კომიტეტის სხდომაზე განაცხადა, სადაც გენერალური პროკურორობის კანდიდატ ირაკლი შოთაძეს უსმენენ. მამუკა მდინარაძის შეფასებით, „ნაციონალურმა მოძრაობამ“ პასუხისმგებლობა უნდა აიღოს.

ირაკლი შოთაძე

17 თებერვალი 2020, 20:43

საქართველო

ირაკლი შოთაძე: გიგი უგულავას მეორედ მსჯავრდება არ მომხდარა

გენერალური პროკურორობის კანდიდატმა ირაკლი შოთაძემ პარლამენტის იურიდიულ საკითხთა კომიტეტის სხდომაზე დეპუტატის კითხვაზე საპასუხოდ თბილისის ყოფილი მერის, გიგი უგულავას საქმესთან დაკავშირებით დამდგარ განაჩენზე განმარტება გააკეთა.

ქეთევან ციხელაშვილი

17 თებერვალი 2020, 20:34

საქართველო

ქეთევან ციხელაშვილმა ოკუპირებულ ტერიტორიებზე შექმნილი ვითარება ჟენევის დისკუსიების თანათავმჯდომარეებთან განიხილა

შერიგებისა და სამოქალაქო თანასწორობის საკითებში სახელმწიფო მინისტრმა, ქეთევან ციხელაშვილმა ოკუპირებულ ტერიტორიებზე შექმნილი ვითარება ჟენევის დისკუსიების თანათავმჯდომარეებთან განიხილა. ჟურნალისტებთან საუბრისას სახელმწიფო მინისტრი ეთნიკურად ქართველი დირექტორების გათავისუფლების საკითხ შეეხო და აღნიშნა, რომ ეს არ არის ერთეული შემთხვევა, ეს არის პოლიტიკის ნაწილი, რომელიც მშობლიურ ენაზე განათლების მიღებას ეწინააღმდეგება.

ქეთევან ციხელაშვილი

17 თებერვალი 2020, 20:08

საქართველო

ქეთევან ციხელაშვილი: ცხინვალის რეგიონი იზოლაციაშია, იმის გამო, რომ წამლებზე ქართული წარწერაა, მათი ამოღება ხდება

შერიგებისა და სამოქალაქო თანასწორობის საკითხებში სახელმწიფო მინისტრი ოკუპირებულ ახალგორში შექმნილ ვითარებაზე ჟურნალისტებს ესაუბრა. ქეთევან ციხელაშვილი მოუწოდებს ყველას, ვისაც დღეს ხელეწიფება ფაქტობრივი გადაწყვეტილებების მიღება, რომ დაუყოვნებლივ აღდგეს მიმოსვლა ასეთ კრიზისულ ვითარებაში და ადამიანებს მიეცეთ გადაადგილების შესაძლებლობა.

ირაკლი შოთაძე

17 თებერვალი 2020, 20:06

საქართველო

ირაკლი შოთაძე: ხორავას ქუჩის საქმეზე პოლიტიკური პასუხისმგებლობა არ ამიღია, რადგან პოლიტიკური თანამდებობის პირი არ ვყოფილვარ

ხორავას ქუჩის საქმეზე არანაირი პოლიტიკური პასუხისმგებლობა არ ამიღია და არ მქონია, რადგან პოლიტიკური თანამდებობის პირი არ ვყოფილვარ, - ამის შესახებ საქართველოს გენერალური პროკურორობის კანდიდატმა, ირაკლი შოთაძემ იურიდიულ საკითხთა კომიტეტის სხდომაზე განაცხადა.