imedi /  04 დეკემბერი 2019, 09:47 / სანდო წყარო

აშშ-ის სენატში საქართველოს მხარდამჭერი განცხადებები გაკეთდა

სენატი

3 დეკემბერს აშშ-ის სენატის საგარეო ურთიერთობათა კომიტეტში გაიმართა მოსმენა „რუსეთისადმი აშშ-ის პოლიტიკის მომავალი“, რომელზეც სენატორების წინაშე წარდგნენ პოლიტიკურ საკითხებში აშშ-ის სახელმწიფო მდივნის მოადგილე, დევიდ ჰეილი და საერთაშორისო უსაფრთხოებისა და გაუვრცელებლობის საკითხებში აშშ-ის სახელმწიფო მდივნის თანაშემწე, კრისტოფერ ფორდი. ინფორმაციას საქართველოს საგარეო საქმეთა სამინისტრო ავრცელებს.

მოსმენისას შესავალ სიტყვაში საქართველოს წინააღმდეგ რუსეთის აგრესიის დამგმობი განცხადება გააკეთა სენატის საგარეო ურთიერთობათა კომიტეტის თავმჯდომარემ, სენატორმა ჯეიმს რიშმა (რესპუბლიკელი-აიდაჰოს შტატი).

„რა თქმა უნდა, ჩვენ ყველამ ვიცით რუსეთის მიერ წლების განმავლობაში საქართველოსა და უკრაინაში შეჭრის თაობაზე, სხვა ქვეყნების ტერიტორიაზე რუსეთის მოქალაქეების მოწამვლის თაობაზე. რუსეთის ფედერაციის გამო დღეს მსოფლიო საშიში და ნაკლებად თავისუფალია“ - აღნიშნა სენატორმა რიშმა.

საქართველოსადმი მხარდამჭერი სიტყვით წარსდგა ასევე სენატის საგარეო ურთიერთობათა კომიტეტის თანათავმჯდომარე, სენატორი ბობ მენენდესი (დემოკრატი - ნიუ ჯერსის შტატი).

„ჩვენ ძალიან მკაფიო უნდა ვიყოთ, რომ რუსეთის მიერ 2008 წელს საქართველოში შეჭრის დღიდან მოყოლებული, კრემლის აგრესიული ქმედებების მრავალი მაგალითი, უბრალოდ დაუშვებელია და არ შეიძლება საერთაშორისო ურთიერთობების ნორმად იქცეს“- განაცხადა მენენდესმა.

პოლიტიკურ საკითხებში აშშ-ის სახელმწიფო მდივნის მოადგილის, ჰეილის განმარტებით, „რუსეთი თავის სამეზობლოში ცდილობს დომინირებას, რაც აისახა მის მიერ უკრაინისა და საქართველოს წინააღმდეგ მიმდინარე აგრესიაში.“

მისი სიტყვებით, აშშ-მა მნიშვნელოვანი სახის ფინანსური ვალდებულება აიღო, დაეხმაროს პარტნიორ ქვეყნებს - საქართველოსა და უკრაინას მდგრადობის გასაზრდელად. „უკრაინის დახმარების მსგავსად, ჩვენ საქართველოსთვის საგარეო სამხედრო დახმარების ფარგლებში 2014 წლიდან მოყოლებული გამოვყავით 170 მილიონი დოლარი, მათ შორის 94 მილიონი აშშ დოლარი 2018-2019 ფისკალური წლისთვის, რათა რუსეთისგან მომდინარე აგრესიის დასაძლევად გავაუმჯობესოთ საქართველოს მდგრადობა, გავაძლიეროთ ქვეყნის ტერიტორიული თავდაცვის შესაძლებლობები და მხარი დავუჭიროთ საქართველოს სამხედრო ტრანსფორმაციის ძალისხმევებსა და ნატო-სთან თავსებადობას.“-განაცადა ჰეილმა.

საერთაშორისო უსაფრთხოებისა და გაუვრცელებლობის საკითხებში აშშ-ის სახელმწიფო მდივნის თანაშემწემ, კრისტოფერ ფორდმა ხაზი გაუსვა რუსეთის მიერ საქართველოსა და უკრაინის წინააღმდეგ აგრესიასა და ტერიტორიების მიტაცებას, რუსეთის მიერ დამასკოს „მკვლელი რეჟიმის“ მხარდაჭერას, აშშ-ში ევროპასა და მსოფლიოს სხვა ადგილებში დემოკრატიული პროცესებისთვის რუსეთის ძირგამომთხრელ საქმიანობას.

„2014 წლიდან მოყოლებული, უკრაინისა და საქართველოს წინააღმდეგ განხორციელებული რუსეთის აგრესიის საპასუხოდ, აშშ-მა მკვეთრად გაზარდა რეგიონში უსაფრთხოების სფეროში დახმარება, რაც მიუთითებს ჩრდილოეთ ატლანტიკური ხელშეკრულების ფარგლებში არსებული კოლექტიური თავდაცვისადმი ჩვენს მტკიცე ვალდებულებასა და ევროპელი მოკავშირეებისა და პარტნიორებისადმი ჩვენს მხარდაჭერას, რათა წინ აღვუდგეთ რუსეთის აგრესიასა და გავლენას.“ - აღნიშნა ფორდმა.

ფორდმა ასევე ყურადღება გაამახვილა, „ღია ცის ხელშეკრულების“ ძალაში შესვლის დღიდან, რუსეთის მიერ მის შეუსრულებლობაზე. ამ მხრივ, მან გამოყო რუსეთის მიერ „ღია ცის ხელშეკრულების“ დარღვევის ფაქტები, მათ შორის, რუსეთის მიერ ოკუპირებული, საქართველოს ტერიტორიების სიახლოვეს განხორციელებული „ღია ცის ხელშეკრულების“ უხეში დარღვევის ფაქტები. 

აშშ-ის საგარეო ურთიერთობათა კომიტეტის წევრმა, სენატორმა, მიტ რომნიმ (რესპუბლიკელი-იუტას შტატი) ხაზი გაუსვა რუსეთის აგრესიულ ქმედებებს, კერძოდ, რუსეთის მიერ საქართველოსა და უკრაინაში შეჭრას, მსოფლიოს სხვადასხვა ნაწილში, განსაკუთრებით აშშ-ის არჩევნებში რუსეთის ჩარევის შემთხვევებს.

სენატორი კორი გარდნერის (რესპუბლიკელი-კოლორადოს შტატი) სიტყვებით, „რუსეთის ფედერაცია, ვლადიმირ პუტინის მმართველობით შეიჭრა მეზობლების საქართველოსა და უკრაინის ტერიტორიაზე; მხარს უჭერს ასადის სისხლიან რეჟიმს; გვმტრობს ავღანეთში; ჩართულია დასავლეთის დემოკრატიების წინააღმდეგ აქტიურ საინფორმაციო ომში, მათ შორის 2016 წელს ჩაერია აშშ-ის არჩევნებში. რუსეთი ასევე პასუხისმგებელია სხვა ქმედებებზეც, როგორიცაა 2014 წელს უკრაინის ტერიტორიაზე მალაიზიის თვითმფრინავის ჩამოგდება; 2018 წელს სოლსბერიში (გაერთიანებული სამეფო) ქიმიური შეტევის განხორციელება.

„რუსეთი ჩვენი აშკარა მოწინააღმდეგეა, რომელიც 2016 წელს ჩაერია აშშ-ის არჩევნებში. მას კვლავაც განზრახული აქვს იგივე გააკეთოს 2020 წელს [აშშ-ში] და ასევე ჩაერიოს მსოფლიოს სხვა დემოკრატიული ქვეყნების არჩევნებში. მე მჯერა, რომ ვლადიმერ პუტინი ავაზაკია და რუსეთის ფედერაცია სირიის, ჩრდილოეთ კორეის, ირანისა და სუდანის მსგავსად უნდა ვცნოთ ტერორიზმის სპონსორ სახელმწიფოდ“- განაცხადა გარდნერმა.

ყველა სიახლე

კორონავირუსი

25 თებერვალი 2020, 19:35

მსოფლიო

ევროპაში კორონავირუსის გავრცელების ორი ახალი კერა გაჩნდა

ევროპაში კორონავირუსის გავრცელების ორი ახალი კერა გაჩნდა. ესპანური გამოცემა El Pais-ის ცნობით, ინფორმაციით, კორონავირუსის პირველი შემთხვევები კატალონიაში და შვეიცარიაში გამოვლინდა. კატალონიის ადგილობრივმა ხელისუფლებამ რეგიონში ინფიცირების პირველი შემთხვევა დაადასტურა და კორონავირუსთან დაკავშირებით პროტოკოლი აამოქმედა.

დონალდ ტრამპი

25 თებერვალი 2020, 19:22

მსოფლიო

დონალდ ტრამპი: ჰარვი ვაინშტეინი მიშელ ობამას და ჰილარი კლინტონს უყვარდათ

„რაც შეეხება ვაინშტეინს, ის დემოკრატებს მოსწონდათ. მიშელ ობამას უყვარდა ის. ჰილარი კლინტონს უყვარდა ის. ვაინშტეინი დიდ ფულს აძლევდა დემოკრატებს. ჩემი კითხვაა: დააბრუნებენ დემოკრატები ამ ფულს უკან?“ - განაცხადა აშშ-ის პრეზიდენტმა.

ევროპული საქართველო აქცია ჰიმნი

25 თებერვალი 2020, 18:57

საქართველო

„ევროპული საქართველოს“ ოფისთან ახალგაზრდები მორიგ აქციას მართავენ

ახალგაზრდების ჯგუფი მორიგ აქციას მართავს ევროპული საქართველოს ოფისთან. აქტივისტების მოთხოვნა უცვლელია - ისინი ელენე ხოშტარიასგან და ირმა ნადირაშვილისგან დეპუტატების მანდატების დატოვებას ითხოვენ.

25 თებერვალი 2020, 18:49

მსოფლიო

ჯანდაცვის მსოფლიო ორგანიზაციის წარმომადგენელი: ქვეყნები მზად უნდა იყვნენ იმისთვის, რომ კორონავირუსი მათ კარზე დააკაკუნებს

ჯანდაცვის მსოფლიო ორგანიზაციის განცხადებით, ქვეყნები მზად უნდა იყვნენ იმისთვის, რომ კორონავირუსი მათ კარზე დააკაკუნებს. ამის შესახებ დღეს ჟენევაში გამართულ პრესკონფერენციაზე ორგანიზაციის ოფიციალურმა წარმომადგენელმა კრისტიან ლინდმაიერმა განაცხადა. ინფორმაციას ამის შესახებ „როიტერი“ ავრცელებს.

ატილა მესტერჰაზი

25 თებერვალი 2020, 18:47

საქართველო

ნატოს საპარლამენტო ასამბლეის პრეზიდენტი საქართველოსთან დაკავშირებით განცხადებას ავრცელებს

“ნატოს საპარლამენტო ასამბლეა აღიარებს საქართველოს სწრაფვას გახდეს ნატოს წევრი და საქართველოს მხარს უჭერს ამ გზაზე, კერძოდ საქართველოს პარლამენტთან მჭიდრო დიალოგისა და აქტიური თანამშრომლობის მეშვეობით”, - ნათქვამია განცხადებაში.

ნიკო მჭედლიშვილი

25 თებერვალი 2020, 18:27

ეკონომიკა

ნიკო მჭედლიშვილი: როცა ჩინეთს რაღაც ემუქრება ეს მსოფლიო ეკონომიკაზე გლობალურად აისახება

ჩინეთი სიდიდით მსოფლიოს მეორე ეკონომიკაა. შესაბამისად თუ ჩინეთის ეკონომიკას პრობლემა აქვს, ეს ნიშნავს რომ ნავთობზე მოთხოვნა მცირდება და შესაბამისად ფასიც ეცემა. როცა ჩინეთს რაღაც ემუქრება ეს აისახება გლობალური მასშტაბით მსოფლიო ეკონომიკაზე - ამის შესახებ ტელეკომპანია იმედის „დღის ქრონიკაში“ ბიზნესისა და ტექნოლოგიების უნივერსიტეტის ასოცირებულმა პროფესორმა ნიკოლოზ მჭედლიშვილმა განაცხადა.

ირაკლი სესიაშვილი

25 თებერვალი 2020, 18:18

საქართველო

ირაკლი სესიაშვილი: რუსეთი უნდა შეეგუოს, რომ საქართველო ნატოს წევრი გახდება

„ჩვენ რუსეთში დაბრუნებას არ ვაპირებთ. ეს ძალიან კარგად იცის რუსეთმა. ჩვენ მტკიცედ და პრინციპულად ვამბობთ, რომ საქართველო გახდება ევროკავშირის წევრი, საქართველო გახდება ნატოს წევრი. მხოლოდ ერთი მიმართულებით გვაქვს ბილეთი აღებული. ეს რუსეთმა ძალიან კარგად იცის. რუსეთი უნდა შეეგუოს, რომ საქართველო გახდება ნატოს წევრი“, - განაცხადა სესიაშვილმა.

ვოლოდიმირ ზელენსკი

25 თებერვალი 2020, 18:16

მსოფლიო

ვოლოდიმირ ზელენსკი: თუ მეშახტეების წინაშე დავალიანება არ დაიფარება, მთავრობის წევრები ხელფასს ვერ აიღებენ

უკრაინის პრეზიდენტმა ვოლოდიმირ ზელენსკიმ მოუწოდა მთავრობის წევრებს, მეშახტეების წინაშე არსებული დავალიანებისთვის საჭირო ზომები მიიღონ, წინააღმდეგ შემთხვევაში მინისტრთა კაბინეტის წევრები უახლოესი ორი თვის ხელფასს ვერ აიღებენ.

ირაკლი სესიაშვილი

25 თებერვალი 2020, 18:08

საქართველო

ირაკლი სესიაშვილი ნატოში ინტეგრაციაზე: თითოეული აგურის დადებას მივყავართ იქამდე, რომ კედლებზე სახურავიც უნდა აშენდეს

თითოეული აგურის დადებას მივყავართ იქამდე, რომ კედლებზე სახურავიც უნდა აშენდეს. თურქეთის განცხადებები, აშშ-ის მტკიცე მხარდაჭერა, ბალტიის ქვეყნებისა და აღმოსავლეთ ევროპის თანადგომა საბოლოო ჯამში ახდენს კონსოლიდაციას საერთო მიზნის გარშემო, - ამის შესახებ გადაცემაში „დღის ქრონიკა“ პარლამენტის თავდაცვისა და უსაფრთხოების კომიტეტის თავმჯდომარემ, ირაკლი სესიაშვილმა განაცხადა.

ირაკლი სესიაშვილი

25 თებერვალი 2020, 18:01

საქართველო

ირაკლი სესიაშვილი: საქართველომ დაამტკიცა, რომ ნატოს სანდო პარტნიორია

„ჩვენ ვამტკიცებთ, რომ საიმედოები ვართ, ვამტკიცებთ და ვმოქმედებთ პარტნიორებთან ერთად, გვაქვს მაღალი დონის სტანდარტი თავდაცვის და უსაფრთხოების სფეროში. ეს ყველაფერი გვაძლევს იმის საშუალებას, რომ არა მხოლოდ ვისაუბროთ, რომ ნატოს კარი ახლოს არის და ღია არის. არა, ჩვენ გვინდა, რომ ამ კარში შევიდეთ და ეს განაცხადი, ვფიქრობ, არის ძალიან სწორი“, - აღნიშნა დეპუტატმა.

25 თებერვალი 2020, 17:58

საქართველო

ცესკოს თავმჯდომარე ეროვნულ-დემოკრატიული ინსტიტუტის პრეზიდენტს შეხვდა

როგორც უწყებაში აცხადებენ, შეხვედრაზე მხარეებმა საქართველოს საარჩევნო ადმინისტრაციასა და ეროვნულ დემოკრატიულ ინსტიტუტს (NDI) შორის არსებული თანამშრომლობის მნიშვნელობაზე ისაუბრეს. აღინიშნა, რომ მხარეებს შორის არსებული თანამშრომლობის პრაქტიკა ქვეყანაში დემოკრატიული პროცესების განვითარებისა და საარჩევნო გარემოს გაუმჯობესებისთვის არის მნიშვნელოვანი.

25 თებერვალი 2020, 17:50

საქართველო

დავით ზალკალიანი ევროპის საბჭოს გენერალურ მდივანს შეხვდა

ევროპის საბჭოს მინისტრთა კომიტეტის მოქმედმა თავმჯდომარემ, საქართველოს საგარეო საქმეთა მინისტრმა დავით ზალკალიანმა შეხვედრა გამართა ევროპის საბჭოს გენერალურ მდივანთან მარია პეიჩინოვიჩ ბურიჩთან, - ამის შესახებ ინფორმაცია საქართველოს საგარეო საქმეთა სამინისტრიო ავრცელებს.

25 თებერვალი 2020, 17:38

საქართველო

წყალმომარაგების კომპანიის დირექტორი ლაგოდეხის მუნიციპალიტეტის მოსახლეობას შეხვდა

გაერთიანებული წყალმომარაგების კომპანიის დირექტორი, გიგა მანდარია, ლაგოდეხის მუნიციპალიტეტში მოსახლეობას შეხვდა და წყალმომარაგების კუთხით არსებულ ვითარებას გაეცნო, - ამის შესახებ ინფორმაციას საქართველოს გაერთიანებული წყალმომარაგების კომპანიის პრესსამსახური ავრცელებს.

ლარის კურსი

25 თებერვალი 2020, 17:27

ეკონომიკა

1 აშშ დოლარის ოფიციალური ღირებულება 2.7946 ლარი გახდა

საქართველოს ეროვნული ბანკის მიერ გამოქვეყნებული მონაცემების თანახმად, 26 თებერვლისთვის ერთი ამერიკული დოლარი 2.7946 ლარი ეღირება, ევრო – 3.0291 ლარი, ხოლო დიდი ბრიტანეთის გირვანქა სტერლინგი – 3.6266 ლარი. დღევანდელი ვაჭრობის შედეგად მიღებული კურსი ხვალ, 26 თებერვალს შევა ძალაში.

25 თებერვალი 2020, 17:11

მსოფლიო

უხანის უნივერსიტეტი სასტიპენდიო პროგრამის ფარგლებში უცხოელ სტუდენტებს სრულ დაფინანსებას სთავაზობს

უხანის უნივერსიტეტი სასტიპენდიო პროგრამის ფარგლებში უცხოელ სტუდენტებს სრულ დაფინანსებას სთავაზობს. ჩინეთის მთავრობის სასტიპენდიო პროგრამა მიზნად ისახავს უცხოელი სტუდენტების მოზიდვას.

ხორვატია

25 თებერვალი 2020, 17:10

მსოფლიო

ხორვატიაში კორონავირუსის პირველი შემთხვევა გამოვლინდა

ხორვატიაში კორონავირუსის პირველი შემთხვევა დადასტურდა, წერს CNN. გამოცემა ხორვატიის პრემიერ-მინისტრის ანდრეი პლენკოვიჩის პრესსამსახურის განცხადებაზე დაყრდნობით წერს. პაციენტი ხორვატიის მოქალაქეა, რომელიც ვირუსის მსუბუქი ნიშნებით ზაგრებში მდებარე კლინიკაში მოათავსეს. პაციენტი კარანტინში იმყოფება. ის იტალიიდან ერთი კვირის წინ ჩამოვიდა.

25 თებერვალი 2020, 17:00

საქართველო

ქეთევან ციხელაშვილი: ვფიქრობთ, შეიარაღებული კონფლიქტების შედეგად დაკარგულთა რიცხვი სიაში არსებულთა რაოდენობას საგრძნობლად აღემატება

შეიარაღებული კონფლიქტების შედეგად უგზო-უკვლოდ დაკარგული პირების მოძიებისა და გადმოსვენების უწყებათაშორისი კომისიის პირველი შეხვედრა გაიმართა. სახელმწიფოს სხვადასხვა უწყების წარმომადგენლებმა საკოორდინაციო მექანიზმების ფარგლებში მიმდინარე საქმიანობა, მიღწეული შედეგები და არსებული გამოწვევები განიხილეს.

25 თებერვალი 2020, 17:00

საქართველო

საქართველოს დელეგაცია საფრანგეთის სოლიდარობისა და ჯანმრთელობის სამინისტროს ესტუმრა

„ბავშვის უფლებათა კოდექსის“ იმპლემენტაციის ფარგლებში, ევროპული გამოცდილების გაზიარების მიზნით, საქართველოს დელეგაცია სოფო კილაძის ხელმძღვანელობით საფრანგეთის სოლიდარობისა და ჯანმრთელობის სამინისტროს ესტუმრა.

ლატარია

25 თებერვალი 2020, 16:56

ტაბლოიდი

ცოლის ნაჩუქარი ლატარიის ბილეთით ამერიკელი მილიონერი გახდა

ვირჯინიის შტატში მცხოვრებმა კაცმა ცოლისგან ნაჩუქარი ლატარიის ბილეთით ჯეკპოტი მოიგო. დენიელ შუმანის თქმით, მან ლატარიაში ბედი პირველად სცადა. საბოლოოდ, ცოლის საჩუქარმა მას მილიონი დოლარი მოუტანა.

25 თებერვალი 2020, 16:51

საქართველო

სალომე ზურაბიშვილი საბჭოთა ოკუპაციის დღესთან დაკავშირებით ქუთაისში სამხედრო ლიცეუმს ესტუმრა

საბჭოთა ოკუპაციის დღესთან დაკავშირებით, საქართველოს პრეზიდენტი ქუთაისში მდებარე კადეტთა სამხედრო ლიცეუმს ესტუმრა. სალომე ზურაბიშვილმა წარმატებული კადეტები დააჯილდოვა და ლიტერატურულ პერფომანსს დაესწრო, რომლითაც კადეტებმა დაღუპული იუნკერების ხსოვნას პატივი მიაგეს.